Mcvane.Ge თქვენი საწყისი გვერდი
მთავარი გვერდი ჩვენ შესახებ კონტაქტი რეკლამა
მთავარი გვერდი » ახალი ამბები » ახალი ამბები » ქართულის ტესტების მესამე და მეოთხე ვარიანტების შედეგები, სავარაუდოდ, ოთხ დღეში გამოქვეყნდება
loading...

ქართულის ტესტების მესამე და მეოთხე ვარიანტების შედეგები, სავარაუდოდ, ოთხ დღეში გამოქვეყნდება

თარიღი: 31-07-2013, 20:34,
ქართული ენისა და ლიტერატურის ტესტების მესამე და მეოთხე ვარიანტების შედეგები, რომელთა დაკავშირებითაც გარკვეული კითხვები გაჩნდა, სავარაუდოდ, ოთხ დღეში გამოქვეყნდება.

როგორც "ინტერპრესნიუსს" გამოცდების ეროვნული ცენტრის ქართული ენისა და ლიტერატურის ჯგუფის ხელმძღვანელმა, კახა ჯამბურიამ განუცხადა, ტესტების მესამე და მეოთხე ვარიანტები ამ დროისთვის სწორდება და 5 აგვისტოს ყველა შედეგი ცნობილი იქნება.

კახა ჯამბურია გამოეხმაურა პედაგოგთა და მშობლეთა ნაწილის მიერ გამოთქმულ ერთ-ერთ მოსაზარებას, რომ ტესტების შედეგების გამოუქვეყნებლობის მიზეზი ის ფაქტია, რომ აბიტურიენტებმა რევაზ ინანიშვილის ნაწარმოები "ლარა" არასწორად გაიგეს, კერძოდ - შვილისა და შვილიშვილის დამსმენი ადამიანი პატრიოტად დაახასიათეს.

ჯამბურიას ინფორმაციით, გამოცდაზე წარდგენილი რევაზ ინანიშვილის ნაწარმოები "ლარა" ბევრმა, შესაძლოა ერთმა მესამედმა აბიტურიენტმა არასწორად გაიაზრა, თუმცა ტესტების პასუხების გამოქვეყნებასთან ეს არაფერ შუაშია.
"რაც დაწერეს ბავშვებმა, იმ ქულებს იმსახურებენ, სწორდება ჩვეულებრივი კრიტერიუმებით, თემის შეფასების პირველი კრიტერიუმი არის ტექსტის ადეკვატური გააზრება. ვინც არაადეკვატურად გაიაზრა, რა თქმა უნდა მას ნული დაეწერება და არ გასწორდება. როდესაც საუბარია, რომ ადამიანმა საკუთარი შვილი და შვილიშვილი დაასმინა, რადგან უსმენენ რადიოს და ამიტომ უნდა დაიჭირონ, მასზე თქმა, რომ იგი არის საქართველოს დამოუკიდებლობისთვის მებრძოლი, ტანჯული ადამიანი, რა თქმა უნდა არაადეკვატური გაგებაა", - განაცხადა კახა ჯამბურიამ.

მისივე თქმით, შესაძლოა, აბიტურიენტებს ეგონათ, რევაზ ინანიშვილის "ლარაში" მოქმედება დამოუკიდებელ საქართველოში ხდებოდა და ისინი ვერ მიხვდნენ, რომ სიტუაცია საბჭოთა კავშირში ვითარდებოდა. ჯამბურიას შეფასებით, სამწუხაროდ, მათ ალბათ არ იციან, ვინ იყო რეზო ინანიშვილი და როდის მოღვაწეობდა მწერალი.

რაც შეეხება კიდევ ერთ პრეტენზიას - საგამოცდო დავალებას ტექსტში შეცდომების აღმოჩენის შესახებ. კახა ჯამბურიას განცხადებით, ყოველთვის, როდესაც გამსწორებლებს შორის აზრი იყოფა, საკითხი აბიტურიენტის სასარგებლოდ წყდება.
"ფილოლოგები ამბობენ, რომ აბიტურიენტებმა შეიძლება დასვან მძიმეები ისეთი სიტყვის დასაწყისში და დასასრულში, როგორიც არის სიტყვა "ფაქტობრივად" , რადგან აღნიშნული სიტყვა ნაწილს მიაჩნია, რომ არის ჩართული. მეორე შენიშვნაა, რომ ერთ-ერთ წინადადებაში შესაძლებელია აბიტურიენტმა დაწეროს მძიმე და ეს არ უნდა ჩაეთვალოს შეცდომად. არც ჩაუთვლიან. ასეთი შემთხვევები ყოველ წელს გვქონდა და არასდროს არ უთვლიდნენ აბიტურიენტებს ამას შეცდომად. ყოველთვის, სადაც შეიძლება გამსწორებლებს შორის აზრი გაიყოს, ყველა შემთხვევა აბიტურიენტის სასარგებლოდ წყდებოდა და წელსაც ასე გადაწყდება", - განაცხადა კახა ჯამბურიამ.

მისივე ინფორმაციით, ეჭვები მომდინარეობს იქიდან, რომ ბევრი საკითხის სპეციფიკას არ იცნობს. კახა ჯამბურიას განცხადებით, სასურველია, გამოცდების დასრულების შემდეგ საზოგადოებრივ მაუწყებელზე მოეწყოს დისკუსია და განხილული იყოს ყველა სადაო საკითხი.

"განსაკუთრებით დაისვას საკითხი, რატომ მოხდა, რომ ბავშვებმა ვერ გაიგეს მე-20 საუკუნის ერთ-ერთი ყველაზე მარტივი ენით დაწერილი ტექსტი, მაშინ როცა მათ წესით უნდა შეეძლოთ "ვეფხისტყაოსნის", ვაჟა-ფშაველას და რთული ტექსტების გააზრება", - განაცხადა კახა ჯამბურიამ.

მისივე ინფორმაციით, წელს ცენტრში განსაკუთრებით ბევრი, 39 000 ნაწერი შევიდა და გასწორებისა და გამოქვეყნების პროცესი ამიტომ გვიანდება. 


წყარო




კომენტარები




მსგავსი სიახლეები:
  • ბიტურიენტთა საყურადღებოდ! 31 ივლისს განთავსდა გეოგრაფიის გამოცდის შედეგები
  • მასწავლებელთა სასერტიფიკაციო გამოცდების "სამარცხვინო" შედეგები
  • აბიტურიენტთა საყურადღებოდ! 26 ივლისს განთავსდა ინგლისური და რუსული ენების გ ...
  • კახა კალაძე და ანუკი არეშიძე ოფიციალურად დაქორწინდნენ
  • ყაზახური გაზი ყაზახური კომპანიის დაბრუნების სანაცვლოდ
  •  

    ფოტო განწყობისათვის
    დღეს, 16:29
    ჩინელმა ცოლ-ქმარმა ერთმანეთი 18 წლის წინანდელ ფოტოზე იპოვა
    დღეს, 16:21
    მსოფლიოში ახალი ტრენდი ბეჭდის ნაცვლად საქორწინო ტატუა
    10-05-2018, 14:24
    ყურადღება - მილიონერი კატისთვის პატრონს ეძებენ!
    14-04-2018, 16:30
    ქართველი "ოდრი ჰეპბერნის" და გასული საუკუნის თბილისელი ლამაზმანის ტრაგედიებით სავსე ცხოვრება, რომელიც ახლა სამებაში ცხოვრობს
    12-04-2018, 15:55
    "ექიმებთან აღარც მივლია, ვინც ვერ მშველიდა, რისთვის ვდევდი" - ხელოვანი, რომელმაც საყვარელი საქმის დახმარებით კიბო დაამარცხა
    4-04-2018, 16:46
    სამოთზე ნამიბიაში, სადაც პრინცი ჰარი და მეგან მარკლი თაფლობის თვეს გაატარებენ (ფოტო)
    1-04-2018, 16:15
    ქორწილში სტუმრები არ მივიდნენ, თუმცა ეს წყვილისთვის კარგ გაკვეთილად იქცა

    ვიდეო კოლაჟი
    18-05-2018, 07:43
    „ნეტა საერთოდ არ დამენახა... ეს ადამიანი ძალიან მიყვარს“ - ვინ დაინახა ნანკა კალატოზიშვილმა მიტინგის დასარბევად მოსულ „მარშელებს“ შორის (ვიდეო)
    18-05-2018, 07:38
    "ეს ის გოგოა 9 აპრილის ძეგლზე რატომ ცეკვავდაო?! მოუსმინეთ და შეიყვარეთ" (ვიდეო)
    18-05-2018, 07:34
    "თინეიჯერობიდან ვხმარობ გამოთქმას "ყ*ეთა ბელადი" და აგერ არ ვიპოვნე?!" - ნიკა გვარამია
    15-05-2018, 13:08
    „პატარაა, შტერი ბავშვია, რომელიც დაამუშავეს" - ნარკორეალიზაციის ბრალდებით დაკავებული ქეთი მურუსიძის დედა (ვიდეო)
    13-05-2018, 06:03
    გია გაჩეჩილაძე – აქციის აქტივისტების რეაქცია კარვების აღებზე აუცილებლად უნდა ნახოთ, რომ იცოდეთ რასთან გვაქვს საქმე
    12-05-2018, 08:53
    შსს ნარკოტიკების საკონტროლო შესყიდვის ვიდეომასალას ავრცელებს
    12-05-2018, 08:49
    ხათუნა ხოფერია: ამ ბიჭივით გეტკინოთ საკუთარი ღირსება! დავიჯერო, ასე მძიმეა იყო ადამიანი?!

         
    News.Mcvane.Ge © 2013 საავტორო უფლებები დაცულია