Mcvane.Ge თქვენი საწყისი გვერდი
მთავარი გვერდი ჩვენ შესახებ კონტაქტი რეკლამა
მთავარი გვერდი » ახალი ამბები » ახალი ამბები » ათიდან ერთ ბავშვს მაიმუნის მსგავსი” იმუნური სისტემა აქვს, რომელიც შიდსს აჩერებს

ათიდან ერთ ბავშვს მაიმუნის მსგავსი” იმუნური სისტემა აქვს, რომელიც შიდსს აჩერებს

ტრანსლაციური მედიცინის მეცნიერული კვლევის შედეგად აღმოჩნდა, რომ ბავშვების იმუნური სისტემა “სიმშვიდეს ინარჩუნებს”, რაც მას განადგურებისგან იცავს. ინფორმაციას BBC NEWS ავრცელებს. არანამკურნალები აივ ინფექცია ბავშვების 60%–ს ორნახევარ წელიწადში მოკლავს, მაგრამ იგივე ინფექცია მაიმუნებში არ არის ფატალური. დასკვნებმა შეიძლება მიგვიყვანოს აივ ინფექციის იმუნურ სისტემაზე დაფუძნებული მკურნალობის ახალ მეთოდებამდე.

ვირუსი ანადგურებს იმუნურ სისტემას, რის გამოც სხეული დაუცველი ხდება სხვა ინფექციების მიმართ. ამას ადამიანის შეძენილი იმუნოდეფიციტის სინდრომი (შიდსი) ჰქვია.

მკვლევარებმა სამხრეთ აფრიკიდან იმ 170 ბავშვის სისხლის ანალიზი შეისწავლეს, რომელთაც აივ ინფექცია ჰქონდათ, მაგრამ არასდროს ჰქონდათ ანტირეტროვირუსული თერაპიის კურსი ჩატარებული და ჯერ კიდევ არ ჰქონდათ განვითარებული შიდსი.

ანალიზმა აჩვენა, რომ მათი სისხლის ყველა მილილიტრში ათიათასობით იმუნოდეფიციტის ვირუსი ჰქონდათ. ამგვარ მდგომარეობას, ჩვეულებრივ, მათი იმუნური სისტემა ზომაზე მეტად უნდა აემუშავებინა, რათა ინფექციას შებრძოლებოდა, ან უბრალოდ სერიოზულად ავად გახდიდა, მაგრამ არც ერთი არ მომხდარა.

ერთ-ერთმა მკვლევარმა ოქსფორდის უნივერსიტეტიდან, პროფესორმა ფილიპ გულდერმა BBC–ს განუცხადა: “არსებითად, მათი იმუნური სისტემა შეძლებისდაგვარად ახდენს ვირუსის იგნორირებას . ომის წარმოება ვირუსის წინააღმდეგ ხშირ შემთხვევაში არასწორია და ვირუსზე თავდასხმაზე უარის თქმამ , როგორც ჩანს, შეიძლება გადაარჩინოს იმუნური სისტემა”.

აივ ინფექცია კლავს სისხლის თეთრ უჯრედებს – იმუნური სისტემის მეომრებს და როდესაც ორგანიზმის თავდაცვითი უნარი უმაღლეს დონეს აღწევს, კიდევ უფრო მეტი მათგანი შეიძლება განადგურდეს ანთების ქრონიკული დონით. პროფესორი გულდერი განმარტავს: “ერთი რამ, რაც ამ კვლევიდან ირკვევა, ის არის, რომ აივ დაავადება მასზე იმუნური სისტემის პასუხზეა დამოკიდებული.”

იმ ფაქტს, რომ ბავშვების 10% უმკლავდება ვირუსს, მეცნიერებისთვის ნათელი მსგავსება აქვს იმ ფაქტთან, რომ 40–ზე მეტი სახეობა პრიმატებისა უმკლავდება მაიმუნების იმუნოდეფიციტის ვირუსს, SIV–ს. მათ ასობით ათასი წლის განმავლობაში გამოიმუშვეს ინფექციის დაძლევის გზები.

“ამ შემთხვევებში ბუნებრივმა შერჩევამ იმუშავა და მექანიზმი ძალიან ჰგავს ამ ბავშვებში არსებულ მექანიზმს, რომელიც არ პროგრესირებს,”- განაცხადა პროფესორმა გულდერმა.

შიდსის მიმართ ამგვარი თავდაცვა ბავშვებში თითქმის უნიკალურია. ზრდასრულ ადამიანთა იმუნური სისტემა, როგორც წესი, მიდრეკილია სრულად მოახდინოს მობილიზება ვირუსთან საბრძოლველად, რაც თითქმის ყოველთვის მარცხით მთავრდება. ბავშვებს შედარებით ტოლერანტული იმუნური სისტემა აქვთ, რომელიც უფრო აგრესიული ხდება სრულწლოვანების მიღწევის დროს. მაგალითად, ჩუტყვავილა, ბევრად უფრო მძიმეა მოზრდილებში იმის გამო, რომ იმუნური სისტემა მკვეთრად რეაგირებს მასზე.

მაგრამ ეს არ ნიშნავს იმას, რომ ასაკის ზრდასთან ერთად, როდესაც მათი იმუნური სისტემა მწიფდება, მათ შიდსი განუვითარდეთ. ზოგს ემართება შიდსი, ზოგს კი არა. აშშ–ს ემორის უნივერსიტეტის პროფესორების, ენ ჩაჰრუდის და გვიდო სილვესტრის აზრით, კვლევამ შესაძლოა მიაგნო “ადამიანებში აივ–ს კოევოლუციის ძალიან ადრეულ ნიშნებს “.

კომენტარში მათ დასძინეს: “არ არის ცნობილი, იქნება თუ არა კლინიკური თვალსაზრისით უსაფრთხო ამ ახლად გამოვლენილი აივ ინფიცირებული პედიატრიული არაპროგრესორებისთვის მკურნალობის გარეშე დატოვება . ეს შეფასება კიდევ უფრო რთულდება იმით, რომ აივ–ს სქესობრივი პარტნიორისთვის გადაცემის პრევენცია არსებითი ხდება ზრდასრულ ასაკში.”

აივ–ით დაავადებულ ადამიანებს შეუძლიათ ჰქონდეთ ნორმალური ცხოვრების ხანგრძლივობა, თუ მათ აქვთ ანტირეტროვირუსულ პრეპარატებთან წვდომა. მაგრამ მათი გადახურებული იმუნური სისტემა არასოდეს არ უბრუნდება ნორმალურ დონეს და ისინი სისხლძარღვთა დაავადებების, კიბოს და დემენციის უფრო დიდი რისკის ქვეშ ექცევიან. პროფესორ გულდერის აზრით, ამ დასკვნებმა ბავშვებში შეიძლება საბოლოოდ დააბალანსოს იმუნური სისტემა აივ პაციენტში.

“ბავშვების შესწავლით ჩვენ შეიძლება ვადგენდეთ სრულიად ახალ გზას, რაც გრძელვადიან პერსპექტივაში შეიძლება ტრანსლირებულ იქნას აივ–ით ინფიცირებული ადამიანების ახალი მეთოდებით მკურნალობისათვის.”განუცხადა მან BBC–ს.

ფოტო: კვლევა ვარაუდობს, რომ ათიდან ერთ ბავშვს “მაიმუნის მსგავსი” იმუნური სისტემა აქვს, რომელიც აჩერებს შიდსის განვითარებას.

www.infopostalioni.com




კომენტარები




მსგავსი სიახლეები:
  • მეცნიერები საუკუნის დაავადებას მალე დაამარცხებენ - კიბოს საწინააღმდეგო "ვა ...
  • შეიქმნა ნარკოტიკების საწინააღმდეგო ვაქცინა
  • უჩვეულო ანტისხეული კიბოს დასამარცხელბლად - ამერიკელი მეცნიერების შემთხვევით ...
  • 2017 წელს ისრაელი კიბოს საწინააღმდეგო ვაქცინას უშვებს - მსოფლიო გამარჯვებას ...
  • სენსაცია მედიცინაში - სიმსივნე მალე ერთი ჩხვლეტით განიკურნება

  • ინფორმაცია
    ჯგუფ Гости-ის წევრებს არ აქვთ კომენტარის დატოვების უფლება.


     

    ფოტო განწყობისათვის
    7-12-2018, 19:22
    ,,თვალის ჩაპაჭუნებაზე სამუშაო მაქვს აშკარად" -ალეკო ელისაშვილი
    3-12-2018, 19:43
    სალომე ზურაბიშვილი ახალგაზრდობაში შვილებთან ერთად - ოჯახური ფოტო
    3-12-2018, 19:39
    2018 წლის ზამთრის ერთ-ერთი მოთხოვნადი აქსესუარი წვერის მანათობელი ნათურაა
    9-11-2018, 20:48
    დარია სუხიშვილი მამიდას დედას ეძახის - როგორ ცხოვრობს და სად სწავლობს ილიკო სუხიშვილის უმშვენიერესი ქალიშვილი
    6-11-2018, 07:36
    ქუთაისში აზიური ფაროსანა დააბეს - ფოტო, რომელმაც სოცქსელი გახალისა
    3-10-2018, 20:02
    ფანტასტიკური ჟანრის თურქული სერიალი netflix-ზე და სტამბოლის მცველად გადაქცეული ჩაღათაი ულუსოი (ფოტო, ვიდეო)
    27-09-2018, 09:45
    როგორ იზრდება პატარა ევა, რომლის დედის გარდაცვალებამ მთელი საქართველო შეძრა

    ვიდეო კოლაჟი
    4-12-2018, 20:40
    პილოტმა შეიტყო, რომ ბორტზე მისი სკოლის მასწავლებელი იმყოფებოდა და ემოციური სიურპრიზი მოუწყო (ვიდეო)
    3-12-2018, 20:00
    სულხან მოლაშვილმა რომელიღაც ეთერში დააყრანტალა, ბოკერიამ მაწამაო – თამარ ჩერგოლეიშვილი (ვიდეო)
    30-11-2018, 20:11
    2012 წელი - კარტოფილის დარიგება წინასაარჩევნოდ
    29-11-2018, 21:27
    "თუ სალომე ზურაბიშვილი გახდება პრეზიდენტი, საქართველოდან წავალ!"- ნიკა გვარამია
    29-11-2018, 21:11
    ცეკვა, რომლითაც ირაკლი მაქაცარიამ უკრაინული „ცეკვავენ ვარსკვლავები“ წააგო (ვიდეო)
    28-11-2018, 16:41
    სააკაშვილი: არ ვაღიარებ არჩევნების შედეგებს, მოვითხოვოთ ვადამდელი საპარლამენტო არჩევნები
    23-11-2018, 20:37
    "იყოს ჩემი მხრიდან ბოლო შანსი..." - უცნობის ახალი პოლიტიკური კლიპი “4 და 8, 4 და 8 – თუ არადა გაგერღვა!” (ვიდეო)

         
    News.Mcvane.Ge © 2013-2018 საავტორო უფლებები დაცულია