Mcvane.Ge თქვენი საწყისი გვერდი
მთავარი გვერდი ჩვენ შესახებ კონტაქტი რეკლამა
მთავარი გვერდი » ბომონდი » ძვირფასი საჩუქარი საყვარელ ქალს – „მთელ საქართველოს ჰგონია, რომ მე 70 წლის ვარ და გიორგი 30-ის“

ძვირფასი საჩუქარი საყვარელ ქალს – „მთელ საქართველოს ჰგონია, რომ მე 70 წლის ვარ და გიორგი 30-ის“

14 თებერვალს, სიყვარულის დღეს, რესტორან „სამ საუკუნეში“, მომღერალმა გიორგი წერეთელმა და მისმა მეუღლემ ლოლიტამ ახალი დისკის პრეზენტაცია აღნიშნეს.

„შენი სიყვარული ვარ“ ასე ჰქვია ალბომს, რომელიც მომღერალმა წყვილმა თავის მსმენელს წარუდგინა. საღამოს ბოლოს, სადღესასწაულო ტორტი გიორგიმ რესტორნის ეზოში გააჭრევინა. ამასობაში მისი სიურპრიზიც მოაყენეს რესტორანთან, ახალი მანქანა ლოლიტასთვის.

წყვილთან ინტერვიუ სწორედ ამ სიურპრიზით დავიწყეთ...

გიორგი:

– ასეთ სიურპრიზებს ჩვენ ხშირად ვუკეთებთ ერთმანეთს, უბრალოდ, ამ დღეს სახალხოდ გამოვიდა. ოთხი წელია მანქანა არ შეუცვლია ლოლას და მინდოდა ახალი მეყიდა, უბრალოდ, იმ დღეებში გამოჩნდა მანქანა, რომელიც მომეწონა მისთვის და დაემთხვა ამ დღეს.

ლოლა:
– არც ვფიქრობდი ასეთ საჩუქარზე, რაიმე ოქროულობას მაჩუქებს, როგორც ყოველთვის-მეთქი, ვფიქრობდი. როცა ყუთი გადმომცეს, მიკროფონში ვთქვი კიდეც, ოქროს სამკაული იქნება-მეთქი. ვერ გავხსენი ბანტი, ბოლოს მეგობარმა გახსნა და დაიწყეს გოგოებმა ყვირილი, შეხედე, შეხედეო. გასაღები რომ ვნახე, მეც ავყვირდი. ფოტოებზეც კარგად ჩანს ჩემი ემოციები. ასეთ საჩუქარს მართლა არ ველოდი. თავიდან ვერც მივხვდი რატომ გაჭრეს ტორტი ეზოში. გიორგიმ მითხრა, გრანდიოზული ფოიერვერკები იქნება და ამიტომო, ამ დროს შემოაყენეს ჩემი ახალი მანქანაც.

– ლოლა, შენ რა აჩუქე მეუღლეს?
– მე ძალიან მინდოდა სახლში რაღაცის შეცვლა. მისაღებ ოთახში ერთი კედელი გავალამაზე, ტრიდე „ფოტოაბოი“ გავაკეთებინე მთელ კედელზე, ლამაზი ყვავილებით. შინ რომ დავბრუნდით, დახვდა.

გიორგი:
– საღამოს სახლში რომ მივედი, რემონტი დამხვდა (იცინის). მოდაშია ახლა ასეთი კედლები, ისეთი ეფექტი აქვს, სივრცეს ქმნის, თითქოს იქ ზიხარ შენც იმ ფოტოში. 4 თებერვალს დაბადების დღე მაქვს, კიდევ ველოდები სიურპრიზს (იღიმება).

– 6 წელია ერთად ხართ, გვიამბეთ როგორ დაიწყო თქვენი სიყვარული?
გიორგი:
– სცენაზე გავიცანით ერთმანეთი, კარგი მეგობრები ვიყავით… ყველა მომღერალთან ვერ ვმუშაობდი, მრავალპროფილიანი მომღერლის პოვნა არ იყო იოლი, ლოლასთან გამიადვილდა, ძალიან მოუხდა ჩვენი ხმები ერთმანეთს. მერე ყველაფერი თავისით მოხდა… გაცნობიდან ერთ წელიწადში ძალიან ახლო მეგობრები გავხდით. მაშინ მე მარტო ვიყავი, თავის დროზე ოჯახი დამენგრა და ოჯახის შექმნაზე აღარც ვფიქრობდი. ბიჭი მყავს პირველი ქორწინებიდან. რატი 12 წლის არის უკვე, პარასკევს, შაბათსა და კვირას ჩვენთან ატარებს.

– შეიძლება, განქორწინების მიზეზი გკითხო?

– ეჭვიანობა. ოჯახი ჩემთვის ძალიან ბევრს ნიშნავს. მე ცოტა კავკასიური ხასიათი მაქვს, უმიზეზოდ არ ვეჭვიანობ და არც ის მიყვარს, როცა ჩემზე უმიზეზოდ ეჭვიანობენ. მივხვდი, რომ საცოდავი იყო ჩემი ცოლი, ბოლოს უკვე ძმაკაცებზე ეჭვიანობდა და დავამთავრე.

– ლოლა როგორია ამ მხრივ?

– ლოლა ძალიან ტრადიციულ ოჯახშია გაზრდილი, სადაც კაცსა და ქალს თავისი ადგილი აქვს, სადაც ავადმყოფურად არავინ ეჭვიანობს.
ლოლა:
– მე მესმის, რომ გიორგის ჰყავს მეგობრები, მსმენელები, თაყვანისმცემლები, რომლებიც მას ეხუტებიან, კოცნიან და რა, ამით რა ფუჭდება, არაფერი.

– ლოლა, შენს ცხოვრებაში რა ხდებოდა მანამ, სანამ გიორგი გამოჩნდებოდა?
– მეც ვიყავი ქორწინებაში 12 წელი. თითქმის ერთი „სროკი“ გვაქვს მე და გიორგის, გიორგის 10-წლიანი ქორწინება ჰქონდა ჩემამდე, მე – 12-წლიანი.

– შენი ოჯახიც ეჭვიანობის გამო დაინგრა?
– არა, ჩემი ოჯახის დანგრევის მიზეზი არ იყო ეჭვიანობა. ჩვენ, პირველ რიგში, არ გვყავდა შვილები, მეორეც არაფერს არ აკეთებდა ჩემი ქმარი, უმუშევარი იყო.

– და რატომ გაჩერდი 12 წელი ასეთ მამაკაცთან?

– ოჯახიდან გამომდინარე. აკი გითხრათ გიორგიმ, ძალიან ტრადიციულ ოჯახში გავიზარდე, ქორწინებიდან ერთ თვეში ვერ მოვიდოდი სახლში და ვერ ვეტყოდი მამას, არ გაამართლა ჩემმა ქორწინებამ-მეთქი. ვიტანდი სადამდეც შემეძლო. როცა უკვე გაუსაძლისი გახდა ყველაფერი და თან საკუთარი შემოსავალი მქონდა, რომ მამის ჭერქვეშ და მამის ხარჯზე არ მეცხოვრა, დავაღწიე თავი ამ ჯოჯოხეთს. უკვე ავად ვიყავი, ძალიან ავად ვიყავი, არც აინტერესებდა, მხოლოდ ფული აინტერესებდა ჩემი… როცა ამდენი წელი ქალი ამ ყოფაში ცხოვრობს, თავის ოცნებებში ყოველთვის ხატავს მამაკაცს, რომელიც მისთვის იდეალია. ასეთი მამაკაცი ჩემთვის იყო შრომისმოყვარე, მოწესრიგებული, მართალი, არაპრობლემური, საინტერესო მოსაუბრე. როცა გიორგი გავიცანი, ჩემს მეგობრებს ვეუბნებოდი, შეხედეთ, რა კარგი ბიჭია-მეთქი. ჩვენს შორის ასაკობრივი სხვაობა 10 წელია. მართალია მთელ საქართველოს ჰგონია, რომ მე 70 წლის ვარ და გიორგი 30-ის, მაგრამ ასე არ არის. მე 50 წლის ვარ, გიორგი 40-ის. თავიდან მართლა ისე ვუყურებდი, როგორც მეგობარს, მომწონდა, რომ ქალთან მეგობრობა შეეძლო, მისი ნდობა შეიძლებოდა, ჰქონდა გემრიელი ხელი. ჩვენ ღამითაც ვმუშაობდით რესტორანში. ზოგჯერ რესტორნის სამზარეულოს თავს არიდებდა, მოიტანდა პროდუქტებს, დაჭრიდა, თავად მოამზადებდა. მოკლედ, გემრიელი კაცი იყო. ამასობაში ვიგრძენი, რომ შემიყვარდა და ძალიან შემეშინდა.

– ვინ გამოტყდა პირველი სიყვარულში?
– მე. ამაში სასირცხვილოს ვერაფერს ვხედავ. ეუბნები ადამიანს, რომ გიყვარს, ხომ არ ეუბნები უნდა მოგკლაო. მიიღებს, მიიღებს, არადა ამის გამო ხომ არ მოგკლავს.

– როგორ მიიღო?
გიორგი:
– ლოლიტა მეგობარივით მიყვარდა, ვიცოდი ის ქალი არ იყო, რომელთანაც მოკლევადიან რომანს გავაბამდი. ცოლის მოყვანა არ მინდოდა. დროებითი რომანებიც არასაინტერესო იყო უკვე ჩემთვის, არ მეცალა კეკლუცობებისთვის. კარიერაზე და სამსახურზე ვფიქრობდი. შვილზე ვზრუნავდი, მეტი პასუხისმგებლობა მეკისრებოდა, რადგან ოჯახიდან წამოვედი. ამიტომ ლოლიტას ვუთხარი, დავრჩეთ მეგობრებად, დაფიქრდი, შეიძლება ეს უბრალოდ გატაცებაა და მეტი არაფერი-მეთქი. გარკვეული პერიოდი ვიყავით ასე, მერე სხვა გოგოებისკენ ყურება დავიწყე, ლოლას დასანახადაც დავდიოდი პაემნებზე. არ მინდოდა ჩვენი მეგობრობა გამეფუჭებინა. მერე ისე მოხდა, რომ აქეთ გამიხდა სახვეწარი. მივხვდი, რომ ლოლიტა ის არის, ვინც მე მჭირდებოდა. არც ისე იოლი ასატანი ვარ ოჯახში, ლოლა უკვე კარგად მიცნობდა… ერთ დღეში გადაწყდა ყველაფერი. მორიგი პაემნიდან მოვედი, სადაც ვერაფერი განსაკუთრებული ვერ ვნახე. მივხვდი, რომ რაღაც არაჩვეულებრივი მინდოდა. ლოლა არაჩვეულებრივი იყო ჩემთვის, როგორც ქალი, როგორც ადამიანი.

– არ დაგაფიქრა ასაკობრივმა სხვაობამ?
– არა, ერთადერთი ის ვიცი, რომ ლამაზი და ბედნიერია ქალი, რომელიც შეყვარებულია. სხვა კრიტერიუმები ჩემთვის არ არსებობს, არც სახის ნაკვთები, არც ტანის მოყვანილობები. ვიზუალურ მხარეს ჩემთვის მნიშვნელობა არ აქვს. ჩემთვის ლამაზი ქალი არის ის, ვისაც ბედნიერი თვალები აქვს, სიყვარულით გაბრწყინებული.
– ამ ბედნიერმა ქალმა ცოტა ხნის წინ გადაწყვიტა გახდეს და ეს გამოუვიდა კიდეც.

ლოლა:

– ცოტა ხნის წინ არა, მესამე წელია რაც კუჭის ოპერაცია გავიკეთე. ოღონდ, არა მხოლოდ გარეგნობისთვის, ეს უკვე ჯანმრთელობის პრობლემამ მოითხოვა. დიდი ხნის წინ მინდოდა ამ ოპერაციის გაკეთება, უბრალოდ, ვარჩევდით ექიმს, რომელიც კარგად გააკეთებდა ოპერაციას.

გიორგი:

– ყველაფერი არასწორი ცხოვრებიდან მოდის, არასწორი კვებიდან. მეც, თავის დროზე, როცა მოსკოვში ვცხოვრობდი, 40 კილო დავიკელი დიეტებით. 125 კილო ვიყავი… ახლაც, ბოლო 2 თვის განმავლობაში, 20 კილო მოვიმატე. ერთი თვის წინ მეც გავიკეთე კუჭის ოპერაცია. ასე რომ, არც მე და არც ლოლას კუჭი აღარ გვაქვს. რად გვინდა, ძალიან კარგად ვგრძნობთ თავს, იმ რაოდენობით არც გვშივდება და ბევრსაც ვეღარ ვჭამთ. თან ცუდ ხასიათზეც არ ვართ.

– ლოლა, გიორგიმ თქვა, მძიმე ვარ ოჯახშიო. რაში გამოიხატება?

– მაგალითად, იღვიძებს და არ ვარ სახლში, ტრაგედიაა მისთვის. რომ გაიღვიძებს, ხელებს გაშლის და გულში მიკრავს. ასე იღვიძებს, ბავშვური ჩვევა აქვს გამოყოლილი. მძიმე ხასიათი გამოიხატება იმაში, რომ მე მისი საკუთრება ვარ, მესაკუთრეა, საშინელი მესაკუთრე… როცა რამეს აკეთებს, ხელი არ უნდა შეუშალო, კითხვები არ უნდა დაუსვა. თავიდან ვერ ვიგებდი რა სჭირდა, ერთი წელი დაგვჭირდა, რომ კარგად გაგვეცნო ერთმანეთი.

– ლოლას რა აქვს ცუდი?
გიორგი:
– ზედმეტად კეთილია, მეტისმეტად იცის ადამიანებზე გადაყოლა, იმ ადამიანებზე, რომლებიც არ უფასებენ. პრინციპში მეც ასეთი ვარ. ამაზე ერთმანეთს ვეჩხუბებით ხოლმე, აი, ხომ გეუბნებოდიო, ვახსენებთ ხოლმე.

– ძირითადად რა თემებზე კამათობთ?
ლოლა:
– თუ გეტყვით რომ არ ვკამათობთ, დამიჯერებთ?
გიორგი:
– მთავარია, კონფლიქტის დაწყების მომენტში ერთმა, რომელიც ნაკლებად გაღიზიანებულია, დათმოს და კონფლიქტიც არ იქნება. მეც დამითმია, ეს სულ არ მამცირებს, როცა საჭიროა კაცმაც უნდა დათმოს.
– ყველაფერი გაქვთ ბედნიერებისთვის: სახლი, მანქანები, დიდი სიყვარული და საქმე, რომელიც ორივეს ძალიან გიყვართ. დაგრჩათ რამე საოცნებო?
ლოლა:
– მე მინდა სახლი ზღვის პირას.
გიორგი:
– ეს ოცნება არ არის, ეს, შემდგომი შეკვეთაა (იცინის).
ლოლა:
– დაგაგვიანდა.
გიორგი:
– იქნება, ყველაფერი იქნება, მთავარია მუშაობა იყოს, გასტროლები. ახლა გასტროლით ისრაელში მივდივარ, მერე მე და ლოლა გერმანიაში მივდივართ, მერე ამერიკაში, დიდი კრუიზი გვაქვს. ერთი თვე არ ვიქნებით საქართველოში.

– გიორგი, შენს ოცნებებზე არაფერი მითხარი…
– ჩემი ოცნება ჯანმრთელობაა, რომ შევძლო და ყველაფერი გავაკეთო, რისი გაკეთებაც ოჯახისთვის მინდა. მე ვხარობ ლოლას ბედნიერი სახით. ეს მანქანა იმდენად ემოციური არ იყო, თქვენ ლოლას სახე უნდა გენახათ საძინებელი რომ დავახვედრე სახლში, მაშინ.

ლოლა:
– ამას მე მოვყვები. მეგობართან ერთად ვიყავი ავეჯის მაღაზიაში. ძალიან ლამაზი საძინებელი ვნახე, 3 500 დოლარი ღირდა, მოვკვდი იქვე, ისე მომეწონა. მოვედი და მოვყევი სახლში. გავიდა ერთი კვირა. რესტორანში მივდივართ. მითხრა, ვერ ვარ კარგად, წადი და მოგვიანებით მოვალო. მთელი საღამო ვურეკავდი, ხალხი გკითხულობს, სად ხარ-მეთქი. მოვალ, მოვალო, მეუბნებოდა.

გიორგი:
– ლოლა რომ წავიდა, მოვიყვანე მუშები, მთელი ბრიგადა მუშაობდა, რომ ძველი საძინებელი გაგვეტანა და ახალი ჩაგვედგა ოთახში. მანამდე ყველაფერი განსაზღვრული მქონდა, ზომებიც აღებული, რომ ზუსტად ჩამჯდარიყო. ხუთი კილო „მიშკა“ შოკოლადი ვიყიდე (უყვარს ლოლას) და საწოლზე დავყარე.
ლოლა:
– გვიან მოვიდა რესტორანში, რესტორნიდან კლუბში წავედით. მოვედი სახლში და მისაღებში სარკეში ვხედავ ჩემს საძინებელში სხვა ინტერიერია, სარკიდან დავინახე ჩემი საოცნებო საძინებელი. აი, მაშინ კი დავიწყე კივილი, ვკოცნიდი საწოლს, გარდერობს… ნამდვილად საოცარი სიურპრიზი იყო.

ნინო მჭედლიშვილი

„პრაიმტაიმი“

ძვირფასი საჩუქარი საყვარელ ქალს – „მთელ საქართველოს ჰგონია, რომ მე 70 წლის ვარ და გიორგი 30-ის“


ძვირფასი საჩუქარი საყვარელ ქალს – „მთელ საქართველოს ჰგონია, რომ მე 70 წლის ვარ და გიორგი 30-ის“


ძვირფასი საჩუქარი საყვარელ ქალს – „მთელ საქართველოს ჰგონია, რომ მე 70 წლის ვარ და გიორგი 30-ის“


ძვირფასი საჩუქარი საყვარელ ქალს – „მთელ საქართველოს ჰგონია, რომ მე 70 წლის ვარ და გიორგი 30-ის“


ძვირფასი საჩუქარი საყვარელ ქალს – „მთელ საქართველოს ჰგონია, რომ მე 70 წლის ვარ და გიორგი 30-ის“


ძვირფასი საჩუქარი საყვარელ ქალს – „მთელ საქართველოს ჰგონია, რომ მე 70 წლის ვარ და გიორგი 30-ის“


primetimenews.ge




კომენტარები




მსგავსი სიახლეები:
  • გიორგი წერეთელი და ლოლიტა - რა არის წყვილის წარმატების საიდუმლო
  • გიორგი წერეთლის გრანდიოზული საჩუქარი მეუღლეს ვალენტინობაზე - „მეშინოდა, გულ ...
  • პრეზიდენტმა თავის ქალიშვილს 58 მილიონად შეფასებული სახლი უყიდა
  • სალომე ღვინიაშვილი: "ჩემს ქმარს ჰგონია, რომ ძალიან კარგად ვმღერი"
  • გიორგი წერეთელი 50 ათას დოლარიან "მაგარ გოგოს" დააქროლებს

  • ინფორმაცია
    ჯგუფ Гости-ის წევრებს არ აქვთ კომენტარის დატოვების უფლება.


     

    ფოტო განწყობისათვის
    3-10-2018, 20:02
    ფანტასტიკური ჟანრის თურქული სერიალი netflix-ზე და სტამბოლის მცველად გადაქცეული ჩაღათაი ულუსოი (ფოტო, ვიდეო)
    27-09-2018, 09:45
    როგორ იზრდება პატარა ევა, რომლის დედის გარდაცვალებამ მთელი საქართველო შეძრა
    19-09-2018, 15:01
    ბერა ივანიშვილის საცოლის ფოტოები "ინსტაგრამიდან"
    15-09-2018, 14:54
    ჭურჭლის მრეცხავობიდან მილიარდერობამდე - როგორ ცხოვრობს მსოფლიოს უმდიდრესი ადამიანის ცოლი (ფოტოები)
    5-09-2018, 19:16
    ქალს, რომელიც თავის სარჩენად სახლში ტორტებს აცხობს, ბინიდან გასახლებით და 5000-დოლარიანი ჯარიმით ემუქრებიან
    22-08-2018, 20:01
    აზერბაიჯანელი მოდელი ქალწულობას 100 000 ევროდ ყიდის - "მარია" მიღებული ფულით სახლის ყიდვას და მოგზაურობას აპირებს (ფოტოები)
    15-08-2018, 20:03
    İçerde - პოპულარული თურქი მსახიობები ჩაგათაი ულუსოი და არას ბულუთ ინემლი ქართველ მაყურებელს დაუბრუნდნენ

    ვიდეო კოლაჟი
    13-10-2018, 20:26
    6 წლის გოგონამ საკუთარ თავზე აიღო პარალიზებული მამის მოვლა
    12-10-2018, 12:59
    ქართველმა გოგონამ ბერძნულ The Voice-ში ოთხივე მწვრთნელი შემოაბრუნა
    9-10-2018, 20:48
    "ფეხებს რომ პარჭყავს, ის უნდა გახდეს თურმე პირველი ლედი" - რეზო ამაშუკელი ახალ მიმართვას ავრცელებს
    7-10-2018, 20:43
    " შე კრეტინო, დედალო ძუკნა, ჩამოდი თუ შნო გაქვს, მარტო მე დაგხვდები!"- რეზო ამაშუკელი მიხეილ სააკაშვილს მიმართავს
    7-10-2018, 19:45
    "მძღოლს ალბათ დააპატიმრებენ, მაგრამ ამ ბავშვებს ეს გააცოცხლებს?!" - საზარელ ავარიას შეწირული კიდევ 2 ახალგაზრდა
    3-10-2018, 20:02
    ფანტასტიკური ჟანრის თურქული სერიალი netflix-ზე და სტამბოლის მცველად გადაქცეული ჩაღათაი ულუსოი (ფოტო, ვიდეო)
    2-10-2018, 19:47
    ,,დააბრუნეთ სააკაშვილი და უკანალზე აკოცეთ"

         
    News.Mcvane.Ge © 2013-2018 საავტორო უფლებები დაცულია