Mcvane.Ge თქვენი საწყისი გვერდი
მთავარი გვერდი ჩვენ შესახებ კონტაქტი რეკლამა
მთავარი გვერდი » საინტერესო ბმულები » "ვფიქრობ, ეს საშინლად საყვარელი იყო" - პროფესორი BBC-ის ეთერში ოჯახთან ერთად გამოჩნდა (ვიდეო)
loading...

"ვფიქრობ, ეს საშინლად საყვარელი იყო" - პროფესორი BBC-ის ეთერში ოჯახთან ერთად გამოჩნდა (ვიდეო)

რამდენიმე დღის წინ BBC-ის პირდაპირ ეთერში მომხდარმა კურიოზმა მოიცვა სრულიად ინტერნეტსივრცე.

პირდაპირ ეთერში, ექსპერტი რობერტ კელი სამხრეთ კორეის პრეზიდენტის იმპიჩმენტის საკითხზე საუბრობდა, როდესაც ოთახში მისი შვილები შეიჭრნენ. ბავშვებს მალევე მოჰყვა მათი დედა, რომელიც ოთახში ელვისებური სისწრაფით შევარდა, ისინი ოთახიდან გაიყვანა და კარებიც „ორიგინალურად“ დაკეტა.

ვიდეო ვირუსულად მოედო სოციალურ ქსელებს.

სოციალური ქსელების მომხმარებლების უმეტესობა, ბავშვების „შეჭრაზე“ მეტად, ოთახში დედის "შევარდნამ" გაამხიარულა, რომელიც რატომღაც ყველამ ჩათვალა , რომ მათი ძიძა იყო, მათ შორის სხვადასხვა მედიასაშუალებამაც.

პროფესორი რობერტ კელი BBC-ის ეთერში ოჯახთან ერთად გამოჩნდა და ბოლო დროის ყველაზე პოპულარულ ლაივზე ისაუბრა.



BBC-ისთან და WSJ-სთან ერთობლივი ინტერვიუს დროს, რობერტ კელის მეუღლემ განაცხადა, ვიდეოს ნახვის შემდეგ, ბუნებრივია, იცინეს, თუმცა, უფრო მეტად ინერვიულეს იმაზე, რაც მოხდა.

„როდესაც რობერტი მუშაობს, ოთახის კარებს კეტავს ხოლმე. ბავშვები მამის სამუშაო ოთახში შესვლას რომ ცდილობენ, ხედავენ კარი ჩაკეტილია და ჩემთან ბრუნდებიან. იმ დღეს კი ასე არ მოხდა და მივხვდი, რომ მათ რაღაც აურიეს. ამიტომ შევავრდი ოთახში და შევეცადე ბავშვების გაფუჭებული სიტუაციის გამოსწორებას“ - განაცხადა იუნგ-ა კიმმა.

„შემეშინდა, რომ BBC აღარასოდეს დამირეკავდა" - იხუმრა კელიმ. "როდესაც ვიდეო ვნახე, ეს იყო მოულოდნელობის, არეულობისა და გაუგებრობის ნარევი... ასევე სიყვარულისა და სითბოსი. ვფიქრობ, ეს საშინლად საყვარელი იყო. ნამდვილად ძალიან სასაცილოა“ – თქვა პროფესორმა.

მისი თქმით, შემთხვევის შემდეგ გადაცემის წამყვანს ბოდიში მოუხადა, დაახლოებით 15 წუთში კი მას პროდიუსერმა დაურეკა და ვიდეოს გავრცელების ნებართვა სთხოვა.

კელის თქმით, მათ ბევრი იფიქრეს ვიდეოს გავრცელებაზე, შეეშინდათ, მათი „შვილებისთვის არ დაეცინათ,“ სცადეს, რომ ამ ყველაფრისთვის იუმორით შეეხედათ.

კითხვაზე, რატომ ეგონა მაყურებლების უმრავლესობას მისი მეუღლე ძიძა, იუნგ-ა კიმმა პასუხობს, რომ ამ საკითხზე ოჯახში საუბარი არ ყოფილა.

„ ვიმედოვნებ, რომ ხალხი ამ ვიდეოთი უბრალოდ გაერთო და სხვა დეტალებზე აღარ იკამათებენ. მაგრამ მე ძიძა არ ვარ. ეს არ არის სიმართლე. იმედი მაქვს, შეწყვეტენ ამაზე საუბარს“ - განაცხადა ბავშვების დედამ.

ჟურნალისტებმა პროფესორს ისიც კითხეს, ეცვა თუ არა მას ღამის საცვლები ინტერვიუს დროს, რის გამოც ადგომა და ბავშვების ოთახიდან გაყვანა ვერ მოახერხა. რობეტ კელის თქმით, მას ინტერვიუს დროს ნამდვილად შარვალი ეცვა და არა ღამის საცვლები.

შეგახსენებთ, რობერტ კელი, რომელიც პუსანის ეროვნული უნივერსიტეტის პოლიტიკური მეცნიერებების ასოცირებული პროფესორია, სამხრეთ კორეაში 2008 წლიდან ცხოვრობს. ჰყავს კორეელი მეუღლე და ორი შვილი - ოთხი წლის მარიონი და ცხრა თვის ჯეიმსი.

პირდაპირ ეთერში კელის მცირეწლოვანი შვილები მაშინ გამოჩნდნენ, როდესაც ის სამხრეთ კორეის პრეზიდენტის იმპიჩმენტთან დაკავშირებით სერიოზულ შეკითხვას პასუხობდა. ოთახში თავდაპირველად მისი უფროსი შვილი „შეიჭრა“ და მის უკან ცეკვა დაიწყო.

კელი შეეცადა შვილისთვის ყურადღება არ მიექცია, მაგრამ მისი პრობლემა მალე გართულდა, რადგან ოთახში მეორე ბავშვი შევიდა.

კულმინაცია კი ოთახში ბავშვების დედის შესვლა გახდა, რომელმაც ბავშვებს ნერვიულად დასტაცა ხელი და მათი ოთახიდან გაყვანა სცადა, თუმცა ეს არც ისე მარტივი აღმოჩნდა. უფროსი გოგონა გაჯიუტდა და ოთახში დარჩენას მოითხოვდა, მაგრამ საბოლოოდ ქალმა მათი გაყვანა მოახერხა და მამას ინტერვიუს გაგრძელების საშუალებაც მისცა.

ხატია ლაღიძე

www.newposts.ge




კომენტარები




მსგავსი სიახლეები:
  • ალეპოში ბავშვებს ოპერაციას ნარკოზის გარეშე უკეთებდნენ - თურქი წამყვანი პირდ ...
  • რა შენიშნა დედამ ექოსკოპიის სურათზე შვილის გაჩენიდან 2 წლის შემდეგ? გასაოცა ...
  • ანომალიური ფაქტი რუსთავში – მეგრელიშვილების ოჯახში ნივთებს ცეცხლი თავისით ე ...
  • რამ აატირა სოფო ნიჟარაძე (ვიდეო)
  • კახი კალაძემ მეუღლე პირდაპირ ეთერში ატირა (ვიდეო)
  •  

    ფოტო განწყობისათვის
    14-11-2017, 14:45
    ეს 90 წლის ბებია ყოველ წელს საკუთარი ხელით უხატავს ხალხს სახლებს
    30-10-2017, 17:13
    რა ეღირება ქართული წარმოების გადასატანი კოტეჯი, რომელიც ბაზარზე 1 თვეში გამოჩდება
    24-10-2017, 15:10
    TOP 6 სიმპატიური ქართველი ლექტორი, რომელთა ლექციებზეც გოგონების ბუმია
    21-10-2017, 09:55
    ესპანეთის დედოფალმა „ზარას“ 99 დოლარიან კაბაში ფურორი მოახდინა
    19-10-2017, 15:21
    ლიკა ქავჟარაძის ფოტო-გამოფენა "რე-პრეფიქსი - რეინკარნაცია"
    15-10-2017, 13:47
    ლიკა ქავჟარაძე უკანასკნელ გზაზე გედიამ და შეთემ გააცილეს
    12-10-2017, 13:07
    ლიკა ქავჟარაძის ქორწილი, მეჯვარეები ეკა მამალაძე და ხათუნა ოჩიაური


         
    News.Mcvane.Ge © 2013 საავტორო უფლებები დაცულია