Mcvane.Ge თქვენი საწყისი გვერდი
მთავარი გვერდი ჩვენ შესახებ კონტაქტი რეკლამა
მთავარი გვერდი » ახალი ამბები » ეკონომიკა » ზამთრის კურორტებზე დასვენება გაძვირდება

ზამთრის კურორტებზე დასვენება გაძვირდება

წელს ზამთრის კურორტებზე მომსახურების საფასური მოიმატებს.

ჯერჯერობით უცნობია, დაახლოებით რამდენი ლარით გაძვირდება პაკეტები, თუმცა მოსალოდნელ ცვლილებაზე სასტუმროების წარმომადგენლები უკვე ალაპარაკდნენ. როგორც გაზეთი „რეზონანსი” წერს, გაძვირდება როგორც მსხვილი, ასევე საოჯახო ტიპის სასტუმროების მომსახურება. ამის მიზეზად ტურისტული ბიზნესის წარმომადგენლები რეგიონებში გაზის გაძვირებას ასახელებენ, რასაც ლარის გაუფასურების ფაქტორიც ემატება. თუ გავითვალისწინებთ, რომ დენისა და წყლის გადასახადის მატების საფრთხეც არსებობს, მომსახურების ფასის გასაზრდელად ყველა პირობაა შექმნილი.

ადგილობრივი მოქალაქეებისთვის საქართველოს მთიან კურორტებზე დასვენება ისედაც ძვირი სიამოვნება იყო და ხალხს ამ მხრივაც წლევანდელ სეზონზე კიდევ უფრო გაუჭირდება.

ქვეყნის წამყვან სამთო-სათხილამურო კურორტებზე მდებარე სასტუმროების წარმომადგენლები აცხადებენ, რომ ფასების გადახედვა ნამდვილად მოუწევთ. მათი უმეტესობა ადასტურებს, რომ ტურისტებს დასვენება გაუძვირდება.

გუდაურში მდებარე სასტუმრო “თრუსოს” წარმომადგენელი ლევან კარიკაშვილი ამბობს, რომ ფასების შენარჩუნების მცირე შესაძლებლობაც არ აქვთ და გადაწყვეტილების მიღება “იძულებით მოუწევთ”.

“გაძვირდა აბსოლუტურად ყველაფერი, რასაც მოსახლეობა დღითი დღე გრძნობს. იძულებული ვართ, ფასი გავზარდოთ, არსებული ტარიფით საქმიანობის გაგრძელებას აზრი არ აქვს, წაგებაზე ხომ არ უნდა ვიმუშაოთ? ფასების შენარჩუნებასთან დაკავშირებით კითხვაც არ უნდა დაისვას, მდგომარეობა დღესავით ნათელია. როცა კომუნალური გადასახადი მატულობს, ავტომატურად ძვირდება ყველაფერი. ვერ დამისახელებთ მომსახურების ვერც ერთ სეგმენტს, სადაც ფასი არ გაზრდილა.

ცხადია, ვემზადებით, მოგვიწევს ცვლილება, მაგრამ ჯერ არ არის გადაწყვეტილი, რამდენი ლარით აიწევს ფასი, დავითვლით და ვნახავთ. სამზადისი ზამთრის ტურიზმისთვის არ დაგვიწყია, რადგან ზაფხულის სეზონი ამ ეტაპზეც გრძელდება. გაივლის რამდენიმე კვირა, შედეგს შევაჯამებთ და მერე დავიწყებთ თადარიგს მორიგი სეზონისთვის”, – ამბობს ლევან კარიკაშვილი.

მომსახურების გაძვირება იგეგმება ბაკურიანშიც, სადაც მიზეზად ასევე კომუნალური გადასახადის გაძვირება სახელდება. საოჯახო ტიპის სასტუმროს წარმომადგენელი თეო ჯოხაძე ამბობს, რომ მომსახურების ფასს ვერ შეინარჩუნებენ.

“მაქსიმალურად ვცდილობდით ძველი ფასის დატოვებას, მაგრამ საბოლოოდ მაინც გაძვირება გადავწყვიტეთ. შარშან ჩვენს სასტუმროში დასვენების საწყისი ფასი 35 დოლარი იყო. გამომდინარე იქიდან, რომ გაზი გაძვირდა, კურსიც გამუდმებით მერყეობს და ფასმა ყველაფერზე მოიმატა, ხარჯიც ბევრი გვაქვს. ამიტომ მომსახურებას ცოტათი გავაძვირებთ. დამსვენებლისთვის ეს არ არის სასიამოვნო ინფორმაცია, მაგრამ სხვა არჩევანი ამ ეტაპზე არ გვაქვს”, – ამბობს თეო ჯოხაძე.

გაძვირების თადარიგს იჭერენ სვანეთის სასტუმროებშიც, სადაც მომსახურების საფასურის ცვლილებისთვის ემზადებიან. მესტიაში, სოფელ ჩაბიანში, მდებარე საოჯახო
სასტუმროს მფლობელი მაია ქალდანი აცხადებს, რომ ზამთარში ტურისტებს ძველი ფასით ვერ მოემსახურებიან.

“ჯერ არ გაგვიძვირებია, ზაფხულში ფასის შენარჩუნება შევძელით, მაგრამ ზამთრის სეზონზე ეს წარმოუდგენელია. ახლა მთლიანად სეზონის გახსნაზე ვართ ორიენტირებული, რათა მაქსიმალურად მომზადებული ვიყოთ. ქვეყანაში ისეთი ეკონომიკური პროცესებია, განსაკუთრებით ლართან დაკავშირებით, რომ სტაბილურობის განცდა არ გვაქვს. სიმართლე გითხრათ, არც ტურისტების გააქტიურების იმედია. უფრო მაინც უცხოელ დამსვენებლებს ველოდებით, ადგილობრივები ისედაც ცოტანი არიან ხოლმე”, – ამბობს ქალდანი.

რაც შეეხება ტარიფებს, საოჯახო ტიპის სასტუმროებში ნომრის დაქირავება დღეში, სერვისის შესაბამისად, 30 ლარიდან 200 ლარამდე მერყეობს. მსხვილი სასტუმროების შემთხვევაში გადასახადი 150-200 დოლარიდან იწყება და მომსახურების ხარისხის კვალდაკვალ მატულობს. ახალი წლის პერიოდში, როგორც წესი, დამსვენებელს ჩვეულებრივზე მეტი თანხის გადახდა უწევს.

ავტორი: მარი ჩიტაია

www.metronome.ge




კომენტარები




მსგავსი სიახლეები:

ინფორმაცია
ჯგუფ Гости-ის წევრებს არ აქვთ კომენტარის დატოვების უფლება.


 

ფოტო განწყობისათვის
27-12-2018, 19:35
როგორ ითამაშა Secret Santa ქართველმა ბავშვმა - პაპუნას ორიგინალური გადაწყვეტა
26-12-2018, 19:56
ბონდო მძინარაშვილი: ფოტო კი არა, ფოტონოველაა...
26-12-2018, 19:17
აკა სინჯიკაშვილი: ჩემმა ფრანგმა სტუმარმა ინატრა - ნეტავ ასეთი განათება ჩვენთანაც იყოს ნიცაშიო...
7-12-2018, 19:22
,,თვალის ჩაპაჭუნებაზე სამუშაო მაქვს აშკარად" -ალეკო ელისაშვილი
3-12-2018, 19:43
სალომე ზურაბიშვილი ახალგაზრდობაში შვილებთან ერთად - ოჯახური ფოტო
3-12-2018, 19:39
2018 წლის ზამთრის ერთ-ერთი მოთხოვნადი აქსესუარი წვერის მანათობელი ნათურაა
9-11-2018, 20:48
დარია სუხიშვილი მამიდას დედას ეძახის - როგორ ცხოვრობს და სად სწავლობს ილიკო სუხიშვილის უმშვენიერესი ქალიშვილი

ვიდეო კოლაჟი
29-01-2019, 15:43
სალომე ზურაბიშვილი - პირადი ცხოვრების შესახებ ინფორმაციით მანიპულირება უნდა დასრულდეს
26-12-2018, 19:58
"ემიგრანტებმა გაზაფხულამდე უნდა მიაღწიონ საქართველომდე, თქვენთან ერთად წამოვალ, არაფრის არ მეშინია" - სააკაშვილი ახალ მოძრაობას იწყებს
26-12-2018, 12:33
შემაძრწუნებელი ვიდეო: ცუნამი ინდონეზიური პოპ ბენდის კონცერტზე სცენას ანგრევს და მუსიკოსებს კლავს
26-12-2018, 12:03
აქცია ნიკა გვარამიას წინააღმდეგ – (ვიდეო)
24-12-2018, 13:14
როგორ ზრდიან ბავშვებს ჯიჰადისტებად (ვიდეო)
20-12-2018, 19:44
მიხეილ ცაგარელის რჩევა სპეციალურად ქართველი გოგონებისთის - როგორ გავთხოვდეთ 2019 წელს
19-12-2018, 19:31
დაკავებულია ქალი, რომელმაც ნაც.მოძრაობის აქციის დროს პოლიციის მანქანა დააზიანა

     
News.Mcvane.Ge © 2013-2018 საავტორო უფლებები დაცულია