Mcvane.Ge თქვენი საწყისი გვერდი
მთავარი გვერდი ჩვენ შესახებ კონტაქტი რეკლამა
მთავარი გვერდი » ბომონდი » "ლარისა ივანოვნა და ვალიკო... შეხვედრა 40 წლის შემდეგ" - ექსკლუზიური ინტერვიუ ელენა პროკლოვასთან
loading...

"ლარისა ივანოვნა და ვალიკო... შეხვედრა 40 წლის შემდეგ" - ექსკლუზიური ინტერვიუ ელენა პროკლოვასთან

"ლარისუ ივანოვნუ ხაჩუ"

"დაახლოებით ერთი თვის წინ შევხვდით მე და ბუბა, დიდი სიყვარ­ულით გადავეხვიეთ და მივხვდით, რომ ძალიან მოგვნატრებია ერთმანეთი. ამ ურთიერთობასა და სიყვარულს დრო და პოლიტიკა ვერ შეცვლის"


გიორგი დანელიას უკვდავი ფილმის - "მიმინოს" ფრაზები მარგალიტებივითაა მიმობნეული პოსტსაბჭოთა სივრცეში, თუმცა­ მათ შორის განსაკუთრებით პოპულარულია "Ларису Ивановну Хачу". საბჭოთა სტიუარდესა ლარისა ივანოვნა კომაროვას ეპიზოდური როლი რუსი ლამაზმანის სიმბოლოდ იქცა, რომლის გულის მოსაგებადაც კავკასიელი მამაკაცები არაფერს იშურებდნენ.

ბევრი ვიფიქრე, რით გავახარებდი ქართველ მკითხველს წინასაახალწლოდ და მოვიფიქრე Лариса Иванова-ს როლის შემსრულებელთან, ელენა პროკლოვასთან ინტერვიუ შემეთავაზებინა მათთვის.

- 11 წლის ვიყავი, პირველად რომ გადამიღეს ფილმში "რეკავენ, კარი გააღეთ". ამ როლით საერთაშორისო­ პრემია დავიმსახურე. 12 წლისამ გერდას როლი ვითამაშე ფილმში "თოვლის დედოფალი". ამის შემდეგ სკოლა ექსტერნად დავამთავრე და სამსახიობო განათლების მიღებას შევუდექი. ვფიქრობ, კარგი არჩევანი გავაკეთე...

"ლარისა ივანოვნა და ვალიკო... შეხვედრა 40 წლის შემდეგ" - ექსკლუზიური ინტერვიუ ელენა პროკლოვასთან


თქვენი როლი ფილმში "მიმინო", მართა­ლია, ეპიზოდურია, მაგრამ ძალიან ცნობილი, ხოლო ფრაზა "Ларису Ивановну Хачу" ფრთიან გამონათქვამადაც კი იქცა.

- მსოფლიოს მასშტაბით, სადაც კი ჩავფრენილვარ, ყველგან ეს ფრაზა მესმის. დამინახავენ თუ არა, ყოველთვის გაისმის, "Ларису Ивановну Хачу".

"მიმინოში" რომ ვითამაშე, 24 წლის ვიყავი. სიამოვნებით ვიხსენებ იმ დღეებს. როდესაც ეს როლი შემომთავაზეს, უკვე კინოში მუშაობის საკმარისი გამოცდილება მქონდა. ამ დროისთვის უკვე კარგად ვიცნობდი და უფრო მეტიც, მტკიცედ მჯეროდა,­ რომ გიორგი დანელია ყველა დროის საუკეთესო რეჟისორია. მას უკვე გადაღებული ჰქონდა ჩემი აზრით მსოფლიო კლასიკა - "არ იდარდო" და წარმოიდგინეთ, ერთ დღეს ამ ფილმის რეჟისორი მირეკავს და მეუბნება, მოხარული ვიქნები, თუ ჩემს ფილმში ითამაშებთო. "ნებისმიერ დროს, ნებისმიერ როლზე", - ასე, მოკლედ ვუპასუხე. "ეს ძალიან­ პატარა როლია", - დამიკონკრეტა დანელიამ. "თანახმა ვარ", - ვუთხარი დიდ რეჟისორს.
გადაღებები არცთუ დიდხანს გაგრძელდა. ძირითადად, ბერლინში ვიღებდით. თბილისში მოგვიანებით ჩამოვფრინდი, თუმცა გადაღებები ამ ქალაქში არ მქონია. კარგა ხანს შემოვრჩი, რადგან თქვენს ქალაქში ბევრი მეგობარი მყავდა.

- მაშინ პირველად ჩამოხვედით საქართველოში?

- არა, პირველად "მიმინომდე" ჩამო­ვედი. ძალიან მიყვარს საქართველო. ნამდვილი საქართველო კი მაშინ შევიგრძენი,­ როდესაც გიორგი დანელიამ გადამიღო "მიმინოში". ამ ეპიზოდურმა როლმა დადებითი როლი ითამაშა ჩემს სამსახიობო კარიერაში.
მახსოვს თქვენს ქვეყანაში გატარებული დღეები თავისი დაუსრულებელი ქორწილებით, დაბადების დღეებით, ქართულ სუფრასთან ურთიერთობის ლამაზი ტრადიციებით, მეგობრებით, შეხვედრებით.
ბუბა კიკაბიძე "არ იდარდოს" შემდეგ გავიცანი, ცხონებულ ფრუნზიკ მკრტიჩიანსაც ვიცნობდი, ლეონოვთან ერთად კი ბავშვობიდანვე არაერთხელ ვმდგარვარ გადასაღებ მოედანზე.

- რა შეიცვალა ვალიკო მიზანდარსა და ლარისა ივანოვნას, ან ელენა პროკლოვასა და ბუბა კიკაბიძის ურთიერთობაში 2008 წლის შემდეგ?

- არც არაფერი. დაახლოებით ერთი თვის წინ შევხვდით მე და ბუბა, დიდი სიყვარ­ულით გადავეხვიეთ და მივხვდით, რომ ძალიან მოგვნატრებია ერთმანეთი. ამ ურთიერთობასა და სიყვარულს დრო და პოლიტიკა ვერ შეცვლის.

ორმოცი წლის შემდეგ...

"ლარისა ივანოვნა და ვალიკო... შეხვედრა 40 წლის შემდეგ"... ამ წარწერით აქვეყნებს ფოტოებს ბუბა კიკაბიძის პროდიუსერი რატი აბზიანიძე "ფეისბუკში"...

- ერევანში ბუბა კიკაბიძის ახლობლის დაბადების დღე იყო. ელენა პროკლოვაც იქ იყო. ბატონი ბუბასთვის ეს დიდი სიურპ­რიზი გახლდათ. ადვილი წარმოსადგენია, რა ემოციური იქნებოდა მათი შეხვედრა.­ ამ ორი ადამიანის ცხოვრებაში "მიმინომ"­ იმხელა როლი ითამაშა, ცხოვრებასთან არის გაიგივებული. პერსონაჟების სახელებით მოიხსენიებენ ცხოვრებაშიც... ამდენი წლის შემდეგ შეხვედრას, სამწუხაროდ, დიდი სევდაც ახლდა, როგორც გაირკვა, ქალბატონ ელენას შვილი გარდასცვლია.

ბევრი ისაუბრეს, ბევრი სასიამოვნო მოგონებაც ჰქონდათ. ბატონმა ბუბამ ქალბატონი ელენა თავის იუბილეზე დაპატიჟა,­ რომელიც მომავალ წელს გაიმართება ბათუმში. ელენა პროკლოვაც დაჰპირდა, რომ ბათუმში აუცილებლად ჩამოვა... ფილმის გადაღებიდან 39 წელზე მეტი გავიდა, მალე 40 წელი სრულდება და ორივე მათგანი სინანულით აღნიშნავს, რომ ეს წლები მათთვის ძალიან სწრაფად გავიდა.

ეკა სალაღაია
მანანა გაბრიჭიძე

www.kvirispalitra.ge




კომენტარები




მსგავსი სიახლეები:
  • როგორ სახლში ცხოვრობს ბუბა კიკაბიძე – ფოტოკოლაჟი
  • “შეწყვეტილი ფრენა“ – ფილმი, რომელიც 2006 წელს მომხდარ რეალურ ტრაგედიას ასახ ...
  • ილია ჭავჭავაძე- კოტე თოლორდავას ერთ-ერთი მნიშვნელოვანი როლი
  • ია ნინიძის პირადი ცხოვრების უცნობი დეტალები - ''ძალიან მიყვარდა ნიკუშა შე ...
  • გივი სიხარულიძის წინასწარ გამოცხადებული სიკვდილის ქრონიკა
  •  

    ფოტო განწყობისათვის
    15-06-2018, 12:37
    ესტონეთში ასე ტოვებენ ხილს კორპუსებში მცხოვრებლებისთვის
    5-06-2018, 08:07
    მეტროპოლიტენი, სადაც მატარებელი მემანქანის გარეშე მოძრაობს (ვიდეო)
    3-06-2018, 08:34
    "19 წლისა გავთხოვდი, განა აესე დაჯღანულ ვიყავ" - 105 წლის, გუდამაყრელი ბებოს სათხოვარი
    1-06-2018, 15:39
    თაკო ჭანუყვაძე: „ერთადერთი მსგავსება, რაც კეკესთან მაქვს, ჩაცმის სტილია…“
    24-05-2018, 11:53
    “ჯერ გამოკითხა მოხუცი პაციენტი და მერე ასე მოეფერა” – ემოციური ფოტო კლინიკიდან
    23-05-2018, 16:37
    სამეფო წყვილმა ქორწილის ოფიციალური ფოტოები გამოაქვეყნა
    23-05-2018, 12:07
    პრინცესა დიანას 6 მიუტევებელი შეცდომა, რომელმაც სამეფო ოჯახი შეურაცხყო

    ვიდეო კოლაჟი
    გუშინ, 15:37
    შემზარავი ავარია გომბორის უღელტეხილზე - რას ყვებიან მშობლები საბედისწერო ექსკურსიაზე (ვიდეო)
    გუშინ, 13:30
    ნახმარი წინდები და საცვლები ტილოს ნაცვლად – უპრეცენდენტო სიბინძურე თბილისის ცენტრში მდებარე რესტორანში (ვიდეო)
    გუშინ, 13:23
    შემზარავი ფაქტი თბილისში – ძიძა 6 თვის ტყუპებს სასტიკად სცემს (ფარული კადრები)
    20-06-2018, 12:53
    გონება ხომ 4 თითზე გაქვს გახსნილი – ნიკა მელიას ლექსი მიუძღვნეს (ვიდეო)
    19-06-2018, 16:53
    "იმედია, ფილმის შემდეგ მაინც დარწმუნდება საზოგადოება, რომ ტყუილად არ ვიბრძვი"- ზაზა სარალიძე
    19-06-2018, 15:42
    30 წლის ქალი 70 წლის მამაკაცს გაუპატიურებაში ადანაშაულებს-რა მოხდა კახეთში? (ვიდეო)
    18-06-2018, 14:22
    რას წერდა, მკვლელობამდე ცოტა ხნით ადრე, ანა ნაცვლიშვილი შეყვარებულს - უცნობი დეტალები (ვიდეო)

         
    News.Mcvane.Ge © 2013 საავტორო უფლებები დაცულია