Mcvane.Ge თქვენი საწყისი გვერდი
მთავარი გვერდი ჩვენ შესახებ კონტაქტი რეკლამა
მთავარი გვერდი » ახალი ამბები » ახალი ამბები » 52 წლის პედაგოგი სოფელ ბალიჭიდან, რომლის მიერ შექმნილი ბიოსაპნით ჰოლანდიელები და კორეელები დაინტერესდნენ
loading...

52 წლის პედაგოგი სოფელ ბალიჭიდან, რომლის მიერ შექმნილი ბიოსაპნით ჰოლანდიელები და კორეელები დაინტერესდნენ

52 წლის მაია დევნოზაშვილი დმანისის ტყეებში სამკურნალო მცენარეებს თავად აგროვებს, ამაში მას ზოგჯერ შვილიშვილებიც ეხმარებიან, შემდეგ კი შეგროვილი მასალით რამდენიმე სახეობის ნატურალურ სამკურნალო საპონ "დემას" ამზადებს, რომლისთვისაც თბილისის აფთიაქებში შესაძლოა, თვალი არაერთხელ მოგიკრავთ. მაია გეოგრაფიის პედაგოგია ბოლნისის მუნიციპალიტეტ სოფელ ბალიჭში, იგი უკვე ორი წელია ბიოსაპონს თავად აწარმოებს.

მცენარეების მედიცინაში გამოყენებით ბავშვობაში დაინტერესდა, უცხოურ და ქართულ ლიტერატურას გაეცნო, სხვადასხვა ტექნოლოგია შეისწავლა და მოგვიანებით სამკურნალო მალამოსა და საპნის სახლში დამზადება დაიწყო. მაიას სტარტაპმა "აწარმოე საქართველოს" ფარგლებში 5 000 ლარის ოდენობით დაფინანსება მოიპოვა, რითიც საპნის დასამზადებლად დანადგარები შეიძინა.

52 წლის პედაგოგი სოფელ ბალიჭიდან, რომლის მიერ შექმნილი ბიოსაპნით ჰოლანდიელები და კორეელები დაინტერესდნენ


"საოჯახო მედიცინა ყოველთვის მაინტერესებდა. თავდაპირველად, ვარკვევდი რომელი მცენარე რისთვის გამოიყენებოდა, როდის და რატომ უნდა შეგროვილიყო და ვამზადებდი ძალიან სასარგებლო მალამოს, რომელიც პრობლემური კანის, მათ შორის დამწვრობის საწინააღმდეგოდ გამოიყენებოდა. მალამომ დიდი მოწონება დაიმსახურა, ამიტომ გამიჩნდა სურვილი, საპონიც გამეკეთებინა.

საპონი, სახელად "დემა" როგორც სამკურნალო (გამონაყარისთვის, გაღიზიანებული კანისთვის, თმის ცვენისთვის, ქერტლის საწინააღმდეგოდ), ისე ყოველდღიური ჰიგიენის დასაცავად გამოიყენება. "ვამზადებ ნატურალური პროდუქციისგან, ვიყენებ მცენარეულ ცხიმს, მაგალითად, ზეითუნის ზეთს, ასევე ეთერზეთებს და არანაირ ქიმიურ დანამატს არ ვურევ", - განმარტავს მაია დევნოზაშვილი Allnews.ge-სთან საუბარში.

ისევე როგორც დამუშავების, შეგროვების პროცესიც სპეციალურ ცოდნას მოითხოვს. როგორც მაია ამბობს, ზოგიერთი მცენარე სეზონურად უნდა შეგროვდეს, მაგალითად, ყვავილობის პერიოდში. რაც შეეხება მათ საპონში გამოყენებას, გაშრობის პროცესიც განსხვავებულია, ზოგი ქარიან ადგილში შრება, ზოგი მზეზე, ან ჩრდილში. რაც მთავარია, სტარტაპერმა ყველაფერი დეტალურად იცის და თავის საქმესაც დიდი ენთუზიაზმით და გულმოდგინედ აკეთებს.

52 წლის პედაგოგი სოფელ ბალიჭიდან, რომლის მიერ შექმნილი ბიოსაპნით ჰოლანდიელები და კორეელები დაინტერესდნენ


საპონს ბავშვობაში ბებია ამზადებდა, მისი იდეის ბიზნესად ქცევა კი სწორედ მაიამ გადაწყვიტა. იგი ამბობს, რომ წარმატების იმედი ჰქონდა, რადგან დაინტერესება დიდი იყო. ოჯახის წევრები "დემას" პოპულარიზაციაში ეხმარებიან.

"საპონი გამოფენაზე მქონდა გატანილი, შედეგად პროდუქტით ჰოლანდიისა და კორეის წარმომადგენლები დაინტერესდნენ და მქონდა ექსპორტის შანსიც, თუმცა ამისთვის საჭიროა სერთიფიკატი, რომ ნამდვილად ბიო როდუქტს ვამზადებ და ახლა მის ასაღებად ვმუშაობ", - აღნიშნავს მაია დევნოზაშვილი.

52 წლის პედაგოგი სოფელ ბალიჭიდან, რომლის მიერ შექმნილი ბიოსაპნით ჰოლანდიელები და კორეელები დაინტერესდნენ


52 წლის მაია პედაგოგიური საქმიანობის პარალელურად, საკუთარი მცირე ბიზნესის განვითარებაზეც აქტიურად მუშაობს. მისი თქმით, იგი მომავალში ჭურჭლის სარეცხი საშუალების დამზადებასაც აპირებს. მანამდე კი მსურველს მის მიერ შექმნილი ბიოსაპონის შეძენა უკვე შეუძლია. მაიას თქმით, საპონი "დემა" სოფელი ბალიჭიდან უკვე საკმაოდ მოთხოვნადია.

ავტორი: მარიამ მენაბდიშვილი

www.allnews.ge




კომენტარები




მსგავსი სიახლეები:
  • მაია ასათიანი სამსახურში დაბრუნდა!..
  • "მაია ციხეში კვდება! 58 წლის ქალი 46 კილო დარჩა" - ვახტანგ რჩეულიშვილი
  • ექსპერტიზის დასკვნა ცნობილია - ლიკა კიკიანს დაზიანებები მკვრივი ბლაგვი საგნ ...
  • რატომ გადაწყვიტა გია ჯაჯანიძემ მაია ასათიანთან ჭიდაობა
  • რა სასიამოვნო სიახლეა მაია დობორჯგინიძის და გოგა ბარბაქაძის ოჯახში?
  •  

    ფოტო განწყობისათვის
    16-02-2018, 16:19
    ისრაელის ქალთა სატუსაღო - მსჯავრდებულთა ფოტოები, რომლებიც შეგძრავთ
    13-02-2018, 07:30
    გინესის რეკორდსმენი მსოფლიოს ყველაზე ძუნწი ქალი
    8-02-2018, 16:13
    52 წლის პედაგოგი სოფელ ბალიჭიდან, რომლის მიერ შექმნილი ბიოსაპნით ჰოლანდიელები და კორეელები დაინტერესდნენ
    8-02-2018, 15:11
    როგორ ჩავაცვათ ახალშობილს ზამთარში და მოვჭრათ თუ არა ფრჩხილები 40 დღემდე – პედიატრის რჩევა
    8-02-2018, 10:37
    გემი იძირება და როგორ იქცევიან ზოდიაქოს ნიშნები
    7-02-2018, 16:57
    ქართველი მხატვარი, რომელიც შავი ფანქრით გასაოცარ შედევრებს ქმნის
    2-02-2018, 15:58
    ვინ არის Cesur ve Güzel-ის ვარსკვლავი და ქართველი გოგონების მორიგი თურქი გულთამპყრობელი (ფოტოკოლაჟი)


         
    News.Mcvane.Ge © 2013 საავტორო უფლებები დაცულია