Mcvane.Ge თქვენი საწყისი გვერდი
მთავარი გვერდი ჩვენ შესახებ კონტაქტი რეკლამა
მთავარი გვერდი » ახალი ამბები » მეცნიერება ტექნოლოგიები » „დნმ-ის ინფორმაცია MP3 ფორმატში გადაგვყავს, მისი მოსმენით კი ორგანოების აღდგენაც შესაძლებელია“- როგორ დავუბრუნოთ დაავადებული ორგანიზმი პირვანდელ მდგომარეობას? - საქართველოში გენეტიკური ფონდი იქმნება

„დნმ-ის ინფორმაცია MP3 ფორმატში გადაგვყავს, მისი მოსმენით კი ორგანოების აღდგენაც შესაძლებელია“- როგორ დავუბრუნოთ დაავადებული ორგანიზმი პირვანდელ მდგომარეობას? - საქართველოში გენეტიკური ფონდი იქმნება

ის, რაც ჩვენშია, ჩვენს მშობლებშიც იყო...

წინაპრების უნარი, გადასცენ საკუთარი ნიშან-თვისებები და განვითარების თავისებურებები მომდევნო თაობას, მეცნიერების ცალკე დარგად ჯერ კიდევ მეოცე საუკუნის დასაწყისში ჩამოყალიბდა და მას გენეტიკა ეწოდა. ამ სამეცნიერო დისციპლინის სახელწოდება, რომელიც მემკვიდრეობითობის შესწავლაზე ორიენტირდა, ხმარებაში ინგლისელმა ნატურალისტმა უილიამ ბეტსონმა 1905 წელს შემოიტანა. ახლა ყველამ იცის, რომ ადამიანის სიცოცხლის საიდუმლო გასაღები ერთმანეთზე გადაგრეხილ ორ უწვრილეს ძაფშია დამალული. ეს დნმ-ია.

საქმე ისაა, რომ დნმ, იგივე დეზოქსირიბონუკლეინმჟავა, ძაფზე აცმულ მძივს ჰგავს, თითოეული ბურთულა კი, თავის მხრივ, ინფორმაციას წარმოადგენს.

მშობლის ნიშან-თვისებები ქრომოსომების საშუალებით გადადის შვილზე. ქრომოსომა წარმონაქმნია, რომელიც სხეულის ყველა უჯრედშია და სწორედ მასშია ჩაქსოვილი ასეულობით გენი, ამიტომ თითოეული უჯრედი შეიცავს ინფორმაციას იმის თაობაზე, თუ როგორ არის აგებული მთელი ორგანიზმი.

მაგალითად, ადამიანის გენში თვალის ან თმის ფერის შემცვლელი ინფორმაციაა ჩაწერილი. შედარებით რთულ ნიშან-თვისებებს, მაგალითად, სხეულის ფორმას, მრავალი გენის ერთობლივი მოქმედება განსაზღვრავს და ა.შ.

პროფესორ ზურაბ ქუმსიაშვილის თქმით, გენეტიკური ინფორმაცია - ეს მნიშვნელოვანი სამედიცინო იარაღია, რომელსაც კარგად დამუშავების შემთხვევაში სასწაულების მოხდენა და რაც მთავარია, ადამიანის სიცოცხლის შენარჩუნება შეუძლია. ამისთვის კი სულ მცირე რამ არის საჭირო - თითოეული ოჯახიდან ჯანმრთელი ბავშვის გენეტიკური მასალა (მაგ, თმა ან ფრჩხილი) მიზერული ღირებულების სანაცვლოდ უნდა მიიღონ და მის მიერ შექმნილ გენეტიკურ ფონდში აბსოლუტურად უფასოდ შეინახონ. მოგვიანებით, საჭიროების შემთხევაში, ამ ინფორმაციას მთელი ოჯახი გამოიყენებს.

ზურაბ ქუმსიაშვილი: თქვენ იცით, რომ მშობლების სურვილის შემთხვევაში, ახლადშობილს ჭიპლარიდან ღეროვან უჯრედებს უღებენ, რაც ძალიან ძვირი ჯდება. შემდეგ ოჯახი შენახვის საფასურსაც იხდის. ეს სხვა ტექნოლოგიაა. ჩვენს შემთხვევაში ვიღებთ არა ღეროვან უჯრედებს, არამედ გენეტიკურ მასალას, თმას ან ფრჩხილს და ვინახავთ ჩვენ მიერ შექმნილ გენეტიკურ ფონდში. შენახვა სრულიად უფასოა, გადახდა უწევთ მხოლოდ გენეტიკური მასალის აღებისთვის, რაც ამ ეტაპზე 30 ლარი დაჯდება. აღსანიშნავია ის ფაქტიც, რომ ეს გენეტიკური მასალა იმოქმედებს და-ძმაზეც, დედ-მამაზეც და ბებია-ბაბუაზეც. იმის თქმა მინდა, რომ თუ ოჯახი რვასულიანია, სულაც არ არის საჭირო, რომ ყველა მათგანისგან მოხდეს მასალის აღება. ერთიც საკმარისია. შესაბამისად, ეს 30 ლარიანი ღირებულება განზოგადებული იქნება ოჯახის ყველა წევრზე.

კიდევ ერთხელ ვუსვამ ხაზს - ჩვენი ტექნოლოგია განსხვავებულია და ამიტომ მინდა კარგად აგიხსნათ რაც ხდება. ნებისმიერი ქრომოსომული სპირალი გამოსცემს ზუსტ ბგერებს, რომელსაც ადამიანის ყურის სპექტრი ისმენს. ეს შესაძლებელია სპეციალური აპარატურით. ბგერები მეორდება, არსებობს გარკვეული მოწესრიგებულობა. მუსიკასაც ვერ დაარქმევ, მაგრამ ... რაღაც ერთნაირი ხმები ისმის. მაგალითისთვის გეტყვით, თუ მას ექოსკოპიის აპარატით დავასხივებთ, ბგერების პალიტრა შეიცვლება ერთი ნოტით. მართალია, მომავალში ხდება მისი აღდგენა, მაგრამ რაღაც, გარკვეული ნაწილი იკარგება მაინც. ამიტომ მომავალ დედებს ყოველთვის ვუშლი ექოსკოპიის აპარატის ხშირად გამოყენებას. კარგი იქნებოდა, რომ საერთოდ ეთქვათ უარი ამაზე. ეს ის ინფორმაციაა, რომელიც შემდგომში პასუხისმგებელია მომავალი ბავშვის ჯანმრთელობასა და კერძოდ, იმუნიტეტზე.

პროცედურა არის ასეთი: ჩვენ ვიღებთ ჯანმრთელი ბავშვის ბიოლოგიურ მასალას, იგივე თმას, ფრჩხილს და ა.შ. და ვინახავთ. ვიყენებთ იმ შემთხვევაში, თუ კონკრეტული დაავადების დროს დასჭირდა.

- როგორ?

- ჩვენ სპეციალური ლაზერული აპარატურით ვხსნით ამ ინფორმაციას და დნმ სპირალიდან გადაგვყავს MP3 ფორმატში. მომავალში სხვა ფორმატშიც შევინახავთ. თუმცა უნდა აღვნიშნო, რომ გამოჯანმრთელების ეფექტი აქვს საოცარი. მკურნალობის პროცედურაც მარტივია. პაციენტს ვატანთ დისკზე ჩაწერილ აუდიოფაილს, მისთვის სპეციალურად დამზადებულ პროგრამას, რომელსაც გარკვეული პერიოდის განმავლობაში ყოველდღიურად უნდა უსმინოს. არ აქვს მნიშვნელობა, დაბალ ხმაზე მოუსმენს მას თუ მაღალზე, მთავარია, ესმოდეს.

- და მაინც, რა დაავადებები იკურნება ამ მეთოდოლოგიით?

- ნებისმიერი დაავადება. ცდებია ჩატარებული ისეთი, რომ... მაგალითად, ორგანო ამოაჭრეს ცხოველს და გაეზარდა. თეთრ თაგვს ამოაჭრეს კუჭქვეშა ჯირკვალი და ასეთი ფაილის მოსმენით გაეზარდა. ამ ტექნოლოგიის ძირითადი დადებითი მაინც ესაა. ანუ ის, რომ ორგანოების გაზრდაც კი არის შესაძლებელი. იგულისხმება გაფუჭებული, გამოსაცვლელი, ამოსაკვეთი ორგანოები. მაგალითად, ხვლიკს რომ კუდი მოვაძროთ, ის ხომ აღდგება?! მას ამის უნარი აქვს, ადამიანის ორგანიზმს კი - არა. ამ ტექნოლოგიის გამოყენებით, დაახლოებით, ანალოგიური ეფექტი მიიღწევა. ცდები, რომელიც მსოფლიოში ჩატარდა, ამის შესაძლებლობას იძლევა და საკმარისია იმისთვის, რომ მსგავსი ცენტრის ჩამოყალიბებაზე ვიფიქროთ. ეს არ არის ჩემი მოგონილი ტექნოლოგია. მუშაობა მიდის ამერიკაშიც და რუსეთშიც. ჩვენც ვმუშაობთ. უბრალოდ, ახლა გვინდა, რომ ამას ერთეული შემთხვევების სახე კი არ ჰქონდეს, სერიოზული ცენტრი ჩამოყალიბდეს. ანუ ის მხოლოდ ლაბორატორიულ დონეზე აღარ იქნება. მთავარია, გვქონდეს ადამიანის ბიოლოგიური მასალა, რისგანაც ავიღებთ ჯანმრთელი ადამიანის ინფორმაციას. ჩვენ მეტი არაფერი გვჭირდება და თან ეს არანაირ რისკს არ უკავშირდება. ეს არის წინაპირობა იმისა, რომ საერთოდ გადაწყდეს დიაბეტის პრობლემა.

- და ბიოლოგიური მასალის აღება 30 ლარი დაჯდება?

- კი, რა თქმა უნდა. ასე იქნება მანამ, სანამ კონკრეტულ პირს ამ მასალის სამკურნალოდ გამოყენება არ დასჭირდება. შემდეგ უკვე იმაზე იქნება დამოკიდებული, რით დაავადდება. ყოველ შემთხვევაში, დაავადებულს არ ექნება იმის პრობლემა, სად შეიძლება მოიძიოს გენეტიკური მასალა.

-ანუ მოდის ადამიანი, იხდის 30 ლარს, თქვენ ინახავთ მის გენეტიკურ მასალას და ის ყოველგვარი გადასახადისგან თავისუფლდება მანამ, სანამ არ დასჭირდება სამედიცინო დახმარება, ეს მასალა ვრცელდება მთელ ოჯახზე, მერე კი, საჭიროების შემთხვევაში, გადაიხდიან იმდენს, რამდენსაც მოითხოვს კონკრეტული დაავადების მკურნალობა. და მაინც.. რამდენს შეადგენს პროგრამის დამზადების თანხა?

-პროგრამა ინდივიდუალურად მზადდება და ამ ეტაპზე საკმაოდ ძვირი ჯდება, დაახლოებით 2000 დოლარი, მაგრამ ერთ წელიწადში, დარწმუნებული ვარ, ამის მესამედი ფასიც აღარ ეღირება.

- სხვადასხვა დაავადების განკურნება გაცილებით იაფი შეიძლება დაუჯდეს დაავადებულს და რატომ უნდა მოვიდეს ამ შემთხვევაში თქვენთან?...

-რა თქმა უნდა, მაგრამ აქ აქცენტი მაინც სასიცოცხლოდ მნიშვნელოვან ფაქტორებზე კეთდება. ისეთ დაავადებებზე, რომელიც, ფაქტობრივად, არ იკურნება. ავიღოთ დიაბეტი. ეს დაავადება მსოფლიო პრობლემაა. ჩვენ რომ შევძლოთ ამის დამარცხება, დაახლოებით, 500 დოლარად. ეს რამხელა წინგადადგმული ნაბიჯია?!

-კენჭების დაშლა?

-არა, კენჭს ამ პროგრამით ვერ გააქრობ, ის ჩამოყალიბდა უკვე და მოსაშორებელია, მაგრამ ქსოვილის შეცვლა, გადაგვარებული ქსოვილის გამოსწორება ნამდვილად შესაძლებელია. გულ-სისხლძარღვთა დაავადებები შეიძლება იყოს გამოწვეული სისხლძარღვის შევიწროებით, აქ სტენტირებაა საჭირო და ამ პროგრამით ვერ გამოასწორებ, როდესაც დაზიანდა ის, შევიწროვდა, მაგრამ თუ ამოკვეთ კონკრეტულ ადგილს, იმის აღდგენა შეიძლება. მთავარი ისაა, რომ ეს იმუშავებს, პრაქტიკულად, უკურნებელ დაავადებებზე, იგივე სიმსივნურ დაავადებებზე და ადამიანებს საშუალება მიეცემათ შედეგთან ერთად დაზოგონ სერიოზული თანხები.

-მეტასტაზებს შეაჩერებს?

-საქმე ისაა, რომ მეტასტაზებს არ აჩერებს. სიმსივნეს ებრძვის ლიმფოციტების გარკვეული ჯგუფი, რომელსაც ისე გავაძლიერებთ, რომ სიმსივნე საერთოდ აღარ იარსებებს.

- შიდსი? მასაც ეშველება?

- ნებისმიერ დაავადებაზე შეიძლება მუშაობა...

- თუმცა ამის რეალური მაგალითები არ გვაქვს...

-ამის რეალური მაგალითები არსებობს მსოფლიოს დახურულ ლაბორატორიებში… როდესაც ეს საქმიანობა დავიწყეთ, დაავადებული ადამიანები მოდიოდნენ, მაგრამ, სამწუხაროდ, არ არსებობდა მათი ბიოლოგიური მასალა. სწორედ ამიტომ გადავწყვიტეთ გენეტიკური ფონდის ჩამოყალიბება და სწორედ ახლა ვიწყებთ ბიოლოგიური მასალის შეგროვებას. ეს მასალა კი სამ თაობაზე მუშაობს.

- და აუცილებლია ამ მასალის აღება პატარა ასაკში მოხდეს?

-არაა აუცილებელი, მაგრამ სასურველია. თუ ადამიანი არის 50 წლის და კარგად გრძნობს თავს, მას შეუძლია, ჩაგვაბაროს ბიოლოგიური მასალა და თუ 60-70 წლის გახდება, პრობლემები შეექმნება, ჩვენ დავუმზადებთ პროგრამას.

- და ეს რისკს არ შეიცავს? ხომ შეიძლება ადამიანი იყოს დაავადებული და არ იცოდეს ამის შესახებ?!...

- დიახ, მაგრამ როდესაც ამ ასაკში მოისურვებს ბიოლოგიური მასალის ჩაბარებას, სჯობს კვლევები ჩავუტაროთ, გამოვრიცხოთ ყველა შესაძლო დაავადება, რომლის სიმპტომები ჯერ არ არის გამოვლენილი და ისე ავიღოთ მასალაც. მაგრამ მაინც სჯობს, რომ ახალგაზრდა ასაკში მოხდეს ჩაბარება. მერე როდესაც გაიზრდება, პროგრამით მოხდება ორგანიზმის მიყვანა ისევ იმ მდომაროებამდე, როდესაც ის იყო ჯანმრთელი.

-სახელმწიფო მხარდაჭერის შესახებ რას იტყვით?

-არ ვიცი... ახლა მუშაობა უნდა დავიწყოთ და სახელმწიფოს დავანახოთ პროგრამის ეფექტურობა, იმიტომ, რომ თუ საქმე ტრადიციულ მედიცინას არ ეხება, ესენი ყველაფერს ეჭვის თვალით უყურებენ. აქედან გამომდინარე, სანამ ჩვენ არ ჩამოვაყალიბებთ სერიოზულ ცენტრს და სერიოზულ შედეგებს არ დავუდებთ სახელმწიფოს, მანამდე ლაპარაკს აზრი არ აქვს. როდესაც პროგრამით სახელმწიფო დაინტერესდება, ბევრი პრობლემაც მოგვარდება. ჩავრთავთ სადაზღვევო კომპანიებსაც. ეს მომავლის მედიცინაა. პროგრამა არღვევს ტრადიციული მედიცინის ბევრ მიმართულებას. ასე ადვილადაც არ მოხდებაა მისი აღიარება. ჩანაცვლება უნდა მოხდეს ეტაპობრივად. ძალიან ბევრი სამედიცინო ბიზნესი დაინგრევა ამით. ის, რაც ამერიკაში, ევროპასა და რუსეთში დახურულ ლაბორატორიებში მიმდინარეობს და ჯდება ძალიან ძვირი, საქართველოში გაკეთდება და დაჯდება ძალიან იაფი. უცხოელებისთვის ეღირება ძვირი, მაგრამ ქართველები ძალიან დაბალ ფასად შეძლებენ განკურნებას. შემიძლია გითხრათ, რომ ამ მეთოდით საკმაოდ სერიოზული მეცნიერები მუშაობენ და საკმაოდ სერიოზული შედეგებიც არის უკვე მიღწეული. გარკვეული დროის შემდეგ თავად დარწმუნდებით ამაში.

www.sazogadoeba.ge




კომენტარები




მსგავსი სიახლეები:
  • საქართველოში მესამე და მეოთხე სტადიის სიმსივნის მკურნალობა უკვე შესაძლებელი ...
  • „უცხოელები გვეკითხებიან, - მთელი ერი ავად ხართ, თუ რა გჭირთო?!“- რატომ არის ...
  • დედებო, ნუ გადაყრით ბავშვის მოცვლილ კბილებს – მეცნიერების საოცარი აღმოჩენა
  • სიმსუქნე, ეპილეფსია და კიბო გენეტიკურ ანომალიად აღიარეს!
  • როგორ ხდება ღვიძლის გადანერგვა - ინტერვიუ ქირურგთან, რომელმაც ოპერაცია ჩაატ ...

  • ინფორმაცია
    ჯგუფ Гости-ის წევრებს არ აქვთ კომენტარის დატოვების უფლება.


     

    ფოტო განწყობისათვის
    15-09-2018, 14:54
    ჭურჭლის მრეცხავობიდან მილიარდერობამდე - როგორ ცხოვრობს მსოფლიოს უმდიდრესი ადამიანის ცოლი (ფოტოები)
    5-09-2018, 19:16
    ქალს, რომელიც თავის სარჩენად სახლში ტორტებს აცხობს, ბინიდან გასახლებით და 5000-დოლარიანი ჯარიმით ემუქრებიან
    22-08-2018, 20:01
    აზერბაიჯანელი მოდელი ქალწულობას 100 000 ევროდ ყიდის - "მარია" მიღებული ფულით სახლის ყიდვას და მოგზაურობას აპირებს (ფოტოები)
    15-08-2018, 20:03
    İçerde - პოპულარული თურქი მსახიობები ჩაგათაი ულუსოი და არას ბულუთ ინემლი ქართველ მაყურებელს დაუბრუნდნენ
    1-07-2018, 15:52
    "ამერიკის ყველაზე მოდური ბებია" - "ჩემი სტილი მინიმალისტური, პროვოკაციული და ავანგარდულია"
    15-06-2018, 12:37
    ესტონეთში ასე ტოვებენ ხილს კორპუსებში მცხოვრებლებისთვის
    5-06-2018, 08:07
    მეტროპოლიტენი, სადაც მატარებელი მემანქანის გარეშე მოძრაობს (ვიდეო)

    ვიდეო კოლაჟი
    17-09-2018, 19:34
    „არ წახვიდე, არ დამტოვო...“ - როგორ არის და სად მოღვაწეობს პოპულარული სიმღერის ავტორ-შემსრულებელი
    12-09-2018, 19:59
    ალი და ნინოს ძეგლზე ასვლისთვის დაკავებულ მამაკაცს 12-დღიანი პატიმრობა შეეფარდა, კონსტანტინე ედიბერიძე სასამართლოს დარბაზში მაგიდა ააყირავა
    7-09-2018, 06:43
    რესტორანი "აღა" გმირთა მოედანზე ჭამის სურვილს დაგაკარგვინებთ
    6-09-2018, 15:33
    ბარნოვის ქუჩაზე მოკლული გამრეკელაშვილის დედასა და ბრალდებულის შვილს შორის დაპირისპირება მოხდა (ვიდეო)
    31-08-2018, 07:56
    გიორგი შენგელაიამ ზვიად გამსახურდიას მკვლელი უწოდა (ვიდეო)
    27-08-2018, 14:10
    რა მიზეზით გარდაიცვალა ახალგაზრდა ქალი საკეისრო კვეთიდან 17 დღის შემდეგ?
    24-08-2018, 20:11
    სამარცხვინო ტელევიზია ხართ – კახა კალაძის ჩართვა და პასუხი “რუსთავი2”-ს

         
    News.Mcvane.Ge © 2013-2018 საავტორო უფლებები დაცულია