Mcvane.Ge თქვენი საწყისი გვერდი
მთავარი გვერდი ჩვენ შესახებ კონტაქტი რეკლამა
მთავარი გვერდი » ახალი ამბები » ახალი ამბები » საქართველოს ისრაელთან შრომითი მიგრაციის შესახებ ხელშეკრულების გაფორმება სურს

საქართველოს ისრაელთან შრომითი მიგრაციის შესახებ ხელშეკრულების გაფორმება სურს

საგარეო საქმეთა სამინისტროს საკონსულო დეპარტამენტის დირექტორის, გიორგი ტაბატაძის განცხადებით, საქართველოს ისრაელთან შრომითი მიგრაციის შესახებ ხელშეკრულების გაფორმება სურს. თუმცა მოლაპარაკება ვერ დაიწყება, ვიდრე არ შემცირდება საქართელოდან ისრაელში არალეგალური მიგრაციის მაჩვენებელი.

თუკი შრომითი მიგრაციის ხელშეკრულება გაფორმდება, საქართველოს მოქალაქეებს ექნებათ შესაძლებლობა, ისრაელში ლეგალურად იმუშაონ და ისარგებლონ იმ სიკეთეებით, რასაც კანონიერად მუშაობა აძლევს ადამიანს.

ეს განცხადება გიორგი ტაბატაძემ დღეს, 3 მაისს, სამინისტროში ჟურნალისტებთან გამართული სამუშაო შეხვედრის შემდეგ გააკეთა.

“ამ ეტაპზე მიმიდნარეობს მუშაობა იმაზე, რომ ისრაელის მხარეს შევთავაზოთ, დაჯდეს მოლაპარაკების მაგიდასთან, სადაც ვისაურებთ შრომთი მიგრაციის შესახებ ხელშეკრულების გაფორმების შესაძლებლობაზე. მაგრამ იმისათვის, რომ ჩვენ დავიწყოთ ამაზე საუბარი, აუცილებელია, ისრაელის მხარემ დაინახოს არალეგალური მიგრაციის მაჩვენებლის კლება, რომელიც დაკავშირებულია ჩვენს მოქლაქეებთან. როდესაც კლება იქნება სახეზე, ისრაელის მხარე მზად იქნება, რომ ჩვენ უკვე შევთავაზოთ მოლაპარაკკების დაწყება შრომითი მიგრაციის თაობაზე. ამისთვის აუცილებელი წინაპირობაა, მათ ვაჩვენოთ არალეგალური მიგრაციის მაჩვენებლის კლება იმ მაჩვენებლებთან შედარებით, რაც ამ ხნის განმავლობაში არსებობს,”- განაცხადა მან.

გიორგი ტაბატაძის თქმითვე, 2016 წელს ისრაელში საქართველოს 18 437 მოქალაქე შევიდა, აქედან 14 327 ადამიანი უკან დაბრუნდა, ხოლო შეშვებაზე უარი 3 974 ადამიანს ეთქვა. როგორც ტაბატაძემ ჟურნალისტებთან სამუშაო შეხვედრაზე აღნიშნა, უარის ძირითადი მიზეზი არის არალეგალურად დარჩენისა და არალეგალურად მუშაობის მცდელობები. რაც შეეხება კრიმინალურ სტატისტიკას, მისივე თქმით, მინიმალურია და თითქმის ნულის ტოლია საქართველოს მოქალაქეების მიერ ისრაელში დანაშაულის ჩადენის მაჩვენებელი და დარღვევები ძირითადად არალეგალურ მიგრაციას უკავშირდება.

ტაბატაძის განცხადებით, 2017 წლის დაზუსტებული სტატისტიკა ჯერ არ მოუწოდებიათ, თუმცა, მათი დაკვირვების საფუძველზე, შემცირებულია ისრაელიდან უკან დაბრუნებული საქართველოს მოქალაქეების რაოდენობა.

გიორგი ტაბატაძემ განაცხადა, რომ ისრაელთან უვიზო მიმოსვლა არ ითვალისწინებს მუშაობას და მუშაობის მსურველმა საქართველოს მოქალაქეებმა სამუშოა ვიზა უნდა აიღონ.

“ისრაელში გამგზავრების მსურველმა ჩვენმა მოქალაქეებმა უნდა გაითვალისწინონ აუცილებლად, რომ ეს რეჟიმი, რომელსაც ისრაელთან უვიზო მიმოსვლა ჰქვია, გულისხმობს მხოლოდ და მხოლოდ მოკლევადიანი ვიზიტებით მგზავრობას ისრაელში, როგორიც არის ტურიზმი, როგორიც არის კერძო ვიზიტები, როგორიც არის, ვთქვათ, სამედიცინო მომსახურების მიღება და ასე შემდეგ. არავითარ შემთხვევაში უვიზო მიმოსვლის რეჟიმი არ გულისხმობს ისრაელში სამუშაოდ გამგზავრებას. ამიტომ, კიდევ ერთხელ,მივმართავ ჩვენს მოქალაქეებს, გამოიყენონ ეს რეჟიმი მხოლოდ იმ მიზნებისთვის, რასაც გულისხმობს უვიზო მიმოსვლა – მოკლევადიან ვიზიტებს, რომელიც არ უნდა აღემატებოდეს, ჯამში, 90 დღეს. რაც შეეხება სხვა მიზნებს, აუცილებელია, მოხდეს ისრაელის სახელმწიფოდან შესაბამისი კატეგორიის ვიზის მიღება. წინააღმდეგ შემთხვევაში, მოხდება საზღვრიდან მათი უკან გამობრუნება, რა ფაქტებსაც ადგილი ჰქონდა გასული თვეების განმავლობაში, რაც, საბოლოო ჯამში, იწვევს ჩვენი მოქალაქეების ფინანსურ დანახარჯებს, ასევე მათ ადგებათ მორალური ზიანი,”- განაცხადა გიორგი ტაბატაძემ.

მისივე თქმით, 27 თებერვლიდან ისრაელმა საქართველო უსაფრთხო ქვეყნების სიაში შეიყვანა, რაც იმას გულისხმობს, რომ პოლიტიკური თავშესაფრის მოთხოვნით საქართელოდან ჩასულ მოქალაქეებს ამ მოთხოვნას არ დაუკმაყოფილებენ და მოკლე დროში დააბრუნებენ საქართველოში.

ასევე, მისივე თქმით, ისრაელში, საზღვარზე, საქართველოს მოქალაქეებს ბიომეტრიული მაჩვენებლებითა და პირადი ნომრის მეშვეობით ამოწმებენ, რაც გამორიცხავს ყალბი საბუთების გამოყენებას და განმეორებით შესვლას იმ შემთხვევაში, თუ წინა ვიზიტის დროს მოქალაქეს შესვლაზე უარი ეთქვა.

“ამ ყველაფრის ფონზე ნამდვილად აზრს მოკლებულია სავიზო რეჟიმის სხვა მიზნებით გამოყენება,”- განაცხადა გიორგი ტაბატაძემ. მან საქართველოს მოქალაქეებს მოუწოდა, უვიზო რეჟიმით მიზნობრივად ისარგებლონ.

რას ითვალისწინებს ისრაელთან უვიზო მიმოსვლა – დაწვრილებით შეგიძლიათ წაიკთხოთ აქ.

www.netgazeti.ge




კომენტარები




მსგავსი სიახლეები:
  • საბერძნეთში არალეგალურად მყოფი ქართველების საკითხი განიხილება
  • საქართველოს მოქალაქეებს ევროკავშირის ქვეყნებში უვიზოდ მიმოსვლა ხვალიდან შეე ...
  • აფხაზური მხარე აცხადებს, რომ ევროპაში უვიზო მიმოსვლის შესაძლებლობით აფხაზებ ...
  • საქართველოში უვიზო მიმოსვლა 94 ქვეყანასთან ამოქმედდება
  • მაია ფანჯიკიძე - ისრაელთან უვიზო რეჟიმი ამოქმედდა

  • ინფორმაცია
    ჯგუფ Гости-ის წევრებს არ აქვთ კომენტარის დატოვების უფლება.


     

    ფოტო განწყობისათვის
    დღეს, 15:01
    ბერა ივანიშვილის საცოლის ფოტოები "ინსტაგრამიდან"
    15-09-2018, 14:54
    ჭურჭლის მრეცხავობიდან მილიარდერობამდე - როგორ ცხოვრობს მსოფლიოს უმდიდრესი ადამიანის ცოლი (ფოტოები)
    5-09-2018, 19:16
    ქალს, რომელიც თავის სარჩენად სახლში ტორტებს აცხობს, ბინიდან გასახლებით და 5000-დოლარიანი ჯარიმით ემუქრებიან
    22-08-2018, 20:01
    აზერბაიჯანელი მოდელი ქალწულობას 100 000 ევროდ ყიდის - "მარია" მიღებული ფულით სახლის ყიდვას და მოგზაურობას აპირებს (ფოტოები)
    15-08-2018, 20:03
    İçerde - პოპულარული თურქი მსახიობები ჩაგათაი ულუსოი და არას ბულუთ ინემლი ქართველ მაყურებელს დაუბრუნდნენ
    1-07-2018, 15:52
    "ამერიკის ყველაზე მოდური ბებია" - "ჩემი სტილი მინიმალისტური, პროვოკაციული და ავანგარდულია"
    15-06-2018, 12:37
    ესტონეთში ასე ტოვებენ ხილს კორპუსებში მცხოვრებლებისთვის

    ვიდეო კოლაჟი
    17-09-2018, 19:34
    „არ წახვიდე, არ დამტოვო...“ - როგორ არის და სად მოღვაწეობს პოპულარული სიმღერის ავტორ-შემსრულებელი
    12-09-2018, 19:59
    ალი და ნინოს ძეგლზე ასვლისთვის დაკავებულ მამაკაცს 12-დღიანი პატიმრობა შეეფარდა, კონსტანტინე ედიბერიძე სასამართლოს დარბაზში მაგიდა ააყირავა
    7-09-2018, 06:43
    რესტორანი "აღა" გმირთა მოედანზე ჭამის სურვილს დაგაკარგვინებთ
    6-09-2018, 15:33
    ბარნოვის ქუჩაზე მოკლული გამრეკელაშვილის დედასა და ბრალდებულის შვილს შორის დაპირისპირება მოხდა (ვიდეო)
    31-08-2018, 07:56
    გიორგი შენგელაიამ ზვიად გამსახურდიას მკვლელი უწოდა (ვიდეო)
    27-08-2018, 14:10
    რა მიზეზით გარდაიცვალა ახალგაზრდა ქალი საკეისრო კვეთიდან 17 დღის შემდეგ?
    24-08-2018, 20:11
    სამარცხვინო ტელევიზია ხართ – კახა კალაძის ჩართვა და პასუხი “რუსთავი2”-ს

         
    News.Mcvane.Ge © 2013-2018 საავტორო უფლებები დაცულია