Mcvane.Ge თქვენი საწყისი გვერდი
მთავარი გვერდი ჩვენ შესახებ კონტაქტი რეკლამა
მთავარი გვერდი » ახალი ამბები » ახალი ამბები » ,,პოროშენკოს ხელისუფლება დასრულებულია. სააკაშვილი კი, როგორც გამოცდილი პოლიტიკოსი, ამას ძალიან კარგად გრძნობს და რევოლუციური პროცესის ეპიცენტრშია“

,,პოროშენკოს ხელისუფლება დასრულებულია. სააკაშვილი კი, როგორც გამოცდილი პოლიტიკოსი, ამას ძალიან კარგად გრძნობს და რევოლუციური პროცესის ეპიცენტრშია“

მიხეილ სააკაშვილს მეორე სუნთქვა გაეხსნა, რაც იმას ნიშნავს, რომ საქართველოს მესამე პრეზიდენტი და უკრაინის ოპოზიციის ლიდერი კვლავ მოვლენების ეპიცენტრშია.

სააკაშვილის მომხრეები მიიჩნევენ, რომ უკრაინაში ექსპრეზიდენტის დიდი წარმატება „ქართული ოცნებისა“ და პირადად, ივანიშვილის „შავი სიზმარია“. ამასთან, სააკაშვილის თანაგუნდელები დარწმუნებულები არიან, რომ ქართველ და უკრაინელ ოლიგარქებს შორის მიხეილ სააკაშვილთან დაკავშირებით გარიგება შედგა, თუმცა ივანიშვილის ხელისუფლებას კოვზი ნაცარში ჩაუვარდა.

გუშინ, კიევის სასამართლომ არ დააკმაყოფილა პროკურატურის მოთხოვნა და მიხეილ სააკაშვილი მის წინააღმდეგ წარმოებულ საქმეში აღკვეთის ღონისძიების გარეშე დატოვა - მიხეილ სააკაშვილი, სასამართლოს გადაწყვეტილებით, წინასწარი პატიმრობიდან გათავისუფლებულია.

სასამართლოზე სააკაშვილის გვერდით იყო მისი მეუღლე, სანდრა რულოვსი, „ახალ ძალთა მოძრაობის“ ლიდერს სოლიდარობა გამოუცხადეს უკრაინის ოპოზიციური ძალების ლიდერებმა, მთელი პროცესის განმავლობაში სააკაშვილს ამხნევებდა უკრაინის ყოფილი პრემიერ-მინისტრი იულია ტიმოშენკოც. უკრაინის უმაღლესი რადას 12 დეპუტატი კი მიხეილ სააკაშვილს თავდებში დაუდგა .

„ნიუპოსტი“ მიხეილ სააკაშვილის გარშემო განვითარებულ მოვლენებზე პოლიტოლოგ გია ხუხაშვილს ესაუბრა.

„პოროშენკოს ხელისუფლება სისტემურად დასრულებულია და ამის ყველა წინაპირობა არსებობს. ფაქტია, რომ უკრაინაში 2014 წელს დაწყებული რევოლუცია დღემდე არ დასრულებულა, რადგან მთავარი დაპირება, რის გამოც ეს რევოლუცია მოხდა, არაა გადაწყვეტილი. უბრალოდ, ერთი ინტერესჯგუფის მეორეთი ჩანაცვლება მოხდა. პოროშენკო, პრაქტიკულად, იგივე იანუკოვიჩი გახდა. ერთადერთი, რაც შეიცვალა, ისაა, რომ იანუკოვიჩი გეოგრაფიულად აღმოსავლეთით იყურებოდა, პოროშენკომ კი ყურება დასავლეთისკენ დაიწყო, თუმცა მგონია, რომ ესეც სპეკულაციის საგანია, ვიდრე - ფასეულობითი არჩევანი. ბუნებრივია, უკრაინის მოქმედი პრეზიდენტი, თავისი მოქმედებებით ხელისუფლების დელეგიტიმაციას ახდენს. ქვეყანაში სახელისუფლებო ვერტიკალი არ მუშაობს, მიხეილ სააკაშვილი კი, როგორც გამოცდილი პოლიტიკოსი, ამას ძალიან კარგად გრძნობს და როგორც მისთვისაა დამახასიათებელი, რევოლუციური პროცესის ეპიცენტრშია. როცა სისტემა მოშლილია, სასამართლო არ მუშაობს, სამართალდამცავთა სტრუქტურა ხელისუფლებას არ ემორჩილება - მას პატივს არ სცემს, ბუნებრივად ხდება ის, რასაც მთელი ეს დღეები ვუყურებთ. უკრაინას მხოლოდ შიდა პრობლემები რომ ჰქონდეს, პოროშენკო დიდი ხანია, ისტორიის სანაგვეზე იქნებოდა, მაგრამ რუსეთიდან მომავალი საფრთხე მაღალია, უკრაინის ხელისუფლების დასრულების პროცესი ნელა მიდის, პოროშენკო დღემდე იყენებს ამ უნიკალურ კონტრარგუმენტს, ანუ როცა ეუბნებიან, რატომ იპარავო, პასუხობს, ეს ბრალდება რუსეთის წისქვილზე ასხამს წყალსო,“ - განაცხადა „ნიუპოსტთან“ გია ხუხაშვილმა.

მისივე თქმით, სააკაშვილის სასარგებლოდ ბევრი ფაქტორი მუშაობს, მათ შორის, ქვეყანაში გამეფებული კორუფცია, დასავლეთის მხარდაჭერა და მხარდამჭერთა დიდი რაოდენობა:

„მთავარ ფაქტორი უკრაინის ხელისუფლების უუნარობაა - მას თავისივე სისტემის იმედი არ აქვს. ეს სააკაშვილთან დაკავშირებითაც რამდენჯერმე გამოვლინდა. მათ შორის, საზღვრის გადმოკვეთის დროს, როცა სააკაშვილს ხელიც კი ვერ ახლეს, შემდეგ იყო დაპატიმრების მცდელობა, როცა სპეცდანიშნულების რაზმმა დიდი მონდომება არ გამოიჩინა, რადგან ეს ვერტიკალი არ მუშაობს, სახელმწიფოებრივი მანქანის სისტემა მძღოლს - პოროშენკოს აღარ ემორჩილება. დასავლეთის პოზიციამაც იმოქმედა გუშინ, სააკაშვილის მიმართ გამოტანილ განაჩენზე. თვითონ საქმის სიყალბეც - სააკაშვილს ყველაფერი შეიძლება დააბრალო, მაგრამ პუტინის აგენტობა ძალიან ფარსი და ყალბია. პოროშენკოს, რომელიც უკრაინულ საზოგადოებას არ უყვარს, ეს ბრალდება დიდ ფარსად ჩაუთვალეს. პოროშენკო ერთი მიმართულებით მიდის, უკრაინის საზოგადოება - მეორე.“

ექსპერტმა სააკაშვილის საკითხზე უკრაინისა და საქართველოს ხელისუფლებების შეთანხმების შესაძლებლობაზეც ისაუბრა, თუმცა აღნიშნა, რომ „ოცნების“ ხელისუფლების მხრიდან მსგავსი მოლაპარაკება „ბრიყვული და პოლიტიკის არცოდნის“ ტოლფასია:

„პორშენკოსთან, როგორც აბსოლუტუტურად გაკოტრებულ პრეზიდენტთან მსგავსი თანამშრომლობა თუ იყო, ეს პოლიტიკური სიბრიყვეა. მაშინ ჩვენს ხელისუფლებას არ ესმის, რეალურად რა პროცესები მიდის უკრაინაში. იქ სააკაშვილის პრობლემა არ დგას, იქ მრავალკომპონენტიანი, მწვავე პოლიტიკური კრიზისია. თუ საქართველოს ხელისუფლებას ბრიყვულად ეგონა, რომ უკრაინის პრეზიდენტი შეთანხმების უნარიანია, ეს ნიშნავს, რომ მას პოლიტიკის არაფერი გაეგება“.

ხუხაშვილი ამბობს, რომ საქართველოში მიხეილ სააკაშვილის შესაძლო ექსტრადირების საფრთხე მოხსნილი არ არის:

„ეს სცენარი ჯერ ისევ არ არის მოხსნილი. კედელთან მიყენებული პოროშენკო რა მორიგ სისულელეს ჩაიდენს, არავინ არ იცის და აქედან გამომდინარე, ვერც ერთ სცენარს გამოვრიცხავთ. სააკაშვილის ქართულ ციხეში ჩასმა დესტაბილიზაციის წყარო იქნება.“

პოლიტოლოგის შეფასებით, უკრაინაში სააკაშვილის გამარჯვება „ნაციონალურ მოძრაობას“ მხნეობას შემატებს.

„ეს პროცესი ენმ-ს მობილიზებას და მხნეობას შესძენს და კიდევ უფრო ეფექტური გახდება. ქართული გაგებით, "ნაციონალურ მოძრაობას" იმაზე მეტი ნატურალური მხარდამჭერი და ამომრჩეველი ჰყავს, ვიდრე სახელისუფლებო პარტიას. „ქართული ოცნების“ უპირატესობა ნატურალური მხარდამჭერებით არ განისაზღვრება, მისი უპირატესობაა ადმინისტრაციული რესურსი და ანტინაციონალური მოძრაობის განწყობაა. ამ პარტიას ხმას აძლევენ ადამიანები, რომლებიც ენმ-ს ვერ იტანენ იმიტომ კი არა, რომ „ქართული ოცნება“ მოსწონთ, არამედ, იმიტომ, რომ „ნაციონალური მოძრაობა“ ეზიზღებათ - ეს არის „ქართული ოცნების“ ელექტორატი და დამეთანხმებით. „ოცნებას“ მხოლოდ ნეგატიურად განწყობილი ამომრჩეველი ჰყავს“,- განმარტა ხუხაშვილმა.

უკრაინელმა სამართალდამცავებმა სააკაშვილი 8 დეკემბერს, კიევში დააკავეს და უშიშროების სამსახურის დროებითი მოთავსების იზოლატორში გადაიყვანეს. სააკაშვილის წინააღმდეგ საქმე აღძრულია უკრაინის სისხლის სამართლის კოდექსის 256-ე მუხლით, რაც გულისხმობს დანაშაულებრივი ორგანიზაციის მონაწილეთა დახმარებას და მათი დანაშაულებრივი საქმიანობის დაფარვას. უკრაინის გენერალური პროკურორის, იური ლუცენკოს მტკიცებით, მიხეილ სააკაშვილის მიერ ორგანიზებულ საპროტესტო აქციებს აფინანსებდა რუსეთში გაქცეული ექს-პრეზიდენტის, ვიქტორ იანუკოვიჩის და მასთან დაახლოებული ბიზნესმენის, სერგეი კურჩენკოს ჯგუფი და ამ აქციების მიზანი იყო უკრაინაში ხელისუფლების მიტაცება და პრორუსული ძალების რევანში. მიხეილ სააკაშვილი ბრალდებას უარყოფს და პოლიტიკურად მოტივირებულს უწოდებს. მან პროტესტის ნიშნად შიმშილობა გამოაცხადა.

ავტორი: დავით ჯაბაშვილი

www.newposts.ge




კომენტარები




მსგავსი სიახლეები:
  • მიხეილ სააკაშვილი სასამართლო დარბაზიდან გაათავისუფლეს
  • უკრაინის გენპროკურორი: დაკავებული მიხეილ სააკაშვილი დროებითი დაკავების იზოლ ...
  • "ვერანაირი სექსი ვერ შეედრება რევოლუციურ წარმატებას"- სააკაშვილის ინტერვი ...
  • რა მტკიცებულებები აქვს მოპოვებული უკრაინის პროკურატურას – უწყება სააკაშვილი ...
  • ლია მუხაშავრია: პროკურატურამ სააკაშვილი გააფრთხილა, რომ ქვეყანაში არ შევიდე ...

  • ინფორმაცია
    ჯგუფ Гости-ის წევრებს არ აქვთ კომენტარის დატოვების უფლება.


     

    ფოტო განწყობისათვის
    19-09-2018, 15:01
    ბერა ივანიშვილის საცოლის ფოტოები "ინსტაგრამიდან"
    15-09-2018, 14:54
    ჭურჭლის მრეცხავობიდან მილიარდერობამდე - როგორ ცხოვრობს მსოფლიოს უმდიდრესი ადამიანის ცოლი (ფოტოები)
    5-09-2018, 19:16
    ქალს, რომელიც თავის სარჩენად სახლში ტორტებს აცხობს, ბინიდან გასახლებით და 5000-დოლარიანი ჯარიმით ემუქრებიან
    22-08-2018, 20:01
    აზერბაიჯანელი მოდელი ქალწულობას 100 000 ევროდ ყიდის - "მარია" მიღებული ფულით სახლის ყიდვას და მოგზაურობას აპირებს (ფოტოები)
    15-08-2018, 20:03
    İçerde - პოპულარული თურქი მსახიობები ჩაგათაი ულუსოი და არას ბულუთ ინემლი ქართველ მაყურებელს დაუბრუნდნენ
    1-07-2018, 15:52
    "ამერიკის ყველაზე მოდური ბებია" - "ჩემი სტილი მინიმალისტური, პროვოკაციული და ავანგარდულია"
    15-06-2018, 12:37
    ესტონეთში ასე ტოვებენ ხილს კორპუსებში მცხოვრებლებისთვის

    ვიდეო კოლაჟი
    17-09-2018, 19:34
    „არ წახვიდე, არ დამტოვო...“ - როგორ არის და სად მოღვაწეობს პოპულარული სიმღერის ავტორ-შემსრულებელი
    12-09-2018, 19:59
    ალი და ნინოს ძეგლზე ასვლისთვის დაკავებულ მამაკაცს 12-დღიანი პატიმრობა შეეფარდა, კონსტანტინე ედიბერიძე სასამართლოს დარბაზში მაგიდა ააყირავა
    7-09-2018, 06:43
    რესტორანი "აღა" გმირთა მოედანზე ჭამის სურვილს დაგაკარგვინებთ
    6-09-2018, 15:33
    ბარნოვის ქუჩაზე მოკლული გამრეკელაშვილის დედასა და ბრალდებულის შვილს შორის დაპირისპირება მოხდა (ვიდეო)
    31-08-2018, 07:56
    გიორგი შენგელაიამ ზვიად გამსახურდიას მკვლელი უწოდა (ვიდეო)
    27-08-2018, 14:10
    რა მიზეზით გარდაიცვალა ახალგაზრდა ქალი საკეისრო კვეთიდან 17 დღის შემდეგ?
    24-08-2018, 20:11
    სამარცხვინო ტელევიზია ხართ – კახა კალაძის ჩართვა და პასუხი “რუსთავი2”-ს

         
    News.Mcvane.Ge © 2013-2018 საავტორო უფლებები დაცულია