Mcvane.Ge თქვენი საწყისი გვერდი
მთავარი გვერდი ჩვენ შესახებ კონტაქტი რეკლამა
მთავარი გვერდი » ახალი ამბები » ახალი ამბები » დედა შვილების თვალწინ მოკლეს: უკანასკნელი წერილი, რომელიც დედამ სიკვდილამდე დაწერა
loading...

დედა შვილების თვალწინ მოკლეს: უკანასკნელი წერილი, რომელიც დედამ სიკვდილამდე დაწერა

გაზეთ “კვირის პალიტრასთან“ წინანდალში, რამდენიმე დღის წინ მომხდარი მკვლელობის დეტალებზე თანასოფლელები საუბრობენ.

თანასოფლელები აცხადებენ, რომ ელენე შიუკაშვილი ფანჯარასთან მივიდა, რა დროსაც მისმა ყოფილმა მეუღლემ ესროლა, ბავშვები სროლის ხმაზე ოთახში შევიდნენ და დაჭრილი დედა დაინახეს.

თანასოფლელები აცხადებენ, რომ ელენე ძალიან კარგი ცოლი და დედა იყო და მის ყოფილ მეუღლეს ეჭვიანობისთვის არანაირი მიზეზი არ ჰქონდა.

“შეიყვარე ადამიანები, ბუნება, მთელი სამყარო უსაზღვროდ, მთელი არსებით… იცხოვრე არა სიკვდილის შიშით, არამედ სიცოცხლის სიყვარულით”, – ეს უკანასკნელი ჩანაწერია, რომელიც 29 წლის ელენე შიუკაშვილმა სოციალურ ქსელში დატოვა… ახლობლები ამბობენ, რომ სწორედ ასეთი იყო ყველას მოყვარული, თბილი, შვილებზე გადაყოლილი…

„ელენე ჩვენ თვალწინ გაიზარდა, ლამაზი და ჭკვიანი გოგო იყო, მთელ სოფელს უყვარდა. მისი მშობლების ოჯახიც თბილი, გონიერი და სოფლის გვერდით მდგომი ხალხია. პატარა გათხოვდა, მისი ყოფილი ქმარი, ავთო ბეჟუაშვილი მასზე 3 წლით უფროსი იყო, თანაც სპორტს მისდევდა, რის გამოც ტოლებში პოპულარობით სარგებლობდა. პოპულარულები კი, მოგეხსენებათ, პატარა გოგონებსაც მოსწონთ… სიყვარულით გათხოვდა, მაგრამ დიდად ბედნიერი არ ჩანდა; ამის მიუხედავად ქმარს არ დაშორებია, არც მშობლები აძლევდნენ ამგვარ რჩევას. უბრალოდ, გოგონას დაეხმარნენ, რომ განათლება მიეღო და სამსახური დაეწყო; ერთ-ერთ ქარხანაში ლაბორანტად მუშაობდა“, – ჰყვებიან მოკლულის თანასოფლელები.

როგორც ირკვევა, მამაკაცს თავად არ ჰქონდა მუდმივი სამსახური და შეშის გაყიდვით არჩენდა ოჯახს.

„ვინ დაუშალა, რომ სამსახური ჰქონოდა?! ის დედისერთა იყო და მშობლები მასაც გვერდით ედგნენ. თვითონ არჩია სიცოცხლე გაემწარებინა გოგოსთვის, რომელიც ამას არ იმსახურებდა. არანაირი მიზეზი ეჭვიანობისთვის არ ჰქონდა, აქ ყველამ იცის, რომ ელენე ძალიან კარგი ცოლი და დედა იყო. როგორც ჩანს, გაუსაძლისი რომ გახდა ქმრის ოჯახში ცხოვრება, ელენე მშობლების სახლში დაბრუნდა და ქმარი მას მერე მოკვლით ემუქრებოდა თურმე. დაახლოებით ერთი თვის წინ, თოფითაც მიუვარდა. თუმცა, მაშინ არ უსვრია, გოგო გადარჩა, ახლა კი… იმ საღამოს ელენეს პაპა იყო ცუდად და ოჯახში სასწრაფო დახმარების მანქანა ჰყავდათ გამოძახებული. სასწრაფო დახმარების ექიმები სულ რამდენიმე წუთის წასულები იყვნენ. როგორც ახლობლები ყვებიან, ელენე ფანჯარასთან წამლის ასაღებად მივიდა, ამ დროს ეზოში იყო ჩასაფრებული და დაინახა თუ არა, ესროლა. მთელი ოჯახი შინ იყო, მისი შვილებიც… 12 და 8 წლის ბავშვები სროლის ხმაზე ოთახში შევიდნენ და დაჭრილ დედას წაადგნენ, იქვე მეზობლად კლასელთან მივიდა, უთხრა, ელენე მოვკალიო და მაშინვე დაიხალა თავში ტყვია. ბიჭის ოჯახიც პატიოსანი ხალხია, ისინიც გაუბედურდნენ“, – აცხადებენ წინანდლის მცხოვრებლები.

9 დეკემბერს, თელავის რაიონის სოფელ წინანდალში, ყოფილმა ქმარმა 29 წლის მეუღლე ელენე შიუკაშვილი სანადირო თოფით მოკლა, რის შემდეგაც თავის მოკვლა სცადა. მკვლელობაში ბრალდებული 32 წლის ავთო ბეჟუაშვილი კრიტიკულ მდგომარეობაში თელავის რაიონულ ჰოსპიტალშია მოთავსებული. მას ბადრაგის მეთვალყურეობის ქვეშ სასწრაფო ოპერაცია ჩაუტარდა.

როგორც შსს-ს ოფიციალური განცხადებიდან ირკვევა, 3 დეკემბერს, თელავის რაიონულმა სასამართლომ ავთო ბეჟუაშვილს ყოფილ მეუღლესთან კონფლიქტის გამო, შემაკავებელი ორდერი დაუმტკიცა. მოსამართლემ მას 30 დღის განმავლობაში ყოფილ მეუღლესთან მიახლოება და სატელეფონო კავშირი აუკრძალა, თუმცა ის სასამართლოს გადაწყვეტილებას არ დაემორჩილა.

უფრო ადრე კი ა.წ. 21 ნოემბერს, შსს კახეთის პოლიციის დეპარტამენტის თელავის რაიონული სამმართველოს თანამშრომლებმა, ავთო ბეჟუაშვილი ცეცხლსასროლი იარაღის მართლსაწინააღმდეგო შეძენა-შენახვის, დამზადება-ტარების ბრალდებით დააკავეს. თელავის რაიონული პროკურატურა დაკავებულისთვის პატიმრობას ითხოვდა, სასამართლომ კი 8000-ლარიანი გირაო შეუფარდა, რომელიც გადაიხადა და 2016 წლის 1-ელ დეკემბერს პენიტენციური დაწესებულებიდან გათავისუფლდა.

წყარო: “კვირის პალიტრა“




კომენტარები




მსგავსი სიახლეები:
  • ყოფილმა ქმარმა 29 წლის ქალი შვილების თვალწინ მოკლა
  • ელენე ლუხუტაშვილის ჭურჭლის ნამტვრევებითა და კენჭებით შექმნილი ნახატები
  • ელენე კალანდაძე ქმარ–შვილზე პირველად ალაპარაკდა
  • ელენე კალანდაძე - ჩემი შვილი ან ძალიან ნიჭიერი იქნება ან ძალიან უნიჭო
  • რის გამო მოკლა ყოფილმა ქმარმა 27 წლის სოფო ზურებიანი – მკვლელობის დეტალები
  •  

    ფოტო განწყობისათვის
    დღეს, 14:04
    “ქართველი მოდილიანის” – სიმონ დადიანის ნამუშევრები საქართველოს დაუბრუნდა
    დღეს, 13:09
    98 წლის იუბილარი, რომელიც ხალხს სურათებიდან შეუყვარდა
    23-09-2017, 12:04
    მექსიკის გმირი ლაბრადორი, რომელმაც 52 ადამიანი გადაარჩინა
    18-09-2017, 15:56
    გოგონა გადაბმული წარბებით მოდის სტერეოტიპებს ანგრევს
    14-09-2017, 10:14
    პილოტი, რომელიც „საშიშ და შთამბეჭდავ" სელფებს კაბინის გარეთ იღებს, საიდუმლოს ამხელს (ფოტოკოლაჟი)
    10-09-2017, 06:32
    ქარიშხალ "ჰარვის" გადარჩენილ 10 დღის ბავშვს, დედამ ემოციური ფოტოსესია მოუწყო (ფოტო)
    8-09-2017, 10:11
    ზაზა ფაჩულიას პირველი შეხვედრა თავის ახლად დაბადებულ ქალიშვილთან (ფოტო)

    ვიდეო კოლაჟი
    24-09-2017, 11:01
    “პროფილის” ახალი პრომო – როდის ხსნის სეზონს მაია ასათიანი
    22-09-2017, 11:59
    „წმინდა ნინო უკანონოდ შემოვიდა ქვეყანაში, შეიძლება ითქვას, რომ არალეგალი იყო“
    22-09-2017, 08:32
    ყველაზე უცნაური ანომალია - საზოგადოებამ ეს ბავშვი მონსტრად შერაცხა, მშობლები კი მასზე უარს მაინც ვერ ამბობენ (+18)
    20-09-2017, 16:08
    "ვაი, ამ ლაპარაკს... მინდა ჩემს გვერდზე იღვიძებდნენ, ვეფერებოდე" - დედა, რომელიც შვილების დაბრუნებას ნატრობს
    20-09-2017, 16:03
    თეთრუაშვილის სკანდალური სატელეფონო საუბარი - 40 მილიონიანი ნივთი პატრიარქისთვის
    20-09-2017, 15:57
    „ღმერთმა დამიფაროს, რომ ამ პედერასტებისა და ლესბოსელების ქვეყანაში ვიყო გაბრწყინებული“
    20-09-2017, 05:37
    ლურსმანაშვილთან ერთად მომღერალი თიკო მოსემღვდლიშვილი იმყოფებოდა - რუსთავი 2 ექსკლუზიურ კადრებს ავრცელებს

         
    News.Mcvane.Ge © 2013 საავტორო უფლებები დაცულია