Mcvane.Ge თქვენი საწყისი გვერდი
მთავარი გვერდი ჩვენ შესახებ კონტაქტი რეკლამა
მთავარი გვერდი » ახალი ამბები » ახალი ამბები » საქართველოში გზით სარგებლობაზე შესაძლოა, მოსაკრებელი დაწესდეს

საქართველოში გზით სარგებლობაზე შესაძლოა, მოსაკრებელი დაწესდეს

საქართველოში გზით სარგებლობაზე შესაძლოა, გადასახადი დაწესდეს. აღნიშნულ საკითხზე სპეციალური ჯგუფი უკვე მუშაობს. როგორც „კომერსანტთან“ საუბრისას საავტომობილოგზების დეპარტამენტის თავმჯდომარე გიორგი სეთურიძემ განაცხადა, დეტალები სწორედ სამუშაოების დასრულების შემდეგ გახდება ცნობილი.

საქართველოში გზით სარგებლობაზე სპეციალური მოსაკრებლის შესაძლო დაწესების შესახებ საუბარი ჯერ კიდევ მაშინ დაიწყო, როდესაც რიკოთის ჩქაროსნული მაგისტრალის აშენების გადაწყვეტილება მიიღეს. მაშინ ფინანსთა ყოფილი მინისტრი ნოდარ ხადური აცხადებდა, რომ რომელიმე კონკრეტული გზა იმ შემთხვევაში იქნებოდა ფასიანი, თუ ალტერნატიული გზები იარსებებდა.

მოგვიანებით რეგიონული განვითარებისა და ინფრასტრუქტურის ყოფილმა მინისტრმა ნოდარ ჯავახიშვილმა განაცხადა, რომ რიკოთის ალტერნატიული გზა, კერძოდ, ჩუმათელეთი-ზესტაფონის მონაკვეთი ფასიანი უნდა იყოს.

როგორც „კომერსანტთან“საუბრისას საავტომობილო გზების დეპარტამენტისთავმჯდომარე გიორგი სეთურიძე აცხადებს, ქვეყანაში გზის რომელიმე მონაკვეთი ფასიანიიქნება თუ არა, ეს სპეციალურად ჩატარებული კვლევების შემდეგ გადაწყდება.

„ამ ეტაპზე ფასიან გზებზე საუბარი არ არის. კვლევები მიმდინარეობს, ჯერ არ დასრულებულა, მაგრამ ეს კვლევები გარკვეული მონაკვეთის ფასიანად გადაკეთების პერსპექტივას არ გულისხმობს. რა თქმა უნდა, გამორიცხული არაფერი არ არის, თუმცა წინასწარი მონაცემებით, ჩვენ მივდივართ იქითკენ, რომ ზოგადად საქართველოში ცალკეული მონაკვეთები ფასიანი არ უნდა იყოს და გზათა სარგებლობის გადასახადი სხვა ტიპის უნდა იყოს. თუ რა ტიპის, ამას რამდენიმე კომპეტენტური ორგანიზაცია იკვლევს“, – აცხადებს სეთურიძე.

რაც შეეხება რიკოთის უღელტეხილზე ჩქაროსნული მაგისტრალის მშენებლობას, გიორგი სეთურიძის თქმით, ის ყველაზე მასშტაბური ინფრასტრუქტურული პროექტი იქნება: „მომავალი წელი რიკოთის უღელტეხილზე მშენებლობის დაწყების წელი იქნება. 53 კილომეტრის სიგრძის გზაზე ოთხზოლიანი მოძრაობა იქნება შესაძლებელი. სამშენებელო სატენდერო პროცედურები მომავალ წელს გვინდა დავასრულოთ და ეტაპობრივად, 2019 წლამდე ყველა სექციაზე სამშენებელო სამუშაოები დავიწყოთ. საკმაოდ დიდი მოცულობის სამუშაოები იქნება, დაახლოებით 90 ხიდი და 40-ზე მეტი გვირაბი აშენდება“.

კითხვაზე, მშენებლობის პროცესში რიკოთის უღელტეხილზე მოძრაობაზე შეზღუდვებიდაწესდება თუ არა, საავტომობილო გზების დეპარტამენტის თავმჯდომარე პასუხობს, რომშეფერხებები არ იქნება.

„ამჟამად ვმუშაობთ იმაზე, რომ მშენებლობის ორგანიზების გეგმა ისე შევიმუშაოთ, არსებულ მოძრაობას პრობლემები არ შეექმნას. ასევე, ვმუშაობთ განსახლების გეგმაზე. ჩუმათელეთი-ხევის მონაკვეთზე არსებულ გზას მხოლოდ ნაწილობრივ გამოვიყენებთ. ჯერ ახალი ზოლი აშენდება და მერე გადავერთვებით არსებულ გზაზე, ანუ შეფერხება არ იქნება. რაც შეეხება ხევი-შორაპანი-არგვეთას მონაკვეთს, იქ არსებულ გზას თითქმის არ ვეხებით. აღნიშნულ მონაკვეთზე ახალ მიმართულებას ავაშენებთ. ზოგადად ძველი გზის 90% ისევ დარჩება და სოფლებში შიდა მოძრაობისთვის გამოიყენება“, – აღნიშნავს სეთურიძე.

სამშენებლო სამუშაოები, რომელზეც 5000-ზე მეტი ადამიანის დასაქმება მოხდება და რომლისსაერთო მოცულობაც ერთ მილიარდ დოლარს მიაღწევსგიორგი სეთურიძის თქმით, ქვეყნისისტორიაში ერთ-ერთი ყველაზე მასშტაბური ინფრასტრუქტურული პროექტიიქნება: „საქართველოს მშენებლობის ბოლო წლების ისტორიაში ყველაზე დიდი საგზაო ინფრასტრუქტურის პროექტი ზემო ოსიაური-ჩუმათელეთის მეორე ლოტი იყო, რომელიც 356 მილიონი ლარით განისაზღვრა. რიკოთის თითოეული სექცია 250 მილიონ დოლარზე ნაკლები არ იქნება.“

აღნიშნული საგზაო მონაკვეთები, პრემიერ-მინისტრის გიორგი კვირიკაშვილის ინიციატივის, 4-პუნქტიანი გეგმის ერთ-ერთი მიმართულების – ქვეყნის სივრცითი განვითარების ნაწილია.

გიორგი სეთურიძის ინფორმაციით, საპროექტო სამუშაოებს ორი კომპანია ახორციელებს -ბრიტანული „აეკომი“ და იტალიური „აიარდი“. ხოლო სამშენებელო სამუშაოებს ვინ განახორციელებს, ამას შესაბამისი ტენდერები გამოავლენს. მისივე თქმით, რიკოთის უღელტეხილზე ჩქაროსნული მაგისტრალის მშენებლობის დასრულების სავარაუდო ვადა 2020 წელია.

www.mediapress.ge




კომენტარები




მსგავსი სიახლეები:
  • როგორი იქნება რუსთავი-თბილისის ჩქაროსნული მაგისტრალი (ვიდეო)
  • რომელ სოფლებზე გაივლის რიკოთის უღელტეხილის 53კმ-იანი გზა - ვიდეოგრაფიკა
  • ყაზბეგი-ხევსურეთი-თუშეთის დამაკავშირებელი გზის მშენებლობა იწყება
  • ხვალ ჩქაროსნული ავტომაგისტრალის 11-კილომეტრიანი საგზაო მონაკვეთი გაიხსნება
  • დიდთოვლობასთან დაკავშირებით გზების დეპარტამენტი განცხადებას ავრცელებს

  • ინფორმაცია
    ჯგუფ Гости-ის წევრებს არ აქვთ კომენტარის დატოვების უფლება.


     

    ფოტო განწყობისათვის
    9-11-2018, 20:48
    დარია სუხიშვილი მამიდას დედას ეძახის - როგორ ცხოვრობს და სად სწავლობს ილიკო სუხიშვილის უმშვენიერესი ქალიშვილი
    6-11-2018, 07:36
    ქუთაისში აზიური ფაროსანა დააბეს - ფოტო, რომელმაც სოცქსელი გახალისა
    3-10-2018, 20:02
    ფანტასტიკური ჟანრის თურქული სერიალი netflix-ზე და სტამბოლის მცველად გადაქცეული ჩაღათაი ულუსოი (ფოტო, ვიდეო)
    27-09-2018, 09:45
    როგორ იზრდება პატარა ევა, რომლის დედის გარდაცვალებამ მთელი საქართველო შეძრა
    19-09-2018, 15:01
    ბერა ივანიშვილის საცოლის ფოტოები "ინსტაგრამიდან"
    15-09-2018, 14:54
    ჭურჭლის მრეცხავობიდან მილიარდერობამდე - როგორ ცხოვრობს მსოფლიოს უმდიდრესი ადამიანის ცოლი (ფოტოები)
    5-09-2018, 19:16
    ქალს, რომელიც თავის სარჩენად სახლში ტორტებს აცხობს, ბინიდან გასახლებით და 5000-დოლარიანი ჯარიმით ემუქრებიან

    ვიდეო კოლაჟი
    გუშინ, 08:09
    “67 წლის ვიყავი, სასიკვდილოდ გამიმეტეს…. “- როგორ იხსენებს 26 მაისის დარბევის ღამეს სასტიკად ნაცემი ბაბუ (ვიდეო)
    გუშინ, 07:57
    გრიგოლ ვაშაძე: ფუ მეზიზღება ეს ხალხი!
    გუშინ, 07:28
    სავარაუდო თვითმკვლელობა აბასთუმანში, რომელიც შესაძლოა, ოჯახურ ძალადობას უკავშირდებოდეს
    15-11-2018, 17:00
    „ძალიან დიდი უბედურება დატრიალდა” – კახა კალაძემ ემოციების გამო კომენტარის გაკეთება ვერ შეძლო [ვიდეო]
    13-11-2018, 11:48
    სააკაშვილი: ჩვენ დავიწყეთ სამხედრო მოქმედებები ცხინვალის რეგიონში
    11-11-2018, 18:58
    ადრიანა ლიმამ Victoria's Secret-ი დატოვა
    9-11-2018, 19:39
    ლანა ღვინჯილია, რომელმაც სალომე ზურაბიშვილს ოკუპაციის ხაზთან სიტყვიერი შეურაცხყოფა მიაყენა, სააკაშვილის საპრეზიდენტო ბიბლიოთეკის საზოგადოებასთან ურთიერთობის ხელმძღვანელია

         
    News.Mcvane.Ge © 2013-2018 საავტორო უფლებები დაცულია