Mcvane.Ge თქვენი საწყისი გვერდი
მთავარი გვერდი ჩვენ შესახებ კონტაქტი რეკლამა
მთავარი გვერდი » ახალი ამბები » ახალი ამბები » მკვლელობამდე 19 წლის მწყემსი ლორა სმიტს უთვალთვალებდა და ფოტოებს უღებდა - სმიტების საქმის ახალი სკანდალური დეტალები

მკვლელობამდე 19 წლის მწყემსი ლორა სმიტს უთვალთვალებდა და ფოტოებს უღებდა - სმიტების საქმის ახალი სკანდალური დეტალები

ამერიკელი ოჯახის დახოცვის საქმეში ახალი დეტალები ხდება ცნობილი. პროკურატურას საქმეში აქვს ბრალდებულის ტელეფონი და სხვა მწყემსების ჩვენებები, სადაც დაკავებული მწყემსის ბრალეულობა ნათლად იკვეთება. ეკონომისტი ირაკლი ლატარია „რეზონანსთან“ ყვება, რომ ადგილობრივი მწყემსების ინფორმაციით, მკვლელობაში ეჭვმიტანილს ტელეფონში გარდაცვლილი ლორა სმიტის ფოტოები ჰქონდა და ის მათ აჩვენებდა, თითქოს მისი მეგობარი გოგო იყო.

მწყემსებმა გარდაცვლილი ქალი მას შემდეგ ამოიცნეს, რაც მათთან პოლიცია მივიდა და დაკარგული ოჯახის შესახებ ინფორმაცია ჰკითხა. ადგილობრივები ვარაუდობენ, რომ მწყემსი ოჯახის დახოცვამდე ქალს უთვალთვალებდა და ფოტოებს უღებდა.

ლატარიას თქმით, მას მამაკაცის სხეული იქვე ჰქონდა გადამალული და კვალის არევის მიზნით, როდესაც ქალის ცხედარი აღმოაჩინეს, ქმრის გვამი ღამით ჩანჩქერთან მიიტანა; ადგილობრივებმა საკუთარი ყურით უსმინეს, როგორ ყვებოდა დეტალურად ოჯახის დახოცვის ისტორიას. მწყემსები ვარაუდობენ, რომ ეს იყო სექსუალური მიზნით ჩადენილი დანაშაული და არ გამორიცხავენ, რომ მას ლორა სმიტის გაუპატიურება სურდა. ადგილობრივი ახალგაზრდები შეიკრიბნენ და მწყემსის ჩაქოლვას აპირებდნენ, რის გამოც პოლიციამ თავიდან მისი დაკავების ამბავი დამალა. მოგვიანებით კი ის ხეობიდან სამართალდამცველებმა ჩუმად გააპარეს.

„პროკურატურას აქვს საკმაო მტკიცებულებები და მოწმეთა ჩვენებები, სადაც მწყემსი ბიჭის ბრალეულობა აშკარა და უტყუარია. როგორც ადგილობრივი მწყემსები ყვებიან, მათ დაკავებული თავის ტელეფონში ლორა სმიტის ფოტოებს უჩვენებდა და ამბობდა, ნახეთ რა ლამაზი ქალი მყავსო. ხოლო მათ ქალი მას შემდეგ ამოიცნეს, რაც მათთან პოლიცია მივიდა და დაკარგული სმიტების ოჯახის ფოტოები აჩვენა.

"მწყემსები ვარაუდობენ, რომ ის ლორა სმიტს უთვალთვალებდა და ფოტოებს უღებდა. მათი აზრით, ეს იყო სექსუალურ ნიადაგზე ჩადენილი დანაშაული და მან მთელი ოჯახი ამის გამო ამოხოცა. ადგილობრივები ამბობენ, რომ, სავარაუდოდ, მამაკაცის დამარხვას აპირებდა, თუმცა ვერ მოასწრო, ამიტომაც კვალის არევის მიზნით ის ღამე ჩანჩქერთან მიიტანა. პროკურატურას ძალიან ბევრი მტკიცებულებები აქვს, თუმცა მის გამოქვეყნებას ჯერჯერობით ერიდება. ხეობაში ეჭვი არავის ეპარება, რომ ის მარტო მოქმედებდა და მთელი ოჯახი მან ამოწყვიტა“, - აცხადებს „რეზონანსთან“ ლატარია.

მიმდინარე წლის 6 ივლისს 112-ში შევიდა შეტყობინება საქართველოსა და ამერიკის ორმაგი მოქალაქეობის მქონე 2 პირის და მათი 4 წლის შვილის დაკარგვის შესახებ. შეტყობინების ინიციატორის თქმით, დაკარგულები დუშეთის რაიონში, ხადას ხეობაში იმყოფებოდნენ და მათთან დაკავშირება ვერ ხერხდებოდა.

პოლიციელებმა და მაშველებმა დაუყოვნებლივ დაიწყეს სამძებრო სამუშაოები და შეტყობინებაში მითითებული ადგილები დაათვალიერეს. სამართალდამცველებმა სოფელ წკერეში დაკარგულების კუთვნილი ავტომანქანა და პირადი ნივთები აღმოაჩინეს.

იმავე დღეს, სამართალდამცველების და საგანგებო სიტუაციების მართვის სააგენტოს მაშველების ინტენსიური სამძებრო სამუშაოების შედეგად, ლორა სმიტი ხევში, ჩანჩქერის პირას, გარდაცვლილი იპოვეს, რომელსაც პირველადი დათვალიერების შედეგად ძალადობის კვალი არ აღენიშნებოდა. ხოლო, შემდგომი სამძებრო სამუშაოების შედეგად, 7 ივლისს, ხევში მდებარე ჩანჩქერის მიმდებარე ტერიტორიაზე რაიან სმიტის ცხედარი აღმოაჩინეს.

სამძებრო და საგამოძიებო ღონისძიებების შედეგად, პოლიციამ მკვლელობაში ბრალდებული, 19 წლის მწყემსი დააკავა, რომელმაც აღიარა ჩადენილი დანაშაული. თუმცა სასამართლოზე ჩვენება შეცვალა და ბრალდება უარყო. დაკავებლს მოსამართლემ ორთვიანი წინასწარი პატიმრობა შეუფარდა.

საგამოძიებო ექსპერიმენტის ჩატარების შედეგად სამართალდამცველებმა აღმოაჩინეს 4 წლის ბავშვის ცხედარი, რომელიც ბრალდებულმა დამალა.

მკვლელობაში ბრალდებული მალხაზ კობაური წარმოშობით ახალგორის რაიონიდანაა. 2008 წლის აგვისტოს ომის შემდეგ მისი ოჯახი მცხეთის მუნიციპალიტეტში, სოფელ წილკანში ცხოვრობს.

გამოძიება დამამძიმებელ გარემოებაში ჩადენილი, ორი ან მეტი პირის, მათ შორის, დამნაშავისათვის წინასწარი შეცნობით არასრულწლოვნის განზრახ მკვლელობის ფაქტზე, საქართველოს სსკ-ს 109-ე მუხლის მე-2 ნაწილის „ბ“ და მე-3 ნაწილის „ა“ ქვეპუნქტით მიმდინარეობს. დანაშაული უვადო თავისუფლების აღკვეთას ითვალისწინებს.

წყარო: რეზონანსი





კომენტარები




მსგავსი სიახლეები:
  • "მაიკლ სმიტი მკვლელებს იცნობდა, მათმა ხეობაში ნახვამ შეაშინა... მალხაზი იმ ...
  • დაკავებული მწყემსი სმიტების ოჯახზე - ისინი მე არ დამიხოცავს, ორი უცხოელი მა ...
  • ადგილობრივების თქმით, ხადის ხეობაში მოკლული ბავშვის ცხედარი დამარხული იპოვე ...
  • ,,ბავშვი დამარხული ყოლია, მთელი ხადა გადაკეტილია” _ ვინ მოკლა ამერიკის სამი ...
  • ხადას ხეობაში ამერიკის 2 მოქალაქის ცხედარი იპოვეს, 4 წლის ბავშვს ეძებენ

  • ინფორმაცია
    ჯგუფ Гости-ის წევრებს არ აქვთ კომენტარის დატოვების უფლება.


     

    ფოტო განწყობისათვის
    9-11-2018, 20:48
    დარია სუხიშვილი მამიდას დედას ეძახის - როგორ ცხოვრობს და სად სწავლობს ილიკო სუხიშვილის უმშვენიერესი ქალიშვილი
    6-11-2018, 07:36
    ქუთაისში აზიური ფაროსანა დააბეს - ფოტო, რომელმაც სოცქსელი გახალისა
    3-10-2018, 20:02
    ფანტასტიკური ჟანრის თურქული სერიალი netflix-ზე და სტამბოლის მცველად გადაქცეული ჩაღათაი ულუსოი (ფოტო, ვიდეო)
    27-09-2018, 09:45
    როგორ იზრდება პატარა ევა, რომლის დედის გარდაცვალებამ მთელი საქართველო შეძრა
    19-09-2018, 15:01
    ბერა ივანიშვილის საცოლის ფოტოები "ინსტაგრამიდან"
    15-09-2018, 14:54
    ჭურჭლის მრეცხავობიდან მილიარდერობამდე - როგორ ცხოვრობს მსოფლიოს უმდიდრესი ადამიანის ცოლი (ფოტოები)
    5-09-2018, 19:16
    ქალს, რომელიც თავის სარჩენად სახლში ტორტებს აცხობს, ბინიდან გასახლებით და 5000-დოლარიანი ჯარიმით ემუქრებიან

    ვიდეო კოლაჟი
    16-11-2018, 08:09
    “67 წლის ვიყავი, სასიკვდილოდ გამიმეტეს…. “- როგორ იხსენებს 26 მაისის დარბევის ღამეს სასტიკად ნაცემი ბაბუ (ვიდეო)
    16-11-2018, 07:57
    გრიგოლ ვაშაძე: ფუ მეზიზღება ეს ხალხი!
    16-11-2018, 07:28
    სავარაუდო თვითმკვლელობა აბასთუმანში, რომელიც შესაძლოა, ოჯახურ ძალადობას უკავშირდებოდეს
    15-11-2018, 17:00
    „ძალიან დიდი უბედურება დატრიალდა” – კახა კალაძემ ემოციების გამო კომენტარის გაკეთება ვერ შეძლო [ვიდეო]
    13-11-2018, 11:48
    სააკაშვილი: ჩვენ დავიწყეთ სამხედრო მოქმედებები ცხინვალის რეგიონში
    11-11-2018, 18:58
    ადრიანა ლიმამ Victoria's Secret-ი დატოვა
    9-11-2018, 19:39
    ლანა ღვინჯილია, რომელმაც სალომე ზურაბიშვილს ოკუპაციის ხაზთან სიტყვიერი შეურაცხყოფა მიაყენა, სააკაშვილის საპრეზიდენტო ბიბლიოთეკის საზოგადოებასთან ურთიერთობის ხელმძღვანელია

         
    News.Mcvane.Ge © 2013-2018 საავტორო უფლებები დაცულია