Mcvane.Ge თქვენი საწყისი გვერდი
მთავარი გვერდი ჩვენ შესახებ კონტაქტი რეკლამა
მთავარი გვერდი » ახალი ამბები » ახალი ამბები » რუსული "აეროფლოტი" ქართულ " აირზენას" აკოტრებს

რუსული "აეროფლოტი" ქართულ " აირზენას" აკოტრებს

თარიღი: 1-11-2014, 05:30,
ავიაკომპანია „აირზენა" საქართველოს საავიაციო სააგენტოს მხრიდან რუსულ ავიაკომპანიებთან მიმართებაში პარიტეტის დაცვას მოითხოვს. 6 წლიანი პაუზის შემდეგ დღეიდან მოსკოვის მიმართულებით რეგულარული რეისის განხორციელება„აეროფლოტმა" დაიწყო.

თბილისის საერთაშორისო აეროპორტის ინფორმაციით,"აეროფლოტზე" ბილეთის ფასი 180 ლარიდან (ეკონომკლასი) 2330 ლარამდე (ბიზნესკლასი) მერყეობს. მათივე ინფორმაციით, მოსკოვის მიმართულებით ფრენებს კიდევ 2 ავიაკომპანია,"აირზენა"და „სიბირის ავიახაზები ახორციელებენ".

„აირზენას" შემთხვევაში ბილეთის ფასი 560-580 ლარიდან (ეკონომკლასი)1520 ლარამდე (ბიზნეს კლასი)მერყეობს,ხოლო „სიბირის ავიახაზების" ფასი 560-580ლარიდან (ეკონომკლასი) 2000 ლარამდე (ბიზნესკლასი) მერყეობს.

როგორც „აირზენას" გენერალური დირექტორი იასე ზაუტაშვილი „კომერსანტთან" აცხადებს, ავიაკომპანია „აეროფლოტის" საქართველოს ბაზარზე შემოსვლასთან დაკავშირებით საბოლოო გადაწყვეტილება ორი ქვეყნის საავიაციო ხელისუფლებებს შორის ჯერ არ მიღებულა. შედეგად, მოლაპარაკების დასრულებამდე „აეროფლოტს" მიეცა დროებითი ნებართვა ყოველდღიურ ფრენებზე 1 თვის ვადით (25 ნომებრამდე). ზაუტაშვილი იმედს იტოვებს, რომ ამ დროის განმავლობაში საქართველოს საავიაციო ხელისუფლება ყველაფერს იღონებს იმისთვის, რომ წარმატებით დასრულდეს მოლაპარაკება, რის შემდეგაც რუსული ავიაკოპანიები საქართველოში კვირაში 10 სიხშირეზე მეტს არ იფრენენ.

ზაუტაშვილი განმარტავს, რომ ადრე რუსული მხარიდან კვირაში 7-ჯერ დაფრინავდა ავიაკომპანია „სიბირი", ასევე 7 -ჯერ დაფრინავდა „აირზენა". აბაშიძე-კარასინის მოლაპარაკების შედეგად გადაწყდა, რომ ორ ქვეყანას შორის ავიამიმოსვლა აღდგენილიყო. შესაბამისად, ძალაში შევიდოდა ის ხელშეკრულება, რომლის შესაბამისი მუხლი პარიტეტის პრინციპს ითვალისწინებს. ანუ ზაუტაშვილი აცხადებს, რომ პარიტეტის პრინციპი განსაზღვრავს, რომ საქართველოში ფრენის ნებართვა შესაძლებელია მოიპოვოს ერთი ქვეყნის რამდენიმე ავიაკომპანიამ, მაგრამ ფრენების სიხშირე განსაზღვრულია ხელშეკრულებით და მათ თავად უნდა გაინაწილონ ვინ რამდენჯერ იფრენს. ისე რომ ფრენების განსაზღვრულ ჯამურ ლიმიტს არ გადაჭარბონ.

ამ შემთხვევაში, კი რუსეთიდან ფრენების სიხშირე არ უნდა აღემატებოდეს კვირაში 7 რეისს.

ჩვენი მხრიდან კი ნებართვა „სიბირს" 7 სიხშირეზე აქვს და 3 სიხშირე „აეროფლოტს" მიცეს, რაც გააპროტესტა „აეროფლოტმა" და მანაც 7 სიხშირე მოითხოვა. ანუ ერთი ქვეყნიდან ჯამში 14 სიხშირეა მიცემული. ზაუტაშვილი აცხადებს, რომ სიხშრეების ასე განაწილება ადგილობრივ ავიაკომპანიებს არათანაბარ პირობებში აყენებს.

„იმედი გვაქვს, რომ ამ ერთ თვეში მოლაპარაკებები დასრულდება და ყველაფერი ნორმალურ კალაპოტში მოექცევა. თუ სახელმწიფოს მხრიდან სიხშირის, პარიტეტის თემა იქნა დარღევეული, ეს ნიშნავს იმას, რომ ხვალ, ზეგ უკვე აქ შემოვა თუნდაც 15-20 რუსული კომპანია, განუსაზღვრელი პირობებით და ქართული ავიაკომპანიები არათანაბარ პირობებში იქნებიან. თუ სააგენტოს მიერ რუსულ კომპანიებს მიეცათ განუსაზღვრელი ფრენის საშუალება, მაშინ ეს რასაკვირველია დაარტყამს ქართულ ავიაკომპანიებს.ეს უკვე არაჯანსაღი კონკურენციაა და ამ პირობებში ჩვენ ამ რეისების შესრულების მიზაშეწონილობას ჩვენი მხრიდან ვერ ვხედავთ. წინასწარ ვერ წავალთ იმ გეგმაზე,რომელიც ჩვენი ავიაკომპანიის გასაწირად და გასაკოტრებლად არის განსაღვრული."-აცხადებს ზაუტაშვილი.

„აირზენას" გენერალური დირექტორი „აეროფლოტის" საფასო პოლიტიკასაც აფასებს და აცხადებს, რომ ის საფასო პოლიტიკა, რომელსაც გვთავაზობს „აეროფლოტი", მიმართულია იმისკენ, რომ ბაზარი სრულად დაიკავოს.

„დღეს ის მოსკოვის მიმართულებით დაფრინავს, შემდგომში ალბათ სხვა მიმართლებებითაც დაინტერესდება, ამ პირობებში ყველაზე დიდი დარტყმა ადგილობრივ ავიაკომპანიებზე მოდის. აუცილებელია, რომ დაცული იყოს პარიოტეტის პრინციპი, თორემ იმის ამბიცია არავის არ აქვს, რომ ერთი პატარა კომპანია „აირზენა" ან სხვა რომელიმე ქართული კომპანია რამენაირად კონკურენციას გაუწევს ისეთ დიდ კომპანიებს, როგორიც არის „აეროფლოტი" , „თურქეთის ავიახაზები" თუ სხვა „-აცხადებს ზაუტაშვილი.

მისი თქმით, ევროპასთან ასოცირების ხელშეკრულებაში წერია, რომ ის ავიაკომპანიები, რომლებიც ნებისმიერი მხრდიან სახელმწიფოში სუბსიდირებას იღებენ, უკვე გარკვეულწილად დისკრიმინაციულ მდგომარეობაში აყენებენ სხვა ქვეყნის ავიაკომპანიებს.

ზაუტაშვილი აცხადებს, რომ „აეროფლოტი" დოტაციურია რუსული ხელისუფლების მხრიდან და ადგილობრივმა ავიაკომპანიებმა, რაც არ უნდა გაიჭირვონ და 30 დოლარით და მეტით ქვემოთ დაწიონ ბილეთის ფასი, რუსულ ავიაკომპანია „აეროფლოტს" ყოველთვის ექნება საშუალება, ფასი ქართულზე ნაკლები დააწესოს.

ზაუტაშვილის შეფასებით, ზოგადად ამ კონკრეტულ გარიგებაში მოგებული გამოდის თურქული „ტავ ურბანი", რომელიც იღებს შემოსავალს და რუსული ავიაკომპანია „აეროფლოტი" და სხვა კომპანიები, რომლებსაც აქ შემოსვლა უნდათ. მისი თქმით, ქართულ მხარეს და ქართულ ეკონომიკას, ამ მოლაპარაკებიდან არანაირი შედეგი არ ექნება.

„ამდენი წვალება არ უნდა ჭირდებოდეს სახელმწიფოს, თუ უნდა ადგილობრივი კომპანიისთვის ზიანის მიყენება, გვითხრას და გაუკოტებლად გავალთ ამ ბაზრიდან"-აცხადებს ზაუტაშვილი.

„კომერსანტი" სამოქალაქო ავიაციის სააგენტოსაც დაუკავშირდა, თუმცა ისინი ამ დრომზე კომენტარს არ აკეთებენ.

სოფო ქსოვრელი

წყარო: commersant.ge




კომენტარები




მსგავსი სიახლეები:

ინფორმაცია
ჯგუფ Гости-ის წევრებს არ აქვთ კომენტარის დატოვების უფლება.


 

ფოტო განწყობისათვის
3-10-2018, 20:02
ფანტასტიკური ჟანრის თურქული სერიალი netflix-ზე და სტამბოლის მცველად გადაქცეული ჩაღათაი ულუსოი (ფოტო, ვიდეო)
27-09-2018, 09:45
როგორ იზრდება პატარა ევა, რომლის დედის გარდაცვალებამ მთელი საქართველო შეძრა
19-09-2018, 15:01
ბერა ივანიშვილის საცოლის ფოტოები "ინსტაგრამიდან"
15-09-2018, 14:54
ჭურჭლის მრეცხავობიდან მილიარდერობამდე - როგორ ცხოვრობს მსოფლიოს უმდიდრესი ადამიანის ცოლი (ფოტოები)
5-09-2018, 19:16
ქალს, რომელიც თავის სარჩენად სახლში ტორტებს აცხობს, ბინიდან გასახლებით და 5000-დოლარიანი ჯარიმით ემუქრებიან
22-08-2018, 20:01
აზერბაიჯანელი მოდელი ქალწულობას 100 000 ევროდ ყიდის - "მარია" მიღებული ფულით სახლის ყიდვას და მოგზაურობას აპირებს (ფოტოები)
15-08-2018, 20:03
İçerde - პოპულარული თურქი მსახიობები ჩაგათაი ულუსოი და არას ბულუთ ინემლი ქართველ მაყურებელს დაუბრუნდნენ

ვიდეო კოლაჟი
13-10-2018, 20:26
6 წლის გოგონამ საკუთარ თავზე აიღო პარალიზებული მამის მოვლა
12-10-2018, 12:59
ქართველმა გოგონამ ბერძნულ The Voice-ში ოთხივე მწვრთნელი შემოაბრუნა
9-10-2018, 20:48
"ფეხებს რომ პარჭყავს, ის უნდა გახდეს თურმე პირველი ლედი" - რეზო ამაშუკელი ახალ მიმართვას ავრცელებს
7-10-2018, 20:43
" შე კრეტინო, დედალო ძუკნა, ჩამოდი თუ შნო გაქვს, მარტო მე დაგხვდები!"- რეზო ამაშუკელი მიხეილ სააკაშვილს მიმართავს
7-10-2018, 19:45
"მძღოლს ალბათ დააპატიმრებენ, მაგრამ ამ ბავშვებს ეს გააცოცხლებს?!" - საზარელ ავარიას შეწირული კიდევ 2 ახალგაზრდა
3-10-2018, 20:02
ფანტასტიკური ჟანრის თურქული სერიალი netflix-ზე და სტამბოლის მცველად გადაქცეული ჩაღათაი ულუსოი (ფოტო, ვიდეო)
2-10-2018, 19:47
,,დააბრუნეთ სააკაშვილი და უკანალზე აკოცეთ"

     
News.Mcvane.Ge © 2013-2018 საავტორო უფლებები დაცულია