Mcvane.Ge თქვენი საწყისი გვერდი
მთავარი გვერდი ჩვენ შესახებ კონტაქტი რეკლამა
მთავარი გვერდი » საინტერესო ბმულები » ულამაზესი ქართველი ქალის ტრაგედიით სავსე ცხოვრება - რას საქმიანობს დღეს დალი თუშიშვილი

ულამაზესი ქართველი ქალის ტრაგედიით სავსე ცხოვრება - რას საქმიანობს დღეს დალი თუშიშვილი

დალი თუშიშვილს თბილისში და არამხოლოდ თბილისში კარგად იცნობენ. ის ამჟამად ონკოლოგია. ალბათ ვერავის წარმოუდგენია, რომ ეს ის ქალბატონია, რომელიც თბილისის ერთ-ერთი ულამაზესი გოგონა იყო, რომელზეც თითქმის ყველა ბიჭი შეყვარებული იყო. მან არაერთ ქართულ ფილმში დაუვიწყარი სახე შექმნა. მისი ცხოვრება ტრაგედიებითაც სავსეა, თუმცა მეუღლის, ძმის და შვილის ტრაგიკულმა გარდაცვალებამ მის სილამაზეს და შემართებას კვალი ვერ დაატყო. საკუთარი ცხოვრების შესახებ, დალი თუშიშვილი Ambebi.ge-ს ესაუბრა:

- ქალბატონო დალი, როგორ მოხვდით კინოში?

- პროფესიით მსახიობი არ ვარ. მამიდაჩემი გახლდათ პირველი მსახიობი ქალი საქართველოში, რომელიც ლენინის ორდენოსანი იყო. მას დავყავდი ხშირად კინოსტუდიაში. 12 წლის ასაკში გადამიღეს პირველად ფილმში, ლეო ესაკიამ შემნიშნა კინოსტუდიაში, მამიდაჩემს ჰკითხა ეს გოგონა ვინ არისო და მეორე დღეს გადაღებაზე დამიბარა. ჩამაცვეს ძველი სამოსი, ნაწნავები და ჩიხტიკოპი გამიკეთეს, ასე მოვხვდი ფილმში "აბესალომ და ეთერი", სადაც მე მურმანის დას ვთამაშობდი. ეპიზოდურ როლებში ვარ გადაღებული, გიორგი შენგელაიას "მაცი ხვიტიაში" და რეზო ჩხეიძის "ღიმილის ბიჭებში". სკოლის დამთავრების დროს, სკოლაში მოვიდა ნანა ჭოღოშვილი, გერმანია და საქართველო ერთობლივ ფილმს იღებდნენ, გოიკო მატიჩთან ერთად და ამ ფილმში უნდა მეთამაშა, მაგრამ მამამ გერმანიაში არ გამიშვა. ისე მოვეწონე რეჟისორს, ფილმში მაინც ჩასვეს საქართველოში გადაღებული კადრები, სადაც მე ვთამაშობ. მთავარი როლები ვითამაშე, ფილმბში "დაისი" და "ცეცხლთან თამაში".

ულამაზესი ქართველი ქალის ტრაგედიით სავსე ცხოვრება - რას საქმიანობს დღეს დალი თუშიშვილი


- რატომ იყო მამა ამის წინააღმდეგი?

- მე მკაცრად მზრდიდნენ, მარტო არსად მიშვებდნენ, მითუმეტეს სამოგზაუროდ. ყველგან დედა დამყვებოდა. სკოლის დამთავრების შემდეგ, სამედიცინო ფაკულტეტზე ჩავაბარე და მაშინ მოვხვდი კოლია სანიშვილის ფილმში "დაისი". იქ ნანოს როლზე დამამტკიცეს. ჩემთან ერთად ფილმში თამაშობდა ზურა ქაფიანიძე, ნანა ყიფიანი, გივი ბერიკაშვილი, "სუხიშვილების" ანსამბლი და მთელი თანავარსკვლავედი. ჩემთვის ეს იყო საოცარი გარემო და უდიდესი სკოლა. გადაღებები კახეთში მიმდინარეობდა, ჩვენთან ერთად იყვნენ ნინო რამიშვილი და ილიკო სუხიშვილი, რომლებმაც მამას სთხოვეს, ჩვენთან წავიყვანთ ანსამბლშიო, მაგრამ მამამ ამაზეც უარი თქვა. 4-5 თვე ვცხოვრობდით კახეთში ამ ბუმბერაზ ადამიანებთან, სადაც ჩემი მეუღლე გავიცანი. უცნაურია ორივე თბილისელები ვიყავით და ალავერდში გავიცანით ერთმანეთი. ის საკუთარი სურვილით კახეთში იყო პრაქტიკებზე, მე კი გადაღებებზე და ასე შევხვდით ერთმანეთს.

- ცნობილია, რომ უამრავი თაყვანისმცემელი გყავდათ, როგორ მოახერხა მან თქვენი გულის დაპყრობა?

- უამრავი თაყვანისმცემელი მყავდა, მაგრამ ჩემმა მეუღლემ მათგან განსხვავებით ჩემს მშობლებთან დაამყარა ახლო ურთიერთობა. როდესაც გადაღებები დასრულდა და თბილისში ვბრუნდებოდით, ავტობუსში ამოვიდა, მითხრა ჩანთას დაგიტოვებ, რომელშიც საბუთები დევს და მოუფრთხილდი, მალე დავბრუნდებიო. როცა აღარ დაბრუნდა თბილისში წამოვედით. რამდენიმე დღის შემდეგ დამირეკა და მითხრა, მოვალ ჩანთას წავიღებო, სახლში გამოიარა ჩვენთან, მამაც გაიცნო და აქედან დაიწყო ჩვენი ურთიერთობა.

ულამაზესი ქართველი ქალის ტრაგედიით სავსე ცხოვრება - რას საქმიანობს დღეს დალი თუშიშვილი


- როგორ გთხოვათ ხელი?

- ერთხელ დამირეკა კოლია სანიშვილის ჯგუფის მსახიობების შეკრებაა, გამოგივლი და წავიდეთო, არ მინდოდა წასვლა, მაგრამ დედამ წადიო. მივედით ვაკის პარკთან, მისი თანაკლასელის, გივი გუმბერიძის (მომავალი ცეკას მდივნის) სახლში, სადაც ჩემი მეუღლის კლასელების შეკრება იყო. შემიყვანა იქ და გააცნო ჩემი თავი, გაიცანით ჩემი საცოლეო. ამის მერე 8 თვეში დავქორწინდით და 36 წელი ვიცხოვრეთ ერთად, სანამ სიკვდილმა არ დაგვაშორა. ახლაც ვერ ვხვდები რა მოხდა, ეს იყო დაუშრეტელი ენერგიის მქონე ადამიანი, სულ მეგობრებში დადიოდა, ცხოვრების სტიმულს აძლევდა ყველას, საკუთარი საქმის უზადო პროფესიონალი იყო, ის ცნობილი ქირურგი, პროფესორი და ერთ-ერთი კლინიკის ხელმძღვანელი გახლდათ. ახლაც ვერ ვხვდები რა მოხდა... კვირა დღე იყო, იმ დღეს, გამაღვიძა, მითხრა, წამოდი გავისეირნოთო, ჯერ ვიშოპინგეთ, მერე მცხეთაში ვისადილეთ. მომავლის გეგმებს აწყობდა, სიყვარულს მიხსნიდა, მეუბნებოდა მართალია 36 წელი გავიდა, მაგრამ ისეთი გრძნობა მაქვს თითქოს, ისევ ის დღეა, როდესაც 18 წლის გოგონა გაგიცანიო.

ჩემს ვაჟს ახალი შექმნილი ჰქონდა ოჯახი და საღამოს მასთან ავედით, სტუმრები გვყავდა, დავსხედით მაგიდასთან, ხელი მომკიდა ჩემმა მეუღლემ და ზუსტად 2 წუთში აღარ იყო. ცხოვრებამ ბევრი ტრაგედია მარგუნა, ჩემი ძმაც, არაჩვეულებრივი მეგიტარე იყო, რომელსაც დიდი წვლილი მიუძღვის გიტარის პოპულარიზაციაში, საკუთარ სახლში მოულოდნელად გაზით გარდაიცვალა. წლების წინ შვილიც დამეღუპა. ის პროფესიონალი წყალბურთელი იყო, 6 წლის ასაკიდან ცურავდა, როცა სპორტს თავი დაანება ე.წ. სპორტსმენების დაავადება კარდიომიოპათია დაემართა. ეს არის უმძიმესი, სიმსივნეზე უარესი დაავადება, რომელიც არ იკურნება. პირველი შეტევა როცა ჰქონდა, ექიმებმა გვითხრეს სამი წელი იცოცხლებსო, მაგრამ 7 წელი გასტანა მისმა დაავადებამ.

ულამაზესი ქართველი ქალის ტრაგედიით სავსე ცხოვრება - რას საქმიანობს დღეს დალი თუშიშვილი


მან წინასწარ იცოდა ყველაფერი თავისი დაავადების შესახებ და თავად მამზადებდა ამისთვის... მჯერა ადამიანები უკვალოდ არ ქრებიან, ეს რომ არ მჯეროდეს ვერც გადავიტანდი ჩემი შვილის სიკვდილს, როცა დედას შვილი მოუკვდება ორი გზა არის, ან თავი მოიკლას ან გააგრძელოს ცხოვრება, ცხოვრებას თუ აგრძელებ, უნდა გააგრძელო ღირსეულად, თავაწეული უნდა იყო და გააგრძელო შენი საქმიანობა. ჩემი შვილის გარდაცვალების შემდეგ, მთელი მზურნველობა მეორე ვაჟზე ოთარზე და შვილიშვილებზე გადავიტანე, რომლებიც არიან ჩემი ცხოვრების აზრი. არ მინდა საკუთარი ტკივილით დავამძიმო ისინი. ამ ტრაგედიებს ვერასდროს გადავიტან, მაგრამ სანამ ცოცხალი ვარ, არ მინდა ვინმე დაცემულს მხედავდეს. მითუმეტეს ისეთი პროფესია მაქვს, სადაც მრავალი მძიმე დიაგნოზის დასმა მიწევს, უამრავ დედას ვხედავ შეშინებული და გაფართოებული თვალებით, რომლებიც მეკითხებიან რა სჭირს ჩემს შვილს, სამწუხაროდ ზოგჯერ საიმედოს ვერაფერს ვერაფერს ვეუბნები. შინაგანად მძიმეა ჩემი და ჩემნაირი ადამიანების ხვედრი, მაგრამ მე ვთვლი ამ ტკივილს ვერავინ ხედავდეს. არასოდეს არავინ უნდა დაამძიმო შენი მდგომარეობით, ცხოვრება გრძელდება...

თამარ ბოჭორიშვილი

www.ambebi.ge




კომენტარები




მსგავსი სიახლეები:
  • "რა უნდა იყოს ღვიძლი შვილის დაკარგვაზე უარესი?.. ჩემი ცოლი გარდაიცვალა და. ...
  • როგორ ცხოვრობენ და რას საქმიანობენ დღეს ძველი ქართული კინოს ვარსკვლავები
  • ინტერვიუ თამთა გოდუაძის ყოფილ ქმართან - "ისეთ დონეზე ვიყავით, ურთიერთობის ...
  • რას უმალავდა ია ნინიძე საკუთარ ქალიშვილს და რატომ არ მიუძღვის მას წვლილი ქა ...
  • გიორგი მახარაძე: "ჩემი და მარიამ როინიშვილის დაშორება მხოლოდ ჩვენი ბრალია ...

  • ინფორმაცია
    ჯგუფ Гости-ის წევრებს არ აქვთ კომენტარის დატოვების უფლება.


     

    ფოტო განწყობისათვის
    15-09-2018, 14:54
    ჭურჭლის მრეცხავობიდან მილიარდერობამდე - როგორ ცხოვრობს მსოფლიოს უმდიდრესი ადამიანის ცოლი (ფოტოები)
    5-09-2018, 19:16
    ქალს, რომელიც თავის სარჩენად სახლში ტორტებს აცხობს, ბინიდან გასახლებით და 5000-დოლარიანი ჯარიმით ემუქრებიან
    22-08-2018, 20:01
    აზერბაიჯანელი მოდელი ქალწულობას 100 000 ევროდ ყიდის - "მარია" მიღებული ფულით სახლის ყიდვას და მოგზაურობას აპირებს (ფოტოები)
    15-08-2018, 20:03
    İçerde - პოპულარული თურქი მსახიობები ჩაგათაი ულუსოი და არას ბულუთ ინემლი ქართველ მაყურებელს დაუბრუნდნენ
    1-07-2018, 15:52
    "ამერიკის ყველაზე მოდური ბებია" - "ჩემი სტილი მინიმალისტური, პროვოკაციული და ავანგარდულია"
    15-06-2018, 12:37
    ესტონეთში ასე ტოვებენ ხილს კორპუსებში მცხოვრებლებისთვის
    5-06-2018, 08:07
    მეტროპოლიტენი, სადაც მატარებელი მემანქანის გარეშე მოძრაობს (ვიდეო)

    ვიდეო კოლაჟი
    17-09-2018, 19:34
    „არ წახვიდე, არ დამტოვო...“ - როგორ არის და სად მოღვაწეობს პოპულარული სიმღერის ავტორ-შემსრულებელი
    12-09-2018, 19:59
    ალი და ნინოს ძეგლზე ასვლისთვის დაკავებულ მამაკაცს 12-დღიანი პატიმრობა შეეფარდა, კონსტანტინე ედიბერიძე სასამართლოს დარბაზში მაგიდა ააყირავა
    7-09-2018, 06:43
    რესტორანი "აღა" გმირთა მოედანზე ჭამის სურვილს დაგაკარგვინებთ
    6-09-2018, 15:33
    ბარნოვის ქუჩაზე მოკლული გამრეკელაშვილის დედასა და ბრალდებულის შვილს შორის დაპირისპირება მოხდა (ვიდეო)
    31-08-2018, 07:56
    გიორგი შენგელაიამ ზვიად გამსახურდიას მკვლელი უწოდა (ვიდეო)
    27-08-2018, 14:10
    რა მიზეზით გარდაიცვალა ახალგაზრდა ქალი საკეისრო კვეთიდან 17 დღის შემდეგ?
    24-08-2018, 20:11
    სამარცხვინო ტელევიზია ხართ – კახა კალაძის ჩართვა და პასუხი “რუსთავი2”-ს

         
    News.Mcvane.Ge © 2013-2018 საავტორო უფლებები დაცულია