Mcvane.Ge თქვენი საწყისი გვერდი
მთავარი გვერდი ჩვენ შესახებ კონტაქტი რეკლამა
მთავარი გვერდი » ახალი ამბები » ახალი ამბები » გარდაცვლილ ბავშვს ნეკნები მაშველებმა ჩაუმტვრიეს – ადვოკატის სკანდალური განცხადება და პროტესტი სასამართლოში

გარდაცვლილ ბავშვს ნეკნები მაშველებმა ჩაუმტვრიეს – ადვოკატის სკანდალური განცხადება და პროტესტი სასამართლოში

12 წლის სალომე ტატიშვილის გარდაცვალების საქმის განხილვა სააპელაციო სასამართლოში დღეს ხმაურის ფონზე მიმდინარეობდა. გარდაცვლილი მოზარდის მშობლებისთვის მოწინააღმდეგე მხარის ადვოკატის განცხადებები შეურაცხმყოფელი აღმოჩნდა, გარდაცვლილის მამამ, მერაბ ტატიშვილმა, სასამართლო პროცესის მიმდინარეობისას დატოვა.

სააპელაციო სასამართლოს დღევანდელ სხდომაზე ადვოკატებმა დასკვნითი სიტყვა წარმოთქვეს. დაზარალებული მხარე ლიპარტელიანს 12 წლის მოზარდის გაუფრთხილებლობით სიცოცხლის მოსპობას ედავება და საქალაქო სასამართლოს გამამართლებელი განაჩენის შეცვლას მოითხოვს.

ბრალდების მხარეს არ ეთანხმება გიორგი ლიპარტელიანის ადვოკატი. დღეს თენგიზ ხარებავამ სალომე ტატიშვილის დაღუპვის ერთ-ერთ სავარაუდო მიზეზად, სხვა დაზიანებებთან ერთად, ნეკნების მოტეხილობებიც დაასახელა, რომელიც, მისივე თქმით, ხელოვნური სუნთქვის ჩატარებისას მაშველებმა მიაყენეს ბავშვს.

„როცა ვსაუბრობთ მრავლობით დაზიანებებზე, რომელიც სიცოცხლის დროს მიიღო, რატომ არ ვსაუბრობთ იმ მრავლობით მოტეხილობებზე, რომლებიც მაშველებმა მიაყენეს ბავშვს ხელოვნური სუნთქვის ჩატარებისას,“ – ადვოკატის ამ განცხადებას დარბაზში ხმაური მოჰყვა.

„სრული ბოდვა და თავხედობა“ – ასე უწოდებს ლიპარტელიანის ადვოკატის დღევანდელ გამოსვლას გარდაცვლილის დედა, ნინო ჟვანია.

ოჯახი, ლიპარტელიანთან ერთად, საქალაქო სასამართლოს მოსამართლის, ბესიკ ბუგიანიშვილის, ბრალეულობაზეც საუბრობს და მას კორუფციულ გარიგებაში ადანაშაულებს.

„ენით აღუწერელი სითავხედეა, როცა ადვოკატი ბედავს და ამბობს, რომ ბავშვის გარდავალების მიზეზი მაშველების მიერ ჩატარებული სამედიცინო დახმარება შეიძლება, გამხდარიყო. ამ აბსურდის მიხედვით ყველა უნდა გარდაიცვალოს, ვისაც ხელოვნურ სუნთქვას ჩაუტარებენ. ტრამვების ჩამონათვალი, რომელიც სალომეს ჰქონდა, საკმაოდ ვრცელია და ყოველი მეორე სიცოცხლესთან შეუთავსებელია,“ – აცხადებს გარდაცვლილის დედა, ნინო ჟვანია.

აღსანიშნავია რომ, მაშველების ბრალეულობაზე არც ერთ ჩატარებულ სამედიცინო დასკვნაში არ არის საუბრი და არც წინა ინსტანციის სასამართლოების მიმდინარეობისას გაჟღერებულა.

საქმის პროკურორის, ბესიკ ქორაიას, განმარტებით, ადვოკატის განცხადება აბსურდულია.

საქმის განხილვას არ დასწრებია ინციდენტის მთავრი გმირი – გიორგი ლიპარტელიანი. სასამართლოს დღევანდელ სხდომაზე მისი მამიდა, მანანა ლიპარტელიანი, მედიას საინფორმაციო ომის წარმოებაში ადანაშაულებდა, თუმცა, საქმესთან დაკავშირებით საპასუხო კომენტარის გაკეთება არც მან და არც ადვოკატმა თამაზ ხარებავამ არ ისურვეს.

უბედური შემთხვევა ორი წლის წინ მოხდა

გარდაცვლილ ბავშვს ნეკნები მაშველებმა ჩაუმტვრიეს – ადვოკატის სკანდალური განცხადება და პროტესტი სასამართლოში


სპორტსკოლის მე-7 კლასის მოსწავლე სალომე ტატიშვილი, დებთან და მეგობრებთან ერთად, გუდაურში რთულ ტრასაზე სრიალებდა. თვითმხილველების ინფორმაციით, ბავშვს დიდი სისწრაფით და ხელჯოხების გარეშე მოძრავი მოთხილამურე შეეჯახა. სალომე მიღებული მძიმე დაზიანებებით ადგილზევე დაიღუპა. გარდაცვლილის მშობლების მტკიცებით, ბიჭი შეჯახებისას ნასვამი იყო.

მოთხილამურე, რომელიც სალომე ტატიშვილს დაეჯახა, 18 წლის გიორგი ლიპატრელიანია. მას ბრალი პროკურატურამ 12 წლის სალომე ტატიშვილის გაუფრთხილებლობით სიცოცხლის მოსპობისთვის წაუყენა. ლიპარტელიანი სასამართლომ ჯერ გირაოს სანაცვლოდ გაათავისუფლა, შემდეგ კი მოსამართლე ბესიკ ბუგიანიშვილმა გაამართლა.

„გიორგი ლიპარტელიანი “კუდები სამზე” მოძრაობდა მაღალი სიჩქარით, პირდაპირ, მოხვევების გარეშე მანევრით, არ გაითვალისწინა წინ მოსრიალის ინტერესები, არ გაითვალისწინა, რომ ტრასაზე განმასხვავებელ ფორმებში ჩაცმული სპორტსკოლის ბავშვები მოძრაობდნენ და ზურგიდან შეეჯახა სალომე ტატიშვილს. გიორგიმ ლიპატრელიანი ინციდენტის დროს იყო ნასვამი და ამას მოწმეებიც ადასტურებენ,“ – ნათქვამია ბრალდების დოკუმენტში.

თვითიმედოვნება და არა დაუდევრობა – ასეთია ბრალდების შეფასება ლიპატრელიანის ქმედებაზე.

განსხვავებულია საქალაქო სასამართლოს პოზიცია. მოსამართლე ბესიკ ბუგიანიშვილი განაჩენში განმარტავს: „გამამტყუნებელი განაჩენის გამოსატანად მტკიცებულებები საკმარისი არ იყო, თხილამურებით სრიალის მაქსიმალურ სიჩქარეს კანონი არ არეგულირებს და ექსტრემალური სპორტის ეს სახეობა თავის თავში მოიცავს ტრავმებს.“

განაჩენის შეცვლის იმედით

გიორგი ლიპარტელიანი დღეს თავისუფალია. არსებული ინფორმაციით, ის სასწავლებლად საზღვარგარეთ იმყოფება.

სალომეს მშობლები ამბობენ, რომ ინციდენტის შემდეგ ლიპარტელიანის ოჯახიდან მათ არავინ დაკავშირებია და სანამ ოჯახი გარდაცვლილ შვილს გლოვობდა, ლიპატრელიანები გამოძიების სხვადასხვა ეტაპზე მტკიცებულებების გაყალბებით იყვნენ დაკავებული.

12 წლის სალომე ტატიშვილის მშობლებს განაჩენის შეცვლის იმედი აქვთ. სააპელაციო სასამართლოს შემდეგი სხდომა, სადაც განაჩენიც გამოცხადდება, 25 აპრილს არის ჩანიშნული.

www.fortuna.ge




კომენტარები




მსგავსი სიახლეები:
  • გუდაურში გარდაცვლილი გოგონას დედა სასამართლოს განაჩენის გაუქმებას ითხოვს
  • დეპუტატის შვილის, ბექა ხახუბიას საქმეში ბრალდებული პოლიციელები ბრალს არ აღი ...
  • ბრალდებული დეკანოზის ადვოკატებმა სააპელაციო სასამართლოს მიმართეს
  • თბილისის ყოფილმა მერმა გიგი უგულავამ საპატიმრო დატოვა
  • გუდაურში დაღუპული 12 წლის სალომე ტატიშვილი - ,,ჩვენი ყველაზე ლამაზი, ყველაზ ...

  • ინფორმაცია
    ჯგუფ Гости-ის წევრებს არ აქვთ კომენტარის დატოვების უფლება.


     

    ფოტო განწყობისათვის
    15-09-2018, 14:54
    ჭურჭლის მრეცხავობიდან მილიარდერობამდე - როგორ ცხოვრობს მსოფლიოს უმდიდრესი ადამიანის ცოლი (ფოტოები)
    5-09-2018, 19:16
    ქალს, რომელიც თავის სარჩენად სახლში ტორტებს აცხობს, ბინიდან გასახლებით და 5000-დოლარიანი ჯარიმით ემუქრებიან
    22-08-2018, 20:01
    აზერბაიჯანელი მოდელი ქალწულობას 100 000 ევროდ ყიდის - "მარია" მიღებული ფულით სახლის ყიდვას და მოგზაურობას აპირებს (ფოტოები)
    15-08-2018, 20:03
    İçerde - პოპულარული თურქი მსახიობები ჩაგათაი ულუსოი და არას ბულუთ ინემლი ქართველ მაყურებელს დაუბრუნდნენ
    1-07-2018, 15:52
    "ამერიკის ყველაზე მოდური ბებია" - "ჩემი სტილი მინიმალისტური, პროვოკაციული და ავანგარდულია"
    15-06-2018, 12:37
    ესტონეთში ასე ტოვებენ ხილს კორპუსებში მცხოვრებლებისთვის
    5-06-2018, 08:07
    მეტროპოლიტენი, სადაც მატარებელი მემანქანის გარეშე მოძრაობს (ვიდეო)

    ვიდეო კოლაჟი
    17-09-2018, 19:34
    „არ წახვიდე, არ დამტოვო...“ - როგორ არის და სად მოღვაწეობს პოპულარული სიმღერის ავტორ-შემსრულებელი
    12-09-2018, 19:59
    ალი და ნინოს ძეგლზე ასვლისთვის დაკავებულ მამაკაცს 12-დღიანი პატიმრობა შეეფარდა, კონსტანტინე ედიბერიძე სასამართლოს დარბაზში მაგიდა ააყირავა
    7-09-2018, 06:43
    რესტორანი "აღა" გმირთა მოედანზე ჭამის სურვილს დაგაკარგვინებთ
    6-09-2018, 15:33
    ბარნოვის ქუჩაზე მოკლული გამრეკელაშვილის დედასა და ბრალდებულის შვილს შორის დაპირისპირება მოხდა (ვიდეო)
    31-08-2018, 07:56
    გიორგი შენგელაიამ ზვიად გამსახურდიას მკვლელი უწოდა (ვიდეო)
    27-08-2018, 14:10
    რა მიზეზით გარდაიცვალა ახალგაზრდა ქალი საკეისრო კვეთიდან 17 დღის შემდეგ?
    24-08-2018, 20:11
    სამარცხვინო ტელევიზია ხართ – კახა კალაძის ჩართვა და პასუხი “რუსთავი2”-ს

         
    News.Mcvane.Ge © 2013-2018 საავტორო უფლებები დაცულია