Mcvane.Ge თქვენი საწყისი გვერდი
მთავარი გვერდი ჩვენ შესახებ კონტაქტი რეკლამა
მთავარი გვერდი » ახალი ამბები » პოლიტიკა » ზურაბიშვილი - ამის მერე იწყება რაც იწყება - 'შე ურეიტინგო ჩათლახო, აბა რა გეგონათო'
loading...

ზურაბიშვილი - ამის მერე იწყება რაც იწყება - 'შე ურეიტინგო ჩათლახო, აბა რა გეგონათო'

''თუ არ დავიწყებთ არარსებული დიმიტრი გელოვანების ძებნას, ხომ კარგი, თუ არადა ეს სიამტკბილობა გაგრძელდება მანამ, სანამ საბოლოოდ არ გადაშენდებიან ის თაობები, ვისთვისაც ხუთიწლისწინანდელი ცხრაწელი ან სამოთხე იყო ან ჯოჯოხეთი", - შესაბამის კომენტარს რესპუბლიკური პარტიის წევრი დავით ზურაბიშვილი სოციალური ქსელის პირად გვერდზე აქვეყნებს:

''ახლა რა ხდება:

შემოხვალ ფეისბუქზე, ჩასქროლავ, რაღაც პოლიტიკური შინაარსის სტატუსს წააწყდები რომელიმე პატივსაცემი ფრენდის კედელზე და კომენტარს დაწერ. კულტურულად და პერსონალური შეურაცხყოფის გარეშე, რაღა თქმა უნდა.

ამის მერე იწყება რაც იწყება: "შე ურეიტინგო ჩათლახო, აბა რა გეგონათ (მრავლობითი რიცხვი აქ მნიშვნელოვანია როგორც პარტიასთან ბმის მაჩვენებელი) ხიხოს ფულებს დახარბებული რომ ანგრევდით სახელმწიფოს და ახლა სუფთად გინდათ გამოძვრეთ? ოჰ, შენი..." და ა.შ მიდი-მოვდივარ წყევლა კრულვის კორიანტელი იმ ფლეშბქების ფონზე, თუ რა დიდი ნათელი იდგა 2012 წლამდე და როგორ მოვიდა მერე რუსეთი, ტირილი და ღრჭენაი კბილთა.

და, როცა ამ ისტერიულ ჩაქოლვას განერიდები, სულს მოითქვამ და ცოტა გაკლია იფიქრო, მადლობა ბატონ ბიძინას ჩვენი ბედნიერი აწმყოსთვისო, რომ გამოვა რომელიმე ხელისუფალი (სახელი მათი ლეგიონია) და იმისთანას იტყვის ან იმისთანას იზამს, თუ კაცი გქვიან შვილი სოფლისა და მით უმეტეს პოლიტიკოსი, რა გულმა უნდა გაგიძლოს რომ არ დაახურო? კულტურულად და პერსონალური შეურაცხყოფის გარეშე, რაღა თქმა უნდა.

და მაშინ იწყება მეორე სერია: "შე ურეიტინგო ჩათლახო, დაგსვათ (მრავლობითი რიცხვი აქაც მნიშვნელოვანია) კაცმა ხელისუფლებაში, მაგრამ ვერ შეირგეთ და მოგისროლეს სანაგვეზე თქვე დაბადებიდან მოღალატეებო! ზვიადი თქვენ დაამხეთ, შევარდნაძე, ასლანი და ახლა ნაციონალებს მიეყიდეთ არა? ოჰ შენი..." და ა.შ. მიდი-მოვდივარ წყევლა-კრულვის კორიანტელი იმ ფლეშბექების ფონზე, თუ რა ანტიეროვნულობა, ტირილი და ღრჭენაი კბილთა იყო 2012 წლამდე.

აი, ასე ვცხოვრობთ.

ისმის კითხვა: სანამდე შეიძლება გაგრძელდეს ეს მარაზმი? ადრე ვფიქრობდი, რომ დროთა განმავლობაში გადაივლიდა, მაგრამ რასაც ახლა ვუყურებ, ორივე მხარეს საკმაოდ დიდი მასა დგას, რომელიც ურთიერთსიძულვილით და ურთიერთბოღმით იკვებება. ისინი ერთმანეთისგან ქაჩავენ სასიცოცხლო ენერგიას და ეს დიქოტომია ხელოვნურად სტიმულირებული რომც არ იყოს (არადა არის), სურათი მაინც იგივე იქნებოდა.

რაც შეეხება გაკრეფილ შუაში გაჩხერილებს, რიცხობრივად ეს სეგმენტიც კია დიდი, მაგრამ რამდენადაც ჭრელია და არაერთგვაროვანი, მიზიდულობის ცენტრი აქ ვერ ყალიბდება და ვართ ასე,"არც იქინე მიმიღონ და ვერც აქანა გავჩერდე" მდგომარეობაში.

ჰოდა, რა მეცნიერულ-ფსიქოლოგიურ-ფილოსოფიური დასკვნა გამოდის ყველაფერ აქედან? ის, რომ თუ ჩვენ, ვინც ამ მარაზმს პრინციპულად არ ვიღებთ, მოვახერხებთ მეტი სოლიდარობა გვქონდეს ერთმანეთის მიმართ და არ დავიწყებთ არარსებული დიმიტრი გელოვანების ძებნას, მით უმეტეს იქ, სადაც ის არანაირად არ შეიძლება იმყოფებოდეს, ხომ კარგი, თუ არადა ეს სიამტკბილობა გაგრძელდება მანამ, სანამ საბოლოოდ არ გადაშენდებიან ის თაობები, ვისთვისაც ხუთიწლისწინანდელი ცხრაწელი ან სამოთხე იყო ან ჯოჯოხეთი'', - წერს დავით ზურაბიშვილი.

www.eurus.ge




კომენტარები




მსგავსი სიახლეები:
 

ფოტო განწყობისათვის
14-11-2017, 14:45
ეს 90 წლის ბებია ყოველ წელს საკუთარი ხელით უხატავს ხალხს სახლებს
30-10-2017, 17:13
რა ეღირება ქართული წარმოების გადასატანი კოტეჯი, რომელიც ბაზარზე 1 თვეში გამოჩდება
24-10-2017, 15:10
TOP 6 სიმპატიური ქართველი ლექტორი, რომელთა ლექციებზეც გოგონების ბუმია
21-10-2017, 09:55
ესპანეთის დედოფალმა „ზარას“ 99 დოლარიან კაბაში ფურორი მოახდინა
19-10-2017, 15:21
ლიკა ქავჟარაძის ფოტო-გამოფენა "რე-პრეფიქსი - რეინკარნაცია"
15-10-2017, 13:47
ლიკა ქავჟარაძე უკანასკნელ გზაზე გედიამ და შეთემ გააცილეს
12-10-2017, 13:07
ლიკა ქავჟარაძის ქორწილი, მეჯვარეები ეკა მამალაძე და ხათუნა ოჩიაური


     
News.Mcvane.Ge © 2013 საავტორო უფლებები დაცულია