Mcvane.Ge თქვენი საწყისი გვერდი
მთავარი გვერდი ჩვენ შესახებ კონტაქტი რეკლამა
მთავარი გვერდი » ახალი ამბები » ახალი ამბები » „ზუსტად ვიცი, ვინ რამდენჯერ დაარტყა დანა ჩემ შვილს, ვინ სად დაარტყა!»

„ზუსტად ვიცი, ვინ რამდენჯერ დაარტყა დანა ჩემ შვილს, ვინ სად დაარტყა!»

თარიღი: 24-04-2018, 15:36,
„ექსპერტიზის მიერ დადებულ დასკვნაში წერია, რომ ვერ დადგინდა, ჩემი შვილისთვის მომაკვდინებელი ჭრილობა რომელი დანით და რა იარაღით იყო მიყენებული“ - აცხადებს დღევანდელი სასამართლო პროცესის შემდეგ დავით სალარიძის მამა ზაზა სალარიძე.

«ალია» სალარიძეების ოჯახის ახლობელს, არასამთავრობო ორგანიზაცია «სამართალდამცველთა რეფორმირების ცენტრის» ხელმძღვანელს ზვიად კუპრავას დაუკავშირდა, რომელმაც აღნიშნულ საქმეზე არაერთი საინტერესო ინფორმაცია მოგვაწოდა.

- პროკურატურას აქვს პირდაპირი ვალდებულება, რომ მომხდარი დანაშაული გამოიძიოს. თვალის ასახვევად რაღაც გამოძიება ჩატარდა, მაგრამ საზოგადოების უდიდესი ნაწილისთვის და რაც მთავარია, გარდაცვლილთა ოჯახის წევრებისთვის, ეს გამოძიება არ არის დამაჯერებელი. ეს ადამიანები, მათ შორის, ზაზა სალარიძე, მიიჩნევენ, რომ მკვლელობის ეპიზოდში ბრალდებულთა რიცხვი გაცილებით მეტი უნდა იყოს, ვიდრე დღევანდელი სტატუს კვოა - 2 ბრალდებული. იცით, რომ არც თქვენ, ჟურნალისტებს, და არც ჩვენ, სამოქალაქო საზოგადოების წევრებს, არ გვაქვს სასამართლო პროცესებზე დასწრების შესაძლებლობა, რადგან ის დახურულია, თუმცა ზაზა სალარიძე წარმოდგენილია ხოლმე პროცესებზე, რომელიც თავისი თვალით ხედავს და თავისი ყურით ისმენს ყველაფერს, რაც იქ ხდება.

- ერთ-ერთი ბრალდებული არასრულწლოვნის ადვოკატი აცხადებს, რომ საქმის ერთ-ერთმა მთავარმა მოწმემ ჩვენება არაერთხელ შეცვალა. აღნიშნული მოწმე ხორავას ქუჩაზე მომხდარი ჩხუბის მონაწილეა თუ თვითმხილველი? რა სტატუსითაა წარმოდგენილი სასამართლოზე?

- ამ შემთხვევაში, მოწმე კალანდიაზეა საუბარი, თამამად შეგვიძლია გვარის დასახელება, რადგან ამ პიროვნებას 18 წელი უკვე შეუსრულდა და არასრულწლოვანი აღარაა. როგორც ბრალდებულის ადვოკატები და ამასთანავე, თავად ზაზა სარალიძე ამბობს, კალანდია არის ერთ-ერთი მთავარი ფიგურანტი აღნიშნულ ჩხუბში, თუმცა ის დღემდე მხოლოდ და მხოლოდ მოწმის სტატუსით სარგებლობს. როგორც ვიცი, კალანდიამ ერთ დღეს სასამართლო პროცესზე მიცემული ჩვენება არსებითად შეცვალა მეორე დღეს! ასევე, როგორც ვიცი, მან ბოდიშიც კი მოუხადა სასამართლოს ჩვენების შეცვლისთვის და განუცხადა, რომ ის ჩვენება, რომელიც მან წინა დღეს მისცა სასამართლოს ფიცის ქვეშ, იყო ცრუ ჩვენება. ყველაფერს რომ თავი დავანებოთ, საქართველოს სისხლის სამართლის კოდექსის მიხედვით, ცრუ ჩვენების მიცემა არის დასჯადი.

- გასაგებია, რომ, წესით, ცრუ ჩვენების მიცემას შესაბამისი სამართლებრივი პასუხისმგებლობა უნდა მოჰყვეს, თუმცა საინტერესოა, თუ გაქვს ინფორმაცია, რას ასახელებს მოწმე კალანდია ჩვენების შეცვლის მოტივად?

- როგორც გადმოცემით ვიცი, ჩვენების შეცვლის მოტივად კალანდიამ სასამართლოზე დაასახელა ის, რომ მან პირველ დღეს ცრუ ჩვენება მისცა მისი მეგობრების დაცვის სურვილის გამო და ამიტომ მოიტყუა. როგორც ვიცი, პირველ დღეს მან თქვა, რომ მას არ უნახავს დანები არავის ხელში, მეორე დღეს კი იმ ორ არასრულწლოვანს დაადო ხელი, რომლებიც დღეს ბრალდებულები არიან. თან ამავდროულად, პირველ დღეს მან ისაუბრა პოლიციისა და პროკურატურის მხრიდან ზეწოლაზე და თუ ეს ნამდვილად მოხდა, ეს კიდევ ცალკე გამოძიების საგანია მაშინ, თუმცა არც ამაზე დაწყებულა ძიება.

- როგორ ფიქრობ, რას ემსახურება კალანდიას ეს შეცვლილი, ახალი ჩვენება?

- ეს ემსახურებოდა იმას, რომ ვინც ბრალდებულები არიან, ანუ ჯანაშია და ბარბაქაძე, იმათ დადასტურებოდათ ბრალი. პრინციპში, მათ ისედაც უდასტურდებათ ბრალი, როგორც ვიცი, უბრალოდ, მათი ადვოკატები ამტკიცებენ, რომ 12 ჭრილობა არ მიუყენებია არც ერთ მათგანს გარდაცვლილებისთვის და ამ შემთხვევაში, პროკურატურა ბრალდებულ ჯანაშიას ამას ედავება. პროკურატურის ამ პოზიციას კი სწორედ კალანდიას ჩვენება ადასტურებს უკვე, რადგან, როგორც ვიცი, აღნიშნულმა მოწმემ სასამართლოზე თქვა, 12-ჯერ მიაყენა ჯანაშიამ დარტყმა დანითო, სხვებს - არაო. დაზარალებულები და ადვოკატები ამბობენ, რომ კი, მართალია, დანაშაული ბრალდებულებმა ჩაიდინეს, მაგრამ მხოლოდ ამათ არ ჩაუდენიათო და კიდევ ორ კონკრეტულ პიროვნებაზე მიუთითებენ, მათ შორის, ერთ-ერთი სწორედ კალანდიაა.

- ეს მომენტი უფრო კარგად რომ ამიხსნათ?

- ანუ სხვები, ვინც დანაშაულში მიიღეს მონაწილეობა, კიდევ ორ არასრულწლოვან პიროვნებაზე მიუთითებენ, მათ შორის, ერთ-ერთი კალანდიაა.

- ანუ შესაძლოა, ვთქვათ, რომ მოწმე კალანდიამ საკუთარი თავის დასაცავად შეცვალა ჩვენება?

- კი, ბატონო, საკუთარი თავის დასაცავად, ამ ვერსიაზე აქტიურად საუბრობენ. გუშინ (ინტერვიუ ჩაწერილია 20 აპრილს. - ნ.ლ.), როდესაც ზაზა სარალიძე პროკურატურაში იყო შესული, მან პროკურორებს მოსთხოვა, ცრუ ჩვენებისთვის კალანდია მიეცათ პასუხისგებაში. ზაზამ პროკურორებს უთხრა, - თუ თქვენ ვერ აგროვებთ მტკიცებულებებს დაჭრაზე, სხეულის დაზიანებაზე და ასე შემდეგ, მაშინ რაზეც უკვე გაქვთ მტკიცებულება, ანუ ცრუ ჩვენებაზე, ამაზე მიეცით პასუხისგებაში კალანდიაო. პროკურორებს უთქვამთ, - კალანდია ამ შემთხვევაში არაფერ შუაშია დანაშაულში და თუ თქვენ რამე მტკიცებულებები გაქვთ, მოიტანეთო და დავაკავებთო. კი, მაგრამ ზაზა რომელი გამომძიებელი და პროკურორია, მტკიცებულებები მოაგროვოს, ხომ?

- მეტი რა მტკიცებულება სჭირდებათ? თუკი კალანდიამ ცრუ ჩვენება მისცა სასამართლოს, ეს ხომ ოფიციალურად იქნება დაფიქსირებული სასამართლოს სხდომის ოქმში? ყველა პროცესის დროს ხომ აუდიოჩანაწერის წარმოებაც მიმდინარეობს და რად უნდა ამას დიდი დრო? როგორ ფიქრობ, რატომ წელავს პროკურატურა ამ საქმეს, რატომ იქცევიან ასე?

- კი, ბატონო, სხდომის ოქმი ყველა პროცესზე დგება. პროკურატურა ახლა, ფაქტობრივად, ძალიან კუთხეშია მიმწყვდეული და საკუთარი არასწორი ქმედებების ტყვეობაში აღმოჩნდა. ლოგიკურად ჩნდება კითხვა - რატომ აფარებს ხელს პროკურატურა სავარაუდო მკვლელებს? რაში უნდა აწყობდეს ეს? მთელი ამბავი აღმოჩნდა ის, რომ თურმე მირზა სუბელიანი აშანტაჟებს პროკურატურას და სუბელიანი, ალბათ, საკუთარი ოჯახის წევრსაც ვეღარ დაარწმუნებს იმაში, რომ სწორედ იმ კადრებით არ აშანტაჟებს პროკურატურას, რა კადრებზეც ბოლო პერიოდში აქტიურად მიდის საუბარი - ვგულისხმობ ვანო მერაბიშვილის ციხიდან გაყვანის კადრებს, რაც მირზა სუბელიანს აქვს. ის, თავის მხრივ, გენინსპექციის უფროსი იყო იმ დროისთვის, როცა მერაბიშვილის ციხიდან გაყვანა მოხდა, ის აწარმოებდა მოკვლევას ამ საქმესთან დაკავშირებით და მას ჰქონდა ექსკლუზიური წვდომა ამ კადრებზე. იმ დროს სასჯელაღსრულებამ რომ განაცხადა, თითქოს 18 საათზე მეტხანს მატროსოვის ციხის კამერები კადრებს არ ინახავდა, ეს იყო ზღაპარი, რომელიც არავინ დაიჯერა - რა თქმა უნდა, ეს კადრები შენახულია, ის აქვს მირზას დაკოპირებული, თუ დედანი არ აქვს და სწორედ ამით აშანტაჟებს ის პროკურატურას, - თუ თქვენ პასუხისგებაში მისცემთ ამას და ამას (ვერ დავასახელებ კონკრეტულ პირებს), მე ამ კადრებს გამოვაქვეყნებო. სწორედ ამიტომ იქცევა პროკურატურა ისე, როგორც იქცევა. ამავდროულად, მე მაქვს ინფორმაცია, რომ პროკურატურა იქით ეძებს მირზაზე სხვადასხვა არხებზე, მაგალითად, «იმედის» არხზე და კიდევ სხვა ჟურნალისტებთან, კომპრომატებს. ზუსტად ვიცი, რომ ამ არხზე იკითხეს მირზას შესახებ. ხორავას ქუჩაზე მომხდართან დაკავშირებით, განაჩენი მაისში უნდა დადგეს და ვფიქრობ, ამის შემდეგ მირზას ამ შანტაჟზე პასუხს მოსთხოვენ.

- კი, მაგრამ, მაგალითად, მე თუ ვინმეზე კომპრომატს ვფლობ, სისხლის სამართლის დანაშაულს ვგულისხმობ, პროკურატურა ან პოლიცია თუ მომადგა და მინახა ეს, ხომ «დამერხევა»? ანუ თუკი რომელიმე პირი, მით უმეტეს, ჟურნალისტი, ვინმეზე რაიმე სახის კომპრომატს ფლობს, მას ხომ ამის გამო პასუხს მოსთხოვენ?

- თუ აღმოგიჩინეს, კი. მაგალითად, სიტყვაზე, თუ დანაშაულის შესახებ ფლობ ინფორმაციას, ეს უნდა განაცხადო, თუმცა ამავდროულად, ისიც არის, რომ ინფორმაცია უნდა იყოს მძიმე და განსაკუთრებით მძიმე ტიპის დანაშაულზე, ანუ მსუბუქ დანაშაულზე ინფორმაციის ფლობაზე ეს არ ვრცელდება.

- გასაგებია. როგორც ერთ-ერთ ეთერში მოვისმინე, ბორის კაკუბავა დაგემუქრა და მოკლედ რომ გვითხრა, რა ხდება ამ ამბის ირგვლივ? ან მაგალითად, ხომ არ მოგითხოვია ამ მუქარაზე სამართლებრივი რეაგირება?

- დაახლოებით, ერთი თვის წინ, ჩემმა ნაცნობმა დამირეკა და მითხრა, რომ მას ბორის კაკუბავამ დაურეკა და სთხოვა, ჩემი ნომრის მიცემა მისთვის. ჩემმა ნაცნობმა მითხრა ეს ყველაფერი და დაამატა, - შენი ნებართვის გარეშე ვერ მივცემ ნომერს და რა ვქნაო? მიეცი-მეთქი, არაა პრობლემა. იმავე დღეს, გვიან ღამით, უცხო ნომერმა დამირეკა და პიროვნებამ მითხრა, - ბორის კაკუბავა ვარო. ეს იყო პირველი კომუნიკაცია ჩვენ შორის და მე მას მაშინ პირდაპირ ვუთხარი, - ვიცი, თქვენს სიძეს, მირზა სუბელიანს, აქვს მერაბიშვილის ციხიდან გაყვანის კადრები და თუ გინდათ, გადმომეცით, თუკი თქვენთვის უხერხულობას წარმოადგენს მათი ფლობა-მეთქი. გადაეცით მირზას ეს-მეთქი, ვუთხარი და მიპასუხა, - დღეს უკვე გვიანია, თან თბილისშიც არ ვარ, მაგრამ ხვალ სპეციალურად ამ საქმისთვის ჩამოვალ, მირზას ამ ყველაფერს ვეტყვი და პასუხს შეგატყობინებთო. მეორე დღეს საღამოს დამირეკა კაკუბავამ და მითხრა, - ველაპარაკე მირზასო, ავუხსენი სიტუაცია, გადავეცი შენი დანაბარებიო და ის შენ უახლოეს დღეებში შეგხვდებაო. ამის შემდეგ, ვიყავი შეხვედრის მოლოდინის რეჟიმში, თუმცა ორ დღეში ისევ დამირეკა ბორისმა და მითხრა, - მირზა ცოტა ფრთხილი ადამიანია, არ გეწყინოს რასაც გეტყვი, ნდობის საკითხი დგას მირზასთვის, რადგან შენ ოპოზიციაში ხარ. ამიტომ მირზა შეიძლება მოერიდოს შენთან შეხვედრას, მაგრამ მისი ნდობით აღჭურვილი პირი მოვა და ჩათვალე, მირზას ელაპარაკებიო. კარგით, არც მაგის პრობლემა არ მაქვს-მეთქი, ვუპასუხე. მსგავსი კომუნიკაციები ჩვენ შორის არაერთხელ შედგა, მუდმივად ის მიკავშირდებოდა ხოლმე. მთელი ამ პერიოდის განმავლობაში, როცა ჩვენ კომუნიკაცია გვქონდა, არც ერთხელ, საუბრის არც ერთ ეტაპზე არ უარყვიათ მათ ამ კადრების არსებობა და არ უკითხავთ, რა კადრები, რაზე საუბრობო? იმის შესახებ ჩემი რწმენა, რომ მირზას ნამდვილად აქვს ეს კადრები, ამანაც გაამყარა, რომ ეს ინფორმაცია ჩვეულებრივად მიიღეს და ჩემთან მოლაპარაკებებს აწარმოებდნენ. ის ჩანაწერი, რაც თქვენ ეთერში მოისმინეთ, სრული ჩანაწერი არ არის, აღნიშნული საუბარი, დაახლოებით, ნახევარ საათს გრძელდებოდა. ამ საკითხებთან დაკავშირებით, მე დამიბარეს პროკურატურაში და მათ ეს ინფორმაცია ოფიციალურად მივაწოდე. რაც შეეხება მუქარას, ამაზე ჩემმა ადვოკატმა ისაუბრა უკვე, ეს ჩემთვის მაინცდამაინც მნიშვნელოვანი არ ყოფილა.

- ხორავას ქუჩაზე მომხდარის ირგვლივ, როგორც თქვი, განაჩენი მაისში უნდა დადგეს. იმ შემთხვევაში, თუკი აღნიშნული განაჩენი არ დააკმაყოფილებს ზაზა სალარიძეს და ოჯახის ახლობლებს, როგორი იქნება მისი და თქვენი რეაგირება? ბატონი ზაზას ფეისბუკპოსტიდან ჩანს, რომ ის სასოწარკვეთილია, უიმედოდ უყურებს სასამართლო პროცესებს.

- ჩვენ გვისაუბრია ამ თემაზე და როდესაც მივდივართ იქამდე, რომ შეიძლება ამ საქმეზე ყველა არ დაისაჯოს, ვინც დასასჯელია, საუბრის ამ მომენტში ზაზა ძალიან აგრესიული ხდება და, ფაქტობრივად, კონტროლს კარგავს, იმდენად ღიზიანდება იმაზე, რომ შესაძლოა, მისი შვილის მკვლელი, ან მკვლელები, გარეთ დარჩნენ. ის ამბობს, - მე რომ ჩემი შვილის მკვლელი ვნახო ქუჩაში, არ ვიცი, რას ვიზამო. ცხადია, ახლობლები და მეგობრები მას მუდმივად ვეუბნებით, რომ ის არავითარ შემთხვევაში არ უნდა გავიდეს კანონის ჩარჩოდან, რაც არ უნდა მძიმე იყოს ეს ასატანად, თუმცა მსგავს მდგომარეობაში ადამიანი როდის რას გააკეთებს, ნამდვილად არავინ იცის. ღმერთმა დაიფაროს და, მართლა რომ რამე მოხდეს, მთელი პასუხისმგებლობა პროკურატურას დაეკისრება, რადგან არსებობს დიდი ალბათობა, საქმეში უკვე ბრალდებულების გარდა, სხვა ადამიანებიც არიან დამნაშავეები. ადამიანმა 16 წლის შვილი მიწაში ჩადო და მან რომ მისი შვილის მკვლელი ქუჩაში ნახოს, ასეთ დროს ვინ რას მოიმოქმედებს, არავინ იცის.

- ამ მომენტისთვის ჩვენ ვიცით, რომ ორი არასრულწლოვნის მკვლელობაში ორი პირია ბრალდებული. თუკი სასამართლო განაჩენში ეს მოცემულობა დარჩება და ორ არასრულწლოვანს მიუსჯიან პატიმრობას მკვლელობისთვის, როგორ უნდა გაარკვიოს ბატონმა ზაზამ, ვინ არის კიდევ სხვა მკვლელი, ან მკვლელები? ან დავუშვათ, სასამართლოზე კიდევ გამოვლინდა მესამე, ან მეოთხე ბრალდებულიც - ენდობა კი ის ამას? საიდან უნდა გაიგოს მან, რომელია კიდევ მკვლელი, რომ თუკი მას რომელიმე მათგანი ქუჩაში შემთხვევით გადაეყრება, რამე უბედურება არ დატრიალდეს მერე?

- ამ დანაშაულს არაერთი თვითმხილველი ჰყავდა, საუბარია, დაახლოებით, 30 პირზე. შესაბამისად, ამდენ ადამიანში მომხდარი ამხელა ტრაგედია საიდუმლოდ არ დარჩება. ზაზამ სხვადასხვა პირებისგან გადმოცემით ყველაფერი იცის და ზუსტად იცის, ვინ რამდენჯერ დაარტყა დანა მის შვილს, ვინ სად დაარტყა... საკმაოდ ღრმა დეტალებში იცის ეს ყველაფერი, რასაც მუდმივად ეუბნება კიდეც პროკურორებს, მაგრამ საქმეც ისაა, რომ ის ბავშვები, ვისგანაც ზაზამ ყველაფერი იცის, უკვე დატრენინგებულები არიან და აღარ ამბობენ სიმართლეს. ამავდროულად, როდესაც პროკურატურამ გამოძიება დაიწყო, პირველივე დღეებში არასრულწლოვანი მოწმეების საუბარი, რომელსაც იბარებდნენ დაკითხვაზე, ვიდეოკამერაზე იწერებოდა. იმ დროს ბავშვები საკმაოდ გულახდილები იყვნენ და გამოძიებას ისინი იმ ჩვენებას აძლევდნენ, რაც მათ რეალურად ნახეს რამდენიმე საათის წინ, ანუ შემთხვევის დროს. საქმე ისაა, რომ ეს ვიდეოები ნანახი აქვს ზაზას და დღეს, იგივე ბავშვები სასამართლოზე სულ სხვა რამეს ჰყვებიან.

- რას ამბობს ზაზა სალარიძე, რამდენი პირი მონაწილეობდა დაჭრაში, მკვლელობაში?

- ამ შემთხვევაში, ზაზას აქვს იმის მაღალი რწმენა, რომ საქმეში ხუთი დანა ფიგურირებდა.

- ანუ იმ ორი ბრალდებულის გარდა, რომელიც დღეს საზოგადოებისთვის ცნობილია, კიდევ სამი პირის მძიმე დანაშაული იკვეთება?

- დიახ, მასეა.

- და მან იცის ყველა მათგანის ვინაობა?

- კი, როგორ არა, სახელებითა და გვარებით იცის და პროკურორებსაც ეუბნება ამას.

- აღნიშნული სამი პირი, რომელზეც ეჭვი არსებობს, რომ დანაშაული ჩაიდინეს, თუ არიან დაკითხულები მოწმის სახით?

- კი, ნაწილი დაკითხულია, თუმცა მხოლოდ მოწმის სახით. მე გაუთქმელობაზე მაქვს ხელი მოწერილი და არ შემიძლია, ეს თემა უფრო მეტად გავშალო, ამიტომ ყველაფერს გიყვებით იმაზე დაყრდნობით, რაზეც დაზარალებული და ბრალდებულების ადვოკატები საუბრობენ, თუმცა რაც შეიძლება საზოგადოებისთვის არ იყოს ცნობილი.

ნინო ლაბარტყავა

www.alia.ge





კომენტარები




მსგავსი სიახლეები:
  • "თქვენი შვილი მთავარი ორგანიზატორი იყო და მ.კ. ს-თან ერთად წინასწარ დაგეგმ ...
  • მოზარდების მკვლელობა - დამნაშავეებს პროკურატურა ხელისუფლების მითითებით მფარ ...
  • მკვლელობა ხორავას ქუჩაზე - სკანდალურად ცნობილი „ბაბუა“, რომელიც მოწმეთა მოს ...
  • ადვოკატი აცხადებს, რომ ბრალდებული არასრულწლოვანი ნაწილობრივ ცნობს თავს დამნ ...
  • დედისა და 3 წლის შვილის სასტიკი მკვლელობის აქამდე გაუხმაურებელი დეტალები

  • ინფორმაცია
    ჯგუფ Гости-ის წევრებს არ აქვთ კომენტარის დატოვების უფლება.


     

    ფოტო განწყობისათვის
    3-10-2018, 20:02
    ფანტასტიკური ჟანრის თურქული სერიალი netflix-ზე და სტამბოლის მცველად გადაქცეული ჩაღათაი ულუსოი (ფოტო, ვიდეო)
    27-09-2018, 09:45
    როგორ იზრდება პატარა ევა, რომლის დედის გარდაცვალებამ მთელი საქართველო შეძრა
    19-09-2018, 15:01
    ბერა ივანიშვილის საცოლის ფოტოები "ინსტაგრამიდან"
    15-09-2018, 14:54
    ჭურჭლის მრეცხავობიდან მილიარდერობამდე - როგორ ცხოვრობს მსოფლიოს უმდიდრესი ადამიანის ცოლი (ფოტოები)
    5-09-2018, 19:16
    ქალს, რომელიც თავის სარჩენად სახლში ტორტებს აცხობს, ბინიდან გასახლებით და 5000-დოლარიანი ჯარიმით ემუქრებიან
    22-08-2018, 20:01
    აზერბაიჯანელი მოდელი ქალწულობას 100 000 ევროდ ყიდის - "მარია" მიღებული ფულით სახლის ყიდვას და მოგზაურობას აპირებს (ფოტოები)
    15-08-2018, 20:03
    İçerde - პოპულარული თურქი მსახიობები ჩაგათაი ულუსოი და არას ბულუთ ინემლი ქართველ მაყურებელს დაუბრუნდნენ

    ვიდეო კოლაჟი
    13-10-2018, 20:26
    6 წლის გოგონამ საკუთარ თავზე აიღო პარალიზებული მამის მოვლა
    12-10-2018, 12:59
    ქართველმა გოგონამ ბერძნულ The Voice-ში ოთხივე მწვრთნელი შემოაბრუნა
    9-10-2018, 20:48
    "ფეხებს რომ პარჭყავს, ის უნდა გახდეს თურმე პირველი ლედი" - რეზო ამაშუკელი ახალ მიმართვას ავრცელებს
    7-10-2018, 20:43
    " შე კრეტინო, დედალო ძუკნა, ჩამოდი თუ შნო გაქვს, მარტო მე დაგხვდები!"- რეზო ამაშუკელი მიხეილ სააკაშვილს მიმართავს
    7-10-2018, 19:45
    "მძღოლს ალბათ დააპატიმრებენ, მაგრამ ამ ბავშვებს ეს გააცოცხლებს?!" - საზარელ ავარიას შეწირული კიდევ 2 ახალგაზრდა
    3-10-2018, 20:02
    ფანტასტიკური ჟანრის თურქული სერიალი netflix-ზე და სტამბოლის მცველად გადაქცეული ჩაღათაი ულუსოი (ფოტო, ვიდეო)
    2-10-2018, 19:47
    ,,დააბრუნეთ სააკაშვილი და უკანალზე აკოცეთ"

         
    News.Mcvane.Ge © 2013-2018 საავტორო უფლებები დაცულია