Mcvane.Ge თქვენი საწყისი გვერდი
მთავარი გვერდი ჩვენ შესახებ კონტაქტი რეკლამა
მთავარი გვერდი » ახალი ამბები » ახალი ამბები » რის გამო მოკლეს 21 წლის ახალგაზრდა ზაზიშვილის ქუჩაზე
loading...

რის გამო მოკლეს 21 წლის ახალგაზრდა ზაზიშვილის ქუჩაზე

თარიღი: 13-02-2014, 11:21,
ინგოროყვას კლინიკის მიმღებ-გადაუდებელი განყოფილების ხელმძღვანელის კოტე მუმლაძის განცხადებით, ზაზიშვილის ქუჩიდან, კლინიკაში გარდაცვლილი მიიყვანეს.

მას მარჯვენა ბარძაყისა და მარჯვენა კისრის არეში ჰქონდა ჭრილობა მიყენებული. როგორც News.ge-ს მუმლაძემ განუცხადა, გვამი კლინიკაში უცნობმა პირებმა შეიყვანეს.

ინგოროყვას კლინიკაში აღნიშნულ ფაქტს თვითმხილველები ჰყავს. როგორც News.ge-ს ერთერთმა თვითმხილველმა განუცხადა, კლინიკაში გავრცელებული ინფორმაციის მიხედვით, ახალგაზრდა სამედიცინო ინსტიტუტის სტუდენტი იყო. იგი გარდაცვლილი მეგობარმა იპოვა, რომელმაც სასწრაფო დახმარების მანქანით კლინიკაში გადაუდებელი დახმარებისთვის გადაიყვანა.

გარდაცვლილი ზურა ოჩიგავა დედისერთაა, ჰყავს ცოლი, რომელიც ბავშვს ელოდება. მოგვიანებით, კლინიკაში გარდაცვლილის დედაც მივიდა.

ინგოროყვას კლინიკაში მყოფის განცხადებით, ახალგაზრდა ეგრეთ წოდებული „სპიცით" იყო დაჭრილი ყელისა და ფეხის არეში.

21 წლის ახალგაზრდა ურთიერთშელაპარაკების ნიადაგზე მოკლეს. შინაგან საქმეთა სამინისტროსთვის ეჭვმიტანილის ვინაობა ცნობილია. მეზობლები news.ge-სთან დეტალების გამხელისგან თავს იკავებენ.

„პირველ არხთან" საუბრისას, გარდაცვლილის მეგობარი, ვის სახლშიც, სავარაუდოდ, მკვლელობა მოხდა, ამბობს, რომ შემთხვევის დროს სახლში არ იმყოფებოდა. მისი თქმით, მეგობრები, მათ შორის, ზურა ოჩიგავა, მისი სახლის სარდაფში იყვნენ შეკრებილი, სადაც შელაპარაკება მოხდა, შელაპარაკება კი მკვლელობით დასრულდა.

ოჩიგავას მეგობარი ამბობს, რომ სარდაფს ბეტონის კედლები აქვს და ხმაურს მეზობლები ვერ გაიგებდნენ. გარდაცვლილის კიდევ ერთი მეგობარი თათია მერებაშვილი კი ამბობს, რომ სარდაფში მეგობრები ჯოკერს თამაშობდნენ, ზურა ოჩიგავამ გარკვეული თანხა წააგო, რომლის გადახდა ვერ შეძლო და ამის გამო მოკლეს.

წყარო: news.ge





კომენტარები




მსგავსი სიახლეები:
 

ფოტო განწყობისათვის
14-11-2017, 14:45
ეს 90 წლის ბებია ყოველ წელს საკუთარი ხელით უხატავს ხალხს სახლებს
30-10-2017, 17:13
რა ეღირება ქართული წარმოების გადასატანი კოტეჯი, რომელიც ბაზარზე 1 თვეში გამოჩდება
24-10-2017, 15:10
TOP 6 სიმპატიური ქართველი ლექტორი, რომელთა ლექციებზეც გოგონების ბუმია
21-10-2017, 09:55
ესპანეთის დედოფალმა „ზარას“ 99 დოლარიან კაბაში ფურორი მოახდინა
19-10-2017, 15:21
ლიკა ქავჟარაძის ფოტო-გამოფენა "რე-პრეფიქსი - რეინკარნაცია"
15-10-2017, 13:47
ლიკა ქავჟარაძე უკანასკნელ გზაზე გედიამ და შეთემ გააცილეს
12-10-2017, 13:07
ლიკა ქავჟარაძის ქორწილი, მეჯვარეები ეკა მამალაძე და ხათუნა ოჩიაური


     
News.Mcvane.Ge © 2013 საავტორო უფლებები დაცულია