Mcvane.Ge თქვენი საწყისი გვერდი
მთავარი გვერდი ჩვენ შესახებ კონტაქტი რეკლამა
მთავარი გვერდი » ბომონდი » ნინო მუმლაძე: "ლამაზი ფეხები რომ მქონდეს, მოკლე კაბასაც ჩავიცვამდი"

ნინო მუმლაძე: "ლამაზი ფეხები რომ მქონდეს, მოკლე კაბასაც ჩავიცვამდი"

თარიღი: 9-04-2014, 13:21,
მსახიობები მედეა ლორთქიფანიძე და ნინო მუმლაძე სერიალ "ჩემი ცოლის დაქალებში" "მოსისხლე" მტრები არიან, რეალურ ცხოვრებაში კი ძალიან თბილი ურთიერთობა აქვთ. სხვადასხვა თაობის მსახიობები ერთმანეთში კარგი დაქალებივით განიხილავენ ქალისა და მამაკაცის ურთიერთობის ამოუწურავ თემებს, ყოფით პრობლემებს, კამათობენ, ხან თანხმდებიან, ხან – არა, მაგრამ ერთ ენაზე საუბრობენ. ქალბატონ მედეას ნინოს თავაზიანობა და გულგახსნილობა მოსწონს, ნინოს კი – უფროსი კოლეგის თანამედროვე აზროვნება. 
მედეა ლორთქიფანიძეს "სარკე" ნინო მუმლაძესთან ერთად ესტუმრა სახლში და იქ ნამდვილი ქალური ჭორაობა ატყდა! 
ნინო: მახსოვს, როცა სერიალში დათოს და ნათიას ამბები "დაიქოქა" და ქალბატონმა მედეამ ეს გაიგო, ასეთი რაღაც თქვა, ყველაფერი დათოს ბრალია, იჯდა ეს გოგო თავისთვის და ჩიჩქნიდა კბილებს, მივიდა, ატეხა ეს გოგო და ახლა არც იმისთვისაა და არც ცოლისთვისო. 
– ქალბატონო მედეა, თქვენს ქმარს რომ სხვა ქალისგან გაეჩინა ბავშვი, ღალატს აპატიებდით? 
მედეა: ვაპატიებდი და, სხვათა შორის, იმ ბავშვსაც მივიღებდი. ბავშვმა რა დააშავა? ვეტყოდი, რაც იყო, იყო, მაგრამ კიდევ თუ გავიგე, მერე მორჩა–მეთქი. რა თქმა უნდა, ეს პატიება ერთ და ორ თვეში არ მოხდებოდა, ისე ვერ მოვეფერებოდი, როგორც ადრე, მაგრამ გავურეცხავდი, საჭმელსაც დავახვედრებდი... 
ნინო: როგორც ნინა იქცეოდა. 
მედეა: ნინამ რომ აპატია, მე ეს მომწონს, შენ კი – არა. ალბათ ამიტომაც ზიხარ ასე! 
– ნინო, მამაკაცებთან უკომპრომისო ხართ? 
ნინო: მე საერთოდ პირად ცხოვრებაში რაღაც ცვლილებებს რთულად ვუდგები. მაინც მგონია, რომ ყველაზე მნიშვნელოვანი თავმოყვარეობაა. 
– ცხოვრებაში ყველაფერი ხდება, ნათიას ადგილზე თავი არასდროს წარმოგიდგენიათ? 
ნინო: ნათიას ადგილზე არც ვიქნები. ცხოვრებაში ბევრი რამ ხდება, მაგრამ როგორი გრძნობაც უნდა გქონდეს, როცა ხედავ, ადამიანს ცოლი, შვილები ჰყავს და თან პირდაპირ გეუბნება, ოჯახის დანგრევას არ აპირებს, ცოტა უნდა ინამუსო და თავმოყვარეობა გეყოს, რომ ეს ურთიერთობა არ გააგრძელო. ჩემი აზრით, იმ მომენტში ნათიას თავმოყვარეობა არ ეყო, რომ ეს რომანი აღარ გაეგრძელებინა. 
– მსგავსი შემთხვევები თქვენ გარშემო მომხდარა? 
მედეა: უფ, კი! ჩემს ახლობელ ადამიანს არაჩვეულებრივი ოჯახი, ორი შვილი ჰყავდა. ცოლ–ქმარს ერთმანეთზე მზე და მთვარე ამოსდიოდათ. ერთ დღეს ეს ბიჭი უცხოეთში წავიდა, იქიდან კი გაგიჟებული ჩამოვიდა, ერთი ქალი შეუყვარდა. 
ნინო: ამიტომაც არ უნდა გაუშვა ქმარი დიდი ხნით არსად. 
მედეა: ცოლს ეუბნებოდა, რაც გინდა, ის მიქენი, გინდ მომკალი, მიყვარს, მის გარეშე არ შემიძლიაო. მოკლედ, ცოლმა გაუშვა. ორი თვეც არ გასულა, იმასთან თავის რაღაცას რომ მიაღწია, ცოლს ფეხებში ჩაუვარდა, პატიება სთხოვა. ცოლმაც აპატია და გადასარევი ოჯახი აქვთ. 
– გიფიქრიათ, რატომ ხდება მსგავსი რამ, დაუფიქრებელი ნაბიჯებით ოჯახს და სიყვარულს რატომ უქმნიან საფრთხეს? 
ნინო: ეს მხოლოდ ქართველების პრობლემა არ არის, მთელ მსოფლიოში ხდება. ადამიანები ვართ და შეცდომები მოგვდის. ყველა სიტუაცია ინდივიდუალურია. ის, რაც შენთვის სიყვარულია, სხვისთვის გატაცებაა. ხშირად ადამიანები იმაზეც ვერ ვთანხმდებით, სიყვარული რა არის და, მით უმეტეს, მსგავს სიტუაციებში გამოსავლის მოძებნა რთულია. 
– მეგობარი ბიჭის, ანუ ბოიფრენდის ყოლაზე რა აზრის ხართ? 
მედეა: არ დაიჯეროთ, რომ ქალს, რომელსაც ბოიფრენდი ჰყავს, მისი ცოლობა არ უნდა! უბრალოდ მამაკაცს არ უნდა ეს და გოგოც ამბობს, რომ მასაც არ უნდა. ყველა ქალს უნდა გათხოვება, შვილი და ოჯახი. 
ნინო: გააჩნია ბოიფრენდსაც. შეიძლება კაცთან გარკვეულ დონეზე ძალიან კარგად იყო, მაგრამ სულაც არ გინდოდეს, რომ მას მთელი ცხოვრება დაუკავშირო. 
მედეა: მაშინ რატომ გყავს?! 
ნინო: მასთან ურთიერთობა გსიამოვნებს. 
მედეა: კარგი, იმ კაცმა მიგატოვა. მერე? 
ნინო: სხვას გავყვები ცოლად. 
მედეა: იქნებ იმანაც არ გითხოვა, ასე ხომ არ ჩამოივლი?! საქართველოში ამას ვერ გააკეთებ. უცხოელებმა ჩემს მეგობარზე რომ გაიგეს, ქალიშვილიაო, გაგიჟდნენ, როგორ, არავის მოეწონაო. ამას ყველა სხვადასხვანაირად უყურებს. მე მომწონს, როცა ნორმალურად გაქვს ქორწილი, ოჯახი და ა.შ. 
ნინო: მთავარია, ეს ყველაფერი კარგ ადამიანთან გქონდეს. შეიძლება ასეთი ადამიანი 40 წლამდე არ შეგხვდეს და პირველ შემხვედრს ხომ არ უნდა გაჰყვე ცოლად? 
– ქალბატონო მედეა, თქვენ რომ ახლა ახალგაზრდა იყოთ, მეგობარი ბიჭი არ გეყოლებოდათ? 
მედეა: იმ დროიდან რომ მოვდივარ, ამიტომაც მგონია, რომ არ მეყოლებოდა, მაგრამ შეიძლება მეც ასე გამეკეთებინა, აი, ფეხის ხმას რომ აჰყვება ადამიანი. სიგარეტის მოწევისა არ იყოს, თავიდან რომ არ მენახა, სხვა როგორ ეწეოდა, მეც ხომ არ მოვწევდი? 
– სერიალში ნინას ახალი მეზობელი ჰყავს – ლიბერალური შეხედულებების განათხოვარი ახალგაზრდა ქალი ანკა, რომელსაც თინა მახარაძე თამაშობს. მისნაირ გოგონებზე რა აზრის ხართ? 
მედეა: უი, იმას ნახეთ, რა დღეს დავაყრი, თუ რამე სხვანაირი ლაპარაკი შევამჩნიე! მანანა აუცილებლად უსაყვედურებს, მაგრამ მე, მედეა ლორთქიფანიძე – არა. რაც გინდა, იყავი, მთავარია, ჩემთან იყო კარგი. მე "ასეთი" ამხანაგებიც მყავდა და "ისეთებიც", მაგრამ ყველასთან ვმეგობრობდი. 
– საზოგადოებაში დიდი ალიაქოთი მოჰყვა თინა მახარაძის თამამ მსჯელობებს. 
მედეა: ყველა მირეკავდა, ის არ ეყო, ერთ–ერთ გადაცემაში რაღაცეები რომ თქვა, სერიალშიც ყოფილ ქმარს ეგეთი სიტყვა როგორ უთხრაო. სერიალში რაც თქვა, მისი ბრალი არაა, სცენარში რასაც დაუწერენ, იმას ამბობს. ამას წინათ "სარკეში" წავიკითხე, გივი ბერიკაშვილი ამბობდა, მარჯანიშვილის თეატრში ერთმა მსახიობმა "შობელძაღლო" თქვა და მედიკო ჯაფარიძეს გული შეუწუხდა, როგორ შეიძლება ასეთი სიტყვა თქვა სცენიდანო. ახლა კიდევ ტელევიზორში გაუგონარ სიტყვებს იყენებენ. ეს ბილწსიტყვაობა უნდა ამოიღონ საერთოდ! არც ის მომწონს, ტიტლიკანები რომ დარბიან და სცენაზე საცურაო კოსტიუმებით გადიან. კი, ზოგიერთს კარგი ფეხები აქვს, მაგრამ რაღაც დამალული ხომ უნდა გქონდეს? ყველაფერი შეიძლება გარეთ გამოიტანო? შენ რას იტყვი, ნინო? შენ მუხლზემოთ კაბას ჩაიცვამ? 
ნინო: იმიტომ არ ჩავიცვამ, რომ არ მიხდება, თორემ რომ მიხდებოდეს, ჩავიცვამდი. 
მედეა: უყურე შენ! 
ნინო: დეკოლტე რომ მიხდება, ხომ მაცვია? ლამაზი ფეხები რომ მქონდეს, მოკლე კაბასაც ჩავიცვამდი. 
– სერიალს თავი დავანებოთ და ის მითხარით, ერთმანეთი პირველად გადასაღებ მოედანზე ნახეთ? 
ნინო: არა. როცა ტელეწამყვანი ვიყავი, "ჩემი ცოლის დაქალები" უკვე პოპულარული იყო და მანანა და ჯემალი, ანუ ქალბატონი მედეა და ლეო ანთაძე, გადაცემაში მივიწვიე სტუმრად, რაღაც წვნიანი მოვამზადეთ. ძალიან ვიმხიარულეთ. 
მედეა: რას ვიფიქრებდი, რომ მერე სერიალში ერთად ვიქნებოდით! ძალიან მიყვარს გოგო, რომელსაც მთელი სახე, გული და სხეული უცინის. ნინოც ასეთია, არ ბილწსიტყვაობს, თავშეკავებული, თბილია, კარგი სალამი იცის. გადაფსკვნილი დაქალები არ ვართ, მაგრამ ვიქნებით. ჰო, მართლა, ბავშვებო, ჩემთან ამოდით ხოლმე! 
ნინო: ქალბატონი მედეა გაცილებით უფრო თანამედროვე და გახსნილი ადამიანია, ვიდრე მისი პერსონაჟი. მანანას მაინც დიასახლისის აზროვნება აქვს, რომელიც სამყაროს თავისი სამზარეულოდან უყურებს. ქალბატონი მედეა კი ბევრ რამეზე ძალიან ობიექტურად და თანამედროვედ მსჯელობს. ქალბატონო მედეა, ამას თქვენში ვაფასებ და ძალიან, ძალიან მიყვარხართ! 

ეკა ლემონჯავა, ჟურნალი სარკე  

წყარო: sana.ge






კომენტარები




მსგავსი სიახლეები:

ინფორმაცია
ჯგუფ Гости-ის წევრებს არ აქვთ კომენტარის დატოვების უფლება.


 

ფოტო განწყობისათვის
7-12-2018, 19:22
,,თვალის ჩაპაჭუნებაზე სამუშაო მაქვს აშკარად" -ალეკო ელისაშვილი
3-12-2018, 19:43
სალომე ზურაბიშვილი ახალგაზრდობაში შვილებთან ერთად - ოჯახური ფოტო
3-12-2018, 19:39
2018 წლის ზამთრის ერთ-ერთი მოთხოვნადი აქსესუარი წვერის მანათობელი ნათურაა
9-11-2018, 20:48
დარია სუხიშვილი მამიდას დედას ეძახის - როგორ ცხოვრობს და სად სწავლობს ილიკო სუხიშვილის უმშვენიერესი ქალიშვილი
6-11-2018, 07:36
ქუთაისში აზიური ფაროსანა დააბეს - ფოტო, რომელმაც სოცქსელი გახალისა
3-10-2018, 20:02
ფანტასტიკური ჟანრის თურქული სერიალი netflix-ზე და სტამბოლის მცველად გადაქცეული ჩაღათაი ულუსოი (ფოტო, ვიდეო)
27-09-2018, 09:45
როგორ იზრდება პატარა ევა, რომლის დედის გარდაცვალებამ მთელი საქართველო შეძრა

ვიდეო კოლაჟი
გუშინ, 20:58
სამი შვილის დედამ მტკვარში გადახტომამდე ვიდეომიმართვა გაავრცელა (ვიდეო)
გუშინ, 14:48
"იმ სახელმწიფოს დედა ვატირე, გრიგოლა ვაშაძე გადატრიალებას რომ დავუპირებს! "- კახი კალაძე
გუშინ, 14:37
თქვე ამოსაწყვეტებო თუ ვინმე ჩამოდის თქვენს დაუბანელ და სუნიან საქართველოში მადლობა თქვით (ვიდეო)
15-12-2018, 20:22
კურორტ გოდერძიზე 4K ფორმატის ახალი საიმიჯო ვიდეორგოლი გადაიღეს
4-12-2018, 20:40
პილოტმა შეიტყო, რომ ბორტზე მისი სკოლის მასწავლებელი იმყოფებოდა და ემოციური სიურპრიზი მოუწყო (ვიდეო)
3-12-2018, 20:00
სულხან მოლაშვილმა რომელიღაც ეთერში დააყრანტალა, ბოკერიამ მაწამაო – თამარ ჩერგოლეიშვილი (ვიდეო)
30-11-2018, 20:11
2012 წელი - კარტოფილის დარიგება წინასაარჩევნოდ

     
News.Mcvane.Ge © 2013-2018 საავტორო უფლებები დაცულია