Mcvane.Ge თქვენი საწყისი გვერდი
მთავარი გვერდი ჩვენ შესახებ კონტაქტი რეკლამა
მთავარი გვერდი » ბომონდი » დაენგრევა თუ არა ოჯახი ”ჩემი ცოლის დაქალების” ახალ სეზონში კატოს?
loading...

დაენგრევა თუ არა ოჯახი ”ჩემი ცოლის დაქალების” ახალ სეზონში კატოს?

თარიღი: 25-09-2013, 05:31,
"ჩემი ცოლის დაქალების" ახალი სეზონი იწყება. როგორ განვითარდება მოვლენები ტელესერიალში, რა სიახლეები და ცვლილებებია მოსალოდნელი, ამ თემაზე "ამბები.გე" "ენერგიულ დედამთილს", მსახიობ მედეა ლორთქიფანიძეს ესაუბრება.

- საინტერესო ამბები ვითარდება. ისე ჩაიხლართა სიტუაცია, ძალიან ვნერვიულობ, რა მოხდება. დეტალებზე ვერ ვისაუბრებ, საინტერესო აღარ იქნება მკითხველისთვის. ვიტყვი მხოლოდ ჩემ რძალ ნინაზე, რომ ძალიან ცუდად ექცევა ჩემს დათუნას. ვერ მოინელა დათუნას ცუღლუტობა და მოკლედ, პერიოდულად იძაბება სიტუაცია.

- რაც შეეხება თქენ ეკრანულ მეუღლეს, რაიმე ხომ არ შეცვლილა?

- რა უნდა შეცვლილიყო. ერთგულია ტელევიზორის და ხელიდან არ უშვებს პულტს. ვეუბნები გაიარე-გამოიარე, თვალს წყალი დაალევინე-თქო. არაფრით არ ცილდება ტელევიზორს. ზის და უყურებს საინფორმაციო გამოშვებებს. 





























- როგორც გავიგე ბაბულიკა უკრაინში დამკვიდრდება.
- კატოს გასცილდა. უკრაინაში ბრძანდება და უკრაინელ გოგოსთან ერთობა. არც კატო დარჩება მარტო. წინასწარ საუბარი არ შეიძლება, თუ როგორ განვითარდება მოვლენები. იმასაც ვიტყვი, რომ სეირალში ახალი გმირები შემოვლენ. სანდრექსასაც ვერ აქვს საქმე კარგად პირად გრძნობებთან. ნუ მომაყოლებთ სცენარს.

- თქვენი შვილიშვილები თუ უყურებენ "ჩემი ცოლის დაქალებს" და როგორი რეაქცია აქვთ, როდსაც ეკრანზე გხედავენ?
- როცა სერიალი იწყება, მაგ დროს უკვე სძინავთ, მაგრამ შაბათ-კვირას ძალიან ჯიუტობენ, დაძინებას სერიალის ყურება ურჩევნიათ. ნიცა ჯერ პატარაა. რატის კი ამ ბოლო დროს გაუცხოება დაეწყო ჩემს მიმართ. სახლში ძალიან თბილი და ყურადღებიანი ვარ. ეკრანზე კი მხედავს ისეთს, როგორი როლიც მაქვს. ბავშვი დაბნეულია და ხანდახან ვეღარ ხვდება, რეალურად როგორი ვარ. ცუდი ისაა, რომ ამ ბოლო დროს უწმაწური სიტყვებით და ჟარგონებით ლაპარაკი დაიწყო. ეს დიტოს, იგივე ბაბულიკას დამსახურებაა. ცუდია, რომ პატარები ასეთ რამეებს იმახსოვრებენ და ბაძავენ.

- სხვა შემოთავაზებებიც ხომ არ გაქვთ?
- ჯერ არაფერი შემოუთავაზებიათ. ბედნიერი ვარ, რომ ამ სერიალმა სიცოცხლე გამიხანგრძლივა და გამახალისა. მადლობას ვუხდი ეკა მჟავანაძეს, რადგან მისი დამსახურებით დამამტკიცეს მანანას როლზე. მადლობას ვუხდი ჩემს ხიჩკოკს - ასე ვუწოდებ სერიალის რეჟისორ გიორგი ლიფონავას. კარგი გუნდი ვართ და შედეგიც სახეზეა - ეს სერიალი ყველამ შეიყვარა.

- როგორც შევიტყვეთ, ბოლო დროს ინტერნეტით დაინტერესებულხართ?
- როგორც ვხედავ, კარგი საქმის გაკეთებაც შეიძლება კომპიუტერით და "ფეისბუქით". თუ ამიხდება ნატვრა და მექნება ლეპტოპი, მაშინვე შევქმნი "ფეისბუქზე" გვერდს, სახელწოდებით "მანანა ბებოს რჩევები".

- "მანანა ბებოს რჩევებს" რატომ დაარქმევთ?
- სერიალიდან ყველა მანანა ბებოთი და ქოთქოთა დედამთილის როლით მიცნობს. ჰოდა, ამ გვერდზე ისეთ საინტერესო რჩევებს მივცემ დედამთილებს, რძლებს, სიდედრებს და სიძეებს, რომ საუკუნეების განმავლობაში რძალ-დედამთილსა და სიძე-სიდედრს შორის ქიშპობა აღარ იქნება.

- დედამილის სახეს მშვენივრად ქმნით ეკრანზე და, ალბათ, ბევრ მეგობარსაც შეიძენთ "ფეისბუქზე".
- მგონია, რომ კარგად წავა საქმე. ბევრი მომწერს, გამიზიარებს თავიანთ წუხილსა და დარდს. შეძლებისდაგვარად დავეხმარები და მივცემ რჩევებს. მე რეალურ ცხოვრებაში სიდედრი ვარ. არაჩვეულებრივი სიძე მყავს. ბუნჩულა ადამიანია. მე კი ვარ ბუნებით ხმაურიანი, მაგრამ როგორც სიდედრი, კარგი ვარ. სიძეს ვეუბნები ხოლმე, გულით უნდა ატარო ჩემი სურათი-თქო...

- კომპიუტერთან მუშაობა იცით?
- ორი შვილიშვილი მყავს - ნიცა და რატი. რატი 4 წლისაა და უკვე რაღაც რაღაცები იცის. დამეხმარება, რომ რაღაც-რაღაცები ავითვისო. რაც შეეხება ნიცას, ის პატარაა. თავიდან მავიწყდებოდა მისი სახელი. ხან საფრანგეთის საკურორტო ქალაქს ვეძახდი და ხანაც რიო დე ჟანეიროს (ეცინება). ახლა დავიმახსოვრე მისი სახელი. ენაცვალოთ ბებო ჩემს შვილიშვილებს...

- მანანა ბებოს, ალბათ, ქუჩაშიც სცნობენ..
- არავინ თქვას, მომბეზრდა პოპულარობაო. მე, მაგალითად, ძალიან მიხარია, როდესაც დამინახავენ და მიღიმიან. იმ დღეს იუსტიციის სახლში ვიყავი საქმეზე. მუშაობის პარალიზება გამოვიწვიე. მომსახურე პერსონალიც და იქ მისული მოქალაქეები რიგში იდგნენ, ჩემთან ერთად ფოტოსურათები რომ გადაეღოთ. ქუჩაშიც მცნობენ და ტრანსპორტშიც. აი ბაზარში რომ მივდივარ, მაშინ ვარ ცუდ დღეში. რომ დავაფასებინებ თუნდაც პომიდორს მეუბნებიან 2 ლარი და 50 თეთრი ღირსო. სხვა ადგილას 1 ლარი და 50 თეთრიც ღირს. მე მრცხვენია სხვაგან ვიყიდო, რადგან მცნობენ სახეზე და არ მინდა იფიქრონ, ფული ენანებაო. ხანდახან უხერხულიცაა, ცნობადი როცა ხარ, მაგრამ მსახიობს მაყურებლის და პუბლიკის ყურადღება აძლევს სტიმულს. ბედნიერება მომიტანა ამ სერიალმა.

გიორგი ბერიძე
მიშო გოგიძე

წყარო




კომენტარები




მსგავსი სიახლეები:
 

ფოტო განწყობისათვის
15-06-2018, 12:37
ესტონეთში ასე ტოვებენ ხილს კორპუსებში მცხოვრებლებისთვის
5-06-2018, 08:07
მეტროპოლიტენი, სადაც მატარებელი მემანქანის გარეშე მოძრაობს (ვიდეო)
3-06-2018, 08:34
"19 წლისა გავთხოვდი, განა აესე დაჯღანულ ვიყავ" - 105 წლის, გუდამაყრელი ბებოს სათხოვარი
1-06-2018, 15:39
თაკო ჭანუყვაძე: „ერთადერთი მსგავსება, რაც კეკესთან მაქვს, ჩაცმის სტილია…“
24-05-2018, 11:53
“ჯერ გამოკითხა მოხუცი პაციენტი და მერე ასე მოეფერა” – ემოციური ფოტო კლინიკიდან
23-05-2018, 16:37
სამეფო წყვილმა ქორწილის ოფიციალური ფოტოები გამოაქვეყნა
23-05-2018, 12:07
პრინცესა დიანას 6 მიუტევებელი შეცდომა, რომელმაც სამეფო ოჯახი შეურაცხყო

ვიდეო კოლაჟი
გუშინ, 14:22
რას წერდა, მკვლელობამდე ცოტა ხნით ადრე, ანა ნაცვლიშვილი შეყვარებულს - უცნობი დეტალები (ვიდეო)
გუშინ, 14:14
54 წლის ქალი პითონმა გადაყლაპა - გაფრთხილება: ვიდეო შეიცავს მძიმე კადრებს (ფოტო, ვიდეო +18)
15-06-2018, 14:04
„ქალბატონ ლომჯარიას მერაბიშვილი კი არა, ნაწამები მოლაშვილი უნდა ახსენდებოდეს“ – კობა ნარჩემაშვილი
15-06-2018, 14:00
,,ნატას ნერვები მოუშალეს” – პატარა გოგონას ვიდეო 200 ათასზე მეტმა ნახა – ვიდეო
11-06-2018, 11:31
წარუმატებელი ძარცვა „ორ ნაბიჯში“
11-06-2018, 11:27
გასროლა “ორ ნაბიჯში” კონსულტანტებმა თავმდასხმელი გაანეიტრალეს (ვიდეო)
11-06-2018, 08:44
ზვიად კუპრავამ მოსამართლე შეურაცხმყოფელი სიტყვებით მოიხსენია

     
News.Mcvane.Ge © 2013 საავტორო უფლებები დაცულია