Mcvane.Ge თქვენი საწყისი გვერდი
მთავარი გვერდი ჩვენ შესახებ კონტაქტი რეკლამა
მთავარი გვერდი » ახალი ამბები » ახალი ამბები » ანანია გაჩეჩილაძის მამა: შეცდომილი შვილი თუ ქრისტეს ჭეშმარიტება? მე ვირჩევ ქრისტეს!

ანანია გაჩეჩილაძის მამა: შეცდომილი შვილი თუ ქრისტეს ჭეშმარიტება? მე ვირჩევ ქრისტეს!

წმინდანების გამოსახულებიანი პრეზერვატივების მწარმოებელი „აიისას” დამფუძნებელ ანანია გაჩეჩილაძის მამა, დავით გაჩეჩილაძე სოციალურ ქსელში მიმართვას აქვეყნებს და ღმერთსა და წმინდანებს მისი შვილის გამო მიტევებას თხოვს. დავით გაჩეჩილაძის სტატუსს უცვლელად გთავაზობთ:

ე ლ ვ ა – დ ე პ ე შ ა

ბერებს, მონაზვნებს, დიაკვნებს, მღვდლებს, ეპისკოპსებსა და მიტროპოლიტებს. ჩვენს უსაყვარლეს უწმინდესსა და უნეტარეს ილია მეორეს. თანამოსაყდრეს უნეტარეს მიტროპოლიტ შიოს. მლოცველ მრევლს. სრულიად ქართველ ერს.ყველას! ყველას! ყველას!

ამ ბოლო ჟამს აი ისა გარშემო ატეხილმა სკანდალმა, ძალიან რთული არჩევანის წინაშე დამაყენა. ქრისტე თუ შვილი. შეცდომილი შვილი თუ ქრისტეს ჭეშმარიტება?

აცნობეთ თქვენს წმინდა ლოცვაში ზეციურ მხედრობასა და უფლის ანგელოსებს რომ: მე ვირჩევ ქრისტეს! რომელსაც ვუხმობ მთელი გულით რომ, სრული სუფევით დაემკვიდროს ჩემს ცოდვილ სხეულში და ჩემს შვილ ანაში, რომელიც (დროებით) ღვთისმგმობელურ გზას დაადგა.

“არა არს ცოდვა რომელსაც მადლი ღვთისა არ გარდაემატოს” იესო ტკბილო, იესო უფალო, იესო ხსნაო, იესო ნეტარებაო, იესო მაცხოვარო. იესო ძლიერებაო, იესო ძლევაო უკუნისაო და მხსნელო სულთა ჩვენთაო. სრულითა სუფევითა შენითა დაემკვიდრე ანაში და ყველა ჩემგან გამომავალში რომელიც შენგანვე მრთელი და საღი მებოძა. მხოლოდ ჩემმა ცოდვამ დაამახინჯა მისი სათუთი ბუნება და მისი ფაქიზი სული. მე ვარ ცოდვილი და დამნაშავე და ნუ მოჰკითხავ მას. შემინდე და შემიწყალე ქრისტე მაცხოვარო ჩემო.

წმინდაო თამარ დედოფალო მოგვიტევე მამა შვილს მკრეხელობა შენი ხატების მიმართ. წმინდაო დავით, ძლევაინსაკვირველი შენი უჩვენე ერსა და შენვე შეგვეწიე ძლევად და განდევნად ბოროტისა რადგან ახლა ესაა ქართველთა მენტალური დიდგორის ბრძოლა.

მე შემინდეთ და მაპატიეთ მართლმადიდებლებო ჩვენი სათუთი სიწმინდეების შელახვა და შეურაცხმყოფა.

მადლობა ამ განსაცდელისათვის, რომელიც ჩემი მცირედ მორწმუნეობისა და ცოდვათაგან განსაწმენდელად მიბოძე. შემინდე და მომიტევე, რადგან მივხვდი და გავიგე შენი განგებულების არსი.

იესო მაცხოვარო, მხოლოდ სპეტაკი ლოცვით შემიძლია შეგავედრო რომ შენ დავიცვა ჩემი შვილი ბოროტისაგან. რადგან უძლური ვარ შენი მადლის გარეშე უფალო.

მხოლოდ ქრისტეშია ჭეშმარიტი სიყვარული შვილისა და არა პირდაპირ მიწიერ ხორციელ სიყვარულში. ახლა მე ის ათასჯერ მეტად მიყვარს ვიდრე აქამდე. ისევე როგორც შენ არასოდეს არ გვტოვებ განსაცდელში, მეც მის გვერდით ვარ და ორივეს მაგივრად გევედერები.

იესო ტკბილო, იესო მხსნელო იესო მაცხოვარო.

მდაბლად გევედრები შეიწყალე მხევალი ღვთის ა ნ ა და მიეც მას მადლი, სინანულისა, რაითა განეშოროს საქმეთა საეშმაკოთა და სასირცხვოთა და მართლ დიაცთაგან უკადრისთა.

უფალო მიეც მხევალ ანა -ს მადლი განსჯისა და მიხვედრად მართლისა და ტყუილისა. მოგვმადლე უფალო ძალა და მადლი დედა ეკლესიასა შინა დაბრუნებისა და ვითარცა იგი უძღები შვილი განსწავლე ეგრეცა განგვამტკიცე ჩვენ სარწმუნოებასა შინა.

მხოლოდ ქრისტეშია მარადიული სიცოცხლე და ცხოვნება. ყველა სხვა დანარჩენი წარმავალია.

როგორც მლოცველმა ბერებმა მიართვით ეს დეპეშა უფალს თქვენს წმინდა ლოცვებში რაითა ერთობითა ჩვენითა შევრისხოთ სატანისეული მანქანები და “ძლევაი საკვირველი” კვლავ ვიხილოთ ანას მოქცევის სახით.

უმორჩილესად გთხოვთ ყველას, ლოცვითი მხარდაჭერა გამომიცხადოთ ამ დიდგორის ომში და დღეიდან 28 აგვისტოს მარიამობამდე, მოსახსენიებელში ჩაწეროთ მხევალი ღვთისა ანა ყველა ტაძარში, ყველა მონასტერში და რაც მთავარია თქვენს პირად ლოცვებში მოიხსენიოთ”,-წერს დავით გაჩეჩილაძე.

მანამდე, ანანია გაჩეჩილაძის მამამ ასევე სოციალურ ქსელში დაწერა, რომ ანა შეცდა, თუმცა ამის გამო შვილის მოკვეთას არ აპირებს. დავით გაჩეჩილაძემ დედა ეკლესიას მოუწოდა, სანაცვლოდ, თავად მოიკვეთოს სამარცხვინო და უღირსი წევრები. მისივე თქმით, ანა ზოგად, საჯარო საკუთრებას შეეხო და ამისთვის უნდა დაჯარიმდეს, თუმცა საბოლოო განცხადებას აღდგომის შემდეგ გააკეთებს.

„მე მზად ვარ მოვკვდე შენი უფლებების დასაცავად რომ შენ გქონდეს განსხვავებული აზრის გამოთქმის უფლება მაგრამ, შენი უფლებები თავდება იქ სადაც იწყება შენი მეზობლის ღობე.

ასეთია დემოკრატის მთავარი წესი და როცა ვიღაც საერთო სახალხო საკუთრებას იყენებს პირდ ინტერესებში ის არღვევს დრმოკრატიულ წესრიგს და ანარქიაში გადადის. ამიტომაა კანონი რომ მისი უზენაესობის დაცვა სახელმწიფომ საყოველთაოდ აღასრულოს და ყველა საკუთარ ნაჭუჭში დაეტიოს.

სამწუხაროდ ანი შეეხო საზოგადო საჯარო საკუთრებას და რა მიზანიც არ უნდა ქონდეს, ბიზნესი, პოლიტიკა თუ საზოგადოებრივი სტერეტიპების მსხვრევა ის ამ შემთხვევაში მეზობლის ღობეს გადაახტა და თუ სახელმწიფო არის სახელმწიფო მაშინ ანი უნდა კანონის შესაბამისად დაჯარიმდეს მიუხედავად იმისა ვისი ღობეა.

ღარიბის ბოსტანია თუ მაფიოზური კლანის გალავანი. თუ ვინმე კანონს ახტება და ჩაქოლვას, გათელვას და საჯარო დაგმობას მოითხოვს ისიც იმავე სახელმწიფომ უნდა დასაჯოს კანონის მთელი სიმკაცრით. ესაა დემოკრატიული სახელმწიფოს პრინციპი. და დემოკრატია ანარქია არაა”-წერდა დავით გაჩეჩილაძე.

www.infopostalioni.com




კომენტარები




მსგავსი სიახლეები:
  • ათონელი ბერები გვიამბობენ, როგორ ვილოცოთ იესოს ლოცვა
  • "გიხაროდეს და ამიერიდან თავაწეულმა იარე, შენი შვილი ღვთისმშობელმა მიიღო თა ...
  • იტალიელმა მეცნიერებმა იესო ქრისტეს ბავშვობის ფოტოგამოსახულება მიიღეს
  • იტალიელმა მეცნიერებმა იესო ქრისტეს ბავშვობის ფოტოგამოსახულება მიიღეს
  • როგორ გამოიყურებოდა იესო ქრისტე?

  • ინფორმაცია
    ჯგუფ Гости-ის წევრებს არ აქვთ კომენტარის დატოვების უფლება.


     

    ფოტო განწყობისათვის
    27-12-2018, 19:35
    როგორ ითამაშა Secret Santa ქართველმა ბავშვმა - პაპუნას ორიგინალური გადაწყვეტა
    26-12-2018, 19:56
    ბონდო მძინარაშვილი: ფოტო კი არა, ფოტონოველაა...
    26-12-2018, 19:17
    აკა სინჯიკაშვილი: ჩემმა ფრანგმა სტუმარმა ინატრა - ნეტავ ასეთი განათება ჩვენთანაც იყოს ნიცაშიო...
    7-12-2018, 19:22
    ,,თვალის ჩაპაჭუნებაზე სამუშაო მაქვს აშკარად" -ალეკო ელისაშვილი
    3-12-2018, 19:43
    სალომე ზურაბიშვილი ახალგაზრდობაში შვილებთან ერთად - ოჯახური ფოტო
    3-12-2018, 19:39
    2018 წლის ზამთრის ერთ-ერთი მოთხოვნადი აქსესუარი წვერის მანათობელი ნათურაა
    9-11-2018, 20:48
    დარია სუხიშვილი მამიდას დედას ეძახის - როგორ ცხოვრობს და სად სწავლობს ილიკო სუხიშვილის უმშვენიერესი ქალიშვილი

    ვიდეო კოლაჟი
    26-12-2018, 19:58
    "ემიგრანტებმა გაზაფხულამდე უნდა მიაღწიონ საქართველომდე, თქვენთან ერთად წამოვალ, არაფრის არ მეშინია" - სააკაშვილი ახალ მოძრაობას იწყებს
    26-12-2018, 12:33
    შემაძრწუნებელი ვიდეო: ცუნამი ინდონეზიური პოპ ბენდის კონცერტზე სცენას ანგრევს და მუსიკოსებს კლავს
    26-12-2018, 12:03
    აქცია ნიკა გვარამიას წინააღმდეგ – (ვიდეო)
    24-12-2018, 13:14
    როგორ ზრდიან ბავშვებს ჯიჰადისტებად (ვიდეო)
    20-12-2018, 19:44
    მიხეილ ცაგარელის რჩევა სპეციალურად ქართველი გოგონებისთის - როგორ გავთხოვდეთ 2019 წელს
    19-12-2018, 19:31
    დაკავებულია ქალი, რომელმაც ნაც.მოძრაობის აქციის დროს პოლიციის მანქანა დააზიანა
    19-12-2018, 13:59
    “თურმე ქალბატონი სალომეა რუსეთუმე…” – როგორ მიულოცა პაატა ბურჭულაძემ 2018 წელი რუსეთს (ვიდეო)

         
    News.Mcvane.Ge © 2013-2018 საავტორო უფლებები დაცულია