Mcvane.Ge თქვენი საწყისი გვერდი
მთავარი გვერდი ჩვენ შესახებ კონტაქტი რეკლამა
მთავარი გვერდი » საინტერესო ბმულები » რატომ ცხოვრობს თამარ გუჯეჯიანი საწყობში - ტკივილით სავსე ისტორია

რატომ ცხოვრობს თამარ გუჯეჯიანი საწყობში - ტკივილით სავსე ისტორია

თარიღი: 30-11-2015, 04:24,
ვარკეთილის ბაზრობაზე ყოველთვის ხალხმრავლობაა. ზოგი ყიდულობს, ზოგი ყიდის... ეს მოხუცი ქალბატონი, რომელსაც აქ თითქმის ყველა იცნობს, თამარ გუჯეჯიანია, იგი აქ არც მუშაობს და მითუმეტეს არც რამის შესაძენად მოსულა... თამარი აქ ცხოვრობს!

დიახ, ბაზრობაზე, ყოფილ საწყობში. შეგიძლიათ წარმოიდგინოთ როგორი შენობაა საწყობი? ცივი ბეტონის კედლები და მეტი არაფერი... ეს შენობა საცხოვრებლად არაა გამოსადეგი, აქ ადრე პროდუქტებს ინახავდნენ.

როგორ მოხვდა ასეთ მდგომარეობაში ქალბატონი თამარი? ეს ძალიან გრძელი ისტორიაა, ტკივილით და სისასტიკით სავსე.

სოხუმში დაიბადა, აქ ცხოვრობდა, სწავლობდა და მუშაობდა. საქართველო-აფხაზეთის ომის დროს მშობლიური ადგილების დატოვება არც უფიქრია, მაგრამ როდესაც 1993 წელს, სოხუმის აღების შემდეგ ქალაქში შემოსულმა სეპარატისტთა მებრძოლებმა დარჩენილი მოსახლეობის არნახული ხოცვა მოაწყვეს, თამარი იძულებული გახდა დაეტოვებინა აფხაზეთი. ერთადერთი რამ, რაც სახლიდან დიდი რისკის ფასად გამოიტანა, ძველი ფოტოალბომი იყო. ამ ფოტოალბომში მისი ცხოვრებაა: ახალგაზრდობა, ბედნიერება, ახლობლები, საქართველო - მთლიანი, ჯერ კიდევ ერთიანი... ახლა ეს სურათები მისთვის ყველაზე ძვირფასია, რაც გააჩნია. თამარი ყოველდღე ათვალიერებს ძველ ალბომს, და ცხოვრობს მოგონებებით.

ომის შემდეგ, როდესაც აფხაზეთში დაბრუნების ყოველგვარი იმედი გადაეწურა, თამარი თბილისში, ძმასთან ჩამოვიდა. თავი რომ ერჩინა, ვარკეთილში მდებარე „სვანების ბაზრობაზე“ დაიწყო მუშაობა გამყიდველად. 5 წლის წინ ძმა ინსულტით გარდაიცვალა, თამარი კი ბინიდან გამოასახლეს...

თამარი ბაზრობის ტერიტორიაზე შეიფარეს, საცხოვრებლად ერთ-ერთი საწყობის შენობა დაუთმეს. ადრე უფასოდ ცხოვრობდა, ახლა ქირას იხდის- 50 ლარს თვეში. ამ საწყობში არანაირი პირობები არ არის, არც წყალია გაყვანილი, არც საპირფარეშოა, ირგვლივ მხოლოდ ცივი ბეტონის კედლებია... თამარი პირდაპირ ოთახში ბანაობს, წყალი ბაზრობის ტერიტორიაზე არსებული საპირფარეშოდან მოაქვს.

თამარი ძალიან მორწმუნე ადამიანია, მთელი დღეები ლოცვაში ატარებს. ლოცულობს, რომ საქართველო გაძლიერდეს და გაერთიანდეს, რომ არავის მოუწიოს თავის ქვეყანაში დევნილი გახდეს, რომ ყველას ჰქონდეს თბილი სახლი. ასევე ლოცულობს ყველა კეთილი ადამიანის ჯანმრთელობისთვის. ფონდის თანამშრომლებს, რომლებიც ქალბატონ თამარს საკვები პროდუქტებით და წამლებით უზრუნველყოფენ, სიყვარულით ღმერთის მიერ გამოგზავნილი ანგელოზებს უწოდებს.

თამარ გუჯეჯიანი ერთ-ერთია იმ 500 ადამიანს შორის, რომლებზეც საქველმოქმედო ფონდი „სოციალური პარტნიორობა“ ზრუნავს. ხშირ შემთხვევაში, ფონდის მიერ გაწეული დახმარება, პროდუქტების და მედიკამენტების სახით ამ ხალხისთვის სასიცოცხლოდ მნიშვნელოვანია.

ქალბატონ თამარს ამჟამად ძალიან სჭირდება თბილი ტანსაცმელი და შეშა გასათბობად, ასევე მაგიდა და რამდენიმე სკამი. მას ნებისმიერი სახის დახმარება ცხოვრებას შეუმსუბუქებს. ნებისმიერ დაინტერესებულ პირს, ვისაც ქალბატონი თამარის დახმარების სურვილი გაგიჩნდებათ, მოგწერთ მის საკონტაქტო ინფორმაციას, ხოლო თუ თქვენთვის უფრო მოსახერხებელია ფინანსური დახმარების აღმოჩენა, თანხა შეგიძლიათ ჩარიცხოთ ფონდის ანგარიშის ნომერზე GE15TB7194336080100003 (დანიშნულებაში მიუთითეთ: თამარ გუჯეჯიანი) ან პირდაპირ ფონდის ვებ-გვერდის საშუალებით http://fsp.ge/ge/donate/108/.

ერთად დავეხმაროთ ქალბატონ თამარს, რომელსაც ახლა ძალიან საჭიროებს ჩვენ თანადგომას.

newposts.ge




კომენტარები




მსგავსი სიახლეები:

ინფორმაცია
ჯგუფ Гости-ის წევრებს არ აქვთ კომენტარის დატოვების უფლება.


 

ფოტო განწყობისათვის
27-12-2018, 19:35
როგორ ითამაშა Secret Santa ქართველმა ბავშვმა - პაპუნას ორიგინალური გადაწყვეტა
26-12-2018, 19:56
ბონდო მძინარაშვილი: ფოტო კი არა, ფოტონოველაა...
26-12-2018, 19:17
აკა სინჯიკაშვილი: ჩემმა ფრანგმა სტუმარმა ინატრა - ნეტავ ასეთი განათება ჩვენთანაც იყოს ნიცაშიო...
7-12-2018, 19:22
,,თვალის ჩაპაჭუნებაზე სამუშაო მაქვს აშკარად" -ალეკო ელისაშვილი
3-12-2018, 19:43
სალომე ზურაბიშვილი ახალგაზრდობაში შვილებთან ერთად - ოჯახური ფოტო
3-12-2018, 19:39
2018 წლის ზამთრის ერთ-ერთი მოთხოვნადი აქსესუარი წვერის მანათობელი ნათურაა
9-11-2018, 20:48
დარია სუხიშვილი მამიდას დედას ეძახის - როგორ ცხოვრობს და სად სწავლობს ილიკო სუხიშვილის უმშვენიერესი ქალიშვილი

ვიდეო კოლაჟი
29-01-2019, 15:43
სალომე ზურაბიშვილი - პირადი ცხოვრების შესახებ ინფორმაციით მანიპულირება უნდა დასრულდეს
26-12-2018, 19:58
"ემიგრანტებმა გაზაფხულამდე უნდა მიაღწიონ საქართველომდე, თქვენთან ერთად წამოვალ, არაფრის არ მეშინია" - სააკაშვილი ახალ მოძრაობას იწყებს
26-12-2018, 12:33
შემაძრწუნებელი ვიდეო: ცუნამი ინდონეზიური პოპ ბენდის კონცერტზე სცენას ანგრევს და მუსიკოსებს კლავს
26-12-2018, 12:03
აქცია ნიკა გვარამიას წინააღმდეგ – (ვიდეო)
24-12-2018, 13:14
როგორ ზრდიან ბავშვებს ჯიჰადისტებად (ვიდეო)
20-12-2018, 19:44
მიხეილ ცაგარელის რჩევა სპეციალურად ქართველი გოგონებისთის - როგორ გავთხოვდეთ 2019 წელს
19-12-2018, 19:31
დაკავებულია ქალი, რომელმაც ნაც.მოძრაობის აქციის დროს პოლიციის მანქანა დააზიანა

     
News.Mcvane.Ge © 2013-2018 საავტორო უფლებები დაცულია