Mcvane.Ge თქვენი საწყისი გვერდი
მთავარი გვერდი ჩვენ შესახებ კონტაქტი რეკლამა
მთავარი გვერდი » ახალი ამბები » ეკონომიკა » მარეგულირებელი არ მუშაობს, მობილურმა ოპერატორებმა აიშვეს, ბანკები იყვნენ და არიან უმართავები
loading...

მარეგულირებელი არ მუშაობს, მობილურმა ოპერატორებმა აიშვეს, ბანკები იყვნენ და არიან უმართავები

ბრიგადის ყოფილი გენერალი, რომელიც ამჯამად არასამთავრობო სექტორში მოღვაწეობს, ამირან სალუქვაძე ლარის კურსის ვარდნას ეხმაურება და მიზეზების შესახებ საკუთარ მოსაზრება სოციალურ ქსელში აქვეყნებს.

“ვუსმინე და ვუცქირე ყველა კომენტარს, მ.შ. გადაცემა “პოსტსკრიპტუმს”.

დავიწყოთ პოსტსკრიპტუმით. არ ვეთანხმები ვერსიას, რომ არჩევნების დღემდე, როგორც ითქვა, ჯადოსნური ჯოხით აჩერებდნენ კურსს და შემდეგ მიუშვეს.

ჯადოსნური ჯოხი, რომელიც კურსს აჩერებს, ესაა სავალუტო ინტერვენციები, რაც ეროვნულ ბანკს არ განუხორციელებია. სხვაგვარად ლარის ვარდნა როგორ უნდა შეაჩერო? ამიტომ ჯადოსნური ჯოხის ვერსია ინგრევა.

ასევე არ ვეთანხმები “მოლოდინების” ვერსიას, რაზეც ბევრი საუბრობდა.. არც იმას, რომ 10-12%-ით დაეცა ძირითადი სავაჭრო პარტნიორების ვალუტებიო. ევრო, ლირა, რუბლი, გრივნა და ა.შ. 2-6%-ზე მეტად არ დაცემულა, ნახეთ ცხრილები.

ძირითადი სავაჭრო პარტნიორების კურსის ვარდნა, ისევე როგორც ჩვენთან, დაიწყო ივნის-ივლისიდან. აგვისტო-სექტემბერში ჩვენთან დასტაბილურდა ალბათ ტურისტული ნაკადების ზრდის გამო. სხვა ჯადოსნური ჯოხი არ არსებობს, რადგან, ვიმეორებ, ეროვნული ბანკი არ ჩარეულა.

ძირითადი სავაჭრო პარტნიორების ვალუტების ვარდნა უმნიშვნელო, 2-6%-იან ვარდნას, ჩემი აზრით, ალბათ დაემატა ის ფაქტორი, რომ წელს ეროვნულმა ბანკმა 129 მლნ დოლარი შეიძინა, რითაც 300 მლნ ლარზე მეტი ლარის მასა დაამატა ბრუნვაში და ხელი შეუწყო ლარის გაუფასურებას. შემოდგომით, კურსის ვარდნისას შეეძლო თუნდაც ამ შესყიდული დოლარის მესამედი ან ნახევარი გაეყიდა და შეემცირებინა ლარზე ზეწოლა, რაც არ გააკეთა.

არ სჭირდება უმაღლესი ეკონომიკური განათლება, რომ ეროვნული ბანკის დროული ჩარევის შემთხვებაში, ლარი რეკორდებს არ მოხსნიდა და ფასებზეც ნაკლებად აისახებოდა. სახელმწიფოს სხვა ეკონომიკური მაჩვენებლები რაიმე განგაშის და ფინანსური რყევების საფუძველს არ იძლევა.

უკვე მერამდენე წელია ეროვნული ბანკი ერთსა და იმავეს აკეთებს. დროულ ინტერვენციებს არ ახორციელებს, ლარი პანიკურ ვარდნაშია. ასევე პანიკაშია ხალხი, აწყდებიან ჯიხურებს, ყველას კრედიტი აქვს თვის ბოლოს დასაფარი. შემდეგ საპროცენტო განაკვეთს ზრდიან, რაც კრედიტებს კიდევ უფრო აძვირებს აძვირებს.

ფასებს რაც შეეხება, ზღაპრები არავინ მოჰყვეს, ზაფხულში მოიმატა ფასებმა და ახლაც, ამ დღეებში უამრავ პროდუქზე ფასები 10-20%-ითაა მომატებული. ბოსტნეულით ნუ განსაზღვრავთ.

ბანკებმა წელს ნახევარ მილიარდზე მეტი მოგება ნახა 9 თვეში. დარწმუნებული ვარ ბოლო ორ თვეში, ოქტომბერ-ნოემბერში, რეკორდს დაამყარებენ. ველოდები სტატისტიკას.

თიბისის და საქართველოს ბანკის წილი მიზერია სავალუტო ვაჭრობებშიო. ნახეთ ცხრილი. 20 ბანკიდან პირველ სამ ბანკს ბლუმბერგის ელექტრონულ სავაჭრო სისტემაში 9 თვეში 42%-ზე მეტი უკავია. ეს ბანკებია: საქართბელოს, თი-ბი-სი და პროკრედიტბანკი. 42% არაა მიზერი. ბანკების უმეტესობაზე 1-2% მოდის.

მცურავ გაცვლით კურსზე საუბრობენ და მაგით გვიხსნიან კურსის ცვალებადობას და ეროვნული ბანკის ჩაურევლობას. მცურავი კურსი გვაქვს, თუ წყალწაღებული?

ჩვენ წყალწაღებული კურსი გვაქვს, რადგან მცურავი კირსის დროს ხელების განძრევაა საჭირო და ეროვნული ბანკი პერიოდულად ერევა სავალუტო ოპერაციებში ვალუტის კურსის სტაბილურობის შესანარჩუნებლად.

როცა არც განცხადებას აკეთებ, არც ჩარევას ახორციელებ, ამ დროს ვრცელდება ათასგვარი პროგნოზები, პლიუს ხალხს კრედიტები აქვთ დასაფარი თვის ბოლოს, იმპორტიორებს პროდუქტები აქვთ შემოსატანი და ა.შ. ყველაფერი ეს რას იწვევს?

სავალუტო ბაზრის ძირითადმა მოთამაშეებმა, მ.შ. სავალუტო ჯიხურებმაც, ეროვნული ბანკის ნეიტრალური (ან არანეოტრალური) პოზიციის პირობებში მშვენივრად მოითბეს ხელი. პანიკირი ვარდნის დროს საკმაოდ დიდი გაცვლითი მარჟაა. თუ სტაბილური კურსის დროს 25-50 თეთრია, პანიკისას 100 დოლარზე საშუალოდ 3 ლარს შეადგენს.

ანტიმონოპოლიური სამსახური არ მუშაობს. ჩვენთან პროდუქტები უფრო ძვირია სუპერმარკეტებში, ვიდრე ევროპის მსხვილ ქალაქებში. მარეგულირებელი არ მუშაობს, მობილურმა ოპერატორებმა აიშვეს. ბანკები იყვნენ და არიან უმართავები. ტოპმენეჯერები არაადეკვატურად მდიდრდებიან, ამ დროს თანამშრომლები მიზერულ, 400-600 ლარიან ხელფასებზე ჰყავთ.

არიან ადამიანები დღე და ღამე სახელმწიფოზე, შვილების მომავალზე, საქართველოს გადარჩენაზე ფიქრობენ. ამ დროს არიან მცირე ჯგუფები, რომლებიც ვერ გრძნობენ ზღვარს…

P.S. ფინანსისტების და ეკონომისტების ბოსტანში არ ვიჭრები. ეს არც ინტერვიუა, არც კვლევა. სოციალურ ქსელში, როგორც ჩვეულებრივი მომხმარებელი და მოქალაქე, როგორც ვხედავ, ისე ვწერ.

რაც შემეშალა, სიამოვნებით მივიღებ პროფესიონალების შენიშვნებს.

მერწმუნეთ, ქუჩაში, ადმიანები უფრო მწარედ საუბრობენ, უფრო მწარედ…”-წერს ამირან სალუქვაძე.

www.postalioni.com




კომენტარები




მსგავსი სიახლეები:
 

ფოტო განწყობისათვის
დღეს, 16:29
ჩინელმა ცოლ-ქმარმა ერთმანეთი 18 წლის წინანდელ ფოტოზე იპოვა
დღეს, 16:21
მსოფლიოში ახალი ტრენდი ბეჭდის ნაცვლად საქორწინო ტატუა
10-05-2018, 14:24
ყურადღება - მილიონერი კატისთვის პატრონს ეძებენ!
14-04-2018, 16:30
ქართველი "ოდრი ჰეპბერნის" და გასული საუკუნის თბილისელი ლამაზმანის ტრაგედიებით სავსე ცხოვრება, რომელიც ახლა სამებაში ცხოვრობს
12-04-2018, 15:55
"ექიმებთან აღარც მივლია, ვინც ვერ მშველიდა, რისთვის ვდევდი" - ხელოვანი, რომელმაც საყვარელი საქმის დახმარებით კიბო დაამარცხა
4-04-2018, 16:46
სამოთზე ნამიბიაში, სადაც პრინცი ჰარი და მეგან მარკლი თაფლობის თვეს გაატარებენ (ფოტო)
1-04-2018, 16:15
ქორწილში სტუმრები არ მივიდნენ, თუმცა ეს წყვილისთვის კარგ გაკვეთილად იქცა

ვიდეო კოლაჟი
18-05-2018, 07:43
„ნეტა საერთოდ არ დამენახა... ეს ადამიანი ძალიან მიყვარს“ - ვინ დაინახა ნანკა კალატოზიშვილმა მიტინგის დასარბევად მოსულ „მარშელებს“ შორის (ვიდეო)
18-05-2018, 07:38
"ეს ის გოგოა 9 აპრილის ძეგლზე რატომ ცეკვავდაო?! მოუსმინეთ და შეიყვარეთ" (ვიდეო)
18-05-2018, 07:34
"თინეიჯერობიდან ვხმარობ გამოთქმას "ყ*ეთა ბელადი" და აგერ არ ვიპოვნე?!" - ნიკა გვარამია
15-05-2018, 13:08
„პატარაა, შტერი ბავშვია, რომელიც დაამუშავეს" - ნარკორეალიზაციის ბრალდებით დაკავებული ქეთი მურუსიძის დედა (ვიდეო)
13-05-2018, 06:03
გია გაჩეჩილაძე – აქციის აქტივისტების რეაქცია კარვების აღებზე აუცილებლად უნდა ნახოთ, რომ იცოდეთ რასთან გვაქვს საქმე
12-05-2018, 08:53
შსს ნარკოტიკების საკონტროლო შესყიდვის ვიდეომასალას ავრცელებს
12-05-2018, 08:49
ხათუნა ხოფერია: ამ ბიჭივით გეტკინოთ საკუთარი ღირსება! დავიჯერო, ასე მძიმეა იყო ადამიანი?!

     
News.Mcvane.Ge © 2013 საავტორო უფლებები დაცულია