Mcvane.Ge თქვენი საწყისი გვერდი
მთავარი გვერდი ჩვენ შესახებ კონტაქტი რეკლამა
მთავარი გვერდი » ახალი ამბები » ახალი ამბები » "გოგი, გთხოვ, გამოჩნდი... მისთვის ცხოვრება მხოლოდ სიკვდილი ვერაფრით იქნება..." გაუჩინარებული მოზარდის დის ემოციური მიმართვა

"გოგი, გთხოვ, გამოჩნდი... მისთვის ცხოვრება მხოლოდ სიკვდილი ვერაფრით იქნება..." გაუჩინარებული მოზარდის დის ემოციური მიმართვა

რამდენიმე დღის წინ, ქობულეთის მუნიციპალიტეტში, სოფელ ბობოყვათის სკოლის მე-12 კლასის მოსწავლე, გოგი დოლიძე გაუჩინარდა. ის 7 დეკემბრის დილას სახლიდან სკოლისაკენ გაეშურა, თუმცა, ამის ნაცვლად სოფელ ბობოყვათიდან ქობულეთში მიმავალ სამარშრუტო ტაქსიში ჩაჯდა და ქობულეთში ჩავიდა. საიდანაც მისი კვალი დაიკარგა.

გოგის ძებნა სამართალდამცავებმა 7 დეკემბრის საღამოსვე დაიწყეს. ოჯახი, თავდაპირველად მის გაუჩინარებას ინტერნეტთამაშს "ლურჯ ვეშაპს" უკავშირებდა, თუმცა, დღეისთვის ეს ვერსია სამართალდამცველებმა გამორიცხეს, - გაუჩინარებული მოსწავლის პირად კომპიუტერში აღნიშნული ინტერნეტთამაშის კვალი არ მოიძებნა.

გაუჩინარებიდან რამდენიმე თვით ადრე, გოგი დოლიძის "ფეისბუკგვერდზე" გაჩნდა ჩანაწერები სიკვდილის თაობაზე. ფაქტთან დაკავშირებით გამოძიება სისხლის სამართლის 115-ე მუხლით აღიძრა, რაც თვითმკვლელობამდე მიყვანას გულისხმობს.

გაუჩინარებული მოსწავლის ძებნიდან მეხუთე დღეს ოჯახს სამართალდამცავები თბილისდან დაუკავშირდნენ და განუცხადეს, რომ სავარაუდოდ, გაუჩინერებული ნაპოვნიაო. ბიჭის მამა სასწრაფოდ ქობულეთიდან დედაქალაქში გაემგზავრა, თუმცა ინფორმაცია მცდარი აღმოჩნდა. გაუჩინარეული მოსწავლის მამა დედაქალაქიდან შინ შვილის გარეშე დაბრუნდა.

თეონა დოლიძე, გოგის და:

- ჩვენს ოჯახს ისეთი მძიმე დღეები უდგას, შეუძლებელია, ჩვენი ტკივილის გადმოცემა. ამის მიუხედავად, მინდა, ვთხოვო ყველას, ჩემი ძმის დაკარგვასთან დაკავშირებით დაუზუსტებელს ნურაფერს დაწერს, - ყველგან დაიწერა, რომ თითქოს გაუჩინარების წინ ოჯახის წევრები გოგის ეკამათნენ, არადა, არანაირი კამათი არ ყოფილა. უბრალოდ, მამამ შენიშვნა ცოტა მკაცრად მისცა, - გოგის სოფელში მეგობრები ჰყავს, რომელთაც ერთ საღამოს ქეიფი გადაწყვიტეს, გოგიც მათთან იყო და რადგან სმას არ არის მიჩვეული, ზედმეტი მოუვიდა. ამის გამო წაიქცა და სახით დაეცა. ცხადია, სახე დაეკაწრა, რის გამოც მამამ უსაყვედურა, - უკვე იმ ასაკში ხარ, ზომა ყველაფერში უნდა იცოდე, განსაკუთრებით დალევისასო. მაგრამ რომელი მამა არ ეტყვის ამას შვილს?! სკოლაშიც მამამ გაუშვა, - გოგის დაჩხაპნილი სახის გამო კომპლექსი ჰქონდა, მაგრამ მამა არ მოეშვა, ამისთვის სკოლის გაცდენა არ ღირსო. ჩემმა ძმამაც აიღო ჩანთა და წავიდა, მაგრამ თურმე სკოლის ნაცვლად ქობულეთისკენ მიმავალ სამარშრუტოში ჩაჯდა.

- შესაძლოა იმის გამო გაუჩინარებულიყო, რომ სკოლაში წასვლა არ უნდოდა?

- არ ვიცი… თუ სკოლაში წასვლა ასე არ უნდოდა, შეეძლო, სხვა რამ მოეფიქრებინა. არ მჯერა, რომ ამის გამო გაუჩინარდა. მე ძალიან ნიჭიერი ძმა მყავს, ძალიან გონიერი… ამას რანაირად იზამდა?!

- ამას მისი მეგობრებიც აღნიშნავენ, რომ გოგი ჭკვიანი ბიჭია...
- ასეა. როცა უნივერსიტეტში ვსწავლობდი, იმის მიუხედავად, რომ ჩემზე უმცროსია, იმ წიგნებს ვაკითხებდი ხოლმე, რომელსაც მე თავად ვკითხულობდი; პირველად კი უარობდა, არ წავიკითხავ, კომპიუტერი ბევრად უფრო მომწონსო, მაგრამ როცა წაიკითხავდა, იცით, რა კარგი დასკვნები გამოჰქონდა?!

მისთვის ცხოვრება მხოლოდ სიკვდილი ვერაფრით იქნება, - სინამდვილეში ძალიან მხიარულია, როცა სიცილის ხასიათზე არ ვიყავი, მაშინაც კი ძალით მაცინებდა ხოლმე.

- როგორც ცნობილია, გოგი მამასთან ერთად ცხოვრობდა.
- დედა თურქეთში მუშაობდა, - ჯერ მე მიხდიდა სწავლის ფულს იქ მუშაობით, მერე ცოტა ხანს ჩამოვიდა და ისევ წავიდა, სოფელში არ არის დიდი შემოსავალი და სხვა გზა ვერ დაინახა. ახლა ძალიან განიცდის, - მე რომ წასული არ ვყოფილიყავი, ეს არ მოხდებოდაო, გოგი იმიტომ დაიკარგა, რომ მე მის გვერდით არ ვიყავიო… აღარ ვიცი, რა ვქნათ.

- გოგის გვერდზე არის ჩანაწერები სიკვდილზე, რაიმე ხომ არ უჭირდა ისეთი, რაც არავინ იცოდით?
- არ ვიცი, არ უთქვამს, შეიძლება გულში მართლაც ჰქონდა რაიმე დარდი და არ ამბობდა, მაგრამ ასეთი რა დარდი უნდა ჰქონებოდა, რომ ასე გადაკარგულიყო? მანამდე მსგავსი არასოდეს არაფერი მოსვლია თავში.

- იქნებ მაინც ყველაფერი კომპიუტერთან მიჯაჭვულობის გამო მოხდა, ცხოვრების მიმართ ინტერესი დაკარგა?
- როგორ უნდა დაეკარგა ინტერესი, როცა მართვის მოწმობის კურსები გაიარა. სწავლის გაგრძელებაც უნდოდა…
სიკვდილზე, ყველა ფიქრობს მეტ-ნაკლებად ამ ასაკში. გოგის გვერდზე ბევრი მხიარული სტატუსიც აქვს. ამ სტატუსებს რომ გადავხედავ ხოლმე, მგონია, რომ აუცილებლად გამოჩნდება… ვერაფრით ვუშვებ, რომ შეიძლება რაიმე ცუდი დაემართა, ვერაფრით. ისედაც, რაღაც ცუდი რომ აეტეხა თავისთვის, თუნდაც ზღვაში გადამხტარიყო, ან საიდანმე გადმომხტარიყო, ასეთ მდგომარეობაშიც კი ვინმე მაინც ნახავდა. ის კი არსად ჩანს... ამიტომ ველით… იცით, როგორ ველით? ამ ყველაფერს ვლაპარაკობ მხოლოდ იმიტომ, რომ გოგიმ იცოდეს, ოღონდ გამოჩნდეს და არავინ არაფერს ვეტყვით, კრინტსაც არ დავძრავთ, იმაზე რაც მოხდა, სიტყვასაც არ ვიტყვით. ან რატომ უნდა ვთქვათ, რად გვინდა ამ ტკივილის მოგონება? გთხოვ, გოგი, გამოჩნდი!

თუ ფოტოებზე აღბეჭდილი ბიჭი სადმე ნახეთ, გთხოვთ დარეკოთ ტელეფონზე: 555412437

www.kvirispalitra.ge




კომენტარები




მსგავსი სიახლეები:
  • მე-10 კლასელი გოგოს თვითმკვლელობის დეტალები – "შეყვარებული ჰყავდა, 5 თვის ...
  • ქუთაისში 15 წლის გოგონა მამამ სკოლის ეზოში სცემა – რას აცხადებს დირექტორი
  • ნინა სუბლატი: ეს ჩემი დაა – ლილე, ლილეს დაუნის სინდრომი აქვს
  • „გოგიმ ეს ამბავი ისე განიცადა, სცენაზე გამოსვლის დროს ატირდა“ – როგორ იხსენ ...
  • 14 წლის ანა კალანდიას მოსწავლის სტატუსი შეუჩერდა – რას ყვებიან მასზე მასწავ ...

  • ინფორმაცია
    ჯგუფ Гости-ის წევრებს არ აქვთ კომენტარის დატოვების უფლება.


     

    ფოტო განწყობისათვის
    15-09-2018, 14:54
    ჭურჭლის მრეცხავობიდან მილიარდერობამდე - როგორ ცხოვრობს მსოფლიოს უმდიდრესი ადამიანის ცოლი (ფოტოები)
    5-09-2018, 19:16
    ქალს, რომელიც თავის სარჩენად სახლში ტორტებს აცხობს, ბინიდან გასახლებით და 5000-დოლარიანი ჯარიმით ემუქრებიან
    22-08-2018, 20:01
    აზერბაიჯანელი მოდელი ქალწულობას 100 000 ევროდ ყიდის - "მარია" მიღებული ფულით სახლის ყიდვას და მოგზაურობას აპირებს (ფოტოები)
    15-08-2018, 20:03
    İçerde - პოპულარული თურქი მსახიობები ჩაგათაი ულუსოი და არას ბულუთ ინემლი ქართველ მაყურებელს დაუბრუნდნენ
    1-07-2018, 15:52
    "ამერიკის ყველაზე მოდური ბებია" - "ჩემი სტილი მინიმალისტური, პროვოკაციული და ავანგარდულია"
    15-06-2018, 12:37
    ესტონეთში ასე ტოვებენ ხილს კორპუსებში მცხოვრებლებისთვის
    5-06-2018, 08:07
    მეტროპოლიტენი, სადაც მატარებელი მემანქანის გარეშე მოძრაობს (ვიდეო)

    ვიდეო კოლაჟი
    17-09-2018, 19:34
    „არ წახვიდე, არ დამტოვო...“ - როგორ არის და სად მოღვაწეობს პოპულარული სიმღერის ავტორ-შემსრულებელი
    12-09-2018, 19:59
    ალი და ნინოს ძეგლზე ასვლისთვის დაკავებულ მამაკაცს 12-დღიანი პატიმრობა შეეფარდა, კონსტანტინე ედიბერიძე სასამართლოს დარბაზში მაგიდა ააყირავა
    7-09-2018, 06:43
    რესტორანი "აღა" გმირთა მოედანზე ჭამის სურვილს დაგაკარგვინებთ
    6-09-2018, 15:33
    ბარნოვის ქუჩაზე მოკლული გამრეკელაშვილის დედასა და ბრალდებულის შვილს შორის დაპირისპირება მოხდა (ვიდეო)
    31-08-2018, 07:56
    გიორგი შენგელაიამ ზვიად გამსახურდიას მკვლელი უწოდა (ვიდეო)
    27-08-2018, 14:10
    რა მიზეზით გარდაიცვალა ახალგაზრდა ქალი საკეისრო კვეთიდან 17 დღის შემდეგ?
    24-08-2018, 20:11
    სამარცხვინო ტელევიზია ხართ – კახა კალაძის ჩართვა და პასუხი “რუსთავი2”-ს

         
    News.Mcvane.Ge © 2013-2018 საავტორო უფლებები დაცულია