Mcvane.Ge თქვენი საწყისი გვერდი
მთავარი გვერდი ჩვენ შესახებ კონტაქტი რეკლამა
მთავარი გვერდი » ახალი ამბები » ახალი ამბები » ამერიკელთა ოჯახის წევრების მკვლელობისთვის 19 წლის მწყემსს უვადო პატიმრობა ემუქრება
loading...

ამერიკელთა ოჯახის წევრების მკვლელობისთვის 19 წლის მწყემსს უვადო პატიმრობა ემუქრება

ამერიკული ოჯახის განზრახ მკვლელობაში ბრალდებულ 19 წლის მალხაზ კობაურის შესახებ „კვირამ“ დამატებითი დეტალები გაარკვია.
კობაურები ახალგორის რაიონიდან დევნილები არიან და 2008 წლის აგვისტოს ომის შემდეგ, მცხეთის რაიონში, სოფელ წილკნის დასახლებაში, საძეგურის დევნილთა დასახლებაში ცხოვრობენ.

კობაურებს 6 შვილი ჰყავთ და სოციალურად დაუცველთა სტატუსით სარგებლობენ.

ლორა, რაიან სმიტების და მათი 4 წლის შვილის განზრახ მკვლელობაში ბრალდებული მალხაზ კობაური ოჯახის უფროსი შვილია.

მას სკოლაში საერთოდ არ უვლია და შესაბამისად, საშუალო განათლებაც არა აქვს.

ამერიკელთა ოჯახის წევრების მკვლელობისთვის 19 წლის მწყემსს უვადო პატიმრობა ემუქრება


„საბუთები დაკარგული ჰქონდათ, ყველა საბუთის აღდგენაში დავეხმარეთ. დედა მოვიდა განცხადება დაწერა და შვილები სკოლაში ჩავრიცხეთ. ეგ მალხაზი თვალით არ მინახავს. ჯერ კლასში დარჩა, მერე კიდევ დარჩა და იძულებულები ვიყავით მოსწავლის სტატუსი შეგვეჩერებინა.

სკოლაში საერთოდ არ დადიოდა. წარმოდგენაც კი არ მაქვს, როგორია. მისი და-ძმა ახლაც სკოლაში სწავლობს. ორი – მე-6 კლასშია და ერთი ძმა მე-8 კლასში სწავლობს. ძალიან გაჭირვებული ოჯახია.

სოციალურად დაუცველები არიან“, – აცხადებს წილკნის სკოლის დირექტორი ლეილა ტაველური.

„კვირას“ ინფორმაციით, მკვლელობაში ბრალდებულის მამა წარსულში ნასამართლევია.

როგორც „კვირასთვის“ გახდა ცნობილი, ბავშვების მამამ დედა დაჭრა და საპატიმროში რამდენიმე წელიწადი გაატარა.

ამჟამად, იგი საპატიმროდან გათავისუფლებულია, მაგრამ ოჯახთან ერთად არ ცხოვრობს. იგი ამავე სოფელშია, ოღონდ ცალკე ცხოვრობს.

წილკანში, ადგილობრივები ამბობენ, რომ კობაურები ძირითადად მიწაზე მუშაობენ და თავს ასე ირჩენენ.

მათივე ინფორმაციით, ოჯახის უფროსი შვილი მწყემსია და ცხვარი დუშეთის რაიონში ჰყავდა გადარეკილი.

მალხაზ კობაურის ვინაობა ხადას ხეობაში ამერიკელი ოჯახის წევრების სასტიკი მკვლელობის შემდეგ გახმაურდა.

შს სამინისტროს ინფორმაციით, გამოძიებით დადგინდა, რომ მიმდინარე წლის 4 ივლისს, ხადას ხეობაში მდებარე ერთ-ერთი ჩანჩქერის მიმდებარე ტერიტორიაზე, ურთიერთშელაპარაკებისას მ.კ.-მ სანადირო თოფიდან გასროლით სასიკვდილო ჭრილობები მიაყენა რ.ს.-ს და მის შვილს. ხოლო ლ. ს. შემთხვევის ადგილიდან გაქცევის მცდელობისას ხევში გადავარდა და გარდაიცვალა.

დაკავებულმა მოკლული მამაკაცი შემთხვევის ადგილას დატოვა, ხოლო მცირეწლოვნის ცხედარი ზვავში დამალა.

გამოძიება დამამძიმებელ გარემოებაში ჩადენილი, ორი ან მეტი პირის, მათ შორის, დამნაშავისათვის წინასწარი შეცნობით არასრულწლოვნის განზრახ მკვლელობის ფაქტზე, საქართველოს სსკ-ს 109-ე მუხლის მე-2 ნაწილის „ბ“ და მე-3 ნაწილის „ა“ ქვეპუნქტით მიმდინარეობს.

გამოძიების ფარგლებში გარდაცვლილთა ცხედრებს უტარდება ყველა შესაბამისი ექსპერტიზა. ჩადენილი დანაშაული უვადო თავისუფლების აღკვეთას ითვალისწინებს. ბრალდებულის შერაცხადობის საკითხის გასარკვევად კი ჩატარდება ფსიქიატრიული ექსპერტიზა.

გარდაცვლილები საქართველოში 6 წელზე მეტი ცხოვრობდნენ, ხოლო ორმაგი მოქალაქის სტატუსი მათ 2012 წელს მიიღეს.

მომხდარ ფაქტთან დაკავშირებით გამოძიება გრძელდება.

www.kvira.ge




კომენტარები




მსგავსი სიახლეები:
  • ადგილობრივების თქმით, ხადის ხეობაში მოკლული ბავშვის ცხედარი დამარხული იპოვე ...
  • ,,ბავშვი დამარხული ყოლია, მთელი ხადა გადაკეტილია” _ ვინ მოკლა ამერიკის სამი ...
  • ხადას ხეობაში ამერიკის 2 მოქალაქის ცხედარი იპოვეს, 4 წლის ბავშვს ეძებენ
  • სპეცოპერაცია მცხეთაში - მძევლად ხელში ჩაგდების ბრალდებით 4 პირი დააკავეს
  • ფერაძის ქუჩის მკვლელობა გახსნილია - პოლიციამ მოკლული ბავშვის დედა დააკავა
  •  

    ფოტო განწყობისათვის
    1-07-2018, 15:52
    "ამერიკის ყველაზე მოდური ბებია" - "ჩემი სტილი მინიმალისტური, პროვოკაციული და ავანგარდულია"
    15-06-2018, 12:37
    ესტონეთში ასე ტოვებენ ხილს კორპუსებში მცხოვრებლებისთვის
    5-06-2018, 08:07
    მეტროპოლიტენი, სადაც მატარებელი მემანქანის გარეშე მოძრაობს (ვიდეო)
    3-06-2018, 08:34
    "19 წლისა გავთხოვდი, განა აესე დაჯღანულ ვიყავ" - 105 წლის, გუდამაყრელი ბებოს სათხოვარი
    1-06-2018, 15:39
    თაკო ჭანუყვაძე: „ერთადერთი მსგავსება, რაც კეკესთან მაქვს, ჩაცმის სტილია…“
    24-05-2018, 11:53
    “ჯერ გამოკითხა მოხუცი პაციენტი და მერე ასე მოეფერა” – ემოციური ფოტო კლინიკიდან
    23-05-2018, 16:37
    სამეფო წყვილმა ქორწილის ოფიციალური ფოტოები გამოაქვეყნა

    ვიდეო კოლაჟი
    16-07-2018, 12:24
    „შე სამარცხვინო, მაიმუნო ქალო“ - თინა ბოკუჩავა პარლამენტში ეკა ბესელიას მიეჭრა - მდგომარეობის განსამუხტად ოპოზიციონერ დეპუტატთან ირაკლი კობახიძეც მივიდა (ვიდეო)
    9-07-2018, 08:32
    ამერიკელთა ოჯახის წევრების მკვლელობისთვის 19 წლის მწყემსს უვადო პატიმრობა ემუქრება
    8-07-2018, 11:00
    ოჯახური ძალადობის შემთხვევა საგარეჯოში
    5-07-2018, 18:14
    რუსთავში რძალ-დედამთილმა ნარკოტიკებით ინტოქსიკაცია მიიღო (ვიდეო)
    5-07-2018, 03:20
    ნიუ-იორკში პოლიციელები თავისუფლების ქანდაკებაზე ასული ქალის ჩამოყვანას 4 საათი ცდილობდნენ
    5-07-2018, 03:01
    21 წლის სტუდენტს ფიზიკურად ათამდე პირი გაუსწორდა
    2-07-2018, 14:12
    ვინ არის ედუარდ სააკაშვილის რჩეული, რომელიც ძალიან ჰგავს სანდრა რულოვსს (ფოტო, ვიდეო)

         
    News.Mcvane.Ge © 2013 საავტორო უფლებები დაცულია