Mcvane.Ge თქვენი საწყისი გვერდი
მთავარი გვერდი ჩვენ შესახებ კონტაქტი რეკლამა
მთავარი გვერდი » ახალი ამბები » ახალი ამბები » რომან გოცირიძე 50 თეთრიანებთან დაკავშირებით მოსახლეობას აფრთხილებს
loading...

რომან გოცირიძე 50 თეთრიანებთან დაკავშირებით მოსახლეობას აფრთხილებს

სოციალურ ქსელში ატეხილ აჟიოტაჟს, 50 თეთრიანების მაღალ ფასად შეძენის თაობაზე, საქართველოს ეროვნული ბანკის ყოფილი პრეზიდენტი რომან გოცირიძე ეხმაურება:

"შეიძლება სასაცილოდ მოგეჩვენოთ ამ საკითხზე კომენტარის გაკეთება, მაგრამ რადგან ვიღაც თაღლითები ხალხს ატყუებენ და ამას არა აქვს ჯერ კიდევ დიდი მასშტაბი შეძენილი, მინდა დროზე გამოვხატო ჩემო პოზიცია. ეს ეხება 50 თეთრიანების საკმაოდ ძვირად შეძენის ფაქტებს, იმის იმედად, რომ შემდგომ გაცილებით ძვირდ გადაყიდონ.

50 თეთრიანი არის ყველაზე იაფი შენადნობებისაგან-სპილენძისა და თუთიისაგან დამზადებული მონეტა. მას არა აქვს რაიმე განსაკუთრებული დამცავი ნიშანი, გარდა მასზე ამოტვიფრული ნახატებისა. მისი გაყალბება იყო ელემენტარული, ამიტომ ათასობით ყალბი ფული გაჩნდა მიმოქცევაში. ნამდვილისაგან მისი გარჩევა თითქმის შეუძლებელი იყო. როგორც შემდეგ გავარკვიეთ, მისი ამოცნობა ყველაზე კარგად შეეძლოთ "მარშრუტკის" მძღოლებს. ხელში დაჭერისას გრძნობდნენ სხვაობას ორიგინალსა და თვითნაკეთს შორის წონის მიხედვით. გადავწყვიტეთ, რომ პარალელურ ბრუნვაში გაგვეშვა ახალი, ყოველმხრივ დაცული 50 თეთრიანი და მიმოქცევიდან ძველების ამოღების შემდეგ ისინი კვლავ არ ჩაგვებრუნებინა უკან. დღეისათვის უდიდესი ნაწილი ამოღებულია. ამიტომ, მისმა იშვიათობამ თაღლითებში გააჩინა იდეა, რომ შეექმნათ აჟიოტაჟური მოთხოვნა და შემდეგ საკუთარ მარაგებში არსებული მონეტები ათმაგად და ასმაგად გაეყიდათ. სწორედ ამ პროცესის საწყისი ეტაპის მომსწრენი ვართ ახლა.


50 თეთრიანის სწრაფად შეცვლას გულდასდაწყვეტი შედეგიც მოჰყვა: გაქრება მასზე გამოსახული XI საუკუნის სამთავისის ტაძრის ფასადზე განთავსებული გრიფონის რელიეფური გამოსახულება. სამწუხაროდ, მაშინ პრიორიტეტი სხვა რამ იყო. იმედია, მომავალში დიზაინის ეს ელემენტი კვლავ აღდგება ქართულ ხურდა ფულზე.


P.S. სადღაც წავიკითხე, რომ ძველ საბჭოთა სავარჯიშო გირებს იბარებენ დიდ ფასადო. თურმე პლატინა ურევია მცირე ოდენობით ეს უკვე უფრო დიდი, პოსტსაბჭოთა სივრცეში დატრიალებული აფიორაა.

არ ენდოთ!

ზოგადად, არ ენდოთ, რაც ეკონომიკაში ყველაზე ადვილად მისღწევი მოგეჩვენებათ. სწორედ ეს ქმნიდა საფრთხეებს მთელი ისტორიის მანძილზე და დღემდე ვერ განთავისუფლებულა კაცობრიობა ამ ილუზიისაგან", – წერს გოცირიძე პირად ფეისბუქის გვერდზე.

presa.ge




კომენტარები




მსგავსი სიახლეები:
  • საქართველოში ძველ 50 თეთრიანებს ეძებენ – ვინ ყიდულობს ოქროსფერ 50 თეთრიანს ...
  • რატომ იბარებენ საკმაოდ ძვირად ძველ გირებს
  • შემოგრჩათ საბჭოთა მონეტები? არ გადაყაროთ, ისინი სიმდიდრეს მოგიტანენ!
  • საბჭოთა მონეტები კოლექციონერებში ძალიან ძვირად ფასობს
  • კურიოზი ვაშინგტონში: დარბაზში მოულოდნელად კორეელი ქალი ქართულად ალაპარაკდა ...
  •  

    ფოტო განწყობისათვის
    14-11-2017, 14:45
    ეს 90 წლის ბებია ყოველ წელს საკუთარი ხელით უხატავს ხალხს სახლებს
    30-10-2017, 17:13
    რა ეღირება ქართული წარმოების გადასატანი კოტეჯი, რომელიც ბაზარზე 1 თვეში გამოჩდება
    24-10-2017, 15:10
    TOP 6 სიმპატიური ქართველი ლექტორი, რომელთა ლექციებზეც გოგონების ბუმია
    21-10-2017, 09:55
    ესპანეთის დედოფალმა „ზარას“ 99 დოლარიან კაბაში ფურორი მოახდინა
    19-10-2017, 15:21
    ლიკა ქავჟარაძის ფოტო-გამოფენა "რე-პრეფიქსი - რეინკარნაცია"
    15-10-2017, 13:47
    ლიკა ქავჟარაძე უკანასკნელ გზაზე გედიამ და შეთემ გააცილეს
    12-10-2017, 13:07
    ლიკა ქავჟარაძის ქორწილი, მეჯვარეები ეკა მამალაძე და ხათუნა ოჩიაური


         
    News.Mcvane.Ge © 2013 საავტორო უფლებები დაცულია