Mcvane.Ge თქვენი საწყისი გვერდი
მთავარი გვერდი ჩვენ შესახებ კონტაქტი რეკლამა
loading...

რუსეთში განგაშია

თარიღი: 14-11-2014, 03:05,
ღრმა კრიზისი
რუსული ეკონომიკა რომ ღრმა კრიზისშია, ამას უკვე კრემლის პროპაგინდისტული მედიაც აღიარებს. სახელსუფლებო არხებზე ნამდვილი განგაშია ატეხილი. 
რუბლის კურსის დაცემა, რომელიც ისტორიულად მინიმალურ მაჩვენებლებს უახლოვდება, და საერთაშორისო ბაზარზე ნავთობის ფასის შემცირება კრემლში პანიკას თესავს.
ერთი წლის მანძილზე, რუსული რუბლის კურსი აშშ დოლართან მიმართებაში 30%-ით შემცირდა, რამაც, ბუნებრივია, ინფლაციის მკვეთრი ზრდა გამოიწვია. მითუმეტეს იმის გათვალისწინებით, რომ ქვეყანა დიდწილად იმპორტზეა დამოკიდებული.

„რუბლის აპოკალიპსი დღეს" - სტატია ასეთი სათაურით გაზეთმა „მოსკოვსკი კომსომოლეც" გამოაქვეყნა... რუსეთში უკვე იქამდე მივიდნენ, რომ სათათბიროს დეპუტატები გამოიდიან ინიციატივით ქვეყანაში ამერიკული ვალიუტა აიკრძალოს.

თუმცა, რამდენად მოსახერხებელია ეს, სხვა საკითხია. დოლარზე მოთხოვნა რუსეთში ძალიან მაღალია. საქმე იმაშია, რომ რუსული კომპანიებისა და ბანკების საგარეო ვალი 650 მილიარდ დოლარს შეადგენს. ამასთან, 2015 წელს მათ, სულ ცოტა 140 მილიარდი უნდა გადაიხადონ. დაუმატეთ ამას სესხის პროცენტებიც...

მთავრობას აუცილებლად სჭირდება ფული. კიდევ ერთი ქმედება მცირე ბიზნესისთვის ახალი გადასახადების შემოღებაა - 130$ კვადრატული მეტრიდან, - იტყობინება glavpost.com

პირდაპირი მნიშვნელობით ძალიან ძვირი უჯდება კრემლს ნავთობის გაიაფებაც. 110-112 დოლარის ნაცვლად, ბარელი ნავთობი ახლა 80 დოლარი ღირს. ფედერალურ ბიუჯეტს, რომლის ლამის ნახევარიც ენერგომატარებლების გაყიდვით ივსება, ეს დაახლოებით ტრილიონნახევარი რუბლით აზარალებს.

ხელისუფლების რეაქცია ასეთია - მათ საბიუჯეტო ხარჯების სეკვესტირება მოახდინეს და გადაწიეს დროში ჯარის შეიარაღების პროგრამის ამოქმედება. ამასთანავე, აქტიურად გამოიყენება სარეზერვო ფონდები... ექსპერტების აზრით, ვითარება რომც არ შეიცვალოს, რუსული ეკონომიკა დაახლოებით ორი წლის განმავლობაში, ასე თუ ისე, ფონს მაინც გავა. აი მერე კი...
 
რა მოხდება მერე?
ცნობილი რუსი ფინანსისტი ანდრეი მოვჩანი პროგნოზირებს, რომ ეკონომიკა ღრმა სტაგნაციის ფაზაში შევა და სულ რაღაც ოთხი წლის შემდეგ, ცხოვრების დონე 2003 წლის მაჩვენებლს გაუტოლდება... შემდეგ ხელისუფლება დააწესებს კონტროლს კაპიტალზე, აკრძალავს ქვეყნიდან ვალუტის გატანას და ყველანაირად ეცდება ექსპორტი მინიმუმამდე დაიყვანოს...

აი ხელისუფლების ბედს რაც შეეხება, აქ ექსპერტების მოსაზრებები განსხვავებულია - Bloomberg View-ს მიმომხილველი ლეონიდ ბერშიდსკი ფიქრობს, რომ ეკონომიკური სირთულეები პუტინის რეიტინგზე არ აისახება, და შესაძლოა, პირიქით მოსახლეობის კონსოლიდაციაც მოახდინოს. იმიდა მიუხედავად, რომ ბოლო თვის მანძილზე პრეზიდენტის რეიტინგი ოდნავ დაეცა, გრძელვადიან პერსპექტივაში მიმომხილველი ამას გამორიცხავს. ანალიტიკოსების აზრით, რაც უფრო გართულდება ვითარება ქვეყნის შიგნით, მით უფრო აათამაშებს რუსეთი კუნთებს საკუთარ საზღვრებს მიღმა, რათა მოსახლეობაში გამეფებულ იმპერიული ამბიციებს აამოს. აქ კი, ბუნებრივია, საფრთხეში პოსტსაბჭოთა სივრცის ქვეყნები აღმოჩნდებიან. მათ შორის, ჩვენც...
 
მითუმეტეს, რომ რუსული პროპაგანდა აქტიურად ადანაშაულებს დასავლეთს შექმნილი სირთულეების გამო და მოსახლეობას „მტერი დასავლეთის" წინააღმდეგ აერთიანებს.
კერძოდ, ცნობილმა კრემლის სატელიტმა, ჟუნალისტმა დიმიტრი კისილიოვმა საკუთარ გადაცემაში ვრცლად ისაუბრა ქვეყნის ეკონომიკური კრიზისის მიზეზებზე. თურმე ნუ იტყვით და, აშშ-ს მიერ წაქეზებული ფაშისტების გამო, რუსეთი იძულებული გახდა ყირიმი მიეტაცა...

აღსანიშნავია, რომ ამ ყოველივეში დასავლეთის მიერ დაწესებულ სანქციებს მართლაც დიდი წვლილი მიუძღვით. და მართალია თავის დროზე ბარაკ ობამას განცხადებას, რომ საკუთარი პოლიტიკის გამო რუსეთს სერიოზული საფასურის გადახდა მოუწევს ბევრი, და მათ შორის, რუსული პოლიტიკური ელიტაც სკეპტიკურად შეხვდა, თუმცა რეალურად ეს საფასური უკვე მილიარდობით რუბლს შეადგენს. სამომავლოდ კი ეს რიცხვები კიდევ უფრო გაიზრდება.
 
მოამზადა ალექსანდრე გვინდაძემ

წყარო: press.mediamall.ge





კომენტარები




მსგავსი სიახლეები:
  • საქართველოში, შესაძლოა, კიდევ ერთმა მუსიკალურმა ფესტივალმა “კუბანამ” გადმოი ...
  • პუგაჩოვას ქმრის დაბადების დღეზე, ყოფილი ქმრის, კირკოროვის ნათქვამმა სიტყვებ ...
  • შესაძლოა, 2005 წელს ქვემოთ გამოშვებული მანქანები აიკრძალოს
  • ვარსკვლავები საახალწლოდ გაიაფდნენ
  • შემოდგომისთვის უარყოფითი სავაჭრო ბალანსი მკვეთრად შემცირდება
  •  

    ფოტო განწყობისათვის
    14-11-2017, 14:45
    ეს 90 წლის ბებია ყოველ წელს საკუთარი ხელით უხატავს ხალხს სახლებს
    30-10-2017, 17:13
    რა ეღირება ქართული წარმოების გადასატანი კოტეჯი, რომელიც ბაზარზე 1 თვეში გამოჩდება
    24-10-2017, 15:10
    TOP 6 სიმპატიური ქართველი ლექტორი, რომელთა ლექციებზეც გოგონების ბუმია
    21-10-2017, 09:55
    ესპანეთის დედოფალმა „ზარას“ 99 დოლარიან კაბაში ფურორი მოახდინა
    19-10-2017, 15:21
    ლიკა ქავჟარაძის ფოტო-გამოფენა "რე-პრეფიქსი - რეინკარნაცია"
    15-10-2017, 13:47
    ლიკა ქავჟარაძე უკანასკნელ გზაზე გედიამ და შეთემ გააცილეს
    12-10-2017, 13:07
    ლიკა ქავჟარაძის ქორწილი, მეჯვარეები ეკა მამალაძე და ხათუნა ოჩიაური


         
    News.Mcvane.Ge © 2013 საავტორო უფლებები დაცულია