Mcvane.Ge თქვენი საწყისი გვერდი
მთავარი გვერდი ჩვენ შესახებ კონტაქტი რეკლამა
მთავარი გვერდი » საინტერესო ბმულები » სერვისი და კვალიფიციური კადრები - ქართული რესტორნების მთავარ პრობლემად რჩება

სერვისი და კვალიფიციური კადრები - ქართული რესტორნების მთავარ პრობლემად რჩება

ქართველი გოგო, რომელმაც ოქსფორდის დამავრების შემდეგ ბიზნესი თბილისში დაიწყო, კომერსანტის ინტერვიუ კომპანია ,,თუშიქონსეფთის“ თანადამფუძნებელთან ეკატერინა თუშიშვილთან.

— რა გზა გაიარეთ?

დავამთავრე ამერიკული კოლეჯი მოსკოვში, პარალელურად ვსწავლობდი რუსულ სკოლაში. შემდეგ ჩავაბარე შვეიცარიაში, სადაც პროფესია ჩემით ავირჩიე, მინდოდა სასტუმრო და სარესტორნო ბიზნესის სწავლა, თუმცა სულ სხვა გეგმები ქონდათ ჩემს მშობლებს. სასტუმროს და ტურისტულ ბიზნესში ჯერ თეორიული და პრაქტიკული განათლება მივიღე, ვაბარებდი უამრავ გამოცდას. ვსწავლობდი Swiss Hotel Management School – University, (In Partnership with The University of Derby, Derby, England) რომელიც ადრე იყო სასტუმრო და შემდეგ გადაკეთდა უნივერსიტეტად. სწავლის პარალელურად თან ვმუშაობდი ჩემი პროფესიით.

ჩემი პირველი პრაქტიკა იყო ლოზანაში, სასტუმროში Lausanne Palace, სადაც დავიწყე მიმტანად მუშაობა და ამ 6 თვის განმავლობაში გავხდი მენეჯერის ასისტენტი. ეს იყო ძალიან დიდი გამოცდილება, რომელიც სამომავლოდ გამომადგა. შემდეგ ვიმუშავე რამდენიმე სასტუმროში, სხვადასხვა პოზიციაზე. რუსეთში ვმუშაობდი სასტუმრო Sheraton -ის მიმღებში, ასევე სასტუმრო Marco polo -ში. ბაკალავრიატის და მაგისტრატურის შემდეგ მოვეწყე პრაღაში Hilton -ის ბიზნეს ცენტრში, სადაც ჩამაბარეს მცირე საკონფერენციო ჯგუფი და რამდენიმე თვეში დამაწინაურეს. ღონისძიებების დეპარტამენტში მივიღე დიდი გამოცდილება სხვადასხვა მასშტაბური ღონისძიებების და ბიზნეს შეხვედრების ორგანიზებაში.

მაგისტრატურა დავამთავრე– Masters of Arts in Hospitality Management.

ასევე ვმუშაობდი ბიზნეს განვითარების დირექტორად Marriott -ის ქსელში მოსკოვში და სასტუმრო Dynamics -ში მთელ რუსეთში.

შემდეგ ჩავაბარე Oxford -ში Executive education for future leaders and busness owners -ის პროგრამაზე, სადაც დეტალურად გავიარეთ ბიზნესის კეთების ყველა დეტალი.

მქონდა ბიზნესი პრაღაში - Luxury network, რომელიც მთლიანად ჩემით ავაწყე. Luxury network -ში გაწევრიანება შეეძლოთ მსხვილ ბიზნეს კომპანიებს, რომელთაც თანამშრომლობის პირველ ეტაპს უფასოდ ვთავაზობდით. იყო სკეპტიკური დამოკიდებულება, რადგან უცხო იყო ეს სისტემა მათთვის. British embassy იყო ჩემი ბიზნესის რეკომენდატორი, რომელსაც ძალიან დიდი გავლენა აქვს. ამ კომპანიაში ვიყავი ყველაფერი: ბუღალტერი, მარკეტინგი, პიარი და ა.შ. თუმცა რადგან გადავწყვიტე საქართველოში წამოსვლა, ეს ბიზნესი ჯერ-ჯერობით დაკონსერვებულია, ასე ვთქვათ.

სერვისი და კვალიფიციური კადრები - ქართული რესტორნების მთავარ პრობლემად რჩება


— ასეთი განათლების და გამოცდილების შემდეგ რატომ გადაწყვიტეთ საქართველოში დაბრუნება?

ამაზე ლაპარაკი ხშირად გვქონდა და განხილვა ოჯახში. სულ ვამბობდი, რომ მამაჩემმა რელსებზე დადგა ვაგონი, ეხლა უკვე ჩვენზე არის დამოკიდებული ამ ვაგონს როგორ ვატარებთ, მივამატოთ ვაგონები და შემდეგ ჩვენს შვილებს გადავცეთ.

ვთლიდი, რომ ჩვენი მშობლების ნაშრომი ასე არ უნდა დაკარგულიყო. აუცილებლად უნდა გაგვეგრძელებინა მისი დაწყებული საქმე. რა თქმა უნდა, ამ ბზნესის გაკეთება უამრავ სხვა ქვეყანაში შეგვეძლო, მაგრამ საქართველოს ბაზარი ამ მხრივ ცარიელი იყო და ვხედავდით უდიდეს პოტენციალს. გვინდოდა ისეთი რამის გაკეთება, რაც საქართველოსთვის ახალი იქნებოდა, როცა ჩვენ დავიწყეთ „ვერე ლოფთის“ კეთება თბილისში საერთო სამუშაო სივრცის შესეხაბ არავინ არაფერი იცოდა, ეს იყო ძალიან დიდი რისკი, მაგრამ ამასთანავე საინტერესო გამოწვევა, რომელიც ჩემი ძმის იდეა, მიზანი და ოცნება იყო. ეს იყო ნოვატორული პროექტი.

გვინდოდა საქართველოსთვის გაგვეკეთებინა რამე კარგი და ის გამოცდილება და განათლება, რაც საზღვარგარეთ მივიღეთ ჩვენი ქვეყნისთვის მოგვეხმარებინა. გავაკეთეთ ჩვენი იდეების პრეზენტაცია, ბიზნეს გეგმა და ჩამოვედით თბილსში.

მე და ჩემმა ძმამ დავაარსეთ ჰოლდინგი „თუშიქონსეფთი“, მიუხედავად იმისა რომ მე და დათო ერთდროულად ერთნაირები და განსხვავებულებიც ვართ, გვაქვს ჩვენი ინტერესები და აქედან გამომდინარე Food Art რესტორანი Vere Blooms ვარ მე, Vere loft - დათო. “თუში ქონსეფთის” შექმნის მიზანი იყო, გამხდარიყო ინოვაციური კომპანია, რომელიც ქვეყნის განვითარებში თავის წვლილს შეიტანდა. ძალიან იშვიათია როცა ქალი და კაცის ტანდემი ქმნის წარმატებულ ბიზნესს, ლიმიტი არ გვაქვს, ამიტომაც ჰოლდინგი, შეიძლება განუსაზღვრელი მიმართულებით განვითარდეს.

სერვისი და კვალიფიციური კადრები - ქართული რესტორნების მთავარ პრობლემად რჩება


— თქვენი ერთ-ერთი წარმატებული პროექტი არის ვერე ბლუმსი, რატომ გადაწყვიტეთ მისი შექმნა, რა იყო მიზანი და მიაღწიეთ თუ არა ამ მიზანს?

როდესაც ამ ბიზნეს ვაკეთებდით, უპირველეს ყოვლისა მინდოდა ჩემი გამოცდილება აქ ჩამედო და შემექმნა ისეთი ადგილი, რომლის მსგავსი საქართველოში ჯერ არ არის. მეორე ის, რომ რაც ევროპაში მომწონდა იყო მიდგომები. მიმაჩნია, რომ მფლობელი მთელ გუნდთან ერთად უნდა აკეთებდეს ყველაფერს, იმისთვის რომ რესტორანი გახადო ყველასთვის პოზიტიური.

რესტორანი არის ადგილი არა კვებისთვის, არამედ არის რიტუალი, შთაბეჭდილება და მოგონება.

ძალიან პატივს ვცემ ქართულ ტრადიციულ სამზარეულოს, მაგრამ ხალხს უნდა ქონდეს მეტი არჩევანი, მინდა, რომ იმ ადამიანებს რომლებსაც ევროპული სამზარეულო და Food art - ი მოსწონთ, ბლუმს - ში იგრძნონ თავი როგორც ევროპულ მოგზაურობაში.

ბლუმსი ერთი წელია რაც გაიხსნა და უკვე დაიმკვიდრა თავი მსოფლიოში აღიარებული კულინარიის ყვითელ გზამკვლევში - ,,გოე მიოში“. ექსპერტების შეფასებით ჩვენი რესტორანი ხუთულში მოხვდა, რაც ძალიან სასიხარულოა.

სერვისი და კვალიფიციური კადრები - ქართული რესტორნების მთავარ პრობლემად რჩება


— რა არის ყველაზე დიდი პრობლემა ქართულ სარესტორნო ბიზნესში?

ამ ბიზნესში ყველაზე დიდი პრობლემა არის სერვისი. ძალიან გაგვიჭირდა კადრების მოძიება, რომელიც ჯერ კიდევ რემონტის დროს დავიწყე.

კადრი არის ყველაზე დიდი პრობლემა, მიმტანისთვის აუცილებელია იყოს ბედნიერი, ხალხი უნდა უყვარდეს. თუ კადრით არ ვარ კმაყოფილი, მირჩევნია მე გავაკეთო ნებისმიერი პოზიციის საქმე და ვეძებო სანამ არ დამაკმაყოფილებს. სერვისი არ არის მომსახურება, არის ურთიერთობა.

— ვერე ბლუმსის ყველაზე ძლიერი მხარე, რომელიც სხვა რესტორანს არ აქვს...

მიდგომა, ურთიერთობა კლიენტთან, ძალიან მაღალი დონის სერვისი და დეტალებზე დაკვირვება. სერვისზე პასუხისმგებლობას ვერავინ იღებს თავის თავზე, აქცენტს აკეთებენ სამზარეულოზე, დიზაინზე და ა.შ. ჩვენ გვაქვს ამბიცია, ყველას შევთავაზოთ ძალიან მაღალი დონის სერვისი. ყველაფერი არის თანაბრად მნიშვნელოვანი. სისუფთავე არის აუცილებელი, ერთ დაფაზე ხორცპროდუქტები, ბოსტნეული და რძის ნაწარმი არ უნდა დაჭრა. ადამიანები, რომლებიც შენთან მოდიან და ფულს იხდიან, რისკის ქვეშ არ უნდა დააყენო.

სერვისი და კვალიფიციური კადრები - ქართული რესტორნების მთავარ პრობლემად რჩება


— მიაღწიეთ მიზანს, ბლუმსი წარმატებული ბიზნესია?

მინდოდა სიახლე შემეტანა სარესტორნო ბიზნესში და კულინარია გამხდარიყო არტიც. როდესაც ასეთი ინოვაციური პროექტით შედიხარ ბაზარზე, რთულია თავიდანვე გათვალო შედეგები. მე არ მინდა ბლუმსმა ერთხელ გაიბრწყინოს და მალე დამთავრდეს. მინდა მუდმივად შევინარჩუნო ხარისხი, სიახლის შეგრძნება და ამით მოვიპოვო მომხმარებლის გრძელვადიანი ნდობა და სიყვარული. ჩვენ ერთი წლის გავხდით 13 თებერვალს და ამ დროის განმავლობაში შევიძინეთ ერთგული სტუმრები, რომლებიც ყოველ კვირას გვსტუმრობენ, მარტო, მეგობრებთან ან ოჯახთან ერთად, თუმცა ვფიქრობ, რომ დრო კიდევ გვჭირდება, იმისთვის რომ საზოგადოებამ კარგად გაიგოს ჩვენი იდეა. ეს რომ სახინკლე ყოფილიყო, დარწმუნებული ვარ, ადგილი არ იქნებოდა, მაგრამ ჩემი მიზანი ეს არ ყოფილა.

სერვისი და კვალიფიციური კადრები - ქართული რესტორნების მთავარ პრობლემად რჩება


— მომავალი გეგმები...

მინდა „თუშიქონსეფთს“ ბევრი ვაგონი დაემატოს და ერთ დიდ მატარებლად იქცეს. მინდა მოვიცვათ სხვადასხვა სფერო, იმიტომ რომ ამ მხრივ ძალიან დიდი პოტენციალი გვაქვს საქართველოში. მარტში გავხნით მესამე პროექტს - ტერმინალი, რომელიც ჯერჯერობით ,,თუშიქონსეფტის“ ყველაზე მასშტაბური პროექტი იქნება.

ავტორი: ნათია სოსიაშვილი

www.commersant.ge




კომენტარები




მსგავსი სიახლეები:

ინფორმაცია
ჯგუფ Гости-ის წევრებს არ აქვთ კომენტარის დატოვების უფლება.


 

ფოტო განწყობისათვის
9-11-2018, 20:48
დარია სუხიშვილი მამიდას დედას ეძახის - როგორ ცხოვრობს და სად სწავლობს ილიკო სუხიშვილის უმშვენიერესი ქალიშვილი
6-11-2018, 07:36
ქუთაისში აზიური ფაროსანა დააბეს - ფოტო, რომელმაც სოცქსელი გახალისა
3-10-2018, 20:02
ფანტასტიკური ჟანრის თურქული სერიალი netflix-ზე და სტამბოლის მცველად გადაქცეული ჩაღათაი ულუსოი (ფოტო, ვიდეო)
27-09-2018, 09:45
როგორ იზრდება პატარა ევა, რომლის დედის გარდაცვალებამ მთელი საქართველო შეძრა
19-09-2018, 15:01
ბერა ივანიშვილის საცოლის ფოტოები "ინსტაგრამიდან"
15-09-2018, 14:54
ჭურჭლის მრეცხავობიდან მილიარდერობამდე - როგორ ცხოვრობს მსოფლიოს უმდიდრესი ადამიანის ცოლი (ფოტოები)
5-09-2018, 19:16
ქალს, რომელიც თავის სარჩენად სახლში ტორტებს აცხობს, ბინიდან გასახლებით და 5000-დოლარიანი ჯარიმით ემუქრებიან

ვიდეო კოლაჟი
გუშინ, 08:09
“67 წლის ვიყავი, სასიკვდილოდ გამიმეტეს…. “- როგორ იხსენებს 26 მაისის დარბევის ღამეს სასტიკად ნაცემი ბაბუ (ვიდეო)
გუშინ, 07:57
გრიგოლ ვაშაძე: ფუ მეზიზღება ეს ხალხი!
გუშინ, 07:28
სავარაუდო თვითმკვლელობა აბასთუმანში, რომელიც შესაძლოა, ოჯახურ ძალადობას უკავშირდებოდეს
15-11-2018, 17:00
„ძალიან დიდი უბედურება დატრიალდა” – კახა კალაძემ ემოციების გამო კომენტარის გაკეთება ვერ შეძლო [ვიდეო]
13-11-2018, 11:48
სააკაშვილი: ჩვენ დავიწყეთ სამხედრო მოქმედებები ცხინვალის რეგიონში
11-11-2018, 18:58
ადრიანა ლიმამ Victoria's Secret-ი დატოვა
9-11-2018, 19:39
ლანა ღვინჯილია, რომელმაც სალომე ზურაბიშვილს ოკუპაციის ხაზთან სიტყვიერი შეურაცხყოფა მიაყენა, სააკაშვილის საპრეზიდენტო ბიბლიოთეკის საზოგადოებასთან ურთიერთობის ხელმძღვანელია

     
News.Mcvane.Ge © 2013-2018 საავტორო უფლებები დაცულია