Mcvane.Ge თქვენი საწყისი გვერდი
მთავარი გვერდი ჩვენ შესახებ კონტაქტი რეკლამა
მთავარი გვერდი » საინტერესო ბმულები » მძღოლებს, რომლებიც მართვის მოწმობას 100 ქულით შეინარჩუნებენ, სახელმწიფო წაახალისებს
loading...

მძღოლებს, რომლებიც მართვის მოწმობას 100 ქულით შეინარჩუნებენ, სახელმწიფო წაახალისებს

თარიღი: 1-05-2017, 15:33,
მძღოლები, რომლებიც საგზაო მოძრაობის წესებს არ დაარღვევენ და მართვის მოწმობას წლის განმავლობაში 100 ქულით შეინარჩუნებენ, სახელმწიფოსგან წახალისდებიან. “ინტერპრესნიუსის” ინფორმაციით, საპარლამენტო უმრავლესობის ლიდერმა არჩილ თალაკვაძემ განაცხადა.

მისივე განმარტებით, აღნიშნული კატეგორიის მძღოლთა წახალისების ერთ-ერთი ფორმა შესაძლოა იყოს ავტომანქანის და სიცოცხლის შეღავათიანი პირობებით დაზღვევა, რა კუთხითაც სახელმწიფო კერძო სადაზღვევო კომპანიებთან იმუშავებს.

გარდა ამისა, არჩილ თალაკვაძის თქმით, შესაძლოა კანონმორჩილი მძღოლებისთვის სხვადასხვა პრიზი ან გათამაშებაც დაწესდეს.

„ერთი მხრივ, ჩვენ შემოვიღეთ სანქცია, როდესაც საგზაო მოძრაობის წესების დარღვევისთვის მძღოლს მართვის მოწმობაზე აკლდება ქულა, მაგრამ მეორე მხრივ, იქნება ბევრი მძღოლი, რომელიც მოწესრიგებულად დადის და იცავს წესებს. ვფიქრობთ, სახელმწიფომ ასეთ მძღოლებსაც რაღაც უნდა უთხრას. უნდა უთხრას, პირველ რიგში, მადლობა, მაგრამ დამატებით შესაძლებელია, რომ ქულების სისტემა გამოვიყენოთ მათი წახალისებისთვისაც. ჩვენ ვმსჯელობთ, რომ შესაძლებელი გახდეს ქულების სისტემის დაკავშირება სამედიცინო და ავტომობილის დაზღვევის პირობებთან, მუშაობა იქნება კერძო სადაზღვევო კომპანიებთან, რომ იმ ადამიანებს, რომლებსაც წლის განმავლობაში არც ერთი ქულა არ ჩამოაკლდებათ, უფრო შეღავათიანი პირობები შესთავაზონ, როცა საქმე ეხება მათი მანქანებისა და ჯანმრთელობის დაზღვევას. ასეთი მძღოლები, ლოგიკურად გამოდის, რომ პასუხისმგებლობით ეკიდებიან საკუთარ უსაფრთხოებას, საკუთარ სიცოცხლეს, საკუთარ ქონებას და სხვის უსაფრთხოებასა და სიცოცხლესაც.

მეორე, ვფიქრობთ ძალიან პოზიტიური იქნება, თუ ყოველწლიური წამახალისებელი აქციაც გვექნება. რა შეიძლება იყოს ეს წახალისება, ამაზე საფიქრალია: ეს შეიძლება იყოს გარკვეული მატერიალური წახალისება, შეიძლება სახელმწიფომ და კერძო სექტორმა ერთად დააწესონ პრიზები, შეიძლება გათამაშება გაკეთდეს და ა.შ. ფაქტია, რომ ამ მიმართულებით, ახალი კანონმდებლობის ამოქმედებიდან ერთი წლის შემდეგ, როდესაც ჩვენ გვექნება შედეგების პირველი ანალიზი, უკვე შესაძლებელი იქნება პირველი ნაბიჯები დავგეგმოთ“,
– განაცხადა არჩილ თალაკვაძემ.

„საგზაო უსაფრთხოების შესახებ“ კანონში ცვლილებები, რომლითაც სხვა ახალ რეგულაციასთან ერთად, მართვის მოწმობის 100-ქულიანი სისტემა შემოდის, პარლამენტმა რამდენიმე კვირის წინ დაამტკიცა და ის ძალაში 1-ელი ივლისიდან შევა.

www.fortuna.ge




კომენტარები




მსგავსი სიახლეები:
  • 100-ქულიანი მართვის მოწმობის კანონი ძალაშია - რა დარღვევაზე რამდენი ქულა ჩა ...
  • არასწორ მანევრირებასა და ალკოჰოლის ზემოქმედების ქვეშ მართვაზე სანქციები, შე ...
  • საგზაო მოძრაობის დარღვევებზე ჯარიმების ოდენობა იზრდება
  • მძღოლებისთვის სიახლეებია – 1 იანვრიდან მართვის მოწმობის 100 ქულიანი სისტემა ...
  • რომელ მძღოლებს დაუწესდებათ შეზღუდვები და ვის მიენიჭებათ პრივილეგიები
  •  

    ფოტო განწყობისათვის
    14-11-2017, 14:45
    ეს 90 წლის ბებია ყოველ წელს საკუთარი ხელით უხატავს ხალხს სახლებს
    30-10-2017, 17:13
    რა ეღირება ქართული წარმოების გადასატანი კოტეჯი, რომელიც ბაზარზე 1 თვეში გამოჩდება
    24-10-2017, 15:10
    TOP 6 სიმპატიური ქართველი ლექტორი, რომელთა ლექციებზეც გოგონების ბუმია
    21-10-2017, 09:55
    ესპანეთის დედოფალმა „ზარას“ 99 დოლარიან კაბაში ფურორი მოახდინა
    19-10-2017, 15:21
    ლიკა ქავჟარაძის ფოტო-გამოფენა "რე-პრეფიქსი - რეინკარნაცია"
    15-10-2017, 13:47
    ლიკა ქავჟარაძე უკანასკნელ გზაზე გედიამ და შეთემ გააცილეს
    12-10-2017, 13:07
    ლიკა ქავჟარაძის ქორწილი, მეჯვარეები ეკა მამალაძე და ხათუნა ოჩიაური


         
    News.Mcvane.Ge © 2013 საავტორო უფლებები დაცულია