Mcvane.Ge თქვენი საწყისი გვერდი
მთავარი გვერდი ჩვენ შესახებ კონტაქტი რეკლამა
მთავარი გვერდი » ახალი ამბები » ახალი ამბები » "მაიკლ სმიტი მკვლელებს იცნობდა, მათმა ხეობაში ნახვამ შეაშინა... მალხაზი იმიტომ არ მოკლეს, რომ ყველაფერი ამ ბავშვს დაბრალებოდა" - ბრალდებული მწყემსის ადვოკატი

"მაიკლ სმიტი მკვლელებს იცნობდა, მათმა ხეობაში ნახვამ შეაშინა... მალხაზი იმიტომ არ მოკლეს, რომ ყველაფერი ამ ბავშვს დაბრალებოდა" - ბრალდებული მწყემსის ადვოკატი

სმიტების ოჯახი განზრახ მკვლელობაში ბრალდებულ მალხაზ კობაურის ადვოკატი, დავით გირგვლიანი ამბობს, რომ მკვლელებს რაიან სმიტს იცნობდნენ.

როგორც „ნიუპოსტს“ გირგვლიანმა განუცხადა, მკვლელობის დღეს სავარაუდოდ, ნაცნობები შეხვდნენ, რომელთა დანახვამაც მოკლული მამაკაცი შეაშინა.

„ვადასტურებთ, ორი უცხო მამაკაცისა და შავი ფერის ავტომობილის არსებობას, ხეობაში იმყოფებოდა ის ორი ადამიანი, რომლებმაც მოკლეს სმიტების ოჯახი. ჩემი დაცვის ქვეშ მყოფი არის მკვლელობის თვითმხილველი და არა მკვლელობასთან რაიმე სახის შემხებლობასთან მყოფი პირი. კობაურისთვის უცნობი პირები ქართულად საუბრობდნენ. მაიკლ სმიტი მას სავარაუდოდ, იცნობდა, რადგან მათმა დანახვამ შეაშინა და ნაბიჯიც კი ააჩქარა, თუმცა ისინი მალევე დაეწივნენ“- განაცხადა დავით გირგვლიანმა.

„ნიუპოსტის“ კითხვაზე, რატომ დატოვეს მკვლელობაში ბრალდებულებმა 19 წლის თვითმხილველი ცოცხალი, ადვოკატმა უპასუხა, რომ „მათი მიზანი იყო, მკვლელობა ამ ბავშვს დაბრალებოდა“.

„ამ ვერსიას ხომ აქვს არსებობის უფლება?! თუმცა ამის დადასტურება, იყვნენ თუ არა ნამდვილად უცხო ადამიანები ხადას ხეობაში, მთავარ პროკურატურას და გამოძიებას არც კი უცდია“- ამბობს ადვოკატი.

დავით გირგვლიანის განცხადებით, დაკავებისას მალხაზ კობაურმა ეს ვერსია პოლიციელებს უთხრა, თუმცა სამართალდამცავებმა მას არ დაუჯერეს.

„მას სთხოვდნენ აღიარებით ჩვენებას, იყო ფსიქოლოგიური ზემოქმედების ქვეშ. ერთი სიტყვით, მალხაზის ყველაფერი ისე გააკეთებინეს, როგორც მათ აწყობდათ“- განმარტა უფლებადამცველმა.

„ნიუპოსტის“ კითხვაზე როგორ მიიყვანა ბრალდებულმა ბავშვის ცხედართან სამართალდამცავები, გირგვლიანმა აღნიშნა, რომ ამ კითხვაზე პასუხი მკვლელობაში ბრალდებულს აქვს, თუმცა გამოძიების ინტერესიდან გამომდინარე ამაზე დღეს ვერ ისაუბრებს.

„მინდა ყველა ჟურნალისტმა ამ საკითხზე სწორი აქცენტი გააკეთოთ. კითხვას განა არ ვპასუხობ, აღნიშნულ შეკითხვას ჯერ-ჯერობით არ ვპასუხობ გამოძიების ინტერესებიდან გამომდინარე“- დასძინა ადვოკატმა.

დავით გირგვლიანი არ პასუხობს კიდევ ერთ კითხვას, მაიკლ სმიტისა და მისი ვაჟის მკვლელობა „უცნობ პირებთან კონფლიქტის შემდეგ“ იმავე წუთებში მოხდა თუ არა.

„გამოძიების ინტერესებიდან გამომდინარე ამ საკითხზე ამ ეტაპზე ვერ ვისაუბრებ. შემდეგ ეტაპებზე ამ და სხვა საკითზებზე დაცვის მხარე გააკეთებს განცხადებებს“- განმარტა მან.

დავით გირგვლიანი ამბობს, რომ მალხაზ კობაურის ოჯახს უანგაროდ ეხმარება.

პოლიციელებმა და მაშველებმა დაუყოვნებლივ დაიწყეს სამძებრო სამუშაოები და შეტყობინებაში მითითებული ადგილები დაათვალიერეს. სამართალდამცველებმა სოფელ წკერეში დაკარგულების კუთვნილი ავტომანქანა და პირადი ნივთები აღმოაჩინეს.

იმავე დღეს, სამართალდამცველების და საგანგებო სიტუაციების მართვის სააგენტოს მაშველების ინტენსიური სამძებრო სამუშაოების შედეგად, ლორა სმიტი ხევში, ჩანჩქერის პირას, გარდაცვლილი იპოვეს, რომელსაც პირველადი დათვალიერების შედეგად ძალადობის კვალი არ აღენიშნებოდა. ხოლო, შემდგომი სამძებრო სამუშაოების შედეგად, 7 ივლისს, ხევში მდებარე ჩანჩქერის მიმდებარე ტერიტორიაზე რაიან სმიტის ცხედარი აღმოაჩინეს.

სამძებრო და საგამოძიებო ღონისძიებების შედეგად, პოლიციამ მკვლელობაში ბრალდებული, 19 წლის მწყემსი დააკავა, რომელმაც აღიარა ჩადენილი დანაშაული. თუმცა სასამართლოზე ჩვენება შეცვალა და ბრალდება უარყო. დაკავებლს მოსამართლემ ორთვიანი წინასწარი პატიმრობა შეუფარდა.

საგამოძიებო ექსპერიმენტის ჩატარების შედეგად სამართალდამცველებმა აღმოაჩინეს 4 წლის ბავშვის ცხედარი, რომელიც ბრალდებულმა დამალა.

მკვლელობაში ბრალდებული მალხაზ კობაური წარმოშობით ახალგორის რაიონიდანაა. 2008 წლის აგვისტოს ომის შემდეგ მისი ოჯახი მცხეთის მუნიციპალიტეტში, სოფელ წილკანში ცხოვრობს.

გამოძიება დამამძიმებელ გარემოებაში ჩადენილი, ორი ან მეტი პირის, მათ შორის, დამნაშავისათვის წინასწარი შეცნობით არასრულწლოვნის განზრახ მკვლელობის ფაქტზე, საქართველოს სსკ-ს 109-ე მუხლის მე-2 ნაწილის „ბ“ და მე-3 ნაწილის „ა“ ქვეპუნქტით მიმდინარეობს. დანაშაული უვადო თავისუფლების აღკვეთას ითვალისწინებს.

www.newposts.ge




კომენტარები




მსგავსი სიახლეები:
  • მკვლელობამდე 19 წლის მწყემსი ლორა სმიტს უთვალთვალებდა და ფოტოებს უღებდა - ს ...
  • "შავი ფერის ავტომობილი და ჩრდილო კავკასიელები სმიტების საქმეში" - რა უთხრ ...
  • დაკავებული მწყემსი სმიტების ოჯახზე - ისინი მე არ დამიხოცავს, ორი უცხოელი მა ...
  • სმიტების ოჯახის მკვლელობისთვის დაკავებული მწყემსი ბრალს არ აღიარებს
  • ხადას ხეობაში ამერიკის 2 მოქალაქის ცხედარი იპოვეს, 4 წლის ბავშვს ეძებენ

  • ინფორმაცია
    ჯგუფ Гости-ის წევრებს არ აქვთ კომენტარის დატოვების უფლება.


     

    ფოტო განწყობისათვის
    27-12-2018, 19:35
    როგორ ითამაშა Secret Santa ქართველმა ბავშვმა - პაპუნას ორიგინალური გადაწყვეტა
    26-12-2018, 19:56
    ბონდო მძინარაშვილი: ფოტო კი არა, ფოტონოველაა...
    26-12-2018, 19:17
    აკა სინჯიკაშვილი: ჩემმა ფრანგმა სტუმარმა ინატრა - ნეტავ ასეთი განათება ჩვენთანაც იყოს ნიცაშიო...
    7-12-2018, 19:22
    ,,თვალის ჩაპაჭუნებაზე სამუშაო მაქვს აშკარად" -ალეკო ელისაშვილი
    3-12-2018, 19:43
    სალომე ზურაბიშვილი ახალგაზრდობაში შვილებთან ერთად - ოჯახური ფოტო
    3-12-2018, 19:39
    2018 წლის ზამთრის ერთ-ერთი მოთხოვნადი აქსესუარი წვერის მანათობელი ნათურაა
    9-11-2018, 20:48
    დარია სუხიშვილი მამიდას დედას ეძახის - როგორ ცხოვრობს და სად სწავლობს ილიკო სუხიშვილის უმშვენიერესი ქალიშვილი

    ვიდეო კოლაჟი
    29-01-2019, 15:43
    სალომე ზურაბიშვილი - პირადი ცხოვრების შესახებ ინფორმაციით მანიპულირება უნდა დასრულდეს
    26-12-2018, 19:58
    "ემიგრანტებმა გაზაფხულამდე უნდა მიაღწიონ საქართველომდე, თქვენთან ერთად წამოვალ, არაფრის არ მეშინია" - სააკაშვილი ახალ მოძრაობას იწყებს
    26-12-2018, 12:33
    შემაძრწუნებელი ვიდეო: ცუნამი ინდონეზიური პოპ ბენდის კონცერტზე სცენას ანგრევს და მუსიკოსებს კლავს
    26-12-2018, 12:03
    აქცია ნიკა გვარამიას წინააღმდეგ – (ვიდეო)
    24-12-2018, 13:14
    როგორ ზრდიან ბავშვებს ჯიჰადისტებად (ვიდეო)
    20-12-2018, 19:44
    მიხეილ ცაგარელის რჩევა სპეციალურად ქართველი გოგონებისთის - როგორ გავთხოვდეთ 2019 წელს
    19-12-2018, 19:31
    დაკავებულია ქალი, რომელმაც ნაც.მოძრაობის აქციის დროს პოლიციის მანქანა დააზიანა

         
    News.Mcvane.Ge © 2013-2018 საავტორო უფლებები დაცულია