Mcvane.Ge თქვენი საწყისი გვერდი
მთავარი გვერდი ჩვენ შესახებ კონტაქტი რეკლამა
მთავარი გვერდი » ახალი ამბები » ახალი ამბები » "უი, ტაქსის ვაჩერებდი... უკაცრავად..." "ტაქსი ვარ!" - ტაქსის "კაბიანი მძღოლი" და ჩვენი დროის "აბეზარა"

"უი, ტაქსის ვაჩერებდი... უკაცრავად..." "ტაქსი ვარ!" - ტაქსის "კაბიანი მძღოლი" და ჩვენი დროის "აბეზარა"

"ჯანდაცვის სამინისტროში ვმუშაობ, C ჰეპატიტის პროგრამაში. სამუშაო საათების შემდეგ დავადებ ტრაფარეტს ჩემს მანქანას და დავდივარ"

თუ თბილისის ქუჩებში საღამოს 6-დან 9 საათამდე ტაქსით სიარული გიწევთ, შეიძლება 21-ე საუკუნის "აბეზარას" გადააწყდეთ. 26 წლის მერიკო კობერიძე პროფესიით ფსიქოლოგი და ადამიანური რესურსების მართვის მენეჯერია, მაგრამ სამსახურის შემდეგ ტაქსის მძღოლობასაც ახერხებს. როგორ გადაწყვიტა თავისი მანქანა შემოსავლის წყაროდ ექცია და რას ფიქრობენ მგზავრები "აბეზარას" დანახვისას, ამას თვითონ გიამბობთ:

- 15 წლის ვიყავი... ერთ დღეს სკოლიდან დაბრუნებულმა დედას გამოვუცხადე, სვანეთში მივდივარ, იქ უნდა ვიცხოვრო-მეთქი. დედა სვანია და სახლიც გვაქვს სვანეთში... დედა და ბებო რიგრიგობით ჩამოდიოდნენ...

ცხრა თვე სვანეთის სკოლაში­ ვის­წავლე. პოპულარული გოგო ვი­ყა­ვი,"იოჟიკა" ვარცხნილობით. მოკლედ, ლენტეხის პირველი სკოლა დავამთავრე. მეორე დამოუკიდებელი ნაბიჯი იყო ჩაბარება გრანტის მოსაპოვებლად, რომ პოლონეთში წავსულიყავი სასწავლებლად. არავინ იცოდა, სანამ არ გავიგე, რომ გავიმარჯვე და მივემგზავრებოდი. ესეც შოკი იყო ჩემი ოჯახისთვის.

პოლონეთიდან ჩამოსვლის შემდეგ დავიწყე "კარიტასში", მცირე საოჯახო ბავშვთა სახლში მუშაობა. აქ იყვნენ ბავშვები, რომლებიც ობლები არ იყვნენ, მაგრამ "კარიტასში" მძიმე ოჯახური და სოციალური პირობების გამო ცხოვრობდნენ. 10 ბავშვი მებარა. ემოციურად ძალიან რთულია ამ ბავშვებთან მუშაობა, რადგან ისინი, როგორც შვილები, ისე გიყვარდება. ვზრუნავდი მათ განათლებაზე, ჯანმრთელობაზე, ემოციურ მდგომარეობაზე, სახლშიც მომყვებოდა მათზე დარდი და მივხვდი, ამას დიდხანს ვერ გავუძლებდი, ამიტომ ერთი წლის შემდეგ წამოვედი. როგორი ინტეგრირებულიც უნდა იყვნენ ისინი­ სოციუმთან, მაინც პარალელურ სამყაროში რჩებიან, რადგან ჰყავთ დედა, ზოგჯერ მამაც, მაგრამ არა აქვთ ურთიერთობა, ელოდებიან მშობლების გამოჩენას, ისინი კი არ ჩანან.

პოლონეთში დავრწმუნდი - პატიოსანი გზით მოპოვებული ფული ძალიან კარგია! მივხვდი იმასაც, რომ საქართველოს სწორედ ეს აკლია. მართვის მოწმობა არ მქონდა, ისე ვიყიდე მანქანა. მერე მოწმობა ავიღე და დავფიქრდი, თავისუფალი დრო როგორ გამომეყენებინა. ელიავას ბაზრობაზე ვიყიდე ტაქსის ტრაფარეტი და დედაჩემს გავუარე სამსახურში... თავიდან ეგონა, ვხუმრობდი, მაგრამ სახლში რომ მივიყვანე, რამდენიმე საათში კი მივაკითხე და გამომუშავებული თანხა ვაჩვენე, გადაირია.

ჯანდაცვის სამინისტროში ვმუშაობ, C ჰეპატიტის პროგრამაში. სამუშაო საათების შემდეგ, დავადებ ტრაფარეტს ჩემს მანქანას და დავდივარ.

მგზავრებსაც უკვირთ, თუმცა მათი ემოცია ძალიან სახალისოა. "უი, ტაქსის ვაჩერებდი... უკაცრავად..." "ტაქსი ვარ!" - ვეძახი და მერე ვიწყებთ საუბარს...

მგზავრებში მიმართლებს, სოციალურ ქსელშიც ვაგრძელებ მათთან მეგობრობას და "აბეზარას" სიმღერებს მიგზავნიან.
ვცდილობ, კლასიკურად ჩავიცვა. კაბები ისედაც მიყვარდა, ახლა ძალიან მინდა, სტერეოტიპი დაინგრეს და ყველამ ნახოს, რომ კაბიანი ტაქსის მძღოლებიც არსებობენ.

ნინო წიფურია

www.kvirispalitra.ge




კომენტარები




მსგავსი სიახლეები:
  • სააკაშვილი: საქართველოში, ხალხის 80% ფიქრობს როგორც ეს ტაქსის მძღოლი
  • “მილიონ-ნახევრის მფლობელი და ტაქსის გადამგდები”
  • რუსულმა კომპანიამ „იანდექს ტაქსი“ საქართველოში მუშაობა დაიწყო
  • ფიზიკურად მუშაობა არ შემიძლია და ეს მოვიფიქრე - ვისი იდეაა უფასო ტაქსი მოხა ...
  • საეჭვო ტაქსი მკვლელობის ადგილზე და ახალი მოწმეები კიწმარიშვილის საქმეში

  • ინფორმაცია
    ჯგუფ Гости-ის წევრებს არ აქვთ კომენტარის დატოვების უფლება.


     

    ფოტო განწყობისათვის
    7-12-2018, 19:22
    ,,თვალის ჩაპაჭუნებაზე სამუშაო მაქვს აშკარად" -ალეკო ელისაშვილი
    3-12-2018, 19:43
    სალომე ზურაბიშვილი ახალგაზრდობაში შვილებთან ერთად - ოჯახური ფოტო
    3-12-2018, 19:39
    2018 წლის ზამთრის ერთ-ერთი მოთხოვნადი აქსესუარი წვერის მანათობელი ნათურაა
    9-11-2018, 20:48
    დარია სუხიშვილი მამიდას დედას ეძახის - როგორ ცხოვრობს და სად სწავლობს ილიკო სუხიშვილის უმშვენიერესი ქალიშვილი
    6-11-2018, 07:36
    ქუთაისში აზიური ფაროსანა დააბეს - ფოტო, რომელმაც სოცქსელი გახალისა
    3-10-2018, 20:02
    ფანტასტიკური ჟანრის თურქული სერიალი netflix-ზე და სტამბოლის მცველად გადაქცეული ჩაღათაი ულუსოი (ფოტო, ვიდეო)
    27-09-2018, 09:45
    როგორ იზრდება პატარა ევა, რომლის დედის გარდაცვალებამ მთელი საქართველო შეძრა

    ვიდეო კოლაჟი
    4-12-2018, 20:40
    პილოტმა შეიტყო, რომ ბორტზე მისი სკოლის მასწავლებელი იმყოფებოდა და ემოციური სიურპრიზი მოუწყო (ვიდეო)
    3-12-2018, 20:00
    სულხან მოლაშვილმა რომელიღაც ეთერში დააყრანტალა, ბოკერიამ მაწამაო – თამარ ჩერგოლეიშვილი (ვიდეო)
    30-11-2018, 20:11
    2012 წელი - კარტოფილის დარიგება წინასაარჩევნოდ
    29-11-2018, 21:27
    "თუ სალომე ზურაბიშვილი გახდება პრეზიდენტი, საქართველოდან წავალ!"- ნიკა გვარამია
    29-11-2018, 21:11
    ცეკვა, რომლითაც ირაკლი მაქაცარიამ უკრაინული „ცეკვავენ ვარსკვლავები“ წააგო (ვიდეო)
    28-11-2018, 16:41
    სააკაშვილი: არ ვაღიარებ არჩევნების შედეგებს, მოვითხოვოთ ვადამდელი საპარლამენტო არჩევნები
    23-11-2018, 20:37
    "იყოს ჩემი მხრიდან ბოლო შანსი..." - უცნობის ახალი პოლიტიკური კლიპი “4 და 8, 4 და 8 – თუ არადა გაგერღვა!” (ვიდეო)

         
    News.Mcvane.Ge © 2013-2018 საავტორო უფლებები დაცულია