საქართველოს ყოფილმა პრემიერ-მინისტრმა ბიძინა ივანიშვილმა თელავის ვაჟა-ფშაველას სახელობის დრამატულ თეატრს ავტობუსი აჩუქა.
თეატრის სამხატვრო ხელმძღვანელის პაატა გულიაშვილის თქმით, მან აღნიშნული პრობლემის შესახებ ბიძინა ივანიშვილს პირადად აცობა.
„დაახლოებით თვენახევრის უკან იყო ბატონი ბიძინა თეატრში. ვუთხარი, რომ ტრანსპორტის გასაჭირი გვქონდა, დაგვპირდა მოგვარებას და შეგვისრულა პირობა. ავტობუსი ჯერ გადაეცა კულტურის სამინისტროს, ხოლო სამინისტრომ ჩვენ გადმოგვცა. საქართველოში არც ერთ თეატრს არა ჰყავს საკუთარი ავტობუსი, ჩვენ პირველები ვართ." - განაცხადა პაატა გულიაშვილმა.
„დიდი მადლობა ბატონ ბიძინა ივანიშვილს იმ დიდი სიხარულისთვის, რაც თელავის თეატრს მოგვანიჭა, მისი ძალიან საჭირო და აუცილებელი საჩუქრისთვის! გაიხარეთ და ყოველთვის თქვენ გვერდით გვიგულეთ!"- აღნიშნულია თეატრის ოფიციალურ „ფეისბუქ" გვერდზე.
