საგარეჯოს მუნიციპალიტეტის სოფელ გიორგიწმინდაში 77 ქალბატონის  გვამი იპოვეს. ინფორმაცია სოციალური ქსელის საშუალებით გავრცელდა. მოხუცი ქალბატონის ცხედარს მისივე შვილი რამდენიმე კვირის განმავლობაში საკუთარ სახლში ინახავდა. 

შემთხვევა გუშინ, 28 თებერვალს, დაახლოებით 11:00 საათზე მოხდა. სოციალური მომსახურების სააგენტოს კახეთის საკოორდინაციო ცენტრის სპეციალისტი ლევან ქინქლაძე მარიდაშვილების ორსულიან ოჯახში სოციალურ-ეკონომიკური მდგომარეობის შესამოწმებლად იყო მისული, რა დროსაც შემთხვევით შეიტყო გარდაცვლილის არსებობის შესახებ.

„ვიზიტის დროს ოჯახში მხოლოდ ერთი წევრი დამხვდა. ვიცოდი, რომ დედასთან ერთად ცხოვრობდა და მის შესახებ ვკითხე. მითხრა, რომ დედამისს ეძინა და იქვე მდგარ ორ საწოლზე მიმითითა, რომელთაგან ერთ–ერთს ნაბდის მსგავსი ქსოვილი ქონდა გადაფარებული. ვთხოვე, ცოტათი გადაწიე მეთქი და გახრწნილი გვამი დავინახე" – აცხადებს ლევან ქინქლაძემ.

ქინქლაძის განცხადებით, შვილი ამტკიცებდა, რომ დედამისმა 4 თებერვალს დაიძინა და 12 მარტს გაიღვიძებდა. შემთხვევის ადგილზე ადგილობრივი ხელისუფლებისა და პოლიციის წარმომადგენლები გამოცხადდნენ. გვამი ექსპერტიზაზეა გადაყვანილი.

როგორც "სამოქალაქო პრესას'' შინაგან საქმეთა სამინსტროში განუცხადეს, გვამი ექსპერტიზაზეა გადაყვანილი და უტარდება დათვალიერება, რაც შეეხება ფაქტს, რომ გვამი გახრწნილი იყო აღნიშნულ ინფორმაციას სამინისტროში არ ადასტურებენ.