როგორც ცნობილია, ბიჭს მატეო დაარქვეს, გოგონას - ევა.
შვილების გაჩენის გამო, რონალდუ კონფედერაციათა თასზე მესამე ადგილისთვის მატჩში პორტუგალიის ნაკრებს ვერ დაეხმარება. ის აშშ-შია, სადაც სუროგატმა დედამ ტყუპები გაუჩინა.
ინფორმაცია, რომ რონალდუ ტყუპების მამა გახდა, თავად ფეხბურთელმა ფეისბუკზე დაწერა.
როგორც 32 წლის ფეხბურთელი წერდა, მაშინ როდესაც პორტუგალია-ჩილეს მატჩი მიმდინარეობდა, მისი შვილები გაჩნდნენ.
როგორც დეილი მეილი წერს, რამდენიმე თვის წინ გავრცელებული ცნობა იმის შესახებ, რომ რონალდუ შვილს სუროგატი დედისგან ელოდებოდა, გამართლდა.
მისი ტყუპების დედა მედიისთვის უცნობი სუროგატია.
ეს ყველაფერი კი მაშინ, როდესაც რამდენიმე დღის წინ ცნობილი გახდა, რონალდუს ახალი მეგობარი გოგონა 22 წლის ჯეორჯინა როდრიგესი 5 თვის ორსულია. ფეხბურთელმა ორსულ შეყვარებულთან ერთად ფოტო გამოაქვეყნა და განაცხადა, რომ მისი ოჯახი კიდევ უფრო იზრდება. შესაბამისად, რონალდუ მალე კიდევ ერთი შვილის მამა გახდება.
კრიშტიანუ რონალდუს 7 წლის ვაჟი კრიშტიანუ ჰყავს, რომლის დედის ვინაობა უცნობია. დასავლური ტაბლოიდები ირწმუნებიან, რომ კრიშტიანუს პირველი შვილიც სუროგატი დედისგან ჰყავს.
