Mcvane.Ge თქვენი საწყისი გვერდი
მთავარი გვერდი ჩვენ შესახებ კონტაქტი რეკლამა
მთავარი გვერდი » ახალი ამბები » ახალი ამბები » როგორ ებრძვის დიდი ბრიტანეთი ნარკოტიკების მოხმარებას კლუბებში

როგორ ებრძვის დიდი ბრიტანეთი ნარკოტიკების მოხმარებას კლუბებში

თბილისში, ნარკორეალიზატორების დაკავების მიზნით, ღამის კლუბებში ჩატარებულ სპეცოპერაციას საზოგადოების მხრიდან არაერთგვაროვანი რეაქცია მოყვა. თუ ერთი ნაწილი ღამის კლუბებში ჩატარებულ რეიდს ამართლებს და დაგვიანებულადაც მიიჩნევს, მეორე ნაწილი თვლის, რომ ასეთი ფორმა დაუშვებელია და კლუბის მუშაობაში ხელის შეშლაა.

რეიდების მოწინააღმდეგეებს მიაჩნიათ, რომ ღამის კლუბებში სამართალდამცავების შესვლის გამართლება საზოგადოების გაუნათლებლობის ნიშანია და მსგავსი რამ ცივილიზებულ სამყაროში არ უნდა ხდებოდეს. თუმცა სპეციალისტების ვარაუდით, ამ აზრის დამკვიდრებას ისინი ცდილობენ, ვინც გარკვეული პერიოდის განმავლობაში თანატოლთა მხრიდან სხვადასხვა დამამცირებელი მიმართვების ( „გოიმი” და ა.შ) გამო გარკვეული სტიგმის მატარებელი იყო და დღეს თავის დამკვიდრებას ამ ხერხით ცდილობენ.

ნებისმიერ შემთხვევაში, თუ გავითვალისწინებთ ბოლო დროს მომხდარ მასობრივ ინტოქსიკაცას, აგრეთვე იმ ფაქტს, რომ ახალგაზრდების გარდაცვალების ყველა გახმაურებული შემთხვევა ღამის კლუბში ვიზიტის შემდეგ მოხდა, ინფორმირებული მოსახლეობისთვის წუხანდელი სპეცოპერაცია გასაკვირი არ უნდა იყოს. მითუმეტეს, რომ მსგავსი პრაქტიკა ევროპაში უცხო არ არის.

ლონდონში, 20 წლის ლეა ბეთსის სიკვდილის შემდეგ, რაც რაქელის ღამის კლუბში ექსტაზის მოხმარებამ გამოიწვია, ღამის კლუბებში მასობრივი რეიდები განხორციელდა. მათ შორის იყვნენ ყველაზე ცნობილი და მსხვილი კლუბები „უტოპია” და „ფაბრიკა” . რეიდები აღნიშნული კლუბების დახურვით დასრულდა.

მიუხედავად იმისა, რომ კლუბი „ფაბრიკა” თავისი არსებობის 17 წლის მანძილზე ერთ-ერთი ყველაზე ცნობადი ბრენდი გახდა ელექტრონული მუსიკის სფეროში, ამან ხელი არ შეუშალა სასამართლოს, მისთვის ლიცენზია ჩამოერთვა. პროცესზე კლუბის მფლობელი აცხადებდა, რომ 17 წლის მანძილზე, კლუბში მხოლოდ 6 ადამიანი იყო გარდაცვლილი, მაგრამ მისი არგუმენტები არავინ შეისმინა.

ბრიტანული მედიის ცნობით, 2 წლის წინ ლონდონის ათეულ კლუბში, კერძოდ კი ესექსისა და სოფოლკის ღამის კლუბის ქსელებში, მიმდინარეობდა ნარკოტიკების მასიური რეალიზაცია, ამ კლუბებს აკონტროლებდნენ ორგანიზაბული დანაშაულის ჯგუფები და ნარკო-დილერები.

„მინისთრი ოვ საუნდი”, ლონდონის ერთ-ერთი ყველაზე ცნობილი ღამის კლუბი ამავე პრობლემის წინაშე იდგა. აქ სპეციალური დერეფანი იყო გამოყოფილი ნარკო-დილერებისთვის. ამის შესახებ Vice წერს, თუმცა კლუბის მფლობელმა, მულტიმილიონერმა ჯეიბს პალუმბომ, 2009 წელს განგაში ატეხა და ამ პრობლემის შესახებ საჯაროდ განაცხადა. მულტიმილიონერი მის საკუთრებაში მყოფი „მინისთრი ოვ საუნდში” ნარკოტიკების გასაღების აღმოფხვრის გზებს ეძებდა.

პოლიციისა და პოლიტიკოსების მოწოდებით, დაიგეგმა და განხორციელდა ღამის კლუბებში კონტროლის გამკაცრების ზომები, მათ შორის გადაცმული პოლიციელების ჩანერგვა და სისტემატიური თვალთვალი.

წლები დასჭირდა აღნიშნულ პრობლემასთან გამკლავებას, შედეგად ნარკოტიკის გასაღება მნიშვნელოვნად შემცირდა მაგრამ არ აღმოიფხვრა.

როგორც ბრიტანული მედია წერს, კლუბებში ნარკოტიკით ვაჭრობა დღეს ნაკლებად მომგებიანია გაზრდილი რისკის, პოლიციის მიერ თვალთვალისა და ნარკოტიკზე შემცირებული ფასის გამო. ქლაბერებს ურჩევნიათ კლუბის გარეთ, კლუბში წასვლამდე შეიძინონ ნარკოტიკი. დღეს მრავალ კლუბში, მაგალითად „ვეარჰაუზ პროჯექთში” აეროპორტებში არსებული ფიზიკური დათვალიერების პრაქტიკაა დანერგილი, მათ შორის გაწვრთნილი ძაღლების მიერ შემოწმება. ამგვარ დაწესებულებში ნარკოტიკის შეტანა თითქმის გამორიცხულია.

ერთ-ერთი კლუბის თანამშრომელის თქმით, ადრე მის დაწესებულებაში არ ხორციელდებოდა საპირფარეშოების თვალთვალი. „თანამშრომლები გაფრთხილებულები ვიყავით ყურადღება მოგვედუნებინა მსგავს ფაქტებზე. თუმცა, მას შემდეგ, რაც ჩვენი კლუბიდან ორი ადამიანის ჰოსპიტალიზაცია გახდა აუცილებელი, პოლიციამ დაგვიწესა მკაცრი პროცედურა. კლუბის თანამშრომლებს უნდა მოგვეხდინა ნარკოტიკის კონფისკაცია, ამოღებული ნივთიერების სპეციალურ ყუთში ჩაკეტვა, დილერის პასპორტის ასლის გადაღება და პოლიციაში გადაგზავნა. აღნიშნულ პროცედურას არ ვახორციელებდით, რადგანაც ეს რომ გაგვეკეთებინა ღამეში 6 დილერს დავიჭერდით და ჩვენი კლუბი დაიხურებოდა. ამის ნაცვლად ვიღებდით დილერის პასპორტის ასლს, დილერს კლუბიდან ვაგდებდით, ხოლო შემდეგ კი პასპორტის ასლს ვანადგურებდით. მხოლოდ ერთ დილერს ვუშვებდით ღამის კლუბში, რამაც კლუბში ნარკომოხმარება შეამცირა მაგრამ არ აღმოფხვრა.”-აცხადებს ღამის კლუბის თანამშრომელი ჟურნალისტთან საუბრისას.

გამოცემა ერთ-ერთ ყოფილ ინკოგნიტო დილერთან საუბრის ტექსტსაც აქვეყნებს. „კლუბებში, სადაც ნარკოტიკი იყიდება, არსებობს გაუხმაურებელი შეთანხმება კლუბის მფლობელებს, უსაფრთხოებას, დილერებსა და ქლაბერებს შორის იმისთვის, რომ მიუხედავად თვალთვალისა, ნარკოტიკების გასაღება მაინც მოხდეს. ყველა შეთანხმებულად მუშაობს, პერსონალსა და დილერებს შორის მეგობრული ატმოსფეროა. სანამ არ დაგიჭერენ, პატივსაცემი ადამიანი ხარ და ყველაფერი რიგზეა”-ამბობს ბრიტანული ღამის კლუბის ყოფილი დილერი.

დღეს ბრიტანეთის პოლიციას საკმაოდ ბევრი და „ცბიერი” მეთოდი აქვს იმისთვის, რომ კლუბში ნარკორეალიზაციის ფაქტები გამოავლინოს, რაც კლუბისთვის ლიცენზიის ჩამორთმევას გამოიწვევს. ამაში შედის საიდენტიფიკაციო სკანირება, ნარკოტიკებზე ტესტირება, გაწვრთნილი ძაღლები, ინტრუზიური ჩხრეკა კედლიდან-კედლამდე და სხვა. ალან მილერი, რომელმაც საკუთარი კლუბი დახურა და დღეს ღამის ინდუსტრიის ასოციაციის წარმომადგენელია, თვლის, რომ კლუბები, რომლებიც მკაცრ კონტროლს არ აწესებენ, პოლიციელების მხრიდან, თავდასხმის ხშირი ობიექტები არიან. „თუ კლუბი უარს ამბობს შემოწმებაზე, ისინი პრობლემატურად ითვლებიან”,-აცხადებს ადამი და აღნიშნავს, რომ დიდი კლუბების დახურვის და ხშირი რეიდების გამო, ქლაბერებმა მცირე დაწესებულებებსა და იატაკქვეშა სახლებში გადაინაცვლეს, სადაც მათ მთელი ღამის განმავლობაში შეუძლიათ გაერთონ, თუმცა მსგავს ადგილებშიც ხშირია სამართალდამცველების „სტუმრობა”.

www.infopostalioni.com




კომენტარები




მსგავსი სიახლეები:
  • "კლუბებში სისტემატურად ასაღებდნენ ნარკოტიკებს" - სპეცოპერაციისას დაკავებუ ...
  • ჯონდი ბაღათურია: მხარი დაუჭიროთ ქართულ პოლიციას ნარკომოვაჭრეებთან ბრძოლაში!
  • „კლუბური ნარკოტიკების გასაღების უკან ხელისუფლების და შოუბიზნესის წარმომადგე ...
  • პეტრე კოლხი ე.წ ღამის კლუბებს აფრთხილებს - "17 მაისის აქცია მოენატრებათ, ი ...
  • კლუბის მეპატრონე: ჩემ კლუბში ყველას არ ვუშვებ - ძალიან ხშირ შემთხვევაში, ეს ...

  • ინფორმაცია
    ჯგუფ Гости-ის წევრებს არ აქვთ კომენტარის დატოვების უფლება.


     

    ფოტო განწყობისათვის
    3-10-2018, 20:02
    ფანტასტიკური ჟანრის თურქული სერიალი netflix-ზე და სტამბოლის მცველად გადაქცეული ჩაღათაი ულუსოი (ფოტო, ვიდეო)
    27-09-2018, 09:45
    როგორ იზრდება პატარა ევა, რომლის დედის გარდაცვალებამ მთელი საქართველო შეძრა
    19-09-2018, 15:01
    ბერა ივანიშვილის საცოლის ფოტოები "ინსტაგრამიდან"
    15-09-2018, 14:54
    ჭურჭლის მრეცხავობიდან მილიარდერობამდე - როგორ ცხოვრობს მსოფლიოს უმდიდრესი ადამიანის ცოლი (ფოტოები)
    5-09-2018, 19:16
    ქალს, რომელიც თავის სარჩენად სახლში ტორტებს აცხობს, ბინიდან გასახლებით და 5000-დოლარიანი ჯარიმით ემუქრებიან
    22-08-2018, 20:01
    აზერბაიჯანელი მოდელი ქალწულობას 100 000 ევროდ ყიდის - "მარია" მიღებული ფულით სახლის ყიდვას და მოგზაურობას აპირებს (ფოტოები)
    15-08-2018, 20:03
    İçerde - პოპულარული თურქი მსახიობები ჩაგათაი ულუსოი და არას ბულუთ ინემლი ქართველ მაყურებელს დაუბრუნდნენ

    ვიდეო კოლაჟი
    13-10-2018, 20:26
    6 წლის გოგონამ საკუთარ თავზე აიღო პარალიზებული მამის მოვლა
    12-10-2018, 12:59
    ქართველმა გოგონამ ბერძნულ The Voice-ში ოთხივე მწვრთნელი შემოაბრუნა
    9-10-2018, 20:48
    "ფეხებს რომ პარჭყავს, ის უნდა გახდეს თურმე პირველი ლედი" - რეზო ამაშუკელი ახალ მიმართვას ავრცელებს
    7-10-2018, 20:43
    " შე კრეტინო, დედალო ძუკნა, ჩამოდი თუ შნო გაქვს, მარტო მე დაგხვდები!"- რეზო ამაშუკელი მიხეილ სააკაშვილს მიმართავს
    7-10-2018, 19:45
    "მძღოლს ალბათ დააპატიმრებენ, მაგრამ ამ ბავშვებს ეს გააცოცხლებს?!" - საზარელ ავარიას შეწირული კიდევ 2 ახალგაზრდა
    3-10-2018, 20:02
    ფანტასტიკური ჟანრის თურქული სერიალი netflix-ზე და სტამბოლის მცველად გადაქცეული ჩაღათაი ულუსოი (ფოტო, ვიდეო)
    2-10-2018, 19:47
    ,,დააბრუნეთ სააკაშვილი და უკანალზე აკოცეთ"

         
    News.Mcvane.Ge © 2013-2018 საავტორო უფლებები დაცულია