Mcvane.Ge თქვენი საწყისი გვერდი
მთავარი გვერდი ჩვენ შესახებ კონტაქტი რეკლამა
მთავარი გვერდი » ახალი ამბები » ახალი ამბები » „დაისვენოს ბალნეოლოგიურ კურორტზე... მოიწესრიგოს თავი!“ - პრემიერის კრიტიკული დღეები

„დაისვენოს ბალნეოლოგიურ კურორტზე... მოიწესრიგოს თავი!“ - პრემიერის კრიტიკული დღეები

რატომ მივიდა კვირიკაშვილი პარლამენტში? - გიგა ბოკერიას მიერ დასმულ ამ საჯარო კითხვას საქართველოს პრემიერმა გუშინ, დღის ბოლოს "ნაციონალურ მოძრაობასთან" გამართულ შეხვედრაზე გასცა პასუხი. გაჩეჩილაძეების ექსძმაკაცმა ოპოზიციის ერთ-ერთ ლიდერის კრიტიკულ გამოსვლას უცენზურო შეძახილებითა და გინებით უპასუხა.

მართალია „ღარიბაშვილზე უკეთესმა“ გინებაში მის წინამორბედს ვერ აჯობა, მაგრამ ფაქტია - კვირიკაშვილის გაწონასწორებული იმიჯი წუთში დაინგრა.

მთავრობის მეთაურის აფეთქება მოულოდნელი აღმოჩნდა მინისტრთა კაბინეტისთვისაც, რომელიც წყობიდან გამოსული პრემიერს გაოგნებული შესცქეროდა.

რამ გამოიყვანა წყობიდან ქვეყნის პრემიერი სინამდვილეში? - ამის გარკვევას „ნიუპოსტი“ ანალიტიკოსებთან შეეცადა.

ექსპერტი გია ხუხაშვილი წყობიდან გამოსულ პრემიერს ბალნეოლოგიურ სანატორიუმში დასვენებას ურჩევს და სამთავრობო კრიზისზეც საუბრობს.

„პოლიტიკურად პრემიერის საქციელის გამართლება შეუძლებალია, ამას მარტო ქვეყნის შიგნით არ უყურებენ და გინების ადამიანური მომენტით ახსნა, რბილად რომ ვთქვათ, არაპროფესიული და ძალიან სახიფათოა. იმას, რაც მოხდა, ერთჯერად ანთებას ვერ დავარქმევ. სინამდვილეში, ვნახეთ მესამე შემთხვევა, როცა მთავრობის მეთაურს ნერვებმა უღალატა და საკმაოდ არააადექვატურად მოიქცა. გახსოვთ, კვირიკაშვილის ფეხების ბაკუნი დეპუტატ შალელაშვილთან მიმართებით. მეორე იყო „უცნობთან“ დაკავშირებული ინცინდენტი, რომელიც გუშინ დაგვირგვინდა. ფაქტია, რომ კვირიკაშვილს ნამდვილად დიდი პრობლემა აქვს და არასტაბილურ სიტუაციაში იმყოფება“ - განუცხადა „ნიუპოსტს“ გია ხუხაშვილმა.

ექსპერტი ამბობს, რომ „კვირიკაშვილი შესაძლო გადაყენებაზე ეჭვიანობს“.

„მისი საქციელის მიზეზი სწორედ ეჭვიანობაა. გუშინ, როცა კვირიკაშვილი მელიას უცენზუროდ მიმართავდა, ის თავისი პრობლემების ლუსტრაციას ახდენდა. როგორც უკვე ვთქვი, საქართველოში განვითარებულ მოვლენებს მთელი ცივილიზებული სამყარო აკვირდება და ეს ინცინდენტი ქვეყნის იმიჯს მნიშვნელოვნად აზიანებს.

ადამიანურად, მის მდგომარეობაში შევდივარ და ვურჩევ, მინიმუმ, ორკვირიანი შვებულება გაატაროს წყალტუბოში, რომელიმე სანატორიუმში და მოიწესრიგოს თავი. ნუ იფიქრებს მაინცდამაინც ბადენ-ბადენზე, სანატორიუმში ექნება დრო, იფიქროს საკუთარ და ქვეყნის მომავალზე“- აღნიშნა პოლიტოლოგმა.

ხუხაშვილის თქმითვე, მომღერალმა „უცნობმა“ კარტერულ გარიგებებზე გაკეთებული განცხაებით ყოფილი მეგობრის მდგომარეობა კიდევ უფრო დაამძიმა.

„ფაქტია, რომ მის გარშემო არსებული პრობლემების ინიციატორი თვითონაა. შესყიდვების სკანდალის ეპიზოდში მან თავად დაიწყო გადადგომაზე საუბარი. რომ არ გაეკეთებინა მსგავსი განცხადება, შეიძლება, თემის ირგვლივ ტემპერატურა არ აწეულიყო. ერთი წუთით წარმოიდგინოთ, რომ ნიკა მელია ვიღაცამ ქუჩაში სცემა, წარმოიდგინეთ, რა მოხდება - „გელაშვილი 2“-ს მივიღებთ, როგორ ჩამოირეცხავს ამ სკანდალს და დაარწმუნებს პრემიერი საზოგადოებას, რომ მისი გაკეთებული არ არის?!“- განაცხადა ხუხაშვილმა.

გიორგი კვირიკაშვილის პოლიტიკურ პასუხისმგებლობაზე საუბრობს ექსპერტი ნიკა ჩიტიძეც.

„პრემიერიც ადამიანია, მაგრამ აქ მთავარი მაინც მისი გაცეცხლების რეალური მიზეზია. კვირიკაშვილი აფეთქდა იმიტომ, რომ ოპოზიციის კრიტიკულ კითხვებზე პასუხები არ ჰქონდა. სიმართლე ხომ ძალიან მახინჯია?! აქ არ იყო მნიშვნელოვანი, მელია თუ დეკანოიძე დასვამდა ამ კითხვებს, იგივე პრეტენზია შეიძლება საქართველოს ნებისმიერ მოქალაქეს ჰქონდეს და რა, პრემიერი უნდა გამოდგეს და აგინოს?! საუბრობდნენ მუხთარლის სკანდალზე, ქვეყნის ეკონომიკურ მდგომარეობაზე, საეჭვო ტენდერებზე, რომლებთან დაკავშირებითაც კითხვები, სამწუხაროდ, პრემიერისგან პასუხგაუცემელი დარჩა“- ამბობს ჩიტიძე.

ექსპერტი იმასაც არ გამორიცხავს, რომ კვირიკაშვილმა აგრესიული ქმედებით თავი გადაირჩინა.

„თუ ამ სკანდალის შემდეგ გადადგა, ეს პირდაპირი მაჩვენებელი იქნება, რომ მთავრობა ყველა გადაცდომას აღიარებს. ამიტომ ალაპარაკდა სახელისუფლებო გუნდი ენმ-ს პროვოკაციაზე და იმაზე, რომ თურმე, კვირიკაშვილი წყობიდან გამოიყვენეს.

შეიძლება, ფიქროდნენ კვირიკაშვილის გახარიათი ჩანაცვლებას, მაგრამ ეს ახლო მომავალში არ მოხდება. სხვათა შორის, ამ საკითხში დასავლეთი აქტიურად ჩაერია. იყო კომუნიკაცია ამ საკითხზე,“ - აღნიშნა ექსპეტმა „ნიუპოსტთან“.

ხათუნა ლაგაზიძის შეფასებით კი, ჯერ კიდევ მოქმედმა პრემიერმა შესაძლოა, მმართველი გუნდის მხრიდან პრეზიდენტობის კანდიდატად დასახელების შანსიც დაკარგოს.

ექსპერტის თქმით, თუ კვირიკაშვილის გარშემო ტენდერებთან დაკავშირებული კორუფციული სკანდალები გაგრძელდა, ეს მის პოლიტიკურ მომავალზე აუცილებლად აისახება.

„ეს სკანდალი ამცირებს მის შანსს საპრეზიდენტო არჩევნებზე. ყველაფერი ეს იმას ემსახურება, რომ კვირიკაშვილის შანსი პრეზიდენტის პოსტზე კანდიდატურის წამოყენებისა ან შემცირდეს ან საერთოდ გაქრეს“- აღნიშნავს ხათუნა ლაგაზიძე.

www.newposts.ge




კომენტარები




მსგავსი სიახლეები:
  • კვირიკაშვილს აკლდა მზესუმზირა, ლუდი და ქუჩაში საქმე უნდა გაერჩია - ოპოზიცია ...
  • "კვირიკაშვილის ძმაკაცებმა ფული ვერ გაიყვეს, sms-ებით ვერ მოაგვარეს პრობლემ ...
  • "ნურავის მოატყუებს ჩვენი ჰუმანური სახე"- პრემიერი ბათუმის მოვლენებზე
  • „ონლაინ სესხების გაცემა აიკრძალება“ - გიორგი კვირიკაშვილის განცხადება
  • მერაბ კვირიკაშვილის მეუღლე, ანანო ბუაძე გარდაიცვალა

  • ინფორმაცია
    ჯგუფ Гости-ის წევრებს არ აქვთ კომენტარის დატოვების უფლება.


     

    ფოტო განწყობისათვის
    7-12-2018, 19:22
    ,,თვალის ჩაპაჭუნებაზე სამუშაო მაქვს აშკარად" -ალეკო ელისაშვილი
    3-12-2018, 19:43
    სალომე ზურაბიშვილი ახალგაზრდობაში შვილებთან ერთად - ოჯახური ფოტო
    3-12-2018, 19:39
    2018 წლის ზამთრის ერთ-ერთი მოთხოვნადი აქსესუარი წვერის მანათობელი ნათურაა
    9-11-2018, 20:48
    დარია სუხიშვილი მამიდას დედას ეძახის - როგორ ცხოვრობს და სად სწავლობს ილიკო სუხიშვილის უმშვენიერესი ქალიშვილი
    6-11-2018, 07:36
    ქუთაისში აზიური ფაროსანა დააბეს - ფოტო, რომელმაც სოცქსელი გახალისა
    3-10-2018, 20:02
    ფანტასტიკური ჟანრის თურქული სერიალი netflix-ზე და სტამბოლის მცველად გადაქცეული ჩაღათაი ულუსოი (ფოტო, ვიდეო)
    27-09-2018, 09:45
    როგორ იზრდება პატარა ევა, რომლის დედის გარდაცვალებამ მთელი საქართველო შეძრა

    ვიდეო კოლაჟი
    გუშინ, 20:58
    სამი შვილის დედამ მტკვარში გადახტომამდე ვიდეომიმართვა გაავრცელა (ვიდეო)
    გუშინ, 14:48
    "იმ სახელმწიფოს დედა ვატირე, გრიგოლა ვაშაძე გადატრიალებას რომ დავუპირებს! "- კახი კალაძე
    გუშინ, 14:37
    თქვე ამოსაწყვეტებო თუ ვინმე ჩამოდის თქვენს დაუბანელ და სუნიან საქართველოში მადლობა თქვით (ვიდეო)
    15-12-2018, 20:22
    კურორტ გოდერძიზე 4K ფორმატის ახალი საიმიჯო ვიდეორგოლი გადაიღეს
    4-12-2018, 20:40
    პილოტმა შეიტყო, რომ ბორტზე მისი სკოლის მასწავლებელი იმყოფებოდა და ემოციური სიურპრიზი მოუწყო (ვიდეო)
    3-12-2018, 20:00
    სულხან მოლაშვილმა რომელიღაც ეთერში დააყრანტალა, ბოკერიამ მაწამაო – თამარ ჩერგოლეიშვილი (ვიდეო)
    30-11-2018, 20:11
    2012 წელი - კარტოფილის დარიგება წინასაარჩევნოდ

         
    News.Mcvane.Ge © 2013-2018 საავტორო უფლებები დაცულია