Mcvane.Ge თქვენი საწყისი გვერდი
მთავარი გვერდი ჩვენ შესახებ კონტაქტი რეკლამა
მთავარი გვერდი » ბომონდი » განიცდიდა, თეატრმა ისეთი დახასიათება მომცა, დასახვრეტად მიშვებდნენო -რას ყვება გია ფერაძის მეგობარი

განიცდიდა, თეატრმა ისეთი დახასიათება მომცა, დასახვრეტად მიშვებდნენო -რას ყვება გია ფერაძის მეგობარი

რამდენიმე დღის წინ, რუსთაველის თეატრში მისულ მსახიობებს დილით, ფილებზე, საღებავით მიხატული ვარსკვლავი და წარწერა “გია ფერაძე” დახვდათ. ფოტომ სოციალურ ქსელში დიდი გამოხმაურება მოიპოვა, საზოგადოებას კი 80-იანი წლების ერთ-ერთი ყველაზე გამორჩეული მსახიობი, გია ფერაძე კიდევ ერთხელ გაახსენა.

1985 წელს, რუსთაველის თეატრის ნამდვილი ვარსკვლავი, გია ფერაძე მკვლელობის ბრალდებით გაასამართლეს. ის სასჯელს ციმბირში, მკაცრი რეჟიმის კოლონიაში იხდიდა, ციხიდან გამოსვლიდან (1993) ორიოდე წელში კი გარდაიცვალა.

ერთ-ერთი ვერსიით, გია ფერაძემ არაფხიზელ მდგომარეობაში, შემთხვევით, კალმის ფორმის ცეცხლსასროლი იარაღით მოკლა საკუთარი მეუღლე ირინა მიქატაძე, ცნობილი მოქანდაკის და სახალხო მხატვრის, ჯუნა მიქატაძის ერთადერთი ქალიშვილი. ირინას და გიას 11 თვის შვილი ბებიამ და ბაბუამ იშვილეს და გაზარდეს.

გია ფერაძის სიცოცხლის ბოლო წლებზე საზოგადოებამ ბევრი არაფერი იცის. თუმცა როგორც მისი ახლო მეგობარი, ხელოვნებათმცოდნე მანანა ნიქაბაძე “ინფო ფოსტალიონთან” საუბარში ამბობს, გია საკმაოდ აქტიური იყო და თავს დატეხილი უბედურების მიუხედავდ, თავისი შინაგანი და გარეგნული ხიბლი ბოლომდე არ დაუკარგავს.

მანანა ნიქაბაძე: -ადრე, სანამ გიას გავიცნობდი, ის ჩემთვის იყო რუსთაველის თეატრის ერთ-ერთი კაშკაშა ვარსკვლავი და თბილისის კოლოროტი. ძალიან სიმპატიური ბიჭი, რომელზეც გოგონები გიჟდებოდნენ. როგორც ჩვენი მამების თაობაში ნიაზ დიასამიძის გამოთქმები არაკებად დადიოდა ხალხში, ჩვენს თაობაში ასეთი გია იყო: “გიამ ეს თქვა, გიამ ეს გააკეთა” … ჩემი მეგობარი გია მხოლოდ მაშინ გახდა, როდესაც ციხიდან გამოვიდა. იმიტომ რომ საცხოვრებლად მეზობლად გადმოვიდა წერეთელზე, ჩემი კორპუსის წინ. მაშინ გავიცანით ერთმანეთი და დავმეგობრდით.

–როგორი იყო მაშინ გია ფერაძე?

-ძალიან სევდიანი იყო, სვამდა, თუმცა ბევრს არა. მკურნალობდა, ცდილობდა ჰაერზე ევლო, რადგან ციხეში ფილტვები დაუავადდა. მეზობლებს ძალიან უყვარდათ, განსაკუთრებით ბავშვებს. მათ შორის იყო პატარა მაგდა, ჩემი კარის მეზობლების შვილი, რომელიც ძალიან კარგად მღეროდა. გიამ ერთხელ უთხრა სიმღერა უნდა დაგიწეროო. ეს იყო ერთი დღით ადრე მის სიკვდილამდე. მეორე დღეს უნდა მოსულიყო მაგდასთვის დაწერილი სიმღერით. ჩვენც ველოდებოდით, მაგრამ არ მოვიდა. ძალიან გვეწყინა , დავრეკეთ და შევიტყვეთ, რომ უბედურება მოხდა.

-ანუ სიკვდილის წინ მწოლიარე ავადმყოფი არ იყო?

-არა, პირიქით, ძალიან აქტიურად ცხოვრობდა, დადიოდა კინოსტუდიაში, მიუხედავად იმისა, რომ მაშინ არანაირი გადაღებები აღარ იყო. სხვათა შორის, იუმორის გრძნობა ბოლომდე არ დაუკარგავს, ხშირად ხუმრობდა. ჩემთვის მოძღვნილი სახუმარო ლექსებიც მაქვს შენახული, მისი ხელით დაწერილი. ძალიან მეგობრობდა დედაჩემთან. მე თუ არ ვიყავი სახლში, მასთან ერთად დაჯდებოდა და ჩაის სვამდნენ ხოლმე. მეუბნებოდა, სად დადიხარ ამდენ ხანს, მე და დეიდა ნინომ მეხუთე ჭიქა ჩაი დავლიეთო. ძალიან ჰგავდა თავის პერსონაჟს, თუმცა მე ვიტყოდი, რომ მისი “არასერიოზული კაცის” ცხოვრება ფილმისგან განსხვავებით, “ჰეფი ენდით” არ დამთავრდა.

დრო რომ გავიდა, ძალიან მინდოდა გამეცნო მისი მარიკუნა და მეთქვა, რომ გია საოცრად განიცდიდა , მას რომ ვერ ნახულობდა . ამბობდა, მე მაგას ვინ მაჩვენებსო. მიდიოდა ხოლმე სკოლასთან, რომ შეეჭვრიტა და იქიდან დაენახა. ამბობდა, აზრი არ აქვს მიახლოვებას, თან ღირსიც არ ვარ მაგისი, მაგრამ ისეთი ლამაზიაო, ისეთი საყვარელიო..

-ანუ ახერხებდა შვილის დანახვას?

-დიახ, ჩუმად უყურებდა ხოლმე. ვინ აიღებდა იქ ეჭვს, მიუხედავად მძიმე ცხოვრებისა, როცა გამოეწყობოდა, გაიპარსავდა, ძალიან კარგად გამოიყურებოდა. ისეთივე სიმპატიური იყო, როგორც ადრე. სწორედ ამიტომ მინდოდა მარიკუნას ნახვა, რომ ეს მეთქვა. მინდოდა სცოდნოდა, რომ გია მასზე გიჟდებოდა. ძალიან ხშირად ახსენებდა ირინასაც, თან დიდი სითბოთი. ხუმრობდა კიდეც მის ეჭვიანობაზე. რაც შეეხება ირინას მშობლებს, მიუხედავად იმისა, რომ მიქატაძეებს მისი სიკვდილი არა, მაგრამ სასიკვდილოდ გამწარება უნდოდათ, კარგად ესმოდა მათი. ერთადერთი შვილი, პრინცესასავით გაზრდილი ულამაზესი გოგო მოუკლა.

–საუბრობდა იმაზე, რაც შეემთხვა, ან რატომ შეემთხვა?

-ამ საკითხზე ბევრს არ ლაპარაკობდა. ამბობდა, რომ ეს იყო მისი ჯვარი , მისი ცხოვრების ტრაგედია. იმდენად მძიმე იყო მისთვის, რომ ვერც ვაკადრებდი, კითხვა დამესვა, და არც შემპარვია ეჭვი, რომ ეს შემთხვევით მოხდა. გია არ იყო კაცის მკვლელი. ეს მთელმა თბილისმა იცის. ის არავის არასდროს არ მოკლავდა, მითუმეტეს ირინას, რომელიც სიგიჟემდე უყვარდა. ეს იყო საბედისწერო შეცდომა, რომლისთვისაც ძალიან მძიმედ დაისაჯა. უმძიმესი წლები გაატარა სადღაც ციმბირში. და ამ ტრაგედიის შემდეგ კიდევ იცით რას განიცდიდა ყველაზე მეტად? თეატრმა მხარი არ დამიჭირაო, უფრო სწორად, უმეტესობამო. როცა ჩემს დახასიათებაზე მიდგა საქმე, არ მომცეს კარგი დახასიათება და ფაქტიურად დასახვრეტად მიშვებდნენო.

-კონკრეტულად იყო ვინმეზე ნაწყენი?

-მე არ დავასახელებ გვარებს, ვისაც ის ასახელებდა. ერთ ადამიანზე იყო განსაკუთრებით ნაწყენი, ოღონდ ეს ადამიანი რობერტ სტურუა არ იყო.

-როგორი დახასიათება მისცეს?

-ისეთი, რომ სასამართლოზე თავისუფლად შეეძლოთ დახვრეტა მიესაჯათ. გია ამბობდა, როცა ადამიანს რაღაც შეემთხვევა, თავის თავსაც მაშინ გაიცნობს და გარშემომყოფებსაცო. ძალიან მიტოვებულად გრძნობდა თავს ბევრი ძველი მეგობრისგან და განიცდიდა ამ ამბავს. ადამიანი, ვინც ბოლომდე მის გვერდით იდგა და მთელი ცხოვრება ზრუნავდა, იყო ილიკო- მისი ძმა. სულ აკონტროლებდა, სად წავიდოდა, რა გააკეთებდა. გია ამბობდა, რა უნდა ჩემგან, პატარა ბავშვი ვგონივარო. თურმე მართალი იყო ილიკო ასე რომ ნერვიულობდა მასზე. თუმცა დაკრძალვის დღეს იმდენი ხალხი მივიდა, ამის მეასედი სიცოცხლეში მის გვერდით რომ მდგარიყო, ალბათ ბედნიერი იქნებოდა.

– ახლახანს, რუსთაველის თეატრის წინ, ვიღაცამ ცარცით ვარსკვლავი დახატა და გია ფერაძე დააწერა. ამას დიდი გამოხმაურება მოყვა საზოგადოებაში.

-დიახ ვიცი ეგ ამბავი და ეკუთვნის კიდეც. მართალია წესია , რომ გარდაცვლილებს ვარსკვლავს არ უხსნიან, მაგრამ გია ისედაც იყო ვარსკვლავი თეატრისთვისაც და თბილისისთვისაც, ჩავთვალოთ, რომ ხალხმა გაუხსნა მას ვარსკვლავი.

განიცდიდა, თეატრმა ისეთი დახასიათება მომცა, დასახვრეტად მიშვებდნენო -რას ყვება გია ფერაძის მეგობარი


www.infopostalioni.com




კომენტარები




მსგავსი სიახლეები:

ინფორმაცია
ჯგუფ Гости-ის წევრებს არ აქვთ კომენტარის დატოვების უფლება.


 

ფოტო განწყობისათვის
9-11-2018, 20:48
დარია სუხიშვილი მამიდას დედას ეძახის - როგორ ცხოვრობს და სად სწავლობს ილიკო სუხიშვილის უმშვენიერესი ქალიშვილი
6-11-2018, 07:36
ქუთაისში აზიური ფაროსანა დააბეს - ფოტო, რომელმაც სოცქსელი გახალისა
3-10-2018, 20:02
ფანტასტიკური ჟანრის თურქული სერიალი netflix-ზე და სტამბოლის მცველად გადაქცეული ჩაღათაი ულუსოი (ფოტო, ვიდეო)
27-09-2018, 09:45
როგორ იზრდება პატარა ევა, რომლის დედის გარდაცვალებამ მთელი საქართველო შეძრა
19-09-2018, 15:01
ბერა ივანიშვილის საცოლის ფოტოები "ინსტაგრამიდან"
15-09-2018, 14:54
ჭურჭლის მრეცხავობიდან მილიარდერობამდე - როგორ ცხოვრობს მსოფლიოს უმდიდრესი ადამიანის ცოლი (ფოტოები)
5-09-2018, 19:16
ქალს, რომელიც თავის სარჩენად სახლში ტორტებს აცხობს, ბინიდან გასახლებით და 5000-დოლარიანი ჯარიმით ემუქრებიან

ვიდეო კოლაჟი
13-11-2018, 11:48
სააკაშვილი: ჩვენ დავიწყეთ სამხედრო მოქმედებები ცხინვალის რეგიონში
11-11-2018, 18:58
ადრიანა ლიმამ Victoria's Secret-ი დატოვა
9-11-2018, 19:39
ლანა ღვინჯილია, რომელმაც სალომე ზურაბიშვილს ოკუპაციის ხაზთან სიტყვიერი შეურაცხყოფა მიაყენა, სააკაშვილის საპრეზიდენტო ბიბლიოთეკის საზოგადოებასთან ურთიერთობის ხელმძღვანელია
8-11-2018, 12:53
გიორგი გილიგაშვილისა და სალომე ჭაჭუას ეროტიკული ვენური ვალსი (ვიდეო)
8-11-2018, 12:40
რატომ არის პენსიის 400 ლარამდე გაზრდაზე გრიგოლ ვაშაძის დაპირება ტყუილი
6-11-2018, 07:59
დაბრუნება სახლში 21 წლის შემდეგ - ემოციური ვიდეო აფხაზეთიდან
6-11-2018, 07:07
„მამაჩემს რამე არ მოუვიდეს, თორემ დედას მოგ@ნავ, ჩემო ნიკა! ილოცე, თორემ დედა გაქვს მო@ნული!“

     
News.Mcvane.Ge © 2013-2018 საავტორო უფლებები დაცულია