Mcvane.Ge თქვენი საწყისი გვერდი
მთავარი გვერდი ჩვენ შესახებ კონტაქტი რეკლამა
მთავარი გვერდი » ბომონდი » ექსკლუზივი: რა მოხდა ,,დედეს“ გადაღების პროცესში და რატომ დააკავეს მსახიობები?

ექსკლუზივი: რა მოხდა ,,დედეს“ გადაღების პროცესში და რატომ დააკავეს მსახიობები?

მარიამ ხაჭვანის მხატვრული ფილმი, „დედე“ ახალგაზრდა რეჟისორის პირველი სრულმეტრაჟიანი ფილმია, რომელშიც სვანეთის მკაცრი ტრადიციებისა და დიდი სიყვარულის დაპირისპირების ამბავია მოთხრობილი.

როგორ მიმდინარეობდა გადაღებების პროცესი და რატომ დააკავეს მსახიობები - ექსკლუზიურ დეტალებზე ,,ნიუპოსტი“ თავად მარიამ ხაჭვანს ესაუბრა.


"თავიდან დავითის როლზე სხვა იყო დამტკიცებული, რომელმაც გადაღების წინა დღებში ფილმში მონაწილეობაზე უარი განაცხადა და ამის შემდეგ კი ძლივს დავითანხმეთ ნუკრი ხაჭვანი. ზოგჯერ ბედისწერა გეხმარება სწორ არჩევანში.
მინდა დავამატო ისიც, რომ გადაღებაზე ადგილობრივები ძალით მოგვყავდა. მოყვანა იყო მთავარი, თორემ შესრულებით თავისუფლად ასრულებდნენ.

მიუხედავად იმისა, რომ უშგულში გადაღებები საკმაოდ მძიმე პირობებში მიმდინარეობდა, წინ თურმე ბევრად მეტი სირთულე გველოდა.

გადაღების მეათე დღეს, ნუკრი ხაჭვანი და ფილმში მონაწილე სხვა 3 მსახიობი სამოქალაო ფორმაში ჩაცმულმა “ოპერებმა” პროვოკაციაზე წამოაგეს, უხეშად/დამამცირებლად მიმართეს და ამის ნიადაგზე მომხდარი კონფლიქტის გამო პოლიციის წინაღმდეგობის გაწევის მუხლით დააკავეს. მათ წინასწარი სამთვიანი პატიმრობა შეეფარდათ და წინ მრავალი წლიანი სასჯელი ელოდათ იმისთვის რაც მათ არ ჩაუდენიათ.

მერვე განყოფილების მაშინდელმა პოლიციის უფროსმა ნუკრის იარაღის წართმევის მცდელობაც დააბრალა და ბიჭებს “სვანური დაჯგუფება” უწოდა. ისინი თავისუფლების აღკვეთას 9 დან 13 წლამდე ითხოვდნენ.

ამ მოვლენებამდე ნუკრის სცენების ნახევარი იყო დარჩენილი და ასევე უმნიშვნელოვანესი სცენა (ფილმისთვის საკვანძო.)

გარდა ნუკრის სცენებისა ფილმში ნუკრის ძმის როლს ასრულებდა ერთ-ერთი დაკავებული ლევან ჩარკვიანი, რომელსაც მნიშვნელოვანი მისია ეკისრა ფილმში დავითის ამბების გამო, ვისაც ფილმი ნანახი აქვს მიხვდება, რომელიც სამწუხაროდ ვერ გადავიღეთ .

მე და პროდუსერი იძულებული გვხდით სცენარი ნელ-ნელა შეგვეცვალა და ნუკრის და მასთან ერთად მყოფი ბიჭების სცენები ფილმიდან ამოგვეღო ან შესაძლებლობისამებრ გადაგვეღო მოგვიანებით თუ ციხიდან გამოუშვებდნენ მათ. ბოლომდე ამის გაკეთბა შეუძლებელი იყო , რადგან ნუკრი ზაფხულის ნაწილის ერთ-ერთ მთავარ როლს ასრულებდა. შემდეგ ვიფიქრეთ ნუკრის და დანარჩენი მსახიობების სხვა მსახიობებით ჩანაცვლება, მაგრამ ესეც შეუძლებელი გახდა, ვინაიდან უკვე დიდი ბიუჯეტი იყო დახარჯული.

გარდა იმისა, რომ ეს ბიჭები ფილმში მონაწილეობდნენ, ისინი ჩემი ოჯახის წევრებიც არიან. უდიდესი სტრესის ქვეშვიმყოფებოდი, გადაღებების პარალელურად მიმდინარეობდა სასამართლო პროცესები. ჩემი ყველა ახალგაზრდა ოჯახის წევრი დიდი საფრთხის ქვეშ იდგა. ფილმზე მუშაობა ძალიან მიჭირდა, ციხიდან გადაღებებზე მივდიოდი,გადაღებებიდან ციხეში. მაგრამ პროდუსერი მეხმარებოდა როგორც შეეძლო რომ ფილმი არ ჩავარდნილიყო. ზოგჯერ კონფლიქტამდეც კი მივდიოდით საქმე, რადგან პროდიუსერი მაძალებდა ძალა გამომენახა გადასაღებ მოედანზე გასასვლელად მე კი ენერგია აღარ მქონდა ,ერთი კვირის უძილო ვიღებდი შემოდგომის კადრებს, სანამ ოპერატორი კადრს აყენებდა მე უკვე მეძინა. ვოვა სულ მიმეორებდა - თუ ფილმს ვერ გადავიღებთ ბიჭებსაც ვერ დავიცავთ… ფილმი არის საუკეთესო დაცვის მექნიზმი შევქმნათ მათ გარშემო საზოგადოების მხრიდა ზეწოლა, რათა სამართლიანობის აღდგენა მოხდეს.

ფილმის გადაღება არ შეგვიწყვეტია, ყოველ შემთხვევაში იმ სცენების რომლის გადაღების შანსიც გვქონდა ბიჭების გარეშე და აი, რამოდენიმე თვიანი პატიმრობის შემდეგ, ბიჭები გაანთავისუფლეს.

დეკემბრის თვე იწურებოდა, არც თოვდა, არც მზე იყო, ოდნავ მოღრუბლული ზეცა, საიდანაც სითბო იღვრებოდა,ბიჭები სასამართლო დარბაზიდან გამოუშვეს.

სასამართლო დარბაზიდანვე ნუკრი გადასაღებ მოედანზე წავიყვანეთ , ციხის ყვითელი ელფერი ჩვენმა მხატვარ-გრიმიორმა დაუფარა .

გიორგი ბაბლუანი ამ დღისთვის პარიზიდან ხელმეორედ ჩამოფრინდა. პრობლემას ისიც დაემატა, რომ გიორგის სხვა ფილმისთვის თმა ჰქონდა უკვე შეჭრილი და ჩვენ ხელოვნურად ზუსტად იგივე ვარცხნილობა ვერ გავუკეთეთ, რის შედეგადაც სცენები შევამცირეთ და ყველა დაგეგმილი სცენა ვერ გადავიღეთ. გადავიღეთ მხოლოდ ერთი ზაფხულის მთავარი სცენა (ვისაც ფილმი ნანახი აქვს ფილმის დასაწყისში გეგის და დავითის მანქანაში საუბარი გადაღებულია თბილისთან ახლოს, ზაფხულის მაგივრად ზამთარში )

დღეს, ოთხივეს პირობითები აქვთ, მოგეხსენათ ფილმი უკვე 30 ფესტივალზე აჩვენეს, მაგრამ მსახიობები ვერ მიდიან, რადგან საზღვრის გადაკვეთის უფლებას ფული სჭირდება.

დიახ, ახლახანს ისევ განმეორდა ეს ფაქტი. ერთ-ერთი პოლიციელი ისევ შეეცადა მათ მიმართ პროვოკაციის მოწყობას. ორი თვის უკან გახმაურდა ეს ამბავი, ბიჭები სამოქალაქო ფორმაში ჩაცმულმა პოლიციელებმა ისევ გააჩერეს და ფიზიკური და სიტყვიერი შეურაცყოფა მიაყენეს (მწარე გამოცდილებიდან გამომდინარე ბიჭებმა ჩუმად აიტანეს შეურაცყოფა), მაგრამ ამჯერად იმ პოლიციელებზე მიდის გამოძიება, ორი კვირის უკან ის დამნაშავე პოლიციელი ორი ბრალმდებელის და სამი მოწმის მიერ ამოცნობილი იქნა პროკურატურის შენობაში.

მე კი ველოდები, რომ ის პოლიციელი კანონის წინაშე აგებს პასუხს.

რა ადვილია დაწერო, რა სტრესი გადავიტანეთ მე და ჩემ ოჯახმა. ერთი თვის უკან, როდესაც ის დამნაშავე პოლიციელი ამოვიცანი, ხელი ისე მიკანკალებდა, ხელმოწერის გაკეთება არ შემეძლო.

რატომ ხალხნო? ! რისთვის?!

მე ბოლომდე ვიბრძოლებ.

ეს არის მოკლედ რაც შემიძლია გითხრათ დედესთან დაკავშირებით. დიდი მადლობელი ვარ ჩვენი გადამღები ჯგუფის არავინ არ მინდა გამოვყო, მარგამ გამოვარჩევდი წარმოების მენეჯერს-დალი ნარიმნიძეს, ფანტასტიკურ ოპერატორ - მინდია ესაძე და დედეს ერთ-ერთ გადამრჩენ - მონტაჟის რეჟისორ - ლევან კუხაშვილს. (ჩემი მდგომარეობის გამო მე ფილმი არ დამიმონტაჟებია) დიდი მადლობა ყველას რომ ამდენი წლის წვალება წყალში არ ჩაიყარა და იმედი მაქვს, მეორე ფილმის შექმნისას მხოლოდ საწარმოო პრობლემები შემექმნება.

www.newposts.ge




კომენტარები




მსგავსი სიახლეები:

ინფორმაცია
ჯგუფ Гости-ის წევრებს არ აქვთ კომენტარის დატოვების უფლება.


 

ფოტო განწყობისათვის
15-09-2018, 14:54
ჭურჭლის მრეცხავობიდან მილიარდერობამდე - როგორ ცხოვრობს მსოფლიოს უმდიდრესი ადამიანის ცოლი (ფოტოები)
5-09-2018, 19:16
ქალს, რომელიც თავის სარჩენად სახლში ტორტებს აცხობს, ბინიდან გასახლებით და 5000-დოლარიანი ჯარიმით ემუქრებიან
22-08-2018, 20:01
აზერბაიჯანელი მოდელი ქალწულობას 100 000 ევროდ ყიდის - "მარია" მიღებული ფულით სახლის ყიდვას და მოგზაურობას აპირებს (ფოტოები)
15-08-2018, 20:03
İçerde - პოპულარული თურქი მსახიობები ჩაგათაი ულუსოი და არას ბულუთ ინემლი ქართველ მაყურებელს დაუბრუნდნენ
1-07-2018, 15:52
"ამერიკის ყველაზე მოდური ბებია" - "ჩემი სტილი მინიმალისტური, პროვოკაციული და ავანგარდულია"
15-06-2018, 12:37
ესტონეთში ასე ტოვებენ ხილს კორპუსებში მცხოვრებლებისთვის
5-06-2018, 08:07
მეტროპოლიტენი, სადაც მატარებელი მემანქანის გარეშე მოძრაობს (ვიდეო)

ვიდეო კოლაჟი
17-09-2018, 19:34
„არ წახვიდე, არ დამტოვო...“ - როგორ არის და სად მოღვაწეობს პოპულარული სიმღერის ავტორ-შემსრულებელი
12-09-2018, 19:59
ალი და ნინოს ძეგლზე ასვლისთვის დაკავებულ მამაკაცს 12-დღიანი პატიმრობა შეეფარდა, კონსტანტინე ედიბერიძე სასამართლოს დარბაზში მაგიდა ააყირავა
7-09-2018, 06:43
რესტორანი "აღა" გმირთა მოედანზე ჭამის სურვილს დაგაკარგვინებთ
6-09-2018, 15:33
ბარნოვის ქუჩაზე მოკლული გამრეკელაშვილის დედასა და ბრალდებულის შვილს შორის დაპირისპირება მოხდა (ვიდეო)
31-08-2018, 07:56
გიორგი შენგელაიამ ზვიად გამსახურდიას მკვლელი უწოდა (ვიდეო)
27-08-2018, 14:10
რა მიზეზით გარდაიცვალა ახალგაზრდა ქალი საკეისრო კვეთიდან 17 დღის შემდეგ?
24-08-2018, 20:11
სამარცხვინო ტელევიზია ხართ – კახა კალაძის ჩართვა და პასუხი “რუსთავი2”-ს

     
News.Mcvane.Ge © 2013-2018 საავტორო უფლებები დაცულია