,,30 იანვარს, ღამით 12 საათზე... აანთეთ სანთელი, ჩაიფიქრეთ სურვილი“ - მთვარის დაბნელების წინ ასტროლოგის რჩევა » News Mcvane.Ge
Mcvane.Ge თქვენი საწყისი გვერდი
მთავარი გვერდი ჩვენ შესახებ კონტაქტი რეკლამა
მთავარი გვერდი » ახალი ამბები » ახალი ამბები » ,,30 იანვარს, ღამით 12 საათზე... აანთეთ სანთელი, ჩაიფიქრეთ სურვილი“ - მთვარის დაბნელების წინ ასტროლოგის რჩევა

,,30 იანვარს, ღამით 12 საათზე... აანთეთ სანთელი, ჩაიფიქრეთ სურვილი“ - მთვარის დაბნელების წინ ასტროლოგის რჩევა

31 იანვარს მთვარის სრული დაბნელება იქნება. ამასთან დაკავშრებით ვრცელ კომენტარს აკეთებს ასტროლოგი ხათუნა ნოელი.

"31 იანვარს ლომის 12-ე გრადუსზე, ამ წლის პირველი მთვარის დაბნელება გვექნება. ეს იქნება სრული დაბნელება ( არსებობს ნაწილობრივი, რკალისებრიც. ) თუმცა საქართველოს ტერიტორიიდან მის დანახვას მაინც ვერ შევძლებთ-სრული დაბნელება თბილისის დროით ის 16:51ზე დაიწყება და 18 :07 ზე უკვე დასრულებული იქნება.

რასაც ჩვენ დავინახავთ ის იქნება ნაწილობრივი დაბნელება და ეს შესაძლებელი იქნება 18:19 დან-19:11მდე. ოღონდ არ გირჩევთ რომ ასეთი დაკვირვებები აწარმოოთ, არც მთვარის და არც მზის დაბნელებისას. დაბნელება ძლიერი ნეგატივის მატარებელია და შესაძლოა ეს თქვენს ჯანმრთელობაზე ცუდად აისახოს...

ის რომ საქართველოს ტერიტორიაზე დაბნელება მხოლოდ ნაწილობრივი იქნება, ნიშნავს, რომ მკაფიოდ გამოხატული ზეგავლენა ამ კონკრეტულ დაბნელებას საქართველოს ტერიტორიაზე მცხოვრებლებისათვის, არ ექნება . მაგრამ მაინც, ვის შეეხება მაინც ეს?

შედარებით მსუბუქი ზეგავლენა ექნება იმ ადამიანებზე, ვინც დაბნელებების პერიოდში არიან დაბადებული, კიდევ უფრო მსუბუქი მაათზე- ვისაც მზე, პირადი პლანეტები, ან ASC/ DSC /MC/ IC ჰყავთ კუროს, ლომის, მორიელის ანდა მერწყულის 7 დან 17 გრადუსამდე.

ზოგადად კი შეიძლება ითქვას რომ მთვარის დაბნელებებს სერიოზული მოვლენები რიგითი ადამიანების ცხოვრებაში ნაკლებად მოაქვს, და უფრო გუნება-განწყობაზე აისახება ხოლმე. უფრო მეტი გაფრთხილება სჭირდებათ მათ, ვინც ხელისუფლების სათავეშია, პარტიული, ან საზოგადოებრივი ლიდერია, პოპულარულობით სარგებლობს. და ვინაიდან დაბნელება ლომი-მერწყულის ღერძზე ხდება, წინ გამოკვეთილი იქნება კოლექტივისა და პირადი ეგოს დაპირისპირება, ასევე შვილებთან დაკავშირებული საკითხები.

მიუხედავად იმისა რომ მთვარის დაბნელებებს წელიწადში რამოდენიმეჯერ აქვს ხოლმე ადგილი, 31 იანვრის ეკლიპსი მაინც ძალზე იშვიათი მოვლენა იქნება, გარდა იმისა რომ მოხდება მთვარის სრული დაბნელება, აღსანიშნავია ისიც რომ ამ მომენტისათვის მთვარე თავის პერიგრნში ანუ ორბიტის დედამიწიდან დაშორებულ ყველაზე ახლო წერტილში იქნება , და პლიუს ამას კიდევ ისიც ემატება, რომ ეს ეგრეთწოდებული '' ცისფერი მთვარის '' დროს ხდება. სამი ასეთი დამთხვვა უიშვიათეს მოვლენას წარმოადგენს.

ცისფერი მთვარე ვახსენე და ალბათ გაგიჩნდათ ცნობისმოყვარეობა , თუ რის გამო შეიძლება ეწოდოს მთვარეს ცისფერი. არა, ის არ ღებულობს არც ცისფერ არც მოლურჯო ფერს. წელიწადში, მოგეხსენებათ, 12 თვეა, თითო თვეში თითო სავსემთვარეობა უწევს. ანუ ჯამში წლის ბოლოს 12 სავსე მთვარე გვაქვს ხოლმე გამოვლილი. თუმცა ყოველთვის ასე როდი ხდება, არის წლები, როდესაც თვეზე შეიძლება ერთის ნაცვლად ორი სავსემთვარეობა მოუწიოს, ეს იმით აიხსნება, რომ ჩვენი ღამის მნათობი ძალზე სწრაფად მოძრაობს და პერიოდულად თვეში უფრო მეტ '' მთვარის დღეებს'' გადის. ასეთი რამ ძალზე იშვიათად ხდება ხოლმე, დაახლოებით3 წელიწადში ერთხელ, ან კიდევ უფრო იშვიათად. აი, როგორც ქართველები ვიტყვით ხოლმე- '' როდის და - როდინობის კვირაშიო .'' ინგლისელებს თავიანთი მსგავსი გამოთქმა აქვთ იშვიათი მოვლენების გადმოსაცემად- ''Once in a Blue Moon''. სწორედ ამ გამოთქმიდან მოდის ასეთი იშვიათი, თვეში მე2 სავსემთვარეობის სახელწოდება-'' ცისფერი მთვარე''. თუმცა , როგორც უკვე მიხვდით, ამას მთვარის ფერთან არაფერი საერთო არა აქვს. პირიქით- დაბნელებების დროს მთვარეს მეწამული ფერი გადაჰკრავს ხოლმე, ამის გამო მას ზოგჯერ სისხლიან მთვარესაც უწოდებენ. უნდა ითქვას, რომ ამაში განსაკუთრებული არაფერია. ანალოგიურ სიწითლეს ჩვენ ყოველდღიურად , დღეში ორჯერაც კი შეგვიძლია დავაკვირდეთ მზის ჩასვლის და ამოსვლის დროს. მაგრამ ვინაიდან მთვარის შემთხვევაში ეს უკიდურესად იშვიათი მოვლენაა, დაბნელებების შიში უძველესი დროიდან მოჰყვება ადამიანს. მისთვის აუხსნელ ბუნების ამ ფენომენს კიდევ უფრო იდუმალს ხდიდა ისიც, რომ დაბნელებეს არც თუ ისე იშვიათად ემთხვეოდა ხოლმე არცთუ სასიამოვნო მოვლენები- ზოგჯერ ეს იყო მეფის ან ადგილობრივი მთავრის გარდაცვალება, ზოგჯერ ომის ან შიმშილობის დასაწყისი. აშურბანიფალის თიხის ფირფიტების ბიბლიოთეკაში არქეოლოგებმა მიაკვლიეს მეტად საინტერესო ჩანაწერს ნინევიის მეფის გარდაცვალების სავარაუდო თარიღთან დაკავშირებით, რაც სწორედ მვარის დაბნელასთან დაკავშირებული გამოთვლებით იყო გაკეთებული. და სხვათაშორის ისტორიულად დადასტურებული ფაქტია, რომ ეს ხელისუფალი ზუსტად იმ თარიღზე გარდაცვლილა... ცივილიზაციის განვითარებასთან ერთად ხალხმა შეიტყო რომ დაბნელებას ღმერთების რისხვა არ იწვევს და ეს უბრალოდ ბუნების კანონზომიერი მოვლენაა. თუმცა დამთხვევები მაინც გრძელდება - ზოგჯერ უსიამოვნო, ზოგჯერ კი ფრიად სასიხარულოც კი. ეს უკანასკნელი იშვიათ გამონაკლისს წარმოადგენს. მაგრამ სამართლიანობა მოითხოვს რომ ესეც ავღნიშნოთ...

ასეა თუ ისე- დღეს ამ მოვლენის არსი სრულიად არის შესწავლილი და საყოველთაოდ ცნობილი, დღეს ჩვენ ვიცით, რომ ნებისმიერი მთვარის დაბნელება ხდება იმიტომ რომ დღისა და ღამის მნათობები თავიანთ ორბიტებზე მოძრაობის დროს გარკვეულ მომენტში ერთმანეთის საწინააღმდეგო წერტილებზე ხვდებიან, და ვინაიდან მათ შუა დედამიწა აღმოჩნდება ხოლმე, მისი ჩრდილი ეფარება მთვარეს და ის რამოდენიმე ხნის განმავლობაში ამ ჩრდილქვეშ მოქცეული ანუ დაბნელებულია. თუმცა შუქის ნაწილი მაინც იფანტება და ატმოსფეროში მეწამულად აირეკლება. აი, სულ ესაა ამ მოვლენის ასტრონომიული არსი.

თუმცა მათ, ვინც ასტროლოგიაში მეტ-ნაკლებად კარგად ვართ ჩახედულები, და ვიცით, თუ რაოდენ დიდი მნიშვნელობა აქვს მთვარის ფაზებს ჩვენს ყოველდღიურ ცხოვრებაზე, ისიც კარგად ვიცით რომ დაბნელებას ნამდვილად აქვს თავისი ასტროლოგიური დატვირთვა, და უპირველესყოვლისაა ესაა ცვლილებები.

უმეტესწილად ადამიანები ცდილობენ დარჩნენ კომფორტის ზონაში, მაგრამ ასეთი ქმედება არ იძლევა განვითარების და წინსვლის საშუალებას. ამიტომ, ჩვენ ხანდახან გვჭირდება მცირე კოსმოსური დარტყმა, რომ გვაიძულოს ვიმოქმედოთ. დაბნელებები არღვევენ სტერეოტიპებს და იწვევენ დინამიკის, წინსვლის აუცილებლობას. უნდა ითქვას, რომ საქართველოს მუნდეანურ რუკაზე დაბნელების პროეცირებისას ხდება დაბნელების მთვარის ამ რუკის იუპიტერთან შეერთება. იუპიტერი დიდი ბედნიერების და წარმატების პლანეტაა და ამიტომ კიდევ ერთხელ უსვამს ხაზს რომ ცვლილებებს უფრო სასიკეთო ელფერი შიძლება ჰქონდეთ ვიდრე ნეგატიური.

მაგრამ ვიდრე გადამწყვეტ და გადაჭრით ზომებს მივიღებდეთ, ასტროლოგიების უმეტესობა გვირჩევს მივცეთ დაბნელებების ენერგეტიკას დაცხრომის საშუალება, დაე გადაიაროს იმ შფოთვება რაც ეკლიფსებს მოაქვთ და მხოლოდ მერე შევუდგეთ ახალი გეგმების განხორციელებას.

ჯერჯერობით კი დაასრულეთ ძველი პროექტები, ახალი მხოლოდ და მხოლოდ შეგიძლიათ დაგეგმოთ. ასევე ნუ გააკეთებთ მსხვილ შენაძენებს, ნუ წამოიწყებთ მოგზაურობას, ნუ შეიცვლით საცხოვრებელს, მოერიდეთ ახალ კონტაქტებს, არ ჩაიტაროთ გეგმიური ქირურგიული ოპერაციები. სასურველია მეტი დრო დაუთმოთ ლოცვებს, მედიტაციას, კარგია მშვიდი მუსიკის მოსმენა, წყლის პროცედურები. ვისაც წნევები, ნერვული სისტემა, ან გულ-სისხლძარღვთა პრობლემები გაწუხებთ, მიიღეთ პროფილაქტიკის სათანადო ზომები.

ეცადეთ, ეს დაბნელება ყველაფერი დრომოჭმული, ძველი და ვადაგასულისაგან განსათავისუფლებლად გამოიყენოთ. მოიშორეთ, რაც გამძიმებთ, რაც '' თქვენი'' არაა. ეს ეხება ურთიერთობებსაც და ნივთებსაც.

მთვარის დაბნელება შესანიშნავი დროა ჩვენი სურვილების ასახდენად სპეციალური რიტუალების ჩატარებისათვის. ამისათვის შეგიძლიათ 30 იანვარს, ღამით 12 საათის მერე, აანთოთ ოქროსფერი ან ყვითელი ფერის სანთელი, რადგან მთვარე ლომს გადის და ეს ფერები ამ ნიშანს შეესაბამება. ჩაიფიქრეთ სურვილი და შეეცადეთ ვიზუალიზაცია გაუკეთოთ. ანუ წარმოიდგინეთ, რომ ის სურვილი უკვე შეგისრულდათ. ვთქვათ თუ მანქანა გინდათ, წარმოიდგინეთ როგორ ზიხართ იმ მანქანის საჭესთან, თუ გათხოვება გსურთ, წარმოიდგინეთ თქვენი თავი საქორწინო ცერემონიაზე და ასე შემდეგ... ამის შემდეგ ჩააქრეთ სანთელი და შეინახეთ . ითვლება რომ მთვარის დაბნელებაზე ჩათქმული სურვილები 6 თვის მანძილზე სრულდება სურვილის შერულების შემდეგ სანთელს რას უზავთ, დაწვავთ, თუ სულაც გადააგდებთ, აღარ აქვს მნიშვნელობა.

სადღაც ამოვიკითხე, თუ ცხოვრება ტრასაა, დაბნელებები შეიძლება ავტოინსპექციის გამშვებ პუნქტებად"- წერს ნოელი.

www.newposts.ge




კომენტარები




მსგავსი სიახლეები:
  • ასტროლოგის გაფრთხილება: „მნიშვნელოვანია, უახლოესი ერთი კვირა მაქსიმალური სი ...
  • დედამიწა მზის ყველაზე ხანგრძლივი დაბნელების მოლოდინში - რას გვირჩევენ ასტრო ...
  • დღეს მთვარის დაბნელებაა - ასტროლოგის პროგნოზი და რჩევები მოსახლეობას
  • დედამიწელები დღეს ღამით ცაში ”სისხლიანი მთვარეს” დაინახავენ
  • 20 მარტს მზის სრული დაბნელებაა მოსალოდნელი (+ ანიმაციური თვალსაჩინოება)

  • ინფორმაცია
    ჯგუფ Гости-ის წევრებს არ აქვთ კომენტარის დატოვების უფლება.


     

    ფოტო განწყობისათვის
    15-08-2018, 20:03
    İçerde - პოპულარული თურქი მსახიობები ჩაგათაი ულუსოი და არას ბულუთ ინემლი ქართველ მაყურებელს დაუბრუნდნენ
    1-07-2018, 15:52
    "ამერიკის ყველაზე მოდური ბებია" - "ჩემი სტილი მინიმალისტური, პროვოკაციული და ავანგარდულია"
    15-06-2018, 12:37
    ესტონეთში ასე ტოვებენ ხილს კორპუსებში მცხოვრებლებისთვის
    5-06-2018, 08:07
    მეტროპოლიტენი, სადაც მატარებელი მემანქანის გარეშე მოძრაობს (ვიდეო)
    3-06-2018, 08:34
    "19 წლისა გავთხოვდი, განა აესე დაჯღანულ ვიყავ" - 105 წლის, გუდამაყრელი ბებოს სათხოვარი
    1-06-2018, 15:39
    თაკო ჭანუყვაძე: „ერთადერთი მსგავსება, რაც კეკესთან მაქვს, ჩაცმის სტილია…“
    24-05-2018, 11:53
    “ჯერ გამოკითხა მოხუცი პაციენტი და მერე ასე მოეფერა” – ემოციური ფოტო კლინიკიდან

    ვიდეო კოლაჟი
    გუშინ, 17:48
    16 წლის გოგომ, რომელმაც შანტაჟის გამო თავი ჩამოიხრჩო, სიკვდილამდე წერილი დატოვა
    17-08-2018, 12:51
    "ცოტა ადრე რომ ყოფილიყო, მიუსწრებდნენ, თურმე პულსი ჰქონია ჯერ" - ციალა ბეჟაშვილი
    16-08-2018, 11:03
    ფეხბურთელ ნუკრი რევიშვილსა და მოდელ თიკო ჩხეიძეს შვილი დაეღუპათ
    15-08-2018, 20:30
    31 საათი საოპერაციოში - მსოფლიოს მეორმოცე პაციენტი, რომელსაც სახის ტრანსპლანტაცია ჩაუტარდა
    15-08-2018, 20:03
    İçerde - პოპულარული თურქი მსახიობები ჩაგათაი ულუსოი და არას ბულუთ ინემლი ქართველ მაყურებელს დაუბრუნდნენ
    14-08-2018, 20:03
    ეჭვიანობს თუ არა ვეფხოს ცოლი თაკოზე და რატომ არ შეხვდა თაკო მას – ვინ არის პოპულარული ვიდეოების ავტორი
    8-08-2018, 19:56
    სოციალურმა მუშაკებმა 6 წლის ბიჭი სახლიდან იძულებით წაიყვანეს, მამის მტკიცებით მოზარდის დედა ბავშვის გაგუდვას ცდილობდა - უმძიმესი კადრები

         
    News.Mcvane.Ge © 2013-2018 საავტორო უფლებები დაცულია