Mcvane.Ge თქვენი საწყისი გვერდი
მთავარი გვერდი ჩვენ შესახებ კონტაქტი რეკლამა
მთავარი გვერდი » ბომონდი » ნინი ბადურაშვილი: "დაფიცებული მაქვს, სიგარეტს აღარ დავუბრუნდები!"

ნინი ბადურაშვილი: "დაფიცებული მაქვს, სიგარეტს აღარ დავუბრუნდები!"

თარიღი: 23-06-2014, 08:00,
მომღერალმა ნინი ბადურაშვილმა ოჯახის წევრებს სანერვიულო გაუჩინა. შვილის გაჩენის შემდეგ ისე დაიკლო, რომ ახლა თავის ბუნებრივ წონასთან შედარებით 6 კილოთი ნაკლებია. თვითონ ამის გამო არ ღელავს, პირიქით, მოსწონს კიდეც, რადგან ეკრანზე უკეთესად გამოიყურება. ცურვა და ვარჯიში მისი ცხოვრების წესია, სწორი კვება კი დედის და დიდი ბებიების მაგალითზე ისწავლა. თავის ყველაზე დიდი მიღწევად მაინც სიგარეტზე უარის თქმა მიაჩნია. ზოგადად თავის მოვლას დიდ ყურადღებას აქცევს და თვლის, რომ ბავშვის გაჩენა ქალისთვის ხელისშემშლელი ფაქტორი არ უნდა გახდეს, რომ კარგად გამოიყურებოდეს. თავად მას გარემოც უწყობს ხელს – პატარა ელენეს გაზრდაში, სულ ცოტა, 5 ადამიანი ეხმარება. 
– ნინი, როგორ ფიქრობთ, ადამიანში გემოვნებას და სტილს რა აყალიბებს? 
– ჩემი აზრით, გემოვნებაც ნიჭია. გემოვნების განვითარება შესაძლებელია იმ შემთხვევაში, თუ ის საერთოდ არსებობს. ადამიანს სტილს უყალიბებს გარემო, ოჯახი და ა.შ. ნიჭიერ ადამიანს შეუძლია გემოვნების დახვეწა და სტილის სწორად მორგება. 
– თქვენს გემოვნებაზეც ოჯახმა იმოქმედა? 
– ყველაზე დიდი როლი დედამ ითამაშა. მე და ეკას დაახლოებით ერთნაირი სტილი გვაქვს, თუმცა ეკა ჩემზე უფრო კლასიკური და სადაა. 
– რაც დრო გადის, დედას სულ უფრო მეტად ემსგავსებით. მისი ცხოვრების წესი როგორია? 
– დედა ძალიან სწორად იკვებება. მიუხედავად იმისა, რომ სიმსუქნისკენ მიდრეკილება არ აქვს და, ჩემგან განსხვავებით, დიეტა არასდროს დაუცავს, ღამე კვებას მაინც ერიდება. ეკას კვება ზომიერია. ჩემი დიდი ბებიის, ქალბატონი შურას კვება საღამოს 5 საათზე სრულდება. მგონი, მას და ჩემს დიდ ბებია მარგო მიქელაძეს დავემსგავსე, რომელიც ძალიან სწორად იკვებებოდა. 
– ორსულობის შემდეგ ფორმაში ჩადგომა არათუ გაგიჭირდათ, ზოგის შეფასებით, ზედმეტადაც კი გახდით. რა არის ამის მიზეზი? 
– არანაირი დიეტა დამიცავს. ბავშვის გაჩენის შემდეგ ქალების გარკვეული კატეგორია უცებ კარგავს წონას, ეს ჩემს მეგობრებსაც დაემართათ. სამწუხაროდ, ბავშვი ბუნებრივ კვებაზე დიდხანს ვერ მყავდა, ფიზიკურად ვერ მოხერხდა. ის ორი თვე, რაც ბუნებრივ კვებაზე მყავდა, ბევრი პროდუქტისგან თავს ვიკავებდი, რადგან ელენე ძალიან ალერგიულია. მსუბუქად ვიკვებებოდი და შეიძლება ამანაც შეუწყო ხელი ჩემს გახდომას. მცხეთაში, აგარაკზე, გვაქვს სარბენი ბილიკი და სამშობიაროდან გამოწერის შემდეგ, მალევე მსუბუქად ვარჯიში დავიწყე. შემდეგ უკვე ფიტნესინსტრუქტორთან ერთად გავაგრძელე ვარჯიში, თუმცა ჩემი წონა ამის შედეგი არ არის – თავისით ჩავდექი ფორმაში. ცოტა ხნის წინ ავიწონე და ჩემს ბუნებრივ წონაზე 6 კილოთი ნაკლები ვარ. სახლში პანიკაა, რომ უნდა მოვიმატო, მაგრამ ეს წონა მე ძალიან მაკმაყოფილებს. 
– ადრეც ვარჯიშობდით? 
– სულ ვვარჯიშობდი – ვცურავდი ან ფიტნესცენტრში დავდიოდი. სპორტული ცხოვრება სტრესს ხსნის, რომელიც ამ საუკუნის დაძაბული და სწრაფი დღის რეჟიმის გამო ყველას აქვს. კვირაში სამჯერ ვარჯიში უკვე კარგ შედეგს გვაძლევს. 
– თმის ფერი რამდენჯერმე შეიცვალეთ. ექსპერიმენტების ჩატარების არ გეშინიათ? 
– ბავშვობიდან ვერჩი თმას, რადგან ერთფეროვნებას ვერ ვეგუები, თუმცა იმიჯი რადიკალურად არასდროს შემიცვლია. ძალიან მინდა მოკლედ, ბიჭურად შევიჭრა, მაგრამ ვერ ვრისკავ. ალბათ ოდესმე შევიჭრი. 
– გარეგნობაში ექსპერიმენტების ხშირად ჩატარება შეცდომებსაც არ გამორიცხავს. გქონიათ ამის მწარე გამოცდილება? 
– რამდენჯერაც გინდათ! ამის გამო ერთ დღეში ოთხჯერ შემიღებავს თმა და სერიოზულად დამიწვავს კიდეც. როგორც ამბობენ, ჩემი ბუნებრივი ფერის თმა, მუქი წაბლისფერი, მიხდება, მაგრამ სხვადასხვა ფერს მაინც ვცდი. 
– ეკრანზე ხშირად ჩანხართ და ყოველთვის უნაკლო მაკიაჟი გაქვთ. ეს ვიზაჟისტების დამსახურებაა? 
– ეკრანი ძალიან პრეტენზიულია. შეიძლება სარკის წინ ძალიან მოგწონდეს თავი, მაგრამ ეკრანზე, არასწორი განათების შედეგად, გამოსახულება არ მოგეწონოს. საბედნიეროდ, ყველა ტელევიზიაში მეგულება ერთი ვიზაჟისტი, რომელიც ვიცი, რომ მაკიაჟს კარგად გამიკეთებს. მოდაში შემოვიდა მუქი ან კაშკაშა წითელი ტუჩსაცხი. ვფიქრობ, ასეთ ფერებს თვალების მკვეთრად შეღებვა არ უხდება. 
– პლასტიკური ქირურგიით ან მსუბუქი ფორმით გარეგნობის კორექტირება გიცდიათ? 
– ტუჩები 3 წლის წინ გავიდიდე, ისიც მცირე დოზით. ამჟამად არაფერი მაქვს გაკეთებული, ჩემი ბუნებრივი ტუჩებია. ალბათ ასაკში ბოტოქსს გავიკეთებ. პლასტიკური ქირურგიის ზომიერად გამოყენების მომხრე ვარ, მით უმეტეს, თუ გარეგნობაში სერიოზული დეფექტი არსებობს. ზომიერებას დიდი მნიშვნელობა აქვს, რადგან პლასტიკური ქირურგიის შედეგად დამახინჯებული ადამიანებიც გვინახავს. ადამიანს ოპერაციის კვალი არ უნდა ეტყობოდეს. 
– ზოგს ძალიან ეშინია ასაკის მატების. თქვენ ფიქრობთ, როგორი იქნებით 30 წლის მერე? 
– ასაკის მატების არ მეშინია, რადგან ყველა ასაკს აქვს თავისი სილამაზე. ბევრ ქალს ვხედავ, ვინც თავს უვლის და ნაოჭებიც უხდება. 
– ამ ეტაპზე კანს როგორ უვლით? 
– ჯერ ბოტოქსი არ გამომიყენებია, არ მჭირდება. მხოლოდ მეზოთერაპიას ვიყენებ, რომლის საშუალებითაც კანი უფრო ჯანსაღად გამოიყურება. დღეში 2 ლიტრ წყალს ვსვამ და, რაც მთავარია, თითქმის 3 წელია სიგარეტს აღარ ვეწევი, დაახლოებით 10 წელი ვეწეოდი. 
– სიგარეტის გადაგდება ადვილი არ არის. გაგიჭირდათ? 
– ნამდვილად გამიჭირდა. ახლაც ხანდახან მომინდება,, რომ მოვწიო, მაგრამ დაფიცებული მაქვს, სიგარეტს აღარ დავუბრუნდები. 
– ვინ გიყურებთ სარკიდან, როგორ შეაფასებთ საკუთარ ორეულს? 
– სარკიდან ძლიერი ქალი მიყურებს და მიმაჩნია, რომ ძლიერი ვარ. ჰოროსკოპით თხის რქა და ხარი ვარ, ძალიან "რქიანი" ვარ და ყველანაირ დაბრკოლებას ვლახავ, ფარ–ხმალს არასდროს ვყრი. თვითკრიტიკული ვარ, მაგრამ – ზომიერად. საკუთარი გარეგნობით უფრო ხშირად კმაყოფილი ვარ, თუმცა გარდატეხის ასაკში ჩემი თავით ძალიან უკმაყოფილო ვიყავი. ვფიქრობ, დღეს უფრო კარგად გამოვიყურები. მიმაჩნია, რომ ყველა ქალს უხდება ბავშვის გაჩენა, სხვანაირი გამომეტყველება უხდებათ. ყველა ასაკს თავისი ხიბლი აქვს, 20 წლისას სხვანაირი სახე მქონდა, უფრო ბავშვური, ახლა სხვანაირი ვარ. მთავარია, რომ ქალმა ფორმა არ დაკარგოს. 
– როცა ამბობენ, რომ თავის მოვლას დატვირთული რეჟიმის, ბავშვის, თანხის არქონის და სხვა მიზეზების გამო ვერ ახერხებენ, ეს გასაგებია თქვენთვის? 
– ვერ დავეთანხმები. ბავშვიც მყავს, საქმეც მაქვს, მაგრამ მაინც ვახერხებ, თავს მივხედო. ვერ ვიტყვი, რომ 24 საათი სილამაზის სალონში ვარ, ამის არც დრო მაქვს და არც – სურვილი. ყველა ქალს შეუძლია თავს მიხედოს, თუნდაც სახლის პირობებში. არ მჯერა მიზეზების, რომ გათხოვდა, ბავშვი გააჩინა და საკუთარი თავისთვის დრო აღარ რჩებაო. ქალმა ჯერ საკუთარ თავს უნდა სცეს პატივი, შემდეგ – მეუღლეს და გარშემომყოფებს. 
– თქვენს ქალიშვილს, ელენეს, როცა გაიზრდება, რა რჩევებს მისცემთ გარეგნობასთან დაკავშირებით? 
– ვფიქრობ, ელენე ჩემგან თავის სტილს სწორად იპოვის, მაგრამ თავად აირჩევს, რაც მოეწონება. მის ცხოვრებაში რადიკალურად არასდროს ჩავერევი. 
– ძიძასთან ერთად ზრდით თუ მარტო? 
– ელენეს ის ძიძა ზრდის, რომელიც ქეთოს, ჩემს დას ზრდიდა. ამიტომ მას ვენდობით. ძალიან უყვარს ელენე, მგონი, უკვე მეცილება მის სიყვარულში... (იცინის). ძიძის გარდა, ელენეს აღზრდაში ჩართული არიან ბებია ფლორა, დედაჩემი ეკა, ბაბუაჩემი იმედო და მამაჩემი ერეკლე. არ მიმაჩნია სწორად, რომ შვილი ზედმეტად მიკრული გყავდეს. 
– როგორი ბავშვია ელენე, ხომ არ ჭირვეულობს? 
– ელენე გადარეული ბავშვია. ძალიან მშვიდი იყო პირველი ოთხი თვე. ახლა, რაც აზრზე მოვიდა, ძალიან ხულიგანია. მისი გამოკვებისთვის მთელი რიტუალების ჩატარება გვიწევს. ჩემნაირად უჭმელია. ამბობენ, რომ მე დამჯერი, წყნარი, გაწონასწორებული ბავშვი ვიყავი, საჭმელსაც ვჭამდი და ეს გიჟი ვის დაემსგავსაო... (იცინის). ვიცი, რომ ირაკლიც, მამამისი, ძალიან წყნარი ბავშვი იყო. ელენე დაემსგავსა დეიდას – ჩემს დას, ანასტასიას, რომელსაც ვერ ვაკავებდით. 

მანანა ნოდია, ჟურნალი სარკე  

წყარო: sana.ge






კომენტარები




მსგავსი სიახლეები:

ინფორმაცია
ჯგუფ Гости-ის წევრებს არ აქვთ კომენტარის დატოვების უფლება.


 

ფოტო განწყობისათვის
9-11-2018, 20:48
დარია სუხიშვილი მამიდას დედას ეძახის - როგორ ცხოვრობს და სად სწავლობს ილიკო სუხიშვილის უმშვენიერესი ქალიშვილი
6-11-2018, 07:36
ქუთაისში აზიური ფაროსანა დააბეს - ფოტო, რომელმაც სოცქსელი გახალისა
3-10-2018, 20:02
ფანტასტიკური ჟანრის თურქული სერიალი netflix-ზე და სტამბოლის მცველად გადაქცეული ჩაღათაი ულუსოი (ფოტო, ვიდეო)
27-09-2018, 09:45
როგორ იზრდება პატარა ევა, რომლის დედის გარდაცვალებამ მთელი საქართველო შეძრა
19-09-2018, 15:01
ბერა ივანიშვილის საცოლის ფოტოები "ინსტაგრამიდან"
15-09-2018, 14:54
ჭურჭლის მრეცხავობიდან მილიარდერობამდე - როგორ ცხოვრობს მსოფლიოს უმდიდრესი ადამიანის ცოლი (ფოტოები)
5-09-2018, 19:16
ქალს, რომელიც თავის სარჩენად სახლში ტორტებს აცხობს, ბინიდან გასახლებით და 5000-დოლარიანი ჯარიმით ემუქრებიან

ვიდეო კოლაჟი
გუშინ, 08:09
“67 წლის ვიყავი, სასიკვდილოდ გამიმეტეს…. “- როგორ იხსენებს 26 მაისის დარბევის ღამეს სასტიკად ნაცემი ბაბუ (ვიდეო)
გუშინ, 07:57
გრიგოლ ვაშაძე: ფუ მეზიზღება ეს ხალხი!
გუშინ, 07:28
სავარაუდო თვითმკვლელობა აბასთუმანში, რომელიც შესაძლოა, ოჯახურ ძალადობას უკავშირდებოდეს
15-11-2018, 17:00
„ძალიან დიდი უბედურება დატრიალდა” – კახა კალაძემ ემოციების გამო კომენტარის გაკეთება ვერ შეძლო [ვიდეო]
13-11-2018, 11:48
სააკაშვილი: ჩვენ დავიწყეთ სამხედრო მოქმედებები ცხინვალის რეგიონში
11-11-2018, 18:58
ადრიანა ლიმამ Victoria's Secret-ი დატოვა
9-11-2018, 19:39
ლანა ღვინჯილია, რომელმაც სალომე ზურაბიშვილს ოკუპაციის ხაზთან სიტყვიერი შეურაცხყოფა მიაყენა, სააკაშვილის საპრეზიდენტო ბიბლიოთეკის საზოგადოებასთან ურთიერთობის ხელმძღვანელია

     
News.Mcvane.Ge © 2013-2018 საავტორო უფლებები დაცულია