ჩაკეცილი ფეხსაცმელი Vetements-ის 2018 წლის გაზაფხული -ზაფხულის კოლექციიდან, რომელიც არცთუ ისე შორეულ წარსულს გაგახსენებთ.
ქართველმა დიზაინერმა დემნა გვასალიამ კრიტიკოსები და მსოფლიო მედია ისევ აალაპარაკა. Balenciaga-ს რეზინის კროქსების შემდეგ, ბაზარზე გამოვა ჩაკეცილი ფეხსაცმელი – მოდის ახალი ტენდენცია დემნა გვასალიასგან. ინფორმაციას ნეტგაზეთი ავრცელებს.
ჩაკეცილი ფეხსაცმლის ღირებულება, საშუალოდ, 855 ბრიტანული ფუნტიდან (2900 ლარი) იწყება. გვასალიას კოლექციაში ასევე არის წინდები 120 დოლარად.
ზოგადად, დემნა გვასალიას ბრენდის პროდუქცია ერთ-ერთი ყველაზე ძვირადღირებულია.
