Mcvane.Ge თქვენი საწყისი გვერდი
მთავარი გვერდი ჩვენ შესახებ კონტაქტი რეკლამა
მთავარი გვერდი » ბომონდი » ანი ტყებუჩავა: "მანანასნაირ დედამთილს კარსაც კი არ გავუღებ!"

ანი ტყებუჩავა: "მანანასნაირ დედამთილს კარსაც კი არ გავუღებ!"

ბომონდი (ავტორი: news)
თარიღი: 25-06-2013, 11:28,
საქართველოში რძალდედამთილიანი რომ მარადიული თემაა, მსახიობებთან, მედეა ლორთქიფანიძესა და ანი ტყებუჩავასთან ინტერვიუს წაკითხვის შემდეგ ჩვენი მკითხველი თავად დარწმუნდება. ორი სხვადასხვა თაობის ქალს ოჯახურ ურთიერთობებზე აბსოლუტურად განსხვავებული შეხედულებები აქვს. ისინი ჩვენთან საუბრისას ისევე კამათობდნენ, როგორც მათი ეკრანული წყვილი – რძალ–დედამთილი მანანა და ნინა სერიალიდან "ჩემი ცოლის დაქალები". 
ანი გასათხოვარია, ქალბატონ მედეას კი ერთადერთი ქალიშვილი ჰყავს. დარწმუნებულია, ვაჟი რომ ჰყოლოდა, რძლისთვის კარგი დედამთილი იქნებოდა. მსახიობი თავის პერსონაჟს თავგამოდებით იცავდა და რამდენჯერმე ისე შეიჭრა როლში, ნინას ნაცვლად ანის უსაყვედურა, დედამთილს უსამართლოდ ექცევიო. თავისი გმირის გასამართლებლად ანისაც ჰქონდა მყარი არგუმენტები. ერთი სიტყვით, ინტერვიუმ დიდ კამათში ჩაიარა. 
მედეა: რძალ–დედამთილის კონფლიქტის მთავარი მიზეზი ისაა, რომ ყველა დედას შვილი ეგოისტურად უყვარს და უნდა, მას გვერდით უკეთესი ქალი ჰყავდეს. ვფიქრობ, ეს სწორი მიდგომა არ არის. მე რომ დედამთილი ვიყო, აუცილებლად ვიტყოდი, ვინც ჩემს შვილს უყვარს, ის მოიყვანოს–მეთქი. 
ანი: არ მესმის, სხვადასხვა თაობის ქალებმა რატომ უნდა იჩხუბონ. არ არის საჭირო, რძალ–დედამთილს ერთმანეთი უყვარდეთ, პატივისცემაც საკმარისია. დედას თუ შვილი უყვარს, როგორ შეიძლება მის სიყვარულს პატივი არ სცეს?! მე მაინც ვფიქრობ, რომ საჭიროა ცალ–ცალკე ცხოვრება. ორი ქალი სამზარეულოში – ეს უკვე კონფლიქტის მიზეზი ხდება. მე და დედაჩემი ვკამათობთ რაღაცეებზე და, რა გასაკვირია, რომ დედამთილთან მქონდეს კონფლიქტი? ამიტომ ჯობს, წყვილი ქორწინების პირველ თვეებში მაინც ცალკე ცხოვრობდეს. 
– ქალბატონო მედეა, ეთანხმებით ანის, რომ ცოლ–ქმარმა ცალკე უნდა იცხოვრონ? 
მედეა: წყვილმა მანამ უნდა იცხოვროს ცალკე, სანამ ბავშვი არ გაჩნდება. როცა ცოლ–ქმარი მუშაობენ, პატარა ცოდოა. ყველას ხომ არ აქვს ძიძის აყვანის საშუალება. დედა სამსახურს თუ თავს დაანებებს, კარიერას გაიფუჭებს. დედამთილი რომ სახლში გეყოლება, დაგეხმარება. 
– ოჯახში ვინ უნდა დათმოს, რომ კონფლიქტი არ წარმოიქმნას? 
მედეა: დედამთილს უნდა ესმოდეს, რომ რძალი უცხო ოჯახიდანაა მოსული, სხვა ყაიდაზეა გაზრდილი. შეიძლება შენ უკეთესი ოჯახი გქონდეს, ვიდრე რძალს, მაგრამ ამაზე თვალი უნდა დახუჭო. გამოდის, რომ დედამთილმა უნდა დათმოს. ჩემმა ბიცოლამ რძალი შეჭამა! დედამთილი ავს რომ ეუბნებოდა, რძალი ეფერებოდა და პასუხობდა, ისე გავაკეთებ, როგორც გინდათო. ბოლოს ბიცოლაჩემი მიხვდა, რომ ოჯახში ღვთისნიერი ქალი ჰყავდა. ყველამ თავისი წილი უნდა დათმოს. რძალ–დედამთილის დაუსრულებელმა ჩხუბმა შეიძლება ოჯახი დაანგრიოს. ამ შემთხვევაში ყველაზე მნიშვნელოვანია კაცის პოზიცია. 
ანი: გეთანხმებით, ოჯახში მთავარი კაცია და მან უნდა შექმნას ისეთი სიტუაცია, სადაც ყველას თავისი ადგილი ექნება. თუ რძალიც და დედამთილიც ოდნავ მაინც განათლებული არიან, თავიანთი საქმე აქვთ, კამათის თავი არც ექნებათ. სხვების პირად ცხოვრებაში უსაქმურები იქექებიან. როდესაც სახლში ღამის პირველ საათზე მიდიხარ და კიდევ იმის თავი გაქვს, იკინკლაო, აშკარად რაღაც პრობლემა გაწუხებს. 
– ქალბატონო მედეა, თავის დროზე, როცა თქვენ გათხოვდით და ქმრის ოჯახში შეხვედით, როგორ დაარეგულირეთ ურთიერთობები? 
მედეა: ქმარმა მითხრა, შენ ჩემი ცოლი ხარ, ეს დედაა, ორივე მიყვარხართ, ამიტომ თუ იჩხუბებთ, სახლიდან წავალო. გადასარევი დედამთილი მყავდა, ორი ზედმეტი სიტყვა არ უთქვამს ჩემთვის, მე უფრო ვქოთქოთებდი. სახლში რომ შედიხარ და იქ ყველა კუთხე–კუნჭული დედამთილის დალაგებული გხვდება, შენ კი ურევ – "ეს აქ არ მინდა", "იქ იმის ადგილი არ არის", რა თქმა უნდა, დედამთილს ეწყინება. 
ანი: კი, მაგრამ რძალმა რა ქნას? ყველას გვინდა, ჩვენი სამყარო შევიქმნათ. ჩემი ოთახი შეიძლება ჩემთვის დალაგებული იყოს, მაგრამ ვიღაცისთვის – არეული. მესმის დედამთილის, რომ მთელი ცხოვრება ოჯახს აშენებს, მერე შემოდის რძალი და, დავუშვათ, არ მოსწონს თაროებზე ჩამწკრივებული "ვაზები", რა უნდა გააკეთოს? 
მედეა: გაგიჟდებით, რა, ჩემმა შვილმა ყველა "ვაზა" შემანახვინა! 
ანი: ბუნებრივია, დრო გადის და გემოვნება იხვეწება. 
მედეა: მაგრამ მე ჩეხოსლოვაკიიდან რომ ვათრიე ის "ვაზები", არაფერია?! 
ანი: გასაგებია, მაგრამ მთელი ცხოვრება ისეთ სახლში ხომ ვერ ვიცხოვრებ, როგორიც თქვენი გემოვნებითაა გაკეთებული? მეც ხომ მინდა, ისეთი იყოს, როგორიც მომწონს! უნდა ველოდო, დედამთილი როდის წავა ამქვეყნიდან, რომ ჩემი სამყარო შევიქმნა? გამოდის, რომ ერთად ცხოვრებით ვერც ერთი ხარობს. 
მედეა: ამ შემთხვევაში დედამთილმა უნდა დათმოს, უცხო ოჯახიდან შემოსულ რძალს შენი წესები არ უნდა მოახვიო თავს. რატომ არ ვარ დედამთილი! ოღონდაც ვინმემ რამე გამიკეთოს და ხმას არ ამოვიღებ! 
– როგორ ფიქრობთ, ბავშვის დაბადებას შეუძლია ამ რთული ურთიერთობის შეცვლა? 
ანი: ბავშვი ძალიან კარგი საშუალებაა, რომ რძალ–დედამთილმა ერთმანეთს სამაგიერო გადაუხადონ. ბებია–ბაბუა ხშირად იმის გაკეთების უფლებას აძლევენ შვილიშვილს, რასაც მშობლები უკრძალავენ. ძირითადად სულ ამაზეა კამათი. მშობლებმა ისე უნდა გაზარდონ შვილი, როგორც თვითონ უნდათ, დედამთილ–მამამთილის ჩაურევლად. 
მედეა: მაგრამ ისე ვერ გაზრდიან შვილებს, რადგან პრაქტიკა არ აქვთ. ბავშვს ცოტა თავისუფლება უნდა მისცე, ოღონდ არა ისეთი, რომ მერე თავზე გადაგახტეს. 
ანი: მაშ, თქვენ როგორ გაზარდეთ შვილი? მაშინ ყველა ბავშვი ბებიებმა გაზარდონ! არაჯანსაღი აზროვნება უნდა ამოვიგდოთ თავიდან, თუმცა ეს იმას არ ნიშნავს, რომ შენიშვნები არ მივიღოთ. ზოგ ბებია–ბაბუას შვილიშვილი მხოლოდ მოსაფერებლად უნდათ და არა იმისთვის, რომ, მე თუ სამსახურში წავალ, დაიტოვონ. 
– ანი, თქვენი ეკრანული დედამთილი სწორედ ისეთია, როგორზეც ახლა საუბრობდით. რეალურ ცხოვრებაში რომ შეგხვდეთ მანანასნაირი დედამთილი, რა "პოლიტიკა" გექნებოდათ მასთან? 
ანი: მედიკოს გმირი არ არის ის ადამიანი, რომელიც შეიძლება შეცვალო. რომ გავთხოვილიყავი და მანანასნაირი დედამთილი შემხვედროდა, ალბათ მისი მოსამსახურე გავხდებოდი. თუმცა რაღაც შემთხვევებში უფრო მკაცრი პოზიცია მექნებოდა. ნინა კი თან ეუბნება და თან – არა. ისე, რა უნდა მექნა? რამდენჯერმე შეიძლებოდა, კარი არ გამეღო. 
გასაგებია, რომ შვილებს წვნიანი უნდა აჭამო და არა – სულ ერბოკვერცხი, მაგრამ ყველას ჩვენ–ჩვენი ცხოვრება გვაქვს. სხვების გამო ვერაფერს შევცვლით. ცოლ–ქმარმა კარგად იციან ერთმანეთის დადებითი და უარყოფითი მხარეები და ამას შეგუებული არიან. დედამთილის ჩარევა არასწორია. არ ვფიქრობ, რომ ისე უნდა ვიცხოვრო, როგორც მას უნდა. 
მედეა: მანანა ნინას ყველაფერს პირში ეუბნება, მეზობლებში არ ლანძღავს, ეს კარგი ჩვევა აქვს. 
ანი: როგორ არა? ყველასთან "ჩემი რძალი", "ჩემი რძალი" აკერია პირზე. 
მედეა: რას ლაპარაკობ! მანანა, იცი, როგორ უვლის შენს შვილებს! სულ ბაზარში დადის და უნდა რაღაცით გასიამოვნოს. დედამთილი რომ გეტყვის, ღომი გავაკეთეო და შენ ეტყვი, არა, კაფეში უნდა წავიდეო, ეწყინება, აბა, არ ეწყინება?! მაგრამ მანანა მაინც არაფერს ამბობს. 
ანი: ამ ყველაფერს კი ჯობს, ბავშვები თვითონ დაიტოვოს და ნინა სამუშაოდ გაუშვას. დედამთილი იმ კუთხით უნდა დაეხმაროს შვილს და რძალს, რაც თავად სჭირდებათ. ჩემი მეგობრის დედამთილი კარის გაღებისთანავე თავის რძალზე ჭორაობას იწყებს. უტაქტობაა, როდესაც რძალს მისივე დაქალთან ჭორავ. სხვა თუ არაფერი, უხერხულია შენი საკუთარი რაღაცეების გარეთ გატანა. ბევრი დედამთილი ვიცი, რადგან რძალს ვერ შეეგუა, მომხრეა, შვილმა ოჯახი დაანგრიოს. 
– ქალბატონო მედეა, ნინა ოჯახზეა გადაყოლილი, გადამკვდარია ქმარსა და შვილებზე. არ მუშაობს, რადგან მეუღლეს არ უნდა. ასეთ შემთხვევაში რა პრეტენზია შეიძლება გქონოდათ მისნაირ რძალთან? 
მედეა: ნინას მიმართ მანანას არანაირი პრეტენზია არ აქვს, გარდა იმისა, რომ ის უცებ ისეთ რაღაცას ეტყვის, აწყენინებს. რძალი მანანას "შენი ჭირიმე, შენ გენაცვალე"–თი რომ ელაპარაკოს, დამერწმუნეთ, შეიძლება ჩაერიოს მათ ცხოვრებაში, მაგრამ სხვებთან მაინც აღარ იჭორავებს. შვილის და რძლის განშორება მანანასთვის ნამდვილი ტრაგედიაა. ნინა კარგი დედაა, კარგ შვილებს ზრდის, ქმარი ჩაცმულ–დახურული დაჰყავს, სახლში ყველაფერი გაკრიალებული აქვს. 
ანი: იმიტომაც უღალატეს! 
მედეა: ეს იმიტომ, კაცები 40 წელს რომ გადასცილდებიან, მერე რაღაც მოსდით. იმ გოგომ გაუცინა, დათომაც ახალი ხილი დაინახა. ნინაც კარგი ცოლია, სწორედ ამიტომ მისი ქმარი ახლა კუდამოძუებული დადის. 
ანი: ყველამ თავისი თავის კონტროლი უნდა იცოდეს. 
მედეა: ჰო, მაგრამ ნინა რომ ეუბნება ქმარს, ჩექმები იყიდე ჩემთვისო, თანაც იმ დროს, როდესაც ქმარს საჭმლის ფული არ აქვს, სწორია? 
ანი: აბა, ქმარმა ცოლს ჩექმა არ უნდა უყიდოს?! 
მედეა: მაშინ, როცა საჭმლის ფული არ აქვს?! ეს როგორ შეიძლება! 
– რაც შეეხება ცოლქმრულ ღალატს, რას ფიქრობთ, ამ დროს დედამთილმა როგორი პოზიცია უნდა დაიკავოს? 
ანი: ცოლ–ქმრის ურთიერთობაში მხოლოდ დედამთილი კი არა, არავინ უნდა ჩაერიოს, მათ შორის – არც მეგობრები. როცა ქმარს მთელი ცხოვრება თვალდახუჭული ენდობი და არ აკონტროლებ, უცებ კი აღმოჩნდება, რომ დიდ სისულელეს ჩადიოდი, რადგან ის ადამიანი თურმე სულ სხვა რაღაცით იყო დაკავებული, ძალიან მტკივნეულია. 
მედეა: რას ამბობ, ანი, აბა, მანანა არ უნდა ჩაერიოს?! შავი დღე უნდა აყაროს შვილს! 
ანი: შვილს რაც უნდა, ის უქნას, მაგრამ ურთიერთობის მოგვარებას არ უნდა ეცადოს. ჩემთვის თუ რჩევა ვინმეს უკითხავს, მითქვამს ის, რაც მისთვის იქნებოდა კარგი, თუმცა ასეთ დროს ძალიან ძნელია, ადამიანს რჩევები მისცე. 
მედეა: ვფიქრობ, რომ ასეთ დროს დედამთილი უნდა ჩაერიოს. შეიძლება რძალს უთხრა, აპატიე, რა მოხდა, ხდება ხოლმეო. მსოფლიოში ხუთი კაცი მაინც მითხარით, ვისაც ცოლისთვის არ უღალატია. ასეთი არ არსებობს! კაცი ცხოვრებაში ცოლს ერთხელ მაინც ღალატობს, მაგრამ ეს არ ნიშნავს, რომ მას ოჯახი არ უყვარს. დათოს, რა, არ უყვარს ცოლ–შვილი? მაგრამ იმ ქალთან სითბო ნახა, იმ ქალმაც იაქტიურა. მას უნდა ეთქვა, ცოლშვილიან კაცთან არ დავდივარო და ყველაფერი ამით დამთავრდებოდა, მან კი ბინის ქირაობა მოსთხოვა. ქალს უფრო მეტი დაკვირვება და წინდახედულობა სჭირდება. კაცი ოხერია, ამიტომ ყველაზე მეტად ნათიას გმირს ვამტყუნებ. 
– ნინა რომ ქმარს არ ურიგდება, ამაზე რას ფიქრობთ? 
მედეა: მე მინდა, რომ ჯერჯერობით არ შეურიგდეს, კარგად უნდა აწრუწუნოს და იმ ქალთან გაარკვიოს ურთიერთობა. თუ აღმოჩნდება, რომ კაცს ორივე ქალი უნდა, რა თქმა უნდა, ცოლმა აღარ უნდა გაიკაროს. როცა ნინა დარწმუნდება, რომ ქმარი საყვარელს დაშორდა და მასთან საერთო არაფერი აქვს, აუცილებლად უნდა შეურიგდეს, თუნდაც შვილების გამო. 
მანანას ადგილას რომ ვიყო, ვეცდებოდი, შემერიგებინა. როცა გულს გტკენს ადამიანი, რომელსაც აღმერთებ, თვალებში შესციცინებ და ყველაფერს უსრულებ, მისგან ასეთი ტკივილი ძნელად მოსაშუშებელია. ჩემი გმირი ძალიან ცუდ დღეშია, შვილი ძალიან უყვარს, შეიძლება რძალზე ასე არ გიჟდება, მაგრამ ოჯახის დანგრევა მისთვის ტრაგედიაა. 
ანი: არიან ადამიანები, რომლებიც დედ–მამასთან სხვანაირები არიან და ცოლთან – სხვანაირები. ცოლ–ქმარი კარს რომ მიიკეტავენ და ოთახში შევლენ, იქ რა ხდება, სხვების საქმე არაა. მეგობრებთან თუ რაღაცას იტყვი, მხოლოდ იმიტომ, რომ გინდა, დაიცალო. 
– ანი, ნინას მდგომარეობაში რომ აღმოჩენილიყავით, თქვენ შეურიგდებოდით ქმარს? 
ანი: როცა ოჯახი არ გაქვს და ამაზე მსჯელობ, ცოტა სასაცილოა, ამიტომ ჩემი მხრიდან კომენტარის გაკეთება ალბათ ზედმეტია. ძნელია კაცს ღალატი აპატიო. ნინას ყველაფერს უკრძალავდა და საბოლოოდ ისეთი ქალი მოეწონა, რომელიც სწორედ ისეთ რაღაცეებს აკეთებდა, რასაც ცოლს უკრძალავდა. ეს სხვანაირი გულისტკენაა. არ მინდა, ვიცოდე, ამ დროს ქალები რას განიცდიან და ღმერთმა ნუ განმაცდევინოს! ყველაზე კარგია სიყვარული, პატივისცემა და მოთმინება. 
– ანი, მაყურებლები რას გეუბნებიან? ფაქტია, რომ ყველა უთანაგრძნობს თქვენს გმირს. 
ანი: ამბობენ, რომ ქმარს უნდა ვაპატიო. დავიჯერო, თავად აპატიებდნენ? როგორც მსახიობს, ასეთ შემთხვევაში ჩემი შეხედულებები მაქვს და სცენარი რამდენადაც მაძლევს საშუალებას, ჩემს განწყობას ვდებ შიგნით. ეს საპატიებელი არ არის. ასე ადვილად ვერასოდეს ვაპატიებ! ყოველ შემთხვევაში, ჩემმა გმირმა ამ ეტაპზე არ უნდა აპატიოს.

– მეორე წელია, რაც გადასაღებ მოედანზე ერთად მუშაობთ, ალბათ უკვე კარგად იცნობთ ერთმანეთს. ქალბატონო მედეა, რაიმე საერთოს ხედავთ ანისა და ნინას შორის? 
მედეა: ანი ისეთი დაკავებულია, არ ვიცი, ეს გოგო საერთოდ გათხოვდება თუ არა. ისე, ჩუმად გეტყვით: ამბობენ, მალე გათხოვდებაო. ისეთი კაცი უნდა შეხვდეს, რომელიც გაუგებს. ხომ იცით, ქართველი კაცები რა აზიატები არიან, ამიტომ ისეთს უნდა გაჰყვეს, რომელიც მისივე საქმეში იქნება ჩართული – ან კინოოპერატორს, ან კინორეჟისორს, ვისაც არ გაუკვირდება მსახიობი ცოლის შუაღამეზე დაბრუნება სახლში. თუ მსახიობობა მიატოვა, სახლში დაჯდა და ქმარს შარვლები და წინდები ურეცხა, აბა, რისთვის ისწავლა?! მით უმეტეს, რომ ძალიან ნიჭიერი და შრომისმოყვარე გოგოა. ამ სერიალისთვის თავდადებულია, სულ ცეკვავს, მღერის, კარგ ხასიათზეა, თითქოს არაფერი აწუხებს. ყოველთვის ისეთ სიტუაციას გვიქმნის, რომ ჩვენც კარგ ხასიათზე დავდგეთ. მე უფრო მეტს ვწუწუნებ, ვიდრე ანი. ხან ის მტკივა, ხან – ეს. განა ანის რამე არ სტკივა?! უბრალოდ არასდროს გვაგრძნობინებს. ბედნიერია ის, ვინც მას ცოლად მოიყვანს! ისე, უნდა ვთქვა, რომ ვერც ერთი დედამთილი შეეგუება, რძალი ღამის პირველ საათზე დაბრუნდეს სახლში. 
ანი: მედეა მანანასნაირი ქოთქოთა არ არის, მაგრამ ძალიან ენერგიული ქალია. რაღაც მომენტებში ესეც ქოთქოთებს ხოლმე. ბევრი ინფორმაციის მატარებელია. მანანა რომ ყველაფერში ცხვირს ჰყოფს, მედეა ასე არ არის. ისე, ცოტათი კი ჰგავს თავის გმირს. ჩვენთან ხშირად მოაქვს მურაბები, სალათები და გვასინჯებს. 


ქეთი დინოშვილი 

წყარო




კომენტარები




მსგავსი სიახლეები:

ინფორმაცია
ჯგუფ Гости-ის წევრებს არ აქვთ კომენტარის დატოვების უფლება.


 

ფოტო განწყობისათვის
7-12-2018, 19:22
,,თვალის ჩაპაჭუნებაზე სამუშაო მაქვს აშკარად" -ალეკო ელისაშვილი
3-12-2018, 19:43
სალომე ზურაბიშვილი ახალგაზრდობაში შვილებთან ერთად - ოჯახური ფოტო
3-12-2018, 19:39
2018 წლის ზამთრის ერთ-ერთი მოთხოვნადი აქსესუარი წვერის მანათობელი ნათურაა
9-11-2018, 20:48
დარია სუხიშვილი მამიდას დედას ეძახის - როგორ ცხოვრობს და სად სწავლობს ილიკო სუხიშვილის უმშვენიერესი ქალიშვილი
6-11-2018, 07:36
ქუთაისში აზიური ფაროსანა დააბეს - ფოტო, რომელმაც სოცქსელი გახალისა
3-10-2018, 20:02
ფანტასტიკური ჟანრის თურქული სერიალი netflix-ზე და სტამბოლის მცველად გადაქცეული ჩაღათაი ულუსოი (ფოტო, ვიდეო)
27-09-2018, 09:45
როგორ იზრდება პატარა ევა, რომლის დედის გარდაცვალებამ მთელი საქართველო შეძრა

ვიდეო კოლაჟი
გუშინ, 20:58
სამი შვილის დედამ მტკვარში გადახტომამდე ვიდეომიმართვა გაავრცელა (ვიდეო)
გუშინ, 14:48
"იმ სახელმწიფოს დედა ვატირე, გრიგოლა ვაშაძე გადატრიალებას რომ დავუპირებს! "- კახი კალაძე
გუშინ, 14:37
თქვე ამოსაწყვეტებო თუ ვინმე ჩამოდის თქვენს დაუბანელ და სუნიან საქართველოში მადლობა თქვით (ვიდეო)
15-12-2018, 20:22
კურორტ გოდერძიზე 4K ფორმატის ახალი საიმიჯო ვიდეორგოლი გადაიღეს
4-12-2018, 20:40
პილოტმა შეიტყო, რომ ბორტზე მისი სკოლის მასწავლებელი იმყოფებოდა და ემოციური სიურპრიზი მოუწყო (ვიდეო)
3-12-2018, 20:00
სულხან მოლაშვილმა რომელიღაც ეთერში დააყრანტალა, ბოკერიამ მაწამაო – თამარ ჩერგოლეიშვილი (ვიდეო)
30-11-2018, 20:11
2012 წელი - კარტოფილის დარიგება წინასაარჩევნოდ

     
News.Mcvane.Ge © 2013-2018 საავტორო უფლებები დაცულია