სვანეთში მამას 8 შვილი წლებია სახლში გამოკეტილი ჰყავს. არც სკოლაში და არც საბავშვო ბაღში უშვებს.
ამირან დევნოზაშვილს 3 ბიჭი და 5 გოგო ჰყავს. უფროსი გოგო 21 წლისაა, უმცროსი ბიჭი - 7-ის. გარეთ მხოლოდ 2 შვილი გაყავს - ექიმთან, რადგან ბავშვებს დიაბეტი აქვთ.
მამას მიაჩნია, რომ ბავშვები საზოგადოებისგან მხოლოდ ცუდს ისწავლიან.
ამირან დევნოზაშვილს სამართალდამცველებთან და სოციალურ მუშაკებთან პრობლემები ჰქონდა. შინაპატიმრობა და განათლების შეზღუდვა კანონით ისჯება.
მეზობლებმა ბავშვების შინაპატიმრობიდან დახსნა არაერთხელ სცადეს, მაგრამ უშედეგოდ. მღვდელიც უძლური აღმოჩნდა.
მეზობლების მოთხოვნის და მრავალწლიანი მოლაპარაკებების შემდეგ, შვილებს მხოლოდ ტელევიზორის ყურების უფლება მისცა, მცირე ხნით.
