Mcvane.Ge თქვენი საწყისი გვერდი
მთავარი გვერდი ჩვენ შესახებ კონტაქტი რეკლამა
მთავარი გვერდი » ბომონდი » ნინა სუბლატი: "ამერიკაში ისეთი შეგრძნება მაქვს, თითქოს სამშობლოში დავბრუნდი"

ნინა სუბლატი: "ამერიკაში ისეთი შეგრძნება მაქვს, თითქოს სამშობლოში დავბრუნდი"

თარიღი: 31-03-2014, 12:44,
მომღერალი ნინა სუბლატი რამდენიმე დღეა, რაც ამერიკაში, კერძოდ, ნიუ იორკში იმყოფება და იმდენად აღფრთოვანებულია ამ ქალაქით, რომ მზად არის, სამუდამოდ იქ გადაბარგდეს. სოციალურ ქსელ "ფეისბუქში" სტატუსიც გამოაქვეყნა, საქართველოში "სად ვბანაობთ და ვინ გვაბანავებსო". ამ სიტყვების გამო ის ბევრმა გაკიცხა, სამშობლოს უპატივცემულობაში დაადანაშაულეს. ნინა კი ამბობს, რომ მხოლოდ იმის თქმა სურდა, ქართული შოუბიზნესი როგორ ჩამორჩება მსოფლიო რიტმს და რომ მას საქართველოში თავისი შესაძლებლობების წარმოჩენის საშუალება არ ეძლევა. ამის შესახებ ის ამერიკიდან გვესაუბრა. 
– ნინა, ამერიკაში რისთვის გაემგზავრეთ? 
– აქ რამდენიმე საქმიანი შეხვედრა მქონდა, ჩემს მეუღლეს, გიორგი შამანაურსაც კონცერტი და საქმიანი გეგმები აქვს. ჩემი სადებიუტო ალბომის თბილისში გამოსვლის შემდეგ, რომლის პრეზენტაციაც, სავარაუდოდ, მალე მოხდება, დიდი სურვილი მაქვს, ახალი პროექტი, ანუ მეორე ალბომი, უკვე ამერიკაში წარვადგინო. ამასთან დაკავშირებით რამდენიმე სტუდიასთან მქონდა შეხვედრა. რაღაც გეგმა მაქვს, რომელიც ბევრი მუშაობის შედეგად რეალობად იქცევა. შემდეგ კი ვნახოთ, რა მოხდება. წინასწარ არაფერი ვიცი. 
– ეს თქვენი პირველი მოგზაურობაა შტატებში. რა ემოცია მიიღეთ უცხო ქვეყანაში? 
– აეროპორტიდან რომ გამოვედი, თავი საკუთარ სახლში ვიგრძენი. ისეთი შეგრძნება მაქვს, თითქოს დიდი ხნის განმავლობაში დევნილი ვიყავი და ახლა, როგორც იქნა, სამშობლოში დავბრუნდი. პირველი, რაც ყველაზე მეტად მომეწონა და შემიყვარდა, აქაური ხალხია, რომლებსაც არანაირი აგრესია არ აქვთ და ისე ეპყრობიან ერთმანეთს, როგორც საკუთარი ოჯახის წევრებს. 
– "ფეისბუქზე" სტატუსი დაწერეთ, რომ რამდენიმე დღეა, უცხო ქვეყანაში ხართ და ორი ფრაზა გიტრიალებთ თავში – "სად ვბანაობთ და ვინ გვაბანავებს". 
– ეს ცოტა რთული თემაა ჩემთვის, რომელზეც საუბარი არ მსურს. ზოგმა ჩათვალა, რომ სამშობლო არ მიყვარს. ჩემი სტატუსის იდეა კი მხოლოდ ერთი იყო: მე არ მომწონს და ვაკრიტიკებ ყველაფერს, რაც საქმიანობაში ხელს მიშლის. ამ სტატუსით არც ხელისუფლება გამიკრიტიკებია, უბრალოდ ჩვენს ქვეყანაში მუსიკალური სფერო ჩამორჩენილია საყოველთაო რიტმს და ეს სიტყვები ამიტომაც დავწერე. 
– უფრო კონკრეტულად, რით მოგხიბლეს ნიუიორკელებმა? 
– საოცარი ხალხია. თუ რამე მოეწონათ, არ აქვს მნიშვნელობა, გიცნობენ თუ არა, აუცილებლად კომპლიმენტს გეუბნებიან. მაგალითად, რამდენიმე დღის წინ ჩაცმულობის გამო უამრავი კომპლიმენტი მივიღე უბრალო გამვლელისგან, გამყიდველისგან, ტურისტისგან. აქ არასდროს მალავენ ემოციებს. ამ ქალაქში თავიდანვე ისე ვიგრძენი თავი, როგორც თბილისში. იმის მიუხედავად, რომ ამბობენ, ნიუ იორკი დიდია და ორიენტირება ძნელიაო, მე და გიორგი რატომღაც ძალიან ადვილად ვაგნებთ ყველაფერს. 
– თქვენი ახალი იმიჯი – ქერა პარიკი, ნიუ იორკს დარჩება თუ თბილისშიც გამოგყვებათ? 
– ძალიან მიყვარს თმის ფერის შეცვლა. იმის გამო, რომ თმა შავად მაქვს შეღებილი, გადაღებვას ვეღარ ვახერხებ, ამიტომ პარიკებით დავკმაყოფილდი. თბილისშიც ამ იმიჯით ჩამოვალ, კიდევ ბევრი პარიკი მაქვს ნაყიდი. 
– ძალიან ხართ მოხიბლული ნიუ იორკით. შესაძლებლობა რომ გქონდეთ, იცხოვრებდით ამერიკაში? 
– ნიუ იორკი ნამდვილად ის ადგილია, სადაც თავს ყველაზე კომფორტულად ვგრძნობ. იმედია, მომავალში მოვახერხებ და უკვე არა ერთი კვირით, არამედ სამუდამოდ საცხოვრებლად ჩამოვალ აქ. 
– ასე ადვილად მიატოვებთ სამშობლოს? 
– ვფიქრობ, შენი სამშობლო ისაა, სადაც ცხოვრება ყველაზე მეტად მოგწონს. ამასთან, სამშობლო ხელს უნდა გიწყობდეს საქმეში, თბილისის მუსიკალური სფერო კი, ასე ვთქვათ, კომუნისტურია, რომელსაც უცოდინარი ხალხი მართავს. უამრავ ახალგაზრდას აქვს ზღვა შესაძლებლობა, მაგრამ არ აქვს იმის საშუალება, რომ ცოდნა გამოავლინოს, პროფესიულად განვითარდეს. აქ კი სხვაგვარადაა, მთავარია, შრომისმოყვარე იყო, ცოტაოდენი იღბალი გქონდეს და წარმატებას მიაღწევ. 

მანანა ნოდია, ჟურნალი სარკე  

წყარო: sana.ge






კომენტარები




მსგავსი სიახლეები:

ინფორმაცია
ჯგუფ Гости-ის წევრებს არ აქვთ კომენტარის დატოვების უფლება.


 

ფოტო განწყობისათვის
15-09-2018, 14:54
ჭურჭლის მრეცხავობიდან მილიარდერობამდე - როგორ ცხოვრობს მსოფლიოს უმდიდრესი ადამიანის ცოლი (ფოტოები)
5-09-2018, 19:16
ქალს, რომელიც თავის სარჩენად სახლში ტორტებს აცხობს, ბინიდან გასახლებით და 5000-დოლარიანი ჯარიმით ემუქრებიან
22-08-2018, 20:01
აზერბაიჯანელი მოდელი ქალწულობას 100 000 ევროდ ყიდის - "მარია" მიღებული ფულით სახლის ყიდვას და მოგზაურობას აპირებს (ფოტოები)
15-08-2018, 20:03
İçerde - პოპულარული თურქი მსახიობები ჩაგათაი ულუსოი და არას ბულუთ ინემლი ქართველ მაყურებელს დაუბრუნდნენ
1-07-2018, 15:52
"ამერიკის ყველაზე მოდური ბებია" - "ჩემი სტილი მინიმალისტური, პროვოკაციული და ავანგარდულია"
15-06-2018, 12:37
ესტონეთში ასე ტოვებენ ხილს კორპუსებში მცხოვრებლებისთვის
5-06-2018, 08:07
მეტროპოლიტენი, სადაც მატარებელი მემანქანის გარეშე მოძრაობს (ვიდეო)

ვიდეო კოლაჟი
17-09-2018, 19:34
„არ წახვიდე, არ დამტოვო...“ - როგორ არის და სად მოღვაწეობს პოპულარული სიმღერის ავტორ-შემსრულებელი
12-09-2018, 19:59
ალი და ნინოს ძეგლზე ასვლისთვის დაკავებულ მამაკაცს 12-დღიანი პატიმრობა შეეფარდა, კონსტანტინე ედიბერიძე სასამართლოს დარბაზში მაგიდა ააყირავა
7-09-2018, 06:43
რესტორანი "აღა" გმირთა მოედანზე ჭამის სურვილს დაგაკარგვინებთ
6-09-2018, 15:33
ბარნოვის ქუჩაზე მოკლული გამრეკელაშვილის დედასა და ბრალდებულის შვილს შორის დაპირისპირება მოხდა (ვიდეო)
31-08-2018, 07:56
გიორგი შენგელაიამ ზვიად გამსახურდიას მკვლელი უწოდა (ვიდეო)
27-08-2018, 14:10
რა მიზეზით გარდაიცვალა ახალგაზრდა ქალი საკეისრო კვეთიდან 17 დღის შემდეგ?
24-08-2018, 20:11
სამარცხვინო ტელევიზია ხართ – კახა კალაძის ჩართვა და პასუხი “რუსთავი2”-ს

     
News.Mcvane.Ge © 2013-2018 საავტორო უფლებები დაცულია