ედუარდ შევარდნაძე დარწმუნებულია, რომ ბიძინა ივანიშვილი რუსეთის კაცი არ არის და მზადაა, ამის თაობაზე ხატზეც დაიფიცოს, თუმცა აცხადებს, რომ იგივეს ვერ გააკეთებს და ვერც იტყვის სააკაშვილთან მიმართებაში.

ამის შესახებ ედუარდ შევარდნაძემ გაზეთ „ასავალ-დასავალთან" ინტერვიუში განაცხადა:

„დღევანდელი გადასახედიდან შემიძლია ხატზე დავიფიცო, რომ ბიძინა ივანიშვილი რუსეთის კაცი არ არის, რასაც ვერ ვიტყვი სააკაშვილზე.
დღევანდელი გადასახედიდან სააკაშვილი უფროა რუსეთის კაცი, ვიდრე სხვა ვინმე. რუსეთისთვის სააკაშვილი ყველაზე სასურველი კანდიდატი იყო საქართველოს პრეზიდენტის პოსტზე, ასეთს სხვას ვეღარ ნახავს. 2008 წლის აგვისტოში მან სააკაშვილისგან მიიღო ის, რაც უნდოდა და კიდევ ბევრს მიიღებდა, რომ არა ივანიშვილი. ამიტომაც არის, რომ კრემლი საქართველოს ახალ ხელისუფლებას მდგომარეობას ასე ურთულებს. ეგრეთ წოდებულ, საზღვარზე არსებულ სიტუაციას ვგულისხმობ. სააკაშვილის საქმე დამთავრებულია, მან დაკარგა ქართველის ხალხის ნდობა და, რაც მთავარია, რუსეთის ნდობაც", – აცხადებს ედუარდ შევარდნაძე გაზეთ „ასავალ-დასავალთან" საუბრისას.

წყარო