მსოფლიოს უმსხვილესმა ინტერნეტ ტელევიზიის ქსელმა netflix-მა თურქული ფანტასტიკური სერიალი The Protector (Hakan: Muhafız) გადაიღო. რომლის პრემიერაც წლის ბოლოს შედგება. სერიალის პირველი თიზერი ინტერნეტში 2 დღის წინ გამოჩნდა.
სერიალი, რომელიშიც მთავარ როლს თურქი ვარსკვლავი ჩაღათაი ულუსოი ასრულებს, მოგვითხრობს ჩვეულებრივ ადამიანზე, რომელსაც ბედისწერა გმირად აქცევს.
სერიალის მთავარი გმირი ჰაკანია, მაღაზიის მფლობელი, რომლის სამყაროც თავდაყირა დგება მას შემდეგ რაც აღმოაჩენს, რომ საიდუმლო, უძველეს ორდენთანაა დაკავშირებული , რომელსაც სტამბოლის დაცვა ევალება. ისტორიის დასაწყისში ჰაკანი გმირის იმიჯისგან შორსაა - ის ერთ რიგითი ბიჭია, იმ 15 მილიონიან ქალაქში, სადაც აღმოსავლეთი-დასავლეთს, წარსული კი მომავალს ხვდება. ის მოულოდნელად იგებს, რომ მის მშობლიურ ქალაქს საიდუმლოებით მოცული, მისტიური უკვდავი ბნელი ძალებისგა საფრთხე ემ უქრება და მისი მოვალეობა მათი შეჩერებაა. ეს არის ამოცანა, რომლისთვისაც ის არა მარტო მოუმზადებელი იყო, არამედ კიდეც ეწინააღმდეგებოდა ამ ბრძოლაში ჩართვას. სერიალის მთავარი ინტრიგა სწორედ ამაშია შეძლებს ის ბედისწერით მინიჭებული უკანასნელი დამცველის მოვალეობის შესრულებას? ამისთვის საჭირო მისტიურ ძალას ჰაკანს თილისმა მიანიჭებს.
სერიალის 10 ეპიზოდი უკვე გადაღებულია და უკვე იგეგმება მეორე სეზონის გადაღებაც.
გავრცელებული ინფორმაციით ჩაღათაი ულუსოის გარდა სერიალში მონაწილეობენ თურქი ვარსკვლავები: აიჯა აისინ ტურანი, ჰაზარ ერგუჯლუ, ოკან იალაბიკი, მეჰმეთ კურტულუსი, საიგინ სოისალი და ბურჯინ ტერზიოღლუ. რეჟისორი
სერიალის პირველ თიზერში ჩაღათაი ულუსოი მისტიური გმირის იმიჯით გამოჩნდა, რამაც მისი თაყვანისმცემლების დიდი მოწონება დაიმსახურა და სერიალის მოლოდინი კიდევ უფრო გაამძაფრა.
