Mcvane.Ge თქვენი საწყისი გვერდი
მთავარი გვერდი ჩვენ შესახებ კონტაქტი რეკლამა
მთავარი გვერდი » ახალი ამბები » ახალი ამბები » მოემზადეთ 16 თებერვალს მზის დაბნელებისთვის - ,,იწყება ახალი 18-წლიანი ციკლი, ახალი ენერგიებით“

მოემზადეთ 16 თებერვალს მზის დაბნელებისთვის - ,,იწყება ახალი 18-წლიანი ციკლი, ახალი ენერგიებით“

ასტროლოგი ხათუნა ნოელი სოციალურ ქსელში 16 თებერვლის მზის დაბნელების შესახებ წერს:

"დღეიდან ჩაირთვება და 15 თებერვალს თავის პიკს მიაღწევს ვენერასა და სატურნის სექსტილი. ურთიერთობა რომელსაც ახლა ჩაეყრება საფუძველი შესაძლოა საკმაოდ სტაბილური და ხანგრძლივი გამოდგეს.

ფინანსების მხრივ- ზოგ ჩვენგანს ასევე შემოსავლის წყაროს გამოჩენა გაახარებს, რომელიც მომავალში სტაბილურადა და მყარად გაგრძელდება.ამ ასპექტისავე წყალობით შესაძლებელი იქნება ფინანსური საკითხების, მათთან დაკავშირებული პრობლემების სწორი შეფასება. რაც თავის მხრივ, საფუძველს ჩაუყრის მომავალ წარმატებებს ჩვენს ბიზნესში და სხვა ფულად საქმიანობებში.

ასპექტი ძალაშია 18 თებერვლამდე.

თუმცა ნუ დავივიწყებთ, რომ დაბნელებების დერეფანში ხდება ეს ყველაფერი.და რასაც ახლაექნება ადგილი ჩვენს ცხოვრებაზე სერიოზულ გავლენას იქონიებს. ჯერჯერობით რამე ახლისწამოწყება არასასურველია, მხოლოდ დაგეგმვა. 23 თებერვლის ჩათვლით.

მზის დაბნელებები ყველა დროში მომნუსხველად მოქმედებდა ადამიანებზე, ერთდროულად იწვევდა შიშსაც და აღფრთოვანებასაც.

ეს მოვლენა მაშინ ხდება, როდესაც მთვარე დედამიწასა და მზეს შორის მოექცევა ხოლმე და მთლიანად ან ნაწილობრივ ფარავს მზის დისკოს. წლის მანძილზე, როგორც წესი, არაერთ დაბნელებას აქვს ხოლმე ადგილი.

ამ წელიწადში მზის 3 დაბნელება გვექნება-თებერვალში, ივლისში და აგვისტოში. სამივე დაბნელება არასრული, ნაწილობრივია. თებერვლის დაბნელება 16 რიცხვში, თბილისის დროით ღამის 00: 52 წუთზე მერწყულის 28-ე°'ზე უწევს.

იქიდან გამომდინარე, რომ ეს ღამით ხდება, მზის დაბნელებას საქართველოს ტერიტორიიდან ვერ დავინახავთ. ეს კი თავის მხრივ, იმის მიმანიშნებელია, რომ ჩვენი ქვეყნის მცხოვრებთათვის ამ მოვლენის ზეგავლენა უკიდურესად მცირედ საგრძნობი იქნება. უმეტესობაზე კი საერთოდ არ იმოქმედებს.

თუმცა, ის ადამიანები, ვინც თებერვლის და აგვისტოს თვეში არიან დაბადებულები ამ ეკლიფსის ზემოქმედების არეალში მაინც მოხვდებიან, ვინაიდან მათი მზე შეხებაში მოდის დაბნელების წერტილთან.

ეს დაბნელება მეტ-ნაკლებად მნიშვნელოვანი შეიძლება რომ აღმოჩნდეს მათთვისაც, ვისაც მერწყულისა და ლომის ზოდიაქოს ნიშანში 25°დან -30° მდე ჰყავთ პირადი პლანეტები ან რუკის სხვა მნიშვნელოვანი წერტილები,

ვინაიდან დაბნელებები დაძაბულ ენერგეტიკას წარმოქმნიან, ბევრს უჩნდება კითხვა -როგორი იქნება ბავშვის მომავალი, თუ ბუნებამ ინება და სწორედ ამ დღეს მოუვლინა სამყაროს?

მინდა თქვენი ეჭვები გავფანტო და გითხრათ, რომ დაბნელებებზე საოცარი პიროვნებები იბადებიან. მათი უმეტესობა სხვადასხვა, გამორჩეული ნიჭითაა დაჯილდოვებული. ამ ადამიანების ცხოვრება არასდროსაა ერთფეროვანი და მოსაწყენი.

დარწმუნებული ვარ, კარგად იცით, მაგრამ მაინც შეგახსენებთ, რომ დაბნელებებზე ანუ ამ შემთხვევაში 15, 16 და 17 თებერვალს განსაკუთრებული პრევენციული ზომები უნდა მიიღონ ასაკოვანმა ადამიანებმა, აგრეთვე მათ, ვისაც გულის და სისხლძარღვების პრობლემები აწუხებთ. არარეკომენდებულია გეგმიური ქირურგიული ჩარევები, რაიმე ახლის წამოწყება, მათშორის ახალი სამსახურის, ასევე არასასურველია მსხვილი შენაძენების გაკეთებაც. ეცადეთ, არ აჰყვეთ უარყოფით ემოციებს, ნუ გაბრაზდებით წვრილმანებზე. დაუთმეთ მეტი დრო ლოცვებს, მედიტაციებს, ან უბრალოდ წიგნი იკითხეთ და მშვიდ, სასიამოვნო ფილმს იყურეთ...

საინტერესოა, ვიცოდეთ, რომ მზის დაბნელებები ერთიანდებიან თავისებურ ციკლებში, რომლებსაც დაახლოებით 18 წლიანი ხანგრძლივობა აქვთ. ყველაფერი, რაც დაბნელების პერიოდში შეგემთხვევათ, ძალზე მნიშვნელოვანი იქნება ამ მომდევნო 18 წლის განმავლობაში. შეგიძლიათ ასევე შეეცადოთ და გაიხსენოთ, რა ხდებოდა თქვენს ცხოვრებაში 18 წლის უკან და თუ მაშინ რაიმე ახალი და მნიშვნელოვანი საკითხი წამოიჭრა, სწორედ ის თემები ახლა ან თავიანთი ფინალისაკენ მიდიან, ან სრულიად ახალ ეტაპზე გადადიან.
მნიშვნელოვანია, ვფიქრობ, თვითონ მერწყულის 28-ე გრადუსის განმატების გათვალისწინებაც. გასული საუკუნის ერთერთი ყველაზე თვალსაჩინო ასტროლოგის დეინ რედიარდის ინტერპრეტაციით, ეს გრადუსი იძლევა მინიშნებას წარმატებაზე, თუმცა არა ყველასათვის, არამედ მხოლოდ იმ ადამიანებისთვის, ვინც აქამდე თავდაუზოგავად შრომობდა, ცოდნა და გამოცდილება დააგროვა, წინდახედულია და იცის სად გამოიჩინოს სიფრთხილე, თავშეკავება და სად ქმედება და მოხერხებულობა.

15 თებერვლის დაბნელება კოლექტიურ შემოქმედებასთან არის კავშირში, ისეთ აქტივობებთან, რომლებიც ნოვატორული იდეების წინ წამოწევას შეუწყობენ ხელს. მერწყული - ეს გახლავთ ტექნიკა, კოსმოსი. ამიტომ მე ვფიქრობ, შემთხვევითი არაა, რომ მთვარისა და მზის დაბნელებების შუალედში, რომლებიც სწორედ მერწყულის ნიშანში ხდებიან, მოხდა ისეთი არაჩვეულებრივი მოვლენა, როგორიც არის 6 თებერვალს ილონ მასკის მიერ მარსზე ზემძიმე კოსმოსური ხომალდის გაშვება, რომელშიც როგორც იცით, ავტომობილი '' ტესლაა'' ჩატვირთული...

ეს რაც შეეხებოდა ძალზე გლობალურ მასშტაბებს. ჩვენი ქვეყნისთვის კი სავარაუდოდ 16 თებერვლის მზის დაბნელება წამოჭრის საერთაშორისო ფინანსურ ორგანიზაციებთან ურთიერთობის საკითხებს, რადგან ეკლიპსის წერტილი საქართველოს ასტროლოგიური რუკის იმ მონაკვეთზე პროეცირდება, რომელიც ტრანსნაციონალურ საფინანსო კორპორაციებთან ქვეყნის ურთიერთობას განკარგავს. სავარაუდოდ რაღაც ახალ ხელშეკრულებების გაფორმების საჭიროება წამოიწევს წინ.

ინდივიდუალურ დონეზე კი ამ ეკლიფსის ზეგავლენა აისახება მეგობრულ ურთიერთობებზე, შესაძლებელია რაღაც მოულდნელი ან უჩვეულო ამბები მოხდეს, რამაც გაიძულოთ, რომ სრულიად ახლებურად შეხედოთ ცხოვრებას, და ეს იქნება ახალი ათვლის წერტილი ჩვენს ცხოვრებაში.

ეს დღე შესანიშნავია წარსულთან და უსიამოვნო მოგონებებთან გამოსათხოვებლად. როგორც ვთქვი, იწყება ახალი, 18 წლიანი ციკლი, რომელსაც ახალი ენერგიები მოაქვს. ამიტომ დაუნანებლად მოიშორეთ ყველაფერი, რაც უსარგებლოა ან რასაც თქვენთვის ზიანი მოაქვს. ეს ეხება როგორც ძველი ტანსაცმლით გადავსებულ კარადას, ისე უსარგებლო აზრებს თავში. თუ თქვენ მავნე ჩვევის მოშორებას ფიქრობთ, დაიწყეთ ამ დღიდან. თუ დიეტაზე აპირებთ დაჯდომას, რომ უფრო ლამაზები და ტანადები გახდეთ- საამისოდაც შესაფერისი დროა. გაერკვიეთ საკუთარ თავში და გადაწყვიტეთ, რისი ან ვისი დატოვება გსურთ თქვენს ცხოვრებაში, რა გაქვთ შესაცვლელი. და ეცადეთ, წარმოიდგინოთ თქვენი თავი მომავალში ისეთი, როგორსაც ნატრობთ- ჯანმრთელი, ბედნიერი, წარმატებული და ხალისიანი."

www.newposts.ge




კომენტარები




მსგავსი სიახლეები:
  • ,,30 იანვარს, ღამით 12 საათზე... აანთეთ სანთელი, ჩაიფიქრეთ სურვილი“ - მთვარ ...
  • ასტროლოგის გაფრთხილება: „მნიშვნელოვანია, უახლოესი ერთი კვირა მაქსიმალური სი ...
  • დედამიწა მზის ყველაზე ხანგრძლივი დაბნელების მოლოდინში - რას გვირჩევენ ასტრო ...
  • 21 აგვისტოს მზის სრული დაბნელება მოხდება
  • 20 მარტს მზის სრული დაბნელებაა მოსალოდნელი (+ ანიმაციური თვალსაჩინოება)

  • ინფორმაცია
    ჯგუფ Гости-ის წევრებს არ აქვთ კომენტარის დატოვების უფლება.


     

    ფოტო განწყობისათვის
    15-09-2018, 14:54
    ჭურჭლის მრეცხავობიდან მილიარდერობამდე - როგორ ცხოვრობს მსოფლიოს უმდიდრესი ადამიანის ცოლი (ფოტოები)
    5-09-2018, 19:16
    ქალს, რომელიც თავის სარჩენად სახლში ტორტებს აცხობს, ბინიდან გასახლებით და 5000-დოლარიანი ჯარიმით ემუქრებიან
    22-08-2018, 20:01
    აზერბაიჯანელი მოდელი ქალწულობას 100 000 ევროდ ყიდის - "მარია" მიღებული ფულით სახლის ყიდვას და მოგზაურობას აპირებს (ფოტოები)
    15-08-2018, 20:03
    İçerde - პოპულარული თურქი მსახიობები ჩაგათაი ულუსოი და არას ბულუთ ინემლი ქართველ მაყურებელს დაუბრუნდნენ
    1-07-2018, 15:52
    "ამერიკის ყველაზე მოდური ბებია" - "ჩემი სტილი მინიმალისტური, პროვოკაციული და ავანგარდულია"
    15-06-2018, 12:37
    ესტონეთში ასე ტოვებენ ხილს კორპუსებში მცხოვრებლებისთვის
    5-06-2018, 08:07
    მეტროპოლიტენი, სადაც მატარებელი მემანქანის გარეშე მოძრაობს (ვიდეო)

    ვიდეო კოლაჟი
    17-09-2018, 19:34
    „არ წახვიდე, არ დამტოვო...“ - როგორ არის და სად მოღვაწეობს პოპულარული სიმღერის ავტორ-შემსრულებელი
    12-09-2018, 19:59
    ალი და ნინოს ძეგლზე ასვლისთვის დაკავებულ მამაკაცს 12-დღიანი პატიმრობა შეეფარდა, კონსტანტინე ედიბერიძე სასამართლოს დარბაზში მაგიდა ააყირავა
    7-09-2018, 06:43
    რესტორანი "აღა" გმირთა მოედანზე ჭამის სურვილს დაგაკარგვინებთ
    6-09-2018, 15:33
    ბარნოვის ქუჩაზე მოკლული გამრეკელაშვილის დედასა და ბრალდებულის შვილს შორის დაპირისპირება მოხდა (ვიდეო)
    31-08-2018, 07:56
    გიორგი შენგელაიამ ზვიად გამსახურდიას მკვლელი უწოდა (ვიდეო)
    27-08-2018, 14:10
    რა მიზეზით გარდაიცვალა ახალგაზრდა ქალი საკეისრო კვეთიდან 17 დღის შემდეგ?
    24-08-2018, 20:11
    სამარცხვინო ტელევიზია ხართ – კახა კალაძის ჩართვა და პასუხი “რუსთავი2”-ს

         
    News.Mcvane.Ge © 2013-2018 საავტორო უფლებები დაცულია