Mcvane.Ge თქვენი საწყისი გვერდი
მთავარი გვერდი ჩვენ შესახებ კონტაქტი რეკლამა
მთავარი გვერდი » ახალი ამბები » ახალი ამბები » ,,დეკანოზი გაწირეს..." - საუკუნის საქმე საქართველოს წინააღმდეგ - ადვოკატები სტრასბურგისთვის ემზადებიან
loading...

,,დეკანოზი გაწირეს..." - საუკუნის საქმე საქართველოს წინააღმდეგ - ადვოკატები სტრასბურგისთვის ემზადებიან

როგორ აფასებენ ე.წ. ციანიდის საქმეზე მიღებულ გადაწყვეტილებას მხარეები - რეპორტაჟი ხმაურიანი სასამართლო პროცესიდან. დეკანოზის ძმა თორნიკე მამალაძე მოსამართლე ბუგიანიშვილს ,,ქართული ოცნების" მონას" უწოდებს. მღვდელმონაზონი ანდრია კი მიიჩნევს, რომ ეს საქმე სახელმწიფოს სირცხვილად ჩაითვლება.

ყველაზე მძიმე დანაშაულის მომზადების ბრალდებით გასამართლებული დეკანოზი დღეს განაჩენის გამოცხადებას არ დასწრებია. სასულიერო პირმა ახალი ამბავი, ადვოკატებისგან ე.წ. მატროსოვის ციხეში სასამართლოს დასრულების შემდეგ მოისმინა.

როგორც დაკავებულის უფლებადამცველები აღნიშნავენ, „დეკანოზი თავს დამნაშავედ არ გრძნობს და ბრძოლას აგრძელებს“.

ბოლო დროის ყველაზე სკანდალური და ხმაურიანი სხდომა კი საქალაქო სასამართლოში დღეს 12:00 საათზე დაიწყო. გიორგი მამალაძეს ბრალდება ანგარებით მკვლელობის მომზადების მცდელობას ედავებოდა, თუმცა მოსამართლემ სახელმწიფო ბრალდების მიერ წაყენებული ბრალი გადააკვალიფიცირა და მკვლელობის მომზადების ბრალდებას ანგარების მოტივი ჩამოაშორე.

მოსამართლის შეფასებით, დეკანოზ გიორგი მამალაძის მიერ მკვლელობის დაგეგმვის მოტივი არა ანგარება, არამედ შურისძიება იყო.

დეკანოზი მამალაძე თავდაპირველად ბრალდებული იყო საქართველოს სისხლის სამართლის კოდექსის 18-108-ე (მკვლელობის მომზადება) და 236-ე მუხლებით (ცეცხლასასროლი იარაღის უკანონო შეძენა-შენახვა), რაც სასჯელის სახედ და ზომად ითვალისწინებდა თავისუფლების აღკვეთას ვადით შვიდიდან თხუთმეტ წლამდე. მოგვიანებით, პროკურატურამ მამალაძეს ბრალი დაუმძიმა და ბრალი სსკ-ის 18, 109-ე მუხლის მე-3 ნაწილის „გ“ ქვეპუნქტით წარუდგინა (განზრახ მკვლელობის მომზადება ანგარებით), რაც სასჯელის სახედ და ზომად 16-დან 20 წლამდე თავისუფლების აღკვეთას ითვალისწინებდა .

საბოლოოდ მოსამართლე ბესიკ ბუგიანიშვილმა დეკანოზი დამნაშავედ სცნო სსკი-ს 18-108-ით, რაც განზრახ მკვლელობის მომზადებას გულისხმობს.

ბრალდებული გიორგი მამალაძე მოსამართლემ იარაღის უკანონო შეძენა-შენახვაშიც გაამტყუნა და მიუსაჯა 2 წელი, თუმცა უფრო მძიმე ბრალდებამ შთანთქა მისჯილი 2 წელი და დეკანოზ გიორგი მამალაძეს საბოლოოდ 9 წლით თავისუფლების აღკვეთა მიესაჯა.

მოსამართლის გადაწყვეტილებას დეკანოზის ძმა სასამართლოს დარბაზშივე საკმაოდ ხმაურიანი განცხადებით გამოეხმაურა:

"ბუგიანიშვილი არის "ქართული ოცნების" მონა. ესენი არიან არაკაცები" - განაცხადა თორნიკე მამალაძემ.

ხმაურიანი იყო ადვოკატების შეფასებებიც, რომლებიც არ გამორიცხავენ რომ საქმე სტრასბურგის სასამართლოში წავიდეს.

გიორგი ფანცულაია თვლის, რომ „მოსამართლემ ქართული მართლმსაჯულება ანგარებით გააუპატიურა".

„უსამართლობას არ აქვს არც დიდი და არც მცირე ზომა, მოსამართლემ დაადასტურა, რომ საქართველოში სასამართლო არ არსებობს, ამიტომ ვიბრძოლებთ სტრასბურგში“- უთხრა „ნიუპოსტს“ ადვოკატმა მიხეილ რამიშვილმა.

მისი შეფასებით, მოსამართლემ იგნორირება გაუკეთა კონსტიტუციას, ევროპის კონვენციებს და ყველანაირ კანონს, რაც კი ქვეყანაშია.

„დღევანდელი გადაწყვეტილება გასაჩივრდება სააპელაციო სასამართლოში, თუმცა როგორც აღმოჩნდა სასამართლო იმავე მდგომარეობაშია, როგორც ადრე. თუ სააპელაციო სასამართლოც არ გამოიტანს გამამართლებელ გადაწყვეტილებას, გასაჩივრდება უზენაეს სასამართლოში, შემდეგ კი სტრასბურგში. როგორც სანდრო გირგვლიანის საქმეზე გაშიშვლდა ქართული მართლმსაჯულება, ასე გაშიშვლდება ამ საქმეზეც სტრასბურგის სასამართლოს გადაწყვეტილების შედეგად"- განაცხადა რამიშვილმა.

„ნიუპოსტი“ მსჯავრდებულის კიდევ ერთ ადვოკატს ესაუბრა. პაატა მეხრიშვილი აცხადებს, რომ „მტკიცებულებები უტყუარობისა და საკმარისობის სტანდარტს ვერ აკმაყოფილებს“.

„ვერ დადგინდა კვალი, რომ გამოკვეთილიყო პირი, ვისგანაც შეიძლებოდა მამა გიორგის ციანიდი შეეძინა - ამას ეძახის პროკურატურა სრულყოფილ გამოძიებას?“- აცხადებს ადვოკატი.

აღსანიშნავია, რომ დეკანოზის საბრალდებო დასკვნა ისე დაიწერა, რომ გამოძიებას ამ დრომდე არ დაუსახელებია როდის და ვისგან შეიძინა დეკანოზმა მომწამვლელი ნივთიერება, რომელიც საქმეში მთავარ ნივთმტკიცებად დევს.

იგივე კითხვით ჟურნალისტებმა დღეს საქმის მთავარ პროკურორებს მიმართეს: სახელმწიფო ბრალდების პოზიცია დღესაც არ შეცვლილა.


პროკურორმა ზვიად გუბელაძემ განაცხადა, რომ გამოძიება ინტენსიურად მიმდინარეობს და ტარდება სხვადასხვა საგამოძიებო და საპროცესო მოქმედებები.

„მიმდინარეობს ინტენსიური საგამოძიებო და საპროცესო მოქმედებები იმის დასადგენად, თუ ვისგან შეიძინა გიორგი მამალაძემ ციანიდი, ჰყავდა თუ არა თანამზრახველები, ასევე ვისგან შეიძინა მან ცეცხლსასროლი იარაღი. დამატებითი ინფორმაციის მოპოვების შემთხვევაში, თუ ვინმეს პასუხისმგებლობის საკითხი დადგა, ამის თაობაზე, რა თქმა უნდა, საზოგადოებას ეცნობება“ - განაცხადა ზვიად გუბელაძემ.

მეორე პროკურორის ჯარჯი წიკლაურისთვის, კი მთავარი კითხვა არა ციანიდის შეძენა, არამედ ის არის რომ "მამალაძე მკვლელობას ამზადებდა".

დღესვე გაირკვა, რომ ე.წ. ციანიდის საქმესთან დაკავშირებით, ბრალდების მხარე, სასამართლოს განაჩენს მოტივის ნაწილში დასაბუთებული განაჩენის ჩაბარების შემდგომ სააპელაციო წესით გაასაჩივრებს.

ხმაურიანი სასამართლო პროცესს ესწრებოდნენ სასულიერო პირები. მარტვილის წმინდა ნინოს მონასტრის წინამძღვარმა, დედა თამარმა" ნიუპოსტთან" განაცხადა, რომ "სასულიერო პირი თვითონ ეკლესიამ და სახელმწიფომ გაწირა".

დედა თამარის თქმით, დღევანდელ პროცესს აუცილებლად უნდა დასწრებოდა მიტროპოლიტი დიმიტრი.

"ნიუპოსტმა" მღვდელმონაზონი ანდრიაც ჩაწერა. "შორენას ხელქვეითები ჰყავს, მათი ერთობლივი იდეა იქნებოდა, რომ მამა გიორგი არ ყოფილიყო თავისუფლებაში. ეს საქმე სახელმწიფოს სირცხვილად ჩაითვლება. მოსამართლე ბესიკ ბუგიანიშვილმა პროკურატურის დაკვეთა შეასრულა"- განაცხადა სასულიერო პირმა.

ცნობილია, მეუფე პეტრეს პოზიციას, რომელიც ამბობს, რომ სასამართლომ ამ განაჩენით თავი მოიკლა, რაც ძალიან მძიმე ცოდვაა.

საუკუნის საქმეზე განცხადება გააკეთა სახალხო დამცველმაც. ომბუდსმენი მიიჩნევს, რომ „ციანიდის საქმეზე“ განაჩენით მართლმსაჯულება არ აღსრულდა.
9 წლით თავისუფლების აღკვეთა და გადაკვალიფიცირებული საბრალდებო მუხლი პოლიტიკური განცხადებების გაკეთების შესაძლებლობას აძლევს ოპოზიციას.

"ევროპული საქართველოს" წარმომადგენელი ოთო კახიძე აცხადებს, რომ საქმეზე უამრავი პასუხგაუცემელი კითხვა არსებობს:

"ვინ არის ის აგენტ-პროვოკატორი, ვინც არის საქმეში მთავარი მოწმე და ვინ დგას მის უკან? რატომ ჩატარდა ჩხრეკა აეროპირტში, როცა უკვე აღარ ჰქონდა ბარგი დეკანოზ მამალაძეს? რატომ დაიხურა ეს პროცესი და მტკიცებულებების შესწავლა რატომ მოხდა საზოგადოებისგან დამალულად?” – ეს არის კითხვები, რომლებიც ოთო კახიძეს ე.წ. ციანიდის საქმესთან დაკავშირებით აქვს. მისი თქმით, მხოლოდ ამ შემთხვევაში შეიძლება, რომ სერიოზულად ვიმსჯელოთ, აქვს თუ არა საქმეს პოლიტიური სარჩული.

"ნაციონალური მოძრაობის" ლიდერი ნიკა რურუა "ციანიდის საქმეზე" დღეს გამოცხადებულ განაჩენს პოლიტიკურს უწოდებს.

როგორც საკითხის კომენტირებისას ენმ-ს წევრმა თქვა, სასულიერო პირის დანაშაული არ დასტურდება და მამა გიორგი მამალაძე "ტლიკინისთვის" ზის ციხეში.

"გონივრულ ეჭვს მიღმა დამტკიცებული არ არის რომ ეს ციანიდი მას ეკუთვნოდა და მეორე აღნიშნული ციანიდი მას დანაშაულისთვის სჭირდებოდა. ეს მთლიანად დაშლილი, პოლიტიკური საქმეა ამის მიზნები არ ვიცი მაგრამ ეს ადამიანი ევროპაში ციხეში არ იჯდებოდა, რადგან მას ვერ დაუმტკიცდა ის, რასაც ედავებიან. ვერ გეტყვით ვის აწყობდა, მე საპატრიარქოს კარის ინტრიგებში მრჩევლად ვერ გამოგადგებით, ფაქტია რომ ეს კაცი ლაპარაკისთვის, ტლიკინისთვის ზის ციხეში"- აღნიშნა ნიკა რურუამ.

მისი თქმით, საქმის სტრასბურგში გადაგზავნის შემთხვევაში, ევროპული სასამართლო მტკიცებულებებს არასაკმარისად მიიჩნევს იმისთვის, რომ ეს ადამიანი 9 წლით გაამწესონ ციხეში.

"ჯერ ერთი ბოლო მომენტში მოსამართლემ შეუცვალა კვალიფიკაცია, ეს უკვე ძალიან საეჭვოა და რა მუხლიც წარუდგინა იმის მიხედვითაც მას არ ეკუთვნის ციხე იმიტომ რომ დანაშაულის ჩადენის ელემენტები არ უმტკიცდება. ორი ინსტანცია წინ არის, შეიძლება განაჩენი შეიცვალოს"- განაცხადა ნიკა რურუამ.

"ნიუპოსტის" არაერთი მცდელობის მიუხედავად, საქართველოს საპატრიარქოში ოფიციალურ კომენტარს ამ დრომდე არ აკეთებენ.

ჩვენ საპატრიაქოს იურისტს, ედიშერ ქარჩავას დავუკავშირდით, თუმცა მან "საპატრიარქოსთან შეუთანხმებლად კომენტარის გაკეთება" არ ისურვა.

ბოლოს, ფაქტი ერთია: ე.წ. ციანიდის საქმემ ეკლესიაში არსებული წლობით არსებული დაპირისპირებას ფარდა ახადა, რას მოუტანს ქვეყანას ევროსასამართლოსასამართლოში საქართველოს წინააღმდეგ შეტანილი კიდევ ერთი რეზონანსული საქმე, ეს მომავალში გაირკვევა.

ავტორი: დავით ჯაბაშვილი

www.newposts.ge




კომენტარები




მსგავსი სიახლეები:
  • დეკანოზი თეთრუაშვილის მოკვლას ცდილობდა, მას 16-დან 20 წლამდე თავისუფლების ა ...
  • ბრალდებული დეკანოზის ადვოკატებმა სააპელაციო სასამართლოს მიმართეს
  • დეკანოზი გიორგი მამალაძე მკვლელობას გეგმავდა
  • დეკანოზ გიორგი მამალაძის ადვოკატი: „ირაკლი მამალაძე არის მისი გარე ბიძაშვილ ...
  • სავარაუდოდ, პატრიარქის მოწამვლას დეკანოზი გიორგი მამალაძე ციანიდით გეგმავდა
  •  

    ფოტო განწყობისათვის
    გუშინ, 15:56
    გოგონა გადაბმული წარბებით მოდის სტერეოტიპებს ანგრევს
    14-09-2017, 10:14
    პილოტი, რომელიც „საშიშ და შთამბეჭდავ" სელფებს კაბინის გარეთ იღებს, საიდუმლოს ამხელს (ფოტოკოლაჟი)
    10-09-2017, 06:32
    ქარიშხალ "ჰარვის" გადარჩენილ 10 დღის ბავშვს, დედამ ემოციური ფოტოსესია მოუწყო (ფოტო)
    8-09-2017, 10:11
    ზაზა ფაჩულიას პირველი შეხვედრა თავის ახლად დაბადებულ ქალიშვილთან (ფოტო)
    5-09-2017, 13:51
    მეცნიერების სენსაციური აღმოჩენა, აი თუმე როგორ მოქმედებს ლოცვა ჩვენს ჯანმრთელობაზე!
    4-09-2017, 15:06
    გოგონა გორიდან, რომლის ნახატები მსოფლიოს იპყრობს
    4-09-2017, 13:51
    ეტლით მოსარგებლე შვილისა და მამის დიალოგი: როგორ ვუთხრა ღვთისმშობელს, მამა ვარ და შვილის ტარება არ შემიძლია-თქო


         
    News.Mcvane.Ge © 2013 საავტორო უფლებები დაცულია