მაღალმთიანი დასახლების სტატუსი, 40 მუნიციპალიტეტის 1582 დასახლებულ პუნქტს მიენიჭა, – შესაბამისი ინფორმაცია რეგიონული განვითარებისა და ინფრასტრუქტურის სამინისტროს ვებგვერდზეა განთავსებული.

მაღალმთიანი დასახლების სტატუსი მიენიჭა ქედას, ქობულეთის, შუახევის, ხელვაჩაურის, ხულოს, ჩოხატაურის, საჩხერეს, წყალტუბოს, ჭიათურის, ხარაგაულის, ხონის, ახმეტის, გურჯაანის, თელავის, საგარეჯოს, დუშეთის, თიანეთის, მცხეთის, ყაზბეგის, ამბროლაურის, ლენტეხის, ონის, ცაგერის, მესტიის, ადიგენის, ასპინძის, ახალქალაქის, ახალციხის, ბორჯომის, ნინოწმინდის, ბოლნისის, გარდაბანის, დმანისის, თეთრი წყაროს, მარნეულის, წალკის, გორის, კასპის, ქარელის და ხაშურის მუნიციპალიტეტების დასახლებულ პუნქტებს.

როგორც რეგიონული განვითარებისა და ინფრასტრუქტურის მინისტრის მოადგილე თენგიზ შერგელაშვილი აცხადებს, პირველ აპრილამდე მაღალმთიანი დასახლების სტატუსის მქონე დასახლებული პუნქტების რაოდენობის გაზრდა იგეგმება.

ცნობისთვის, „მაღალმთიანი რეგონების განვითარების შესახებ“ კანონის თანახმად, მაღალმთიან დასახლებად ითვლება დასახლება, რომელიც ზღვის დონიდან 1 500 მეტრ სიმაღლეზე ან მის ზევით მდებარეობს.საქართველოს მთავრობა უფლებამოსილია, სხვადასხვა კრიტერიუმის (მთის ფერდობის დახრილობა, ინფრასტრუქტურის მდგომარეობა, კლიმატური პირობები და ბუნებრივი გარემო, სასოფლო-სამეურნეო დანიშნულების მიწის სიმცირე და სიმწირე, დემოგრაფიული მდგომარეობა, მათ შორის, გამწვავებული მიგრაციული პროცესები) გათვალისწინებით, მაღალმთიანი დასახლების სტატუსი მიანიჭოს დასახლებას, რომელიც ზღვის დონიდან არანაკლებ 800 მეტრის სიმაღლეზე მდებარეობს. გამონაკლის შემთხვევაში, ამ პუნქტით განსაზღვრული კრიტერიუმების გათვალისწინებით, მაღალმთიანი დასახლების სტატუსი შეიძლება ზღვის დონიდან 800 მეტრის სიმაღლეზე ქვევით მდებარე დასახლებასაც მიენიჭოს.

შეგახსენებთ, აღნიშნული კანონის თანახმად, მიმდინარე წლის 1 იანვრიდან, მაღალმთიანი დასახლების სტატუსის მქონე დასახლებულ პუნქტებში საგადასახადო შეღავათების სრული პაკეტი ამოქმედდა, სოციალური შეღავათები კი, ნაწილობრივ.

კანონის თანახმად, მაღალმთიან დასახლებებში მუდმივად მცხოვრები პირები საგადასახადო შეღავათებით ისარგებლებენ. მეწარმე სუბიექტები კი, გადასახადისგან თავისუფლდებიან.

მაღალმთიან რეგიონებში საგადასახადო შეღავათებით სარგებლობა 10 წლის განმავლობაში გაგრძელდება.

მაღალმთიანი დასახლების სტატუსის მქონე დასახლებულ პუნტქებში მუდმივად მცხოვრები პირები, სოციალური შეღავათების სრული პაკეტით, 2016 წლის პირველი სექტემბრიდან ისარგებლებენ. 1 იანვირდან კი, სოციალური შეღავათებიდან ამოქმედდა მხოლოდ, ახალ შეძენილ ბავშვზე ფულადი დახმარება.

ამ კანონის ამოქმედების შემდეგ დაბადებული პირველი და მეორე ბავშვისთვის, რომელთა ერთ–ერთი მშობელი არის მაღალმთიან დასახლებაში მუდმივად მცხოვრები პირი, 1 წლის განმავლობაში ყოველთვიურად გაიცემა ფულადი დახმარება 100 ლარის ოდენობით, ხოლო მესამე ბაშვისა და ყოველი შემდგომი ბავშვისთვის, 2 წლის განმავლობაში ყოველთვიურად არანაკლებ 200 ლარი.

მიმდინარე წლის 1 სექტემრბიდან სოციალური შეღავათების დარჩენილი ნაწილი ამოქმედდება. კანონის თანახმად, საპენსიო ასაკს მიღწეული მაღალმთიან დასახლებაში მუდმივად მცხოვრები პირები დანამატის სახით, სახელმწიფო პენსიის 20%–ს მიიღებენ. ანუ, მათი პენსია ყოველთვიურად 216 ლარს შეადგენს. ექიმების ხელფასი, რომელიც ამ ეტაპზე 650 ლარს შეადგენს, 360 ლარით გაიზრდება და საბოლოოდ 1010 ლარს შეადგენს. ხელფასებუ გაეზრდებათ პედაგოგებს და ისინი ყოველთვიურ თანამდებობრივ სარგოზე 50%–იან დანამატს მიიღებენ.

ზამთრის პერიოდში შესაბამისი წლის 15 ოქტომბრიდან მომდევნო წლის 15 აპრილის ჩათვლით, მაღალმთიან რეგიონში მუდმივად მცხოვრებ პირს, მოხმარებული ელექტროენერგიის ყოველთვიური საფასურის 50% აუნაზღაურდება, მაგრამ არაუმეტეს მოხმარებული 100 კვტ.სთ ელექტროენერგიის საფასურისა.

იმ სოფლების, დაბებისა და ქალაქების ჩამონათვალი, რომელსაც მაღალმთიანი დასახლების სტატუსი მიენიჭათ, შეგიძლიათ სრულად იხილოთ შემდეგ ბმულზე.

---

---

კომენტარები

---

---

მსგავსი სიახლეები:

ყოველი მესამე შვილის მშობელი სახელმწიფოსგან ყოველთვიურ დახმარებას მიიღებს

ნოდარ ჯავახიშვილი სტიქიის სალიკვიდიაციო სამუშაოებს კოორდინაციას პირადად უწევს

დიდთოვლობა მაღალმთიან აჭარაში

ციკლონის მოახლოებასთან დაკავშირებით სამინისტროები საგანგებო განცხადებას ავრცელებენ

ირმა ნადირაშვილი წლების განმავლობაში კანონს არღვევდა!